Go Dutch Cafe

營業中

休息中

同d朋友仔好耐冇見，即刻喺群組同朋友仔約去cafe聚下傾吓計。因為都想搵間環境好d嘅cafe好好地傾吓計，咁今次就搵咗間喺旺角登打士廣場10樓叫做Go Dutch cafe聚腳！由於我啲朋友仔全部都比較鍾意食沙律，所以點餐嗰陣都分別叫咗一份帕爾馬火腿凱撒沙律、一份徳國鹹豬手配沙律&薯角、一份自家製原隻燒春雞配沙律&薯蓉、最後仲叫咗一客蜜糖雞翼！首先講吓個凱撒沙律先，充滿鹹香嘅Parma Ham肉質柔軟，配上了煙肉碎同麵包粒提升左沙律脆香感！而德國鹹豬手皮層脆卜卜，肉質幼滑，很不錯！反而燒春雞都幾有驚喜，油香味重，外層夠香脆，肉質軟嫩！蜜糖雞翼都好入味，唔會話好乾身，推介呢間cafe啊！

有時候都要好好享受一個人嘅時間，今日放假，我就選擇自己去咗一間位於旺角登打士廣場10樓嘅Go Dutch cafe 食lunch ! 呢排身邊嘅朋友都有去呢間Cafe食嘢，佢哋都好推介！咁我今次去到，覺得餐廳環境唔錯，見佢嘅裝修都好有情調，不過我諗夜晚去會更加有情調。由於自己一個啦所以都冇叫到太多嘢食，只係叫咗$178意大利黑松露雜菌帶子配炒椰菜花同埋叫咗一杯洛神花茶飲。本身自己都比較鐘意食椰菜花，見到餐牌上有得點我都感覺好驚喜，上枱時買相都好好，黑松露味都好足夠，冇諗過原來搭配椰菜花咁炒係咁match，食落都覺得好健康，洛神花茶飲落唔會淡茂茂，酸酸甜甜好開胃！

本身今日約咗朋友一齊去旺角登打士街廣場10樓嗰間Cafe撐枱腳，點知佢臨時唔得閒結果就自己一個人去咗，雖然朋友甩底有少少失落，但都無阻我想試呢間餐廳嘅果個心情！好啦入到去，店員就安排我就坐，咁我睇咗餐牌之後就叫咗一份$128金沙大蝦鹹蛋意粉，另外就叫咗杯洛神花茶飲！碟意粉上枱之後見到d大蝦好正，因為d蝦真係好大隻，食落啖啖肉好滋味，仲要配搭d鹹蛋咁食，超級滿足！由於個意粉食落咁creamy ,呢個時候飲啖洛神花茶，成件事中和反晒！希望下次可以同朋友再嚟，可以share下d野食，始終一個人好難叫太多嘢食。

同兩位友人想玩下board game 又想chill 下 搵到間價錢相宜又有cafe選擇的餐廳嗌左個set for two （$448）選擇都有齊大家想食既小食。美式煙肉焗薯條🍟幼身薯條伴香口既煙肉，薯條份量都較多，由於友人中意食多芝士、芝士的份量冇想像中多，薯條食到後邊就欠缺芝士的覆蓋了。黑松露軟殻蟹意粉🍝比平時cafe的黑松露味更出，配合非常好，唔會有膩的感覺，仲有菇味同軟殻蟹，軟殻蟹粉衣同肉剛好。特濃龍蝦汁帶子蟹肉意粉🍝意粉同龍蝦汁真心大讚，但點綴的配料可以再調整，但意粉龍蝦汁濃，調伴幾好。是日精選蛋糕🍰Newyork cheesecake 成日好驚餐廳雪到蛋糕超硬，但呢間岩岩好，容易叉。士多啤梨比利時窩夫🧇窩夫醬同cream 合理，唔會偏甜，配曲奇🍪雪糕🍦絕配。每人最低消費都係一杯飲品，叫左3杯凍飲，不過不失。 總括：想同朋友玩下board game 又想食下野 ，環境舒服，可以一試。

朋友生日黎左呢間餐廳食，叫左個2人餐，分別叫左個黑松露軟殼蟹意粉同龍蝦汁帶子意粉，兩個意粉都好濕好碎，似自己係屋企用罐頭湯煮咁…甜品叫左兩個waffle，味道不錯，但覺得價錢同食物質素唔成正比。落單要等好耐，有好幾次侍應見到都冇理我地…同埋有漏單問題，上菜都比較慢，有好大嘅進步空間。整體好唔掂，價錢同食物質素唔成正比。侍應基本上舉極手都唔應，要開口叫先局住埋黎…野食完全唔掂，自己做餐飲業，見到呢啲食物都夠膽拎出黎真係r爆頭…

2021年11月17日 晴今次約左朋友黎傾計。傾計最好就搵d 樓上cafe貪佢坐得舒服又唔趕你走ma今次我地叫左個二人餐$398加一人餐, 有小食飲品仲有甜品蜜糖雞翼（6 pcs)熱辣辣脆卜卜, 好食德國鹹豬手配薯角（單叫$168)豬手好大舊, 薯條好脆, 唔錯自家制燒春雞配薯蓉（單叫$178)呢個要等40分中（menu 寫）不過都係同朋友傾計, 所以傾傾下隻雞就黎左雞燒到好香, 有肉汁不過就略嫌淡左dd, 可以再重味d卡邦尼意粉$118份量好多！都夠汁, 好食甜品揀左是日精選蛋糕（apple crumble cheese cake) 同榛子朱古力比利時窩夫cheese cake 就偏甜,但個朱古力窩夫好出色！夠脆口同好多朱古力醬好好食最後同朋友傾左成晚又食到好飽, 滿足

cafe內部都幾比較暗的設施都明顯有不少損耗 係有啲年幾嘅cafe但一班朋友坐埋食下飯出下水都係幾好嘅選擇店內都有不少broad game玩到食物&飲品方面飲品真係有5頁+嘅選擇 有選擇困難就慘了不論係茶/咖啡/沙冰都有好多味道種類去嘗試食物叫咗個套餐叫咗2個主食+1個小食主食: 豬手 & 煙三文魚意粉豬手個性價比都幾高 焗得幾好食又有薯條陪襯👍🏻值得一試煙三魚意粉 煙三文魚量都幾多只係略嫌有少少鹹😖小食叫咗個黑松露薯條 蜜糖雞翼 餃子 同個軟骨黑松露薯條 個黑松露醬都ok👌🏻😆蜜糖雞翼 係正常無特別但都係好食的餃子同個軟骨 就普通 套餐甜品🍮時日甜品 —> cheese cake🧀 芝士味都幾厚身 幾好食 同 幾飽😂格仔餅 —> 朱古力同士多啤梨都係用醬節落去ummm認真麻麻地整體都幾抵食嘅最緊要係有個地方可以傾下計hea下

星期六傍晚旺角人山人海，難得閙市中有間餐廳野又好食、又坐得舒服，可以比人有休閒咁享受生活嘅感覺😌餐廳環境好靚，入門正中間一棵樹燈係餐廳嘅靈魂所在，眼球自然被搶😍榛子朱古力（跟餐加$10）個人覺得甜咗啲荔枝藍金桔梳打（跟餐加$5)呢杯野比想像中好味😋但係唔知點形容😂金沙大蝦鹹蛋意粉（$138）原來鹹蛋加意粉呢個配搭係幾特別，幾好食😋德國鹹豬手配薯角&沙律（$168）個豬手係啱啱好，唔會太乾太硬👍🏻

今晚黎到呢個cafe食飯啦。講真，都好耐無黎呢橦大厦食野，未食過，見到openrice好多like，好啦，就黎呢度啦點知。。。大佬呀，好似返左90年代d cafe'咁裝修殘舊，燈光昏暗，門門貼左90-00年代Twins同Joey，想點呀大佬講完環境，再講野食叫入到口，但貴到一個點，一個茶記質素意粉收我一舊水，重要收加一比杯熱水黎飲，又咸又有怪味既？也野事？一個大問號？嗌杯黎杯latte啦，下？乜鬼野黎架？無拉花鬼劃符，重要有一大層奶係面。真係搞唔掂，無下次。點解呢個價錢，呢個質素，重可以係旺角生存到呢。。。都讚一句，燒雞係得既。但d 薯容好難食。豬手都係難食。無下次。

#大食小公主旺角區出動👸🤪 🚩蜜糖雞翼6隻好正常雞翼😙大細適中蜜糖味都足夠🚩美式芝士煙肉焗薯條啱啱出爐熱辣辣芝士有少少拉絲嘅感覺薯條份量都好多👍👍👍任選主食4款🚩蒜蓉汁炸蝦天婦羅飯份量足夠天婦羅有四大嚿天婦羅嘅炸厚適中👍蒜蓉汁可以撈晒成個天婦羅飯👍👍蒜蓉汁超級惹味🚩特濃龍蝦汁帶子蟹肉意粉呢個汁真係特濃‼️‼️好重龍蝦汁‼️‼️👍👍重點係個汁超級多每一條意粉都可以撈到汁‼️帶子就細細粒大約有四五粒左右蟹肉就係蟹柳不過整體來講超級好食🥰🥰🚩德國鹹豬手配薯角鹹豬手上台嘅時候已經起晒啲肉而且唔係全隻豬手上嘅應該係一半正正常常個外皮就唔係特別脆鹹豬手都唔係特別鹹😂薯角就變咗粗薯整體來講正正常常🚩自家製燒春雞配薯蓉一上枱嘅時候係原隻燒春雞需要自己剪開剪嘅時候隻雞熱辣辣出晒煙👍👍外皮燒得偏脆👍而且入邊嘅雞肉都幾Juicy呢個必推‼️‼️任選4款甜品🚩是日精選蛋糕 芝士蛋糕呢個芝士蛋糕有驚喜佢係偏硬身嘅芝士蛋糕我個人來講超級鍾意❤️芝士味足夠👍👍👍🚩榛子朱古力比利時 士多啤梨比利時 窩夫🧇窩夫size正常不過個醬汁就偏甜咗少少🤏作為一餐嘅結束我哋全餐都覺得好滿足❤️❤️

兩個人去cafe，黑暗氣唔不錯，食物好好味，招呼都唔錯。食物：叫咗個2人套餐，小食選了大蘑菇。主食就叫咗一個龍蝦汁意粉，真係好味。另一個係豬手，無骨切好上碟伴菜，真心覺得同樣好味，唔肥膩及唔太鹹。飲品芒果紅茶，都ok。注意事項係飲品每樣收費，連用紙杯裝水都收費，但話加左小小檸檬，我就唔覺，藍苺芝士蛋糕味道怪怪的。可以坐好耐，不過就唔太適合一人去，因太暗無咩好做，最左打機。果度有個玻璃房，遠望細細地，聚會都幾好，會再嚟及影相。

諗住book間cafe同一班三五知己朋友傾計食野。見呢間都多好評，同埋印象早幾年有黎食過，食物係正正常常。。如今人均消費$206價食垃圾，食放題都無咁嬲。今次真係衝擊我同班朋友既味蕾叫左一個二人套餐+牛肝菌長通粉套餐二人套餐（蜜糖雞翼+咸豬手配薯條+咸蛋黃大蝦意粉+朱古力窩夫+藍莓芝士餅）1.先上既蜜糖雞翼（🤬本身無諗住打食評，無影）雞翼即炸夠熱，但蜜糖水係炸完淋上去。蜜糖水與雞翼是分離，汁完全不能黏附雞翼上。雞翼調味只有死咸。 味道：2/5分（之後既食物。。難食到比唔到分）2.咸蛋黃大蝦意粉（🤬本身無諗住打食評，無影）外貌跟其他openrice相有些許不同，沒有咸蛋黃碎，多了生菜，醬汁多，但十分稀。蝦用玻璃蝦，不是大，亦不是新鮮蝦。。竟然餐牌寫大蝦😠🤬醬汁味道是水加少少咸蛋黃沙。不要幻想蝦和意粉有掛汁效果。。係呢個時候我地都仲諗。。係咪我地唔識嗌野食。。嗌左d伏野。3.咸豬手配薯條 咸豬手作為主角，肉是切片上，味道死咸，唔脆，肉質硬同韌，難咬開，超市買果種即食新鮮咸豬手都好食過佢好多。。薯條未炸透，不脆有雪味。唯獨只有沙律生菜味道正常（但我食完呢餐胃痛）4.甜品朱古力窩夫+藍莓芝士餅

其實到底俾左幾多錢買好評？book左枱7點黎到，冇人係門口招呼，企左好耐先有人理我地。成間舖得4-5個人，做樓面嘅又會入去做埋廚，5條友分工亂咁黎。7:15-7:20左右落左單，舉左超耐手先有人寫單。等到7:50先有第一本野飲上？？？叫左個蜜瓜沙冰，跟餐要加$20，原價$60up。陣味好假又好淡，個杯好細食得好狼狽係咁跌。叫左一個$108嘅芝士煙肉雞柳意粉，賣相都okay，咬第一啖啲小學回憶湧曬出黎。啲意粉係有營午餐嘅味道，連最常見嘅超市藍色b字頭意粉嘅質素都冇，係真。有營午餐$20蚊一個lunch嘅意粉：）雞柳係急凍雞柳，成兜野又淡又冇汁又冇煙肉味。之後叫左個$168嘅鹹豬手拼薯角，薯角冇貨轉左薯條，但係茶記超平急凍薯條嘅味，份量又少。個豬手都尚可嘅不過有豬毛。另外仲有杯雪糕咖啡，啲冰多到以為係砂冰。成餐飯係試左啖已經唔想食，早知去買盒燒味飯好過。間野全部服務差到貼地居然仲收加一？？？好心少少成本都唔肯出就咪學人開餐廳啦成間都急凍垃圾食材，咩都用最cheap嘅材料，我真係唔明你賣之前冇試食嫁咩？定係為左賺錢，試完明知咁垃圾都賣得出手？

夜晚如果想搵個地方同朋友食飯，最驚食得又趕又逼餐廳環境寬敞又唔吵，適合慢慢enjoy食物。我同朋友都叫左燒春雞，即叫即整要等40mins。我有提前一晚致電餐廳，order兩份燒春雞餐，希望唔洗等咁耐，但當晚都係等足40mins。我諗餐廳係驚客人唔黎，所以無整定黑松露燒春雞熱辣辣，裡面有汁夠juicy，雖然係春雞，但都係一隻足量既春雞。不過唔係好食得出黑松露味。另外如果餐廳提供膠手套就好啦，用刀叉食整只春雞有點唔方便薯蓉就唔係好夠熱，仲有D凍，減分位。好彩口感夠蓉，食得出有加忌廉一起打，味道唔錯沙律新鮮，夠嫩對於幾顆菜，係咁多評論啦。飲品我就覺得比較伏啦。青蘋果紅茶好似係用糖漿沖出黎既，味道好假價錢相宜，環境安靜，又唔限時，可以encore之選

兩人上 cafe, 暗黑氣氛不錯，食物意料之外美味，招呼也不錯，衹是反應慢又會忘記，應該衹是該位同事的問題，哈。食物：叫了個2人套餐，小食選了炸蠔，外鬆內軟，好香蠔味。主食就叫了一個明太子咸旦蝦意粉，真係好味。另一個係豬手，無骨切好上碟伴菜，真心覺得同樣好味，唔肥膩。另加一個煙三文魚凱撒沙律，煙三文魚ok, 不太鹹，其實個凱撒沙律唔太正宗，不過今時今日，算喇。飲品麻麻，明明係利賓納，就話係藍苺，不過我中意飲利賓納就算喇。朋友杯係芒果紅茶，佢話都ok。注意事項係飲品每樣收費，連用紙杯裝水都收費，佢話加左小小檸檬，我就唔覺。飲品收費係合理既，因為可以坐好耐，不過就唔太適合一人去，因太暗無咩好做，最左打機。果度有個玻璃房，遠望細細地，聚會都幾好。最可惜係忘記影相，因無此習慣。會再黎，並影相。