GOGO 為食坊

營業中

休息中

在旺角人氣之地,  找到一間心水餐廳要介紹大家, GOGO 為食坊, 食物多選擇, 有中菜,  西餐, 日式及中西式甜品. 餐廳在一樓, 乘扶手電梯直達好方便.玻璃櫃內, 燒味多款, 看得吸引, 堂食外賣均可. 餐廳面積相當大, 有大圓檯, 梳化卡座, 環境闊落.   侍應招呼好. 我們兩人先叫了熱羅漢果茶, 熱西洋菜蜜.只要叫任何小菜,  每位加$20- 轉成套餐,   有湯, 白飯, 飲品.    每日有不同滋陰湯水, 並不是坊間的例湯.  今日星期三,  粉葛豬踭煲赤小豆湯, 足料, 熱熱的送上,  火喉夠, 濃濃粉葛豬肉味, 湯頭不錯.鮑汁柚皮鵝掌, 我最喜歡的傳統中菜.  擺設吸引,  柚皮全去青無苦味, 燜得軟稔入味, 配上巨型鵝掌, 油潤軟滑,  鮑汁味濃,  非常可口.薑蔥魚腩煲, 用瓦鍋上臺熱騰騰.  賣相吸引,  有鑊氣. 份量頗多,魚腩大大件,  少骨啖啖肉, 無腥味, 薑蔥鼓蒜, 真系好食, 入口惹味.  送飯一流 .白飯, 口感軟糯, 有品質.欖角冰梅骨 , 外表醬料比較深色.排骨脂肪含量低, 肉質稔滑,   用了欖角冰梅做醬料, 調味非常到位, 提升肉排香氣

晚飯在「GOGO 為食坊」，選擇多、品質不錯，價錢合理。先嘗開胃小食：gogo小食拼盤~ 魷魚鬚、台式肉腸、炸芝士、炸薯條和沙律菜，雖然是炸物，大家淺嘗分享不懼上火，也其樂無窮。惹味沙嗲三色串燒~豬、牛、雞，都咁美味，豬和雞肉質很嫩滑，燒牛肉串雖然略靭，但勝在夠鮮味。海王珊瑚燴伊麵~賣相不算吸引，滑蛋獻汁味鮮不鹹，伊麵甘香可口，麵質幼滑爽口，細細粒珊瑚蚌肉與細細粒蝦肉粒，一爽一滑，美味互相呼應。古鹽麴牛舌飯配台式波霸珍珠奶茶、西式餐湯~鹽麴是日本常用的調味料，由鹽和米麴發酵製成，風味鮮美且富含天然調味成分，厚切牛舌配合鹽麴烹調，牛舌肉質味鮮軟綿，熱騰騰的白飯吸收肉汁，吃得很滋味。雪燕蛋白燉椰皇~雪燕、蛋白、椰皇肉，一次滿足三款可口美味，十分滿足。香脆窩夫配雲呢拿雪糕~又是另一款的精采甜品，看到餐牌，發覺揾日來享用甜品下午茶也不錯，中、西、台式都有，非常吸引！

係旺角一帶食飯，最驚係無book枱。但有時臨事有約又好難預先book定。今次呢間砵蘭180+商場的Gogo為食坊，絕對係個正確選擇。餐廳佔左一層，空間好闊落，夜晚提供咗各種小菜之餘，呢度仲可以食埋甜品，做到晚飯甜品直落，啱晒想傾計嘅朋友。餐牌選擇好多，二個人點咗三個小菜。其中兩個小菜送白飯和飲品。雲吞雞大大鍋$148，足足有八粒雲吞，半隻雞，好足料！湯底濃郁帶金黃色，飲落好鮮甜！雲吞啖啖肉，雞都煲到好腍，骨肉一拆分離，質素絕對拍得上賣上海菜的餐廳。柚子一字骨說它是骨有點不正確，因為每件都好厚肉，而且肉質鬆化。外面的柚子醬，酸酸甜甜好開胃！超級好送飯！古法蒸斑頭腩鍾意食魚嘅人，呢味又係好好送飯。斑頭腩每件都係肉，唔會只得骨，簡單用蔥、蒜頭豆豉蒸，已經好好味！最好食係魚肉連着魚皮部份，帶點膠質，食落煙靭。又清了一碗飯。雪燕蛋白燉椰皇喺度有得食甜品係比較驚喜，唔使轉場直接食埋甜品可以傾耐啲～蛋白燉椰皇比較杰身，是我喜歡的質感！因為太飽，所以只點了一個甜品，不過水準也不錯，下次有機會可以試埋其他！喺旺角晚飯排慣隊又要看限時，嚟到呢度食得好自在，十分推介想坐得耐的朋友嚟呢度，晚飯吹水一流！

放工同朋友出咗嚟旺角，經過一個叫GOGO為食坊嘅地方，見好多人上去食嘢，我哋又上去試下先。樓上舖地方十分大，有圓枱、方枱、卡坐等，店員示意隨便坐。⭐滋潤湯水任何小菜都可以加廿蚊轉套餐，包括餐湯、白飯同熱飲，餐湯唔係一般例湯，是晚嘅滋潤湯水係雪梨生魚湯，滋陰潤肺啱曬秋天飲。⭐招牌燒鵝下庄叫咗一份燒鵝下莊，上枱時閃令令十分誘人，燒鵝皮脆肉嫩，鵝油甘香，連骨都入曬味真係好正喎🤤⭐蝦醬豚肉蒸豆腐另一樣點左蝦醬豚肉蒸豆腐，豆腐超嫩滑，蝦醬鹹香鮮味，勁好下飯。⭐白飯白飯大大碗，有飯香👍⭐綠茶紅豆冰 & ⭐台式波霸珍珠奶茶跟餐熱飲轉做特飲都係加八蚊，叫咗一杯綠茶紅豆冰同一杯珍珠奶茶，綠茶香甜但紅豆唔夠軟腍，扣分😌珍珠奶茶唔錯，珍珠煙韌有咬口，茶香奶滑。小店唔使加一👍除咗小菜仲有西式鐵板餐、日式魚生飯、台式牛肉麵、甜品、小吃等，款式十分多選擇，總有一款啱口味😆

當晚放工想去睇新電話, 就去左旺角彌敦道某知名電話品牌店鋪參觀, 朋友因為要加班, 要晏晏少少到, 所有就近近地去左電話店後的GOGO 為食坊等我佢哋食飯，地點位於旺角砵蘭街180號砵蘭180+商場1樓, 由港鐵旺角站 E1 出口, 步行約3分鐘就到, 非常方便., 而且環境寛敞乾淨, 有2-4人卡座, 又有圓枱可以一家大細, 服務員就安排左我同朋友在卡位用餐🍽️。🍲我們點左個細的招牌沙鍋雲吞雞, 內有雲吞八大粒, 半隻上湯雞及菜底, 份量十足. 而且沙鍋上熱辣辣, 雞湯很濃郁很香滑清甜, 而且唔油膩, 雲吞皮薄餡靚, 用料十足, 雞肉鮮甜多汁, 肉質鮮嫩。🍢🍢小食叫了惹味沙嗲三色串 – 分別有雞, 豬及牛各兩串, 濃郁的沙爹醬有花生香味、各種香料: 例如香茅、薑黃、椰漿等等, 而且帶有微微的香辣，慢慢釋出香氣, 再蘸些醬一齊食, 口味十分多層次呢!主菜就叫了GOGO黃牌雜扒 - 一次過歎齊雞扒、豬扒、司華力腸、煙肉和太陽蛋，份量十足，趁熱倒下黑椒醬汁，即是喳喳聲, 超治癒, 而且再配以餐湯、意粉, 絕對稱得上是「大件夾抵食」🍴再叫多個什錦滷水拼盤 – 有豆腐, 牛肚, 牛𦟌, 豬大腸，

係旺角今晚食泥間gogo為食坊，餐廳地方大，又夠濶落，仲有多種類型小菜，甜品，岩晒我地愛食飽飯再吹水人士😂蒜子火腩大鱔煲-鐘意食鱔，呢度忟得特別香，火腩肥瘦適中，火喉夠，非常惹味，正豉椒炒蟶子-今日仲做特價38蚊隻，店員介紹豉椒炒一流，果聖子鮮甜，無沙，好足料，口感一流生炒臘味糯米飯-冬天至愛，材料非常豐富，有臘腸，臘肉，蝦米，瑤柱及冬菇，惹味又飽肚生磨芝麻糊加湯圓-芝麻味濃，店員介紹是生磨，即做，所以特別香，甜永剛剛好，加入芝麻湯圓煙煙韌韌。完美熱西洋菜蜜-凍冰冰飲暖入心，味道清甜好正，食飽再點甜品直落，味道又不錯。正

今晚路經旺角彌敦道和砵蘭街之間，看到一間餐廳門前的菜單，列出多元化美食，包括粵菜、西餐、日式、台式等各款美食，非常吸引，於是入內一試。餐廳面積很大，有幾個區，有大圓枱和卡位，座位都寬敞舒適。裝修簇新，燈光明亮，牆壁有浮雕裝飾，很特別。我還是比較喜歡粵菜，便點了幾款。「雲吞雞」餐廳推介的美食，一鍋奉上，一隻特大雞髀，加八隻雲吞。雞肉鮮嫩而入味，雲吞爽滑，加上金湯，份外滋味。「柚子一字骨」份量不少，大大件，排骨多肉，汁多爽口，加上是剛剛炸好，香噴噴。配上酸酸甜甜的柚子醬，非常開胃。「薑蔥魚腩煲」原煲滾住上，熱騰騰。魚腩大大件，份量也不少，肉質新鮮，夠鑊氣。配上爆香的薑片、蒜頭、大蔥等，十分惹味。「南北杏雪耳燉木瓜」原盅上枱，材料豐富，原汁原味，清甜潤喉。「芥菜鹹蛋肉片湯」味道自然，無添加味精，有家的感覺。這裏的粵菜有水準，即叫即製，夠鑊氣，下次有機會再來嚐其他菜式。

這間位於旺角的GOGO為食坊，食物款式很多，有燒味、廣東小炒、台灣餃子麵食、西餐意粉焗飯、日式丼飯串燒及中西甜品，款式多到令人眼花撩亂。南北杏雪梨煲魚湯&蘑菇湯雪梨魚湯味道清甜；蘑菇湯有粒粒蘑菇肉。明太子卡邦尼意粉意粉爽口，有些雜菌、煙肉及蟹籽，醬汁不會太多。叉燒拼燒腩仔叉燒半肥瘦梅頭肉，肉質嫩腍有陣陣蜜糖焦香；燒腩仔燒皮皮脆肉嫩。涼瓜炆䱽魚䱽魚即叫即蒸新鮮熱辣，而且都幾大條，入口啖啖肉，豉汁入味且魚肉嫩滑。雪燕蛋白燉椰皇蛋白嫩滑，加上椰皇味道清甜，女士至愛。陳皮蓮子紅豆沙陣陣陳皮清香，紅豆煲至至沙且不會太甜。

我上星期去咗旺角，行過見到呢間餐廳好多嘢食，中式西式正餐甜品串燒都有，正。雲吞雞 - $138一入到去見到隔籬枱食緊啲味，香到我哋都覺得正。雲吞皮薄而韌，餡料鮮嫩，雞肉嘅鮮香同清甜嘅湯底完美結合。每一啖都感受到濃郁嘅肉汁同埋雞嘅香味，令人回味無窮。蜜椒薯角牛柳粒 - $138薯角外脆內軟，搭配蜜椒醬的甜味，令整道菜更添風味。牛柳粒鮮嫩多汁又彈牙，同薯角嘅口感形成絕佳對比。惹味沙嗲三色串（豬牛雞） - $66這道三色串的肉類調味濃郁，沙嗲醬嘅香氣撲鼻而來。每一串都烤得恰到好處，肉質鮮美。雪燕蛋白燉椰皇 - $58這款甜品清新可口，雪燕滑嫩，椰皇香甜相得。燉煮出嘅椰汁讓整道甜品更加醇厚，我最鍾意刮啲椰肉出嚟食！佢哋好多嘢食㗎，羊腩煲仲有唔同小菜，連西餐意粉都有啊！下次可以再嚟！

門面光鮮顯眼，很容易就找到，餐廳環境大、頗為潔淨應該是新開張沒多久，座位多而且舒適。服務態度不錯，一入餐廳就馬上有服務員的熱情招待 。餐牌：Gogo為食坊內包羅萬有，除了食物及飲品款式多之外，吃飽後還有第二個胃想吃的中西式甜品 。雲耳百合蓮藕炒淮山：健康小炒之選，有薄薄的芡汁包裹住，百合清甜，西芹蓮藕份量多，幼嫩爽脆。京蔥鮮菌爆海參：京蔥和海參份量是最多，海參處理妥當無雪味 口感爽彈，以醬油口味爆炒，味道不錯，但油有點多。欖角冰梅骨：可見欖角份量多，梅的酸咸令排骨的油膩感減少，排骨肉質酥軟，連住骨的肉易咬開，開胃的菜很適合加$12 有白飯及飲品。姬松茸燉竹絲雞湯（位）：雞湯最有效補身的湯水，在冬天喝完全身都暖和；沒有太多調味，原汁原味的 。有細心地撇走湯面頭上的油，剩下的全是雞的精華，很讚。姬松茸足料又爽脆。

這間GOGO為食坊地方闊落，餐牌有好多選擇，中菜、台灣料理、西餐、日式，中西式甜品都有，連12 人既圍餐都有，價錢大眾化。胡鹽中蝦豆腐煲，熱度十足，一煲有十多隻中蝦，大隻鮮甜爽口，豆腐滑身又煎得香，加埋胡椒芡汁，味道微辣惹味，很好送飯。金銀蛋浸時蔬，份量大份，白菜清甜，大量蒜頭，咸蛋，皮蛋切粒舖面。每份主菜可加$20 有湯有飯有餐飲。麻辣豬肚絲，豬肚爽脆，份量大碟，味道辛辣惹味。甜品仲點了雪燕蛋白燉椰皇，好清甜滋潤，蛋白好滑。

喺朗豪坊買完聖誕禮物，過左嚟砵蘭街搵食。見到有間「GOGO 為食坊」，位於商場 1 樓，入面地方好大，設有大量座位，環境寬敞舒服✨ 今晚就一於喺度開餐。餐廳集齊中、西、日、台等多地美食，種類非常多元化，照顧到唔同口味嘅朋友仔👥點左個古法羊腩煲 ($328)，羊腩鮮嫩肥美，大大嚿又厚身，肉質腍滑多汁，入味之餘又唔會有好重羊羶味～再配埋清甜馬蹄、鮮香冬菇、吸汁枝竹、鮮爽無渣嘅冬筍同贈送嘅茼蒿，非常惹味，食完成身暖笠笠，絕對係秋冬「滋」選！+$12 可以轉套餐，配白飯及熱飲。甜品點左碗薑茶芝麻湯圓 ($28)，湯圓大大粒，渾圓飽滿，內藏流沙芝麻餡，一咬爆漿，加上薑茶夠「薑」，味道一流！另外呢碗南北杏雪耳燉木瓜 ($32)  水準亦唔錯，木瓜香甜軟糯，入口即化；南北杏生津開胃，雪耳充滿膠原蛋白，滋陰潤肺，絕對係秋冬養顏聖品！

今晚同D朋友去旺角玩下夾公仔, 最後洗左幾百蚊, 公仔又夾唔到, 又餓…..一出門口見到對面就係餐廳, 就試下囉！門面幾得意。 有D卡位好似茶餐廳， 係入少少又有幾張大圓台，茶餐廳＋酒店混合體。睇餐牌仲得意， 有餃， 有壽司， 有小炒， 有糖水真係想食咩都有。見到人地叫左個古法羊腩煲， 好香好豐富， 同埋個川芎白芷天麻燉魚頭， 好似好正。可惜，幾個朋友一個唔食羊， 一個唔食魚， 無緣了。雲吞雞呢味餸係老闆娘極力推介, 就信佢試下,而且有菜有蛋白質 又有啖湯飲，轉涼天氣岩哂。一上台, 好香雞味, 上台果下煲邊仲滾緊, 有輕輕一層雞油係面, 飲入口好香濃雞味, 似無味精, 好好飲, 煲過湯既雞肉, 輕輕一夾就鬆開哂, 好林, 雲吞都唔錯。招牌咕嚕肉咕嚕肉大人小朋友都岩食既一味菜，屋企少整, 出街食必叫。大大舊, 啖啖肉, 豬肉彈牙帶少少肥肉，我估係梅頭肉，咕嚕肉皮炸到酥脆唔乾身，而汁醬甜酸度剛剛好。啫啫芥蘭煲啫啫煲係一道有聲有色的「響菜」。啫啫係指個茶”時li沙拿”果個熱辣辣既聲音。GOGO為食坊呢個啫啫芥蘭煲完全做到啫啫個效果，而家個芥蘭無OVER COOK, 仲好脆口,正。生炒臘味糯米

今日喺旺角睇完戲想食宵夜，見到呢間GOGO為食坊。 營業時間好犀利由七點至凌晨12點😂 環境順豐闊落, 好適合一大班人食。燒鵝下莊 $148比想像中大份，色澤好靚。肥瘦均勻。燒鵝皮夠脆。金銀蛋浸時菜 $98時菜有好多選擇，我哋揀咗白菜仔。味道適中，唔會太鹹。菜洗得乾淨冇沙。孜然京蔥爆牛肉 $108牛肉新鮮大大件，醃得好入味。配菜仲有好多唔同種類嘅菇。炒得夠鑊氣。加$12就可以有白飯同埋嘢飲。加$20除咗有白飯同嘢飲，仲有時令例湯👍🏻地點好近地鐵站，餸菜即叫即整，夠熱有鑊氣。仲有好多其他唔同既野食