Golem Craft Beer (已結業)

讚1.環境好闊落，呢區想搵多間手工啤酒吧都難2.啤酒選擇多，特別係手工啤既牌子3.happy hour既買一送一好抵4.侍應好快手，效率高彈1.張檯、地板都有少少黐立立，可能係太早，未執得切？

💛#支持良心餐廳💰香煎三文魚扒伴薯菜$98💰法式紅酒燉牛肉飯$85三文魚扒都算大舊 肉質唔會過鞋 跟住薯菜份量都幾多下😆 薯格好香脆 抵讚！紅酒燉牛肉飯個味就同平時有啲分別 醬汁偏酸 牛肉軟硬度適中 但份量可以再多啲食物質素都係正正常常 唔需要專登入去食～不過呢度最正係個環境幾chill~幾有格調

今日Mothers Day 試左Golem, 正日Eatigo都有9折, 或者happy hour 半價, 都算係抵。叫左杯手工啤，果味濃郁🍻試左明太子蟹肉意粉，多蟹肉，夠濃味！跟餐有飲品同沙律，另叫左清酒牛油煮蜆，都好好味，媽咪仲飲哂d湯，好正！叫左份羊架配薯角，質素都好好！但美中不足係牛柳同慢煮豬都賣哂！少少失望但待應好nice, 仲幫我計eatigo 定happy hour 抵d而且上菜都吾慢。係值得支持下既黃店！

前言:本身預約20:00 4位,結果早到19:15直接入座。我地一行四人,叫咗德國脆皮豬手配洋蔥圈, golem x gweil lo啤酒雞配薯格,明太子蟹肉意大利粉,水牛城雞翼,牛油清酒煮蜆.味道:德國脆皮豬手- 唔錯幾好味,水準正常。外皮夠脆,肉入味,膠質好好味! 推薦!golem x gweil lo啤酒雞- 成隻雞都好入味,餐廳會提供廚剪俾客人分雞用。明太子蟹肉意大利粉-蟹肉和明太子都好足料,推薦!水牛城雞翼- 我覺得幾好味! 不過同行友人意見好壞參半, 我食到舊唔係太多酸辣汁既,覺得好味。另外一位朋友夾到舊勁多汁既,覺得好酸。 推薦!牛油清酒蜆- 賣相ok,味道都好味,優點係蜆無沙!飲料方面點了8杯cocktail,4杯craft beer. Cocktail選擇比較少,因為餐廳菠蘿汁缺貨,所以好幾款都無得飲。Cocktail口味人人唔同,我就不便評價。Craft beer方面我飲既係machine men果味好香,適合女士飲。環境:可以同朋友到bar檯揀beer,其間侍應會主動介紹。氣氛燈光ok, 檯和坐位略嫌窄服務:服務正常,收碟也快。可是食到最後飲野既時候,侍應無主動收

呢間店出名上菜上得慢，所以預先打電話book位，打去一個年輕女生聽電話，問下今日menu，竟拋下一句：咪同平時一樣。好，落了4個雞扒薯菜，一入到餐廳即上，竟來了4個雞扒意粉，仲屈我哋落單係全部都轉意粉，唔通我哋4個客一黎就玩你餐廳？我哋堅持係薯菜，仲同我哋講本身轉意粉要加錢，依家唔收你加錢，要唔要硬食，自己落錯單仲焗個客硬食，算，為左唔浪費先勉強硬食3個凍冰冰意粉，一食意粉又硬乾爭爭又凍，似擺咗好耐，勁難食。1份堅持薯菜，即話要等15分鐘，問佢可唔可以上住個雞朳食住先啦，即刻勁串話我本身果塊已俾左人。再講野食太咸，上飲品，勁大力放下4杯飲品係中間要我哋自己分，凍檸茶無甜味，叫佢俾糖漿，3個人要分一小shot杯，叫佢比多d，話係超濃縮糖水黎架，唔夠先再比你啦！點知一加，係勁淡的糖水，廢事再睇班侍應面色，由佢，食完埋單走人，我哋喺位show張員工證拎個折扣，竟然用勁西的態度話：下次你大叫自己係xx員工就得架喇，反光我哋睇唔到。連行過嚟收錢都懶，我心諗，大叫？我哋依家係西餐廳定茶餐廳？咁唔想serve客人不如改自助形式唔好收人加1服務費啦！總結，打著黃店旗號請班後生無禮貌嘅後生女，成餐飯食到

同幾個酒鬼同事喺食完晚飯 覺得唔夠喉 就去左附近呢間bar度吹多陣水😀同事們都系雞翼控 所以試左兩款雞翼💁🏽‍♀️水牛城雞翼($85)惹味得黎帶點辣🌶點他他醬食 味道都好夾👍🏽黃金流沙雞翼($88)我地睇menu見到有呢個選擇 對眼已經發左光🤩不過期望越大就... ...略嫌不夠黃金 亦不夠流沙 整體味道不足 炸粉都比較多呢🤨不過呢度既雞翼肉質都唔錯👍🏽小遺憾系未試過好多食家推介既泡菜豬肉雞翼🙁 已經無左..另外我地仲有嗌左呢d小食💁🏽‍♀️烤蘑菇($28@1)燒汁幾襯大啡菇 大啡菇好juicy😋👍🏽煙肉芝士薯條🍟($78)個人鐘意食幼薯條多d 薯條比較脆身 香口d😛咦呢度嘅薯條就比較扁闊 外脆內’淋’d~~飲品方面💁🏽‍♀️左一: Mojito ($108) 酒味最重的一杯~左二: Lemon Juice($45) 外表、味道都唔似檸檬汁🍋 唔建議試⚠️右二: Long Island($128) 酒味唔重 滿足唔到酒鬼同事🙈右一: Bartender特調($108) 因為原本想試甜甜地既All arould the world但係店員話無 所以就麻煩Bartender幫我地調杯有果香又甜甜地

男朋友接我收工，近近地走左石門揾野食，佢話想飲啲酒，我地就揀左呢間酒吧餐廳，裝修都算有格調，暗暗地岩曬情侶食下野飲下酒叫左一個晚餐set，配送一份南瓜湯，賣相唔錯，但飲落完全唔係南瓜味，似係番薯湯多啲三重芝士焗雞翼：賣相怪怪地，做法就係焗完啲雞翼再放啲芝士係上面燒，雞翼味還雞翼味，芝士味還芝士味，雞翼好乾，芝士好硬😂豬仔骨配薯角：豬仔骨賣相唔錯，店員話要等45分鐘，最後大約10分鐘就有，但肉質好乾，BBQ醬調味一般，而薯格反而係全餐最好味既一道食物鵝肝黑松露意大利飯：鵝肝唔香，質地一般，黑松露味唔突出，最大問題就係啲意大利飯，完全係生米feel，硬到一個點我哋揀咗兩款手工啤，店員都算體貼，驚我哋唔鍾意，所以比兩細杯我哋試吓男朋友叫左杯黑啤，不過不失～我就叫咗杯百香果味嘅啤酒，都係不過不失～整體價錢較貴，但食物表現完全失望，應該無下次

雞扒一流皮脆肉嫩。脆皮豬手。海膽汁意大利飯同bbq醬豬仔骨都好好食！裝修不錯服務員態度都幾好。上菜都快。飲酒食飯的聚集好地方值得一提雞扒必定食過返尋味。真係好正

如題，只係適合飲酒，晚餐真係麻麻。本來睇Openrice食評都唔錯，餐廳環境同空間都大，就膽粗粗去試下，點知中伏。叫左2個set dinner 同1個小食：1)海膽汁帶子意大利飯~個飯好硬，同個海膽汁唔知係咪落咗酒，d味好怪。2)明太子蟹肉意大利面~1個字，好咸。。。3)最有趣係叫咗個炸魷魚圈，上桌時見到都無乜炸粉，還以為叫錯咗，點知侍應話係炸魷魚圈，o咗嘴。。橫睇掂睇都似係煎喎。。以1個餐來看要$140左右來睇，水準可以話好差。附近都大把選擇，唔會有下次囉

友人生日一路都因為約唔齊人,結果一再改期同埋改地點,最後終於簡左呢間鋪頭,一黎就腳,二黎睇過食評都好似相當唔錯,加上朋友們都鐘意食西餐,決定會一會佢當晚一行人大約夜晚十點到達,去到人數唔多,可能因為太夜同聽日係星期一既關係,得幾枱客係到飲緊酒吹水,環境都好舒服,又大又唔迫,坐低後即係簡野食,因為都怕廚房會收工TOTAL 4個人食咁就叫4個MAIN DISHES HAPPY SHARE啦沙律:無乜特別,都係黑醋汁+沙律菜,相機都照食先埋先海膽汁帶子意大利飯:好好味,個汁同個飯配合得好好,帶子都好嫩滑,不過個人口味覺得個飯再淋D會好D,覺得佢生左少少,不過總體都好食既明太子蟹肉意大利粉:唔錯,比較乾身既意大利粉,蟹肉撈埋意大利粉一流德國脆皮豬手配薯條:豬手味道唔錯,但個皮就唔算好脆,薯條就無乜特別既澳洲頂級牛柳配薯格:牛柳就中規中舉啦,唔算好有驚喜,坊間一般既質素,薯格都無乜特別整體食物質素都唔錯,岩3,4個朋友食飯吹下水聽下歌,如果唔食飯可以飲下酒,我見佢都有手工啤酒飲,又有直播足球睇,絕對係聚腳既好地方

係石門既地鋪酒吧 係門口見到有波睇 但入到去唔會好嘈 地方相當闊落 環境適舒坐得舒服 氣氛幾好幾有情調 食物質數高 食左青口同雞翼都好高質 啤酒種類雖然唔算好多10款左右 但唔同口味都有 質素都唔錯

尋日同同事去食飯，我哋坐低落單都好快，不過上菜速度真係世界級。。。。。。首先，個餐包埋湯，但連個湯都慢過人，等咗好耐先有。咁都算la，我哋9個人，食咗一個鐘，整係嚟咗5個main dish!!!!!!其實當時餐廳人數唔多，我哋等咗起碼30分鐘先開始催佢哋，催咗3次，第一次就話就快，第二次叫我哋等多幾分鐘，話5分鐘內就出，好，我哋等，但其實嗰時已經等咗50分鐘。然後，我哋lunch time都完咗，佢講既5分鐘係兌現唔到承諾，因為第三次我哋話轉外賣，佢哋話仲要多十分鐘。。。。。。其實我哋真係好嬲，得返意粉同Burger 未嚟，真心整一碟意粉要一個鐘咩？你哋自己都講意粉一早烚好，點解都要等咁耐？坦白講，野食質素係唔差，服務態度都算可以接受，但我覺得佢哋第1，2次係hea我，因為第3次佢哋其他職員話5分鐘跟本出唔到比我。另外，我見到後面嗰枱明明遲嚟過我哋，但d 野食好快嚟，what? 真心嗰句，食個lunch要等一個鐘，我都真係第一次，等你嗰一個鐘lunch time都完la，我去你間餐廳為咩？邊個返工有咁多時間？如非必要，唔會再嚟，食個lunch要等你上菜一個鐘，再好食我都唔想食，呢次真係

在石門上班一年多，已經試過這家餐廳太多次，幾乎所有午餐菜式都試過了，所以藉今天再去的時候打下這篇新鮮滾熱辣的食評。這裡的人流很飄忽，有時只有我們一張桌有人，有時半個場都滿了，今天我們１點多去到就是半滿的狀態。提醒大家一下，這裡的人流多少與出餐速度有高密切度。我在這裡吃過兩次burger，第一次餐廳多人的時候我等待了45分鐘才到餐，那次我氣到不行差點哭，因為我的同事都吃光了，我的還未來。而第二次餐廳只有我們的時候，burger 15分鐘內便送到了。而這次我們到來我看見人數頗多，我不敢叫burger，可是我的同事因為上次的高速到餐，以為是製作過程改善了，所以他們大膽地叫了burger，分別叫了３個黑松露和牛漢堡和１個牛油果軟殼蟹漢堡，而我叫了蕃茄海鮮闊條麵，以及追加一份魷魚圈。每個lunch set 都包含餐湯／沙律和基本飲品，餐湯印象以前試過南瓜湯／雜菜湯，今次是蘑茹湯，湯比較稀身，味道同樣相對比較淡。飲品方面叫了iced lemon tea，糖水另上，茶味夠濃，good！我的闊條麵在我的餐湯完成後便隨即送到，賣相不錯，有兩隻大蝦，看到有一隻蜆和一個魷魚圈，海鮮的部分我說完了，真的說完了

訂咗餐都要等成個四十分鐘先有得食，中午食飯時間就得一個鐘，都食唔到味道，只知食飽個碟都仲出煙嘅要份牛扒五成熟，到枱係十成熟，叫卡邦尼，佢就等埋其他客人先一次過煮，西餐廳正常係叫一份出一份，點會等埋，唔知以為自己去咗中菜廳食星州炒米，食物味道都可以接受，但個廚房煮嘢食嘅方式，真係好有問題如果真係要食嘅，食扒就最快最方便，疑似係用焗爐焗嘅，所以係最快，千祈唔好食意粉或卡邦尼，只要冇人叫，你就真係等到2046都冇得食

呢排係石門收工又同媽咪黎食golem craft beer，呢間餐廳環境好悠閒，小妹都唔係第一次黎架啦。今次就試下食其他新野，分別點左「美式燒烤豬仔骨」、「炸辣味雞鎚」、「和牛肉粒燒串」同埋golem lager啤酒。「美式燒烤豬仔骨」豬仔骨用燒得好香口，香味十足，而且好大塊。仲有著條，分量十足，都夠兩個人食。---「炸辣味雞鎚」雞鎚真係啖啖肉，辣味十足，而且係新鮮即炸，食落超野味。件件雞鎚都好大件，好好味。👍🏻👍🏻👍🏻---「和牛肉粒燒串」呢款小妹就最期待啦。呢度既和牛牛肉粒質素都唔錯，而且燒到岩岩好（我地點了7成熟）肉質好香又嫩。---再配上呢度既招牌啤酒真係一流呀！媽咪都食得好滿意，小妹覺得呢度坐得好舒服又悠閒，好岩放工後同朋友黎消遣呀。