GoNuts

營業中

休息中

今日嘅經歷真係go nuts😡特別係撞正渣打馬拉松攞選手包嘅日子，周圍都係人，餐廳都爆滿。我哋大約8:15pm去到一間餐廳，有個女職員叫我哋喺旁邊等，話last order係9pm，但佢嘅語氣已經有啲悔氣，好似唔多歡迎我哋咁。我哋心諗，既然仲有時間，就等吓啦。點知等到8:40pm，終於有位坐低，但突然有個男職員走過嚟話廚房已經做唔切，唔再接單。我真係想爆粗，咁點解唔早啲截單叫我哋唔好等？大佬呀，果度啲餐廳好多都係9點last order，結果我哋等到最後咩都冇得食，真係火都嚟埋！呢間餐廳平時冇咩人食，啲職員態度好似好好，但一多人少少就即刻變臉，服務態度差到不得了。管理層明顯冇做好安排，廚房同前場完全冇協調，客人等咗咁耐先話做唔切，真係好離譜。如果餐廳連基本嘅服務同管理都做唔好，咁點樣留住客人？希望佢哋真係要好好檢討下。

聲稱6點比人包左場，4點半截單，原來提早兩個鐘入去 已經無野食。四點行入去就已經話唔再接新客人 ，問都未問我地食咩 ，就已經話唔夠食材所以唔接新客人，諗個籍口都好小小啦，如果唔再接新客人 就唔好放個牌出黎話4點半啦。如果控制唔到時間，咁點解要講4點半呢？建議下次先係預早少少唔好等客人入到黎先話冇，咁樣真係好反感，未入去食已經一肚氣 😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡

🔹自家製忌廉粟米湯 $68質感順滑偏稠，粟米味道濃郁香甜，粟米與忌廉比例平衡-🔹馬來 ABC 湯 $68一道家常營養好湯，加入多種蔬菜及雞肉煮成，甘甜清爽，健康零負擔-🔹Lunch: 斑蘭葉焗原隻法國春雞 $188配黑醋橄欖油沙律及指定飲品，其它飲品半價，點選檸檬薑黃茶 +$21加入檸檬、青檸、香茅及串茄等，做法獨特創新；燒春雞緊緻多汁且入味，鹹中帶酸，清新開胃又富層次-🔹Lunch: 香蒜檸檬烤雜錦海鮮 $168配黑醋橄欖油沙律及指定飲品，其它飲品半價，點選柚子烏龍茶 +$21附自家製佛卡夏包，口感硬脆；海鮮有多隻大蝦、青口、蜆肉及魷魚圈，味道鮮美，鹹鮮豐富，爽滑彈牙，加入充滿奶油香的香蒜檸檬汁後令味道層次昇華-🔹紫薯麻薯窩夫配香草雪糕 +$38惠顧任何熱食，以優惠價換購 (限時優惠)；份量十足，配上紫薯泥球，外脆內軟的窩夫搭配 Q 彈輕韌的麻糬，加上輕甜紫薯泥及香滑雪糕，吃得滋味過癮

野食整體可接受，2個人係食唔哂1個pizza太飽，啲pizza幾有特色，韓國醬+豬腩肉，估唔到腩肉幾juicy，不過2個人share就heavy左少少。炸口水雞係招牌，但一上黎好似燶左咁，賣相不討好。幾juciy嘅，係有口水雞味，但真係幾辣omg😂另外嗌左杯咖啡+橙有汽水，好似係咁叫，咖啡好飲，但溝埋左就太甜了，橙味cover左啡味。自家粟米湯幾濃稠，呢個okay~不過CP值不高$68小插曲：個餐等左好耐，又同frd掛住傾計，隔左成粒鐘見隔離枱遲過我地入都已經食緊野，先問職員發現原來漏左單，因為一早黎左湯所以無諗過係漏左單。但職員態度良好係咁say sorry都唔係想為難佢，但等左成粒鐘真係好肚餓，應該係公司人手安排不足，樓面好似得2-3人，建議公司加派人手😀

位置：於體藝館往零售館2的通道。唔識路真係未必輕易搵得到。 容易啲搵嘅方法，從零售館2地下詢問處，隔離有間Nike，Nike隔離就係往餐廳嘅路啦！食物：唔仔細睇餐牌，其實未必留意到。我哋一行三人，所以食得唔多，但會再幫襯。1. 自家製冬陰公醬雞肉比薩，另加$40 火山熔岩芝士 - 勁邪惡，但又勁好食，啲芝士拉絲，正 -冬陰公醬，果然特別，唔辣，但好好食2. 自家製煙燻豬腩窩夫三文治 - 又咸又甜，口感特別，好食嘅3. 凱撒沙律 - 正常嘢，呢個無特別環境：地方好闊落，唔會同隔離枱迫埋一齊，更加唔會嘈到人，亦唔會俾人嘈到。服務：雖然得2個職員，但服務好好，服務員影相技術仲非常好🤣 幫我地影左好多靚相。抵讚👍🏻👍🏻👍🏻👍🏻👍🏻