Goobne Chicken (M88) (已結業)

#蜜糖香滑烤雞$205見到呢款蜜糖烤雞好似係店內最近的招牌🤤即刻決定試下。🔥烤雞上碟大大盤，分量誠意十足。烤雞的外皮燒得焦脆，面頭有塗上一層薄薄的蜜糖汁，雖稍嫌雞肉可以更加嫩滑，但整體食落口感豐富而且很惹味。👍🏻👍🏻#芝士炒年糕$165芝士炒年糕同樣是店內招牌菜式，呢款芝士多到可以拉絲🤭而且會有些魚糕和醬汁一些上，夾埋一齊食好満足呀🤣🤣大家記着要趁熱食哦#芒果沙冰$58🏠Goobne Chicken (銅鑼灣)銅鑼灣登龍街18號V Point 25樓

Goobne•三重芝士烤雞•$228Goobne既烤雞質素一直都好穩定，外脆內嫩🤓不過呢個三重芝士就少失望啦☹️無錯雞件係好嫩滑(不過雞胸就鞋左啲)😕但係芝士味真係冇乜喇😩仲諗住三重芝士會好芝士咖嘛😣大家下次都係食返其他味啦！—-7/10— By I.地址: 各Goobne分店

今次第一次黎中環呢間goobne好期待中環既環境，果然無令我失望 佈置得好有心思 如果我屋企係咁就好好舒服同埋唔會好嘈，我對goobne 食物信心係好好，因為我真係麻麻地韓國野，但呢一間我真心鐘意返食泡菜野韓式雜菜粉絲，呢個菜式係新款，健康之選，食得多肉所以呢個係必食的，粉絲好爽口雜菜好清新，新菜式但我鐘意，個賣相一睇就覺得好靚到我男朋友既最愛，今次係特登為左佢黎食既蜜糖香滑烤雞蜜糖味無得輸，甜甜地又有好脆口既雞肉，最厲害係雞肉好滑口唔同部位都有幾件好平均，一定唔怕唔鐘意食最後一碟，韓式炒粉絲雞蛋卷好滑既雞蛋，大細分得岩岩好 一啖食得岩哂我呢種懶人我是會再來的，好好食

大班人之選（二）烤雞篇🍗今次8個人去食，就可以瘋狂點野食，都5驚食唔哂😂😂😂🧡蜜糖香滑烤雞雞烤得金黃色，一啖咬下去，雞皮有甜甜的味道，再將白滑的雞肉沾上蜜糖芥末醬，雙重滋味😋😋😋🧡果味蒜香烤雞+黑椒烤雞雙拼烤雞，可以試2種口味，有辣有唔辣，岩哂心思思，鍾意一次食多種款式的朋友。我最鍾意食果味烤雞，有甜甜的果醋味道再配上炸蒜粒，讓我一試難忘，推介推介👍🏻👍🏻👍🏻雖然黑椒烤雞賣相烏卒卒，但吸引我D朋友仔相機📷呢款味道比較咸，一開始食不太辣，但食食下會食到黑椒，就開始辣。🧡芝士年糕（辣）鍾意食辣既朋友，必食呢款，越食越辣🌶熱辣辣的鐵板上佈滿芝士、年糕、麵、魚片等等，每啖都食到芝士，大滿足。🧡牛肉湯年糕我就推介唔辣的，比我想像中好食。不辣的年糕和粉絲都充滿濃郁牛肉味，而且味道剛剛好，不會太咸，推介推介👍🏻👍🏻👍🏻🧡韓式粉絲雞蛋卷呢碟真係一放係枱上，已經即刻清空，就知有幾好食啦厚厚的雞蛋卷包住青瓜牛肉絲和粉絲。🧡泡菜粉絲煎餅脆卜卜又薄既泡菜煎餅，十分香口。🧡西柚米酒食烤雞點可以冇酒飲呢。西柚味比較濃，好易入口。———————————————————Goobne Chicken📌地址：中環威靈頓街

好中意食呢度既烤雞(*ﾟ∀ﾟ*)一路睇相就好想再去食!!! 呢度既烤雞可以揀一款/兩款口味 今次就揀左#果味蒜香烤雞+#甜辣烤雞 $238 烤雞好好食😛 薄薄既外皮沾滿醬汁，但仍然好香脆🤤🤤 咬落仲有好多肉汁，仲要冇咩油膩感，比炸雞更健康(*‘ v`*)我覺得果味蒜香烤雞，蒜香味唔係好重，反而帶小小甜，幾惹味！！至於甜辣烤雞，上面有小小蒜片增加口感，而甜辣醬汁濃厚， 味道微辣，都好開胃！兩款中，我比較愛甜辣烤雞(^u^) .韓式粉絲卷 $148每次黎都有叫佢地既雞蛋卷(,,・ω・,,)雞蛋卷包得實淨，唔會一夾就散開 入面有韓式粉絲、芝士、酸瓜等配料！！！ 口感好豐富，加埋醬汁幾好食～愛食蛋既人一定喜歡｡:.ﾟヽ(*´∀`)ﾉﾟ.:｡ 藍莓米酒，酒味偏低，岩晒女仔飲ヽ(✿ﾟ▽ﾟ)ノ飲品分左兩層，上面係泡沬，而下面就係米酒～～味道唔錯的！Goobne Chicken地址：中環威靈頓街2-8號威靈頓廣場M88 5樓

今天放工後，相約朋友到中環吃晚餐，朋友話有一間餐廳食烤雞很出名，於是便帶我來試一試Goobne位於M88的5樓，在中環工作的朋友應該不會陌生！大約八點左右，餐廳裏已經坐滿了人。店員放下餐牌後，有介紹一下現在有什麼新菜式。打開第一頁，看見了蜜糖烤雞已經非常吸引他有另外一個餐牌，是一些有機茶。喜歡喝茶的朋友可以一試。現在逢星期六至四的6點至9點是 happy hour!列出的飲品都有七折！首先叫了一個韓式炒粉絲雞蛋卷，蛋捲上面淋上了醬汁。裏面有火腿，黃瓜及粉絲，用紫菜捲住，再用厚厚的蛋捲包住口感很好。依家有happy hour真係好抵，我哋叫咗一jar 藍莓米酒。飲落去甜甜地，有少許米酒味，但果汁味多一點。如果怕太重酒味的朋友可以嘗試！最後到主菜，蜜糖香滑烤雞我哋揀咗有骨，整隻雞大約有14件左右。烤雞的特色是不熱氣，而且外面脆裏面juicy雞上面的醬是有蜜糖芥茉的味道，另外還會配上一碟醬汁，如果覺得想再多一點醬，可以自己沾。每份都有雞翼，雞鎚，個人最喜歡吃雞鎚😝再配上酸蘿蔔，可以令人有清新的感覺。這間店的烤雞，可以再來光顧。還有很多味道可以嘗試🤩下次會再約朋友到來🤗

好久沒有吃韓國餐，朋友說想吃炸雞，但由於炸雞很熱氣，我便推介了一間烤雞店給他，感覺比較健康，之前有吃過也很好味呢。餐牌有很多不同的烤雞，包括芝士雞，原味雞，蜜糖咖哩雞等。我們選擇了一個雙併的烤雞，可以嘗試到更多不同的味道，而雙拼的雞都定了口味的，不可以轉，如果想吃沒雙併的口味，要約多點朋友來了。果味蒜香烤雞 + 甜辣烤雞 $238來到時看到整盤雞非常之大，應該是足足一隻大雞，一半是果味蒜香雞另一半韓國甜辣醬烤雞。 蒜香雞蒜味不太強，果蜜汁味比較重，就算不太喜歡吃蒜蓉味的朋友亦覺得不錯，而最重要的，是肉質夠滑和多汁，每一口都滋味滿滿。另一款韓式甜辣醬，甜味很出，辣味相對地比較少。如果喜歡吃辣的朋友相信就要失望了，但是怕辣的朋友就不會怕這個甜辣醬太辣。 隨著烤雞會送上一點醃蘿蔔，吃完雞後可以消去一點油膩感。鐵板芝士韓式烤肉炒飯配醬燒豬肋骨$143除此之外我們叫了一個芝士豬肋骨韓牛炒飯，炒飯是用鐵板上的，邊緣配有一點芝士，豬肋骨雖然只有兩塊，但是肉也挺多，肉質爽嫩易咬，而且味道做得不錯。另外韓牛炒飯充滿醬汁，比較濃味，夾雜不少牛肉，除了吃雞外，叫個飯作為飽肚的選擇也不錯。Asahi $63最

已經有好一段時間沒去韓國菜了，這天心血來潮，便慫恿朋友和我一起來吃Goobne過過口癮。我們來到中環分店，因爲很早便到達了，所以店内客人暫時還不多。説到炸鷄烤鷄等美食，絕配當然是酒了。由於同行的朋友中有人不太喜歡燒酒，所以我們點了較易入口的水果米酒。米酒有3款口味可選，我們點了蜜桃口味的。這款米酒入口順滑，而且蜜桃味道突出，味道不會很假，和米酒的香氣恰到好處。我們還點了一份韓式牛肉雜菜拌粉絲。賣相很好，擺放得很色彩繽紛，好像吃韓式石鍋飯一樣。味道也很討好，粉絲口感彈牙煙靭，而且調味剛剛好，甜甜的，也富麻油香。拌上各種材料後，味道更加豐富。吃完粉絲之後，重頭戲烤鷄便上場了。我們這次點的是新口味-蜜糖香滑烤鷄，可選有骨或者無骨，大家都很懶，所以便點了無骨。烤鷄還是一如既往的嫩滑，而且蜜糖的香氣很盛，和烤鷄的味道是絕配。選了無骨，除了更加方便外，更感覺啖啖肉，十分滿足。這款口味和平時吃開的咖喱蜜糖口味都一樣深得我歡心。

#中環sis其實都開左好耐都好多分店 一直都keep到水準我諗我都食過十次八次😂今次第一次黎中環既分店 當日平日夜晚去到 環境清靜冇咩人又唔使排隊 位置亦都寬敞-三重芝士烤雞$228最鍾意食佢嗰啲芝士粉 係用咗三款芝士粉（blue cheese, cream cheese, cheddar cheese) 好香甜惹味 因為佢係烤雞冇咁油膩同熱氣 啲肉都幾多幾嫩-鐵板芝士韓式烤肉炒飯配豬肋骨飯 $143 好邪惡飽肚 燒汁同芝士撈飯都幾好味-飲埋個柚子燒酒$165 幾解膩 酒味重 唔會好甜 份量兩個人岩岩好-Goobne Chicken (中環)中環威靈頓街2-8號威靈頓廣場M88 5樓

lunch同同事出去搵野食个阵，就见到goobne，见佢个名几特别就好奇心驱使下入去睇下。原本系间韩国烤鸡店。本身自己都ok韩国菜嘅，咁就决定试下佢啦。我地叫左份三重芝士烤鸡，芝士控一定要拣呢个味啦！爽脆之外仲有浓浓嘅芝士香，特别好食，自己队左一半，另外半只交比同事啦哈哈～仲有叫左份铁板芝士韩式烤肉炒饭配酱烧猪肋骨，讲真猪肋骨点整都好食架啦，韩式芝士肋骨阵味仲要好浓郁，味道好好呀！配埋炒饭真系成个人饱哂。最黎仲叫左花瓶鲜果沙律，实物同相一样都系咁得意，好似盘盆栽咁，食左咁多肉同芝士，有返d菜帮助下消化，真系好满足。真系岩哂做左成朝野要慰劳下自已架。

Goobne既烤雞慢慢變成我既comfort food時不時隔左一排就都會想去食，今過咁多次d味道都無退步維持住係高水評既位置十分值得讚賞。今次黎到中環站雖然都好full但同其他分店唔同既係呢到多左西裝顧客，而且定期都有d新菜式無骨蜜糖咖哩鐵板烤雞烤雞標榜烤無炸雖然係烤但水準依舊雞皮烤得脆到似炸咁雞肉內裏無雪果鎖住肉汗雞肉嫩滑就算雞胸位置都唔鞋口，鐵板沾上芝士造成拉絲效果芝士配上蜜糖咖啡帶甜得黎又有少少咖哩辣味芝士將兩者完全融合。蟹籽沙律醬芝士雞蛋卷新出體型連少因爲少左內餡內餡只有芝士感覺似日式玉子燒，雞蛋鬆軟加上蟹籽沙律醬帶少少蕃茄肉醬香味再加上脆口既蟹籽一啖有好多重口感好特別。荔枝mojito咁岩happy hour做緊promotion,荔枝mojito底層有粒粒荔枝肉同果粒好清新酒味唔濃。鯊魚之淚原條鯊魚上加上少少紅色莓醬形成鯊魚吐血受傷既場景好搞笑藍色既沙冰清爽甜甜地。值得一提既係goobne出左會員!!免費入會每食一次又可以儲值分之餘又有折扣優惠生日會員，間唔中仲有會員特別優惠岩晒我呢d goobne fans。

Goobne呢間鋪頭環境幾好，裝修又好精緻，一望就知係韓國style！鋪頭入面擺左好多綠色植物，望落都好溫馨親切，隨便影幾張相都可以呃到like，我自己都有喪影。而且店面衛生都好ok，有d食肆真係烏煙瘴氣架麻，d員工都好熱情招呼，都唔係西面架，仲好好笑容。因為第一次去食，佢地都好親切咁推薦左幾樣比我地揀。我地叫左份韓式牛肉雜菜拌粉絲，味道都幾好，我特別鐘意食佢隻粉絲，好肉係第二度無呢種粉絲咁，菜都好多架。跟住仲叫左份排骨味烤雞同招牌凱撒沙律。烤雞味道超出我想像，一d都無令我失望，沙律入面嘅菜同生果都好新鮮，又夠爽同乾淨。下次再出開黎呢頭，都會想再黎食多次烤雞，對呢間店嘅印象都唔錯，如果有機會去韓國都想試下係個邊食返goobne，聽講都係好出名架。

之前去韓國個陣就試過食goobne，估唔到係香港都比有，忍唔住又去左幫襯啦。位置幾好，離地鐵站又唔遠，行街行到攰岩岩好可以入去一邊唞下一邊嘆下好西。今次反而無點到招牌嘅烤雞，點左其他野食，賣相唔差嘅1.香辣炒年糕，望住都想食。隻年糕命要係我鐘意食嘅個種，有咬口得黎又唔黏牙咁。老公就點左份韓式牛肉雜菜拌粉絲，睇上去五顏六色咁，料好多，陣麻油香又好吸引，超級好味！炒年糕同粉絲係同平時個d唔同，值得一試嘅。最後要推薦個韓式炒粉絲雞蛋卷，外型夠精緻，外圍係金黃雞蛋卷，軟綿綿咁，入面就有d蘿蔔、粉絲呀咁，好香好好食。叫左三樣，兩個人已經飽哂，價錢都唔算套貴，之後要再黎呀！

忙左大半個星期，放工要約埋班fd一齊去食好野兼吹下水。呢排凍凍地又想食下韓野，咁岩中環又有goobne分店，所以今次就約呢間食。首先叫左凱薩沙律做頭盤，消新嘅醬汁配黃瓜，麵包脆片仲係好有奶味十足嘅cheese。跟住叫左個部隊鍋，彈牙嘅拉麵再配埋火腿加腸仔，真係岩差哂凍冰冰嘅天氣食呀。食韓餐梗係唔炒得隻雞啦，goobne個量岩岩好，岩哂兩個女仔食，唔怕食唔哂！香嫩烤雞淋上甜辣醬料加埋芝士一齊食，熱辣辣食個陣仲可以拉絲架，味道同係韓國食嘅一樣咁好食。食左咁多野之後再整杯超涼爽嘅沙冰，真係又爽又滿足！聽店員講goobne嘅烤雞，係制作過程係唔會放一滴油，仲會將雞原本嘅油烘出黎，不含反式脂肪酸、降低膽固醇，真係好健康，岩哂減肥又想食野嘅人試呀！ 

買買買買到夠哂，梗係唔可以虧待個胃，我個吃貨閨蜜特登帶我黎呢間韓國烤雞食，佢話好好味，賣相又唔錯田　，岩哂我要求叫我一定要試喎。周末出黎食飯嘅人都多，要等左陣位先有得食。環境都唔錯，座位又夠哂闊，好岩我地拎住咁多野嘅人。我地叫左一份鐵板芝士泡菜炒飯同韓式雞蛋卷，同埋一份原味火山雙拼烤雞。果然係無介紹錯，真係好好食啊！作為一個芝士控，呢個鐵板炒飯真係大大大滿足到我啊！芝士同泡菜嘅結合都幾有特色，咬落口感真係好豐富。雞蛋卷又嫩，料好足。但最鐘意嘅都係烤雞，我都算係重口味，所以會鐘意食火山烤雞多d，外鮮內嫩，一份嘅量都算幾多，食唔哂我地打包拎走。整體黎講都係一間唔錯嘅店，情侶或者一班朋友黎聚下都係唔錯嘅選擇。