Goobne Chicken (M88) (已結業)

又係食炸雞, 今日因為要避開旺角同銅鑼灣, 揀左去中環中環呢間有度好, 環境比較靜, 星期日晚, 不是全滿, 大約7至8成左右今次坐到望街景卡位, 開心！本來4個人, 點知最大食果個來的途中竟然撞車入左廠, 淨返3個食, 好彩仲有我大食積叫左呢度嘅招牌野，唔知係咪有期望, 覺得個芝士味好淡, 淨食啲雞反而仲好味另外叫左個雙拼炸雞, 黑椒味同埋甜辣醬味黑椒味完全唔辣, 冇乜黑椒味, 反而甜甜地但其實黑椒同芝士粉唔係咁夾我可以接受, 但兩位朋友就好唔like, 攪到我要一個人食哂半份泡菜海鮮餅, 正常, 都ok好味食左咁多次，實在係覺得韓式烤雞好味過炸雞。

今日一行六人 去咗食炸雞 佢哋好貼心咁樣安排咗 大正方 枱畀我哋六個人圍住坐傾計都方便啲我哋叫咗最新嗰個ufo芝士烤雞你可以揀兩種雞會仲有八件total 16件再追加八件就88蚊我哋叫左蜜糖香烤味、蒜香味同蜜糖辣雞味蒜香味最重口味蜜糖味d肉食落好似滑d蜜糖辣味就似咕lo骨咁，唔辣令到成件事開心左好多既係佢有個爐熱住d溶左既芝士同雞，d食物唔會凍同真係好好味!另外我地叫左煎餅同芝士伴炒飯樣樣都好食，食極都好似唔夠喉咁

期待左好耐要食炸雞laaaaaa!!!去到發現有呢個ufo芝士炸雞（$288），即點！佢可以選2隻味，咁我就地就揀左甜辣同埋蜜糖，後尾仲追加左香蒜tim（$88, 有8件）! 我個人就最愛蜜糖😍😍😍好豐富呀！開始整溶d cheese!!溶緊喇開餐！！佢d cheese 本身係mix左幾種芝士，好soft, 見到勁多拉絲，見到都興奮！佢係可以包住曬成件雞，哇，係好滿足！除左炸雞，仲點左個飯同埋海鮮餅，個kimchi飯都大推！

同事推介呢個韓國炸雞店（其實係賣烤雞😜）。一黎到俾個ufo芝士盤吸引左，中間芝士堆再加16隻雞翼（可揀2隻味道）。我地仲叫左芝士泡菜飯同海鮮薄餅。芝士控見到一堆堆芝士真係流哂口水，芝士係可以拉絲🤤。我地食完要再加雞😂。我個人喜歡香蒜烤雞

Goobne 原味烤雞（$188）送到嚟仲係熱辣辣冒煙嘅🤤真係連雞胸都嫩，同埋好多肉汁🤤皮好脆，唔似係烤雞，果然原汁原味最好味👍🏻😋。黃金脆烤雞（$188）一開始又以為係普通嗰D鋪滿鹹蛋黃嘅雞，原來係咖喱粉😮個餐牌冇寫住係辣，幾驚會好辣，但係原來唔係幾辣，好好味😋有少少嘅甜味，但係又唔係日式咖喱嗰種咁甜。蜜糖香滑烤雞 無骨（$205）新推出嘅蜜糖烤雞好好味🤤尤其是係甜嘅，所以D細路特別鍾意食😅雖然有啲蜜糖汁但係雞肉汁仲係保持住👍🏻韓式雞蛋卷（$148）蛋捲實在整得太好味🤤係一層嘅蛋（好似細個食嗰啲卷糖一樣），好整齊好靚，仲要熱辣辣好新鮮😫裏面啲醬汁唔會太多所以襯得好好味，如果午餐肉係煎嘅話就更加好👌🏻服務態度都幾好，環境幾舒適。價錢係比較貴但係真係好好食😋，做會員仲有折扣優惠🤩，一定會再幫襯💪🏻

Food is very tasty. We went there and were seated next to another group. We had to ask 3 times for them to take out order before they realized we were not with the other group we were seated by. The host in the front took our order eventually. the manager became our waiter After 3 different waiters never came back. They forgot half the order of chicken. Forgot the alcohol that Hangs upside down in my slushy drink. My friend is fluent in canto and English, so it was not a miscommunication just tr

蟹子沙律醬芝士雞蛋卷 （$98）【好味度：7/10】⁣⁣玉子燒入面，真係塞滿晒芝士，拉絲拉到勁長。🤤 而且配上蟹子，有啲爽脆嘅口感。😬 配上醬汁去食，係唔錯嘅side dish。⁣⁣✌🏻⁣⁣UFO Fondue（$258）【好味度：7/10】⁣⁣呢個真係十級邪惡。👿 本身爐邊嘅雞都有六款，可以揀兩款。😗 我哋就揀咗三重芝士烤雞同埋蜜糖香滑烤雞。🤘🏻 開頭嘅時候，係有啲芝士碎喺個鍋入面，然後有個oppa店員嚟到面前煮溶啲芝士。😍 一路煮，仲會一路拉高啲芝士俾你睇。😇 然後將充滿肉汁嘅烤雞蘸大量拉絲芝士嚟食。😋 雖然感覺好邪惡，但係goobne嘅雞係烤雞，不經油炸，令雞嘅油份從烤焗過程中迫出來，比較健康，大幅減低罪惡感。⁣🤫⁣其他評分⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣食物外觀（3.5/5）⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣性價比（3.5/5）⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣環境（4/5）⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣服務⁣⁣⁣⁣⁣⁣⁣⁣⁣⁣⁣⁣⁣⁣⁣（4/5）⁣⁣⁣⁣⁣⁣⁣⁣⁣⁣⁣⁣⁣⁣⁣

Goobne chicken 以主打各款烤雞見稱，呢排新推出左芝味UFO ，特意捉男友陪我過黎食。周末的中環店非常寬敞舒適，店員態度積極主動，周不時望望我地個UFO芝士需唔需加熱。Goobne UFO Fondue$258 有6款口味/可選兩款口味（每款有8件）另外叫左個拌粉絲，相信都已經份量十足。藍橙沙冰 $58超夢幻超有海洋夏日感覺，打卡必點之選。韓式牛肉雜菜拌粉絲 $128經過韓式燒烤醬炒過牛肉灑上芝麻，粉絲口感QQ充滿麻油香，拌埋令口感豐富的雜菜絲非常減膩， 最適合悶熱夏天食。芝味UFO 選了（果味醬油蒜香烤雞/蜜糖烤雞）配3種分別係瑪蘇里拉芝士、車打芝士、grand padano 芝士 慢慢溶化成奶酪沾醬。將奶酪加入本身已經惹味可口雞腿又形成另一個層次味道。醬油蒜香口味香脆可口，食落感覺不只烤焗的味道。蜜糖口味香甜而且食落肉質份外嫩滑。芝醬可沾滿整隻雞腿，邪惡度滿分。

有一日放咗工就同friend去中環食飯，大家都諗唔到食乜嘢，但係又好想食韓國嘅嘢食，所以就揀咗呢一間！因為大家都唔想食炸嘅雞咁就揀咗呢一間食烤雞嘅好似冇咁熱氣呀嘛哈哈～我哋嗰日去到唔駛等好耐就有位～咁其實我哋係咪都係睇中左佢嗰個新嘅UFO芝士雞！雖然好邪惡但係食完先再減啦呢一個UFO呢就$258可以揀兩種唔同味道嘅雞！同friend share啱啱好！芝土方面佢有齊mozzarella cheese, cheddar cheese, Grana padano cheese係完全可以滿足晒芝士控嘅慾望～佢上咗呢一個set之後店員就會同你去搞嗰個芝士！烤雞個方面我哋就揀咗佢都幾出名嘅蜜糖烤雞同埋甜辣烤雞！同個芝士真係perfect match! 每人有八隻雞鎚仔，好快就食飽可能因為加埋芝士～不過咁樣食再配上嗰啲酸蘿蔔就可以平衡一下唔會咁heavy！順帶一提就咁烤雞已經好好味好滑同埋我真係超鍾意嗰個蜜糖味！我哋本身以為就咁叫一個UFO set唔夠飽就叫多咗一個鐵板芝士炒年糕，係超足料㗎！有齊晒年糕魚糕拉麵！

又好味有舒服的韓式烤雞 - Goobne Chicken中環一向都有好多高級餐廳選擇, 今日嚟到中環威靈頓街Goobne Chicken, 等左一陣坐低發現呢度裝修走簡約路線, 好有企理樸素嘅感覺, 坐得好舒服. 我同朋友拿起檯上的 menu 很快瞄了一遍, 二話不說就點左呢度嘅招牌菜－雙併烤雞同砂鍋魚糕湯.平時韓國炸雞就食得多, 烤雞就真係第一次. 呢個 Half & Half Special Menu 有分 tender 和 crispy 兩邊, 總之在其中一邊選兩款心儀的味道便可. Tender 有 原味烤雞, 韓式BBQ醬煙燻烤雞, 火山烤雞, 而 crispy 則有 甜辣烤雞, 果味蒜香烤雞, 黑椒烤雞. 我們點了原味烤雞併火山烤雞. 上桌後, 我地都急急咬了一口, 好正呀. 雞經過烤焗後油份少左好多, 但係照樣可以鎖住啲肉汁, 肉質唔單至更嫩滑, 而醬汁嘅辣味係漸漸滲出嚟, 愈食愈辣愈過癮⋯⋯鮮嫩多汁, 食到lam lam脷, 鍾意食辣一定要試吓! ! 烤雞另一配菜－酸白蘿蔔, 食幾件雞之後再食幾粒酸蘿蔔, 可以令口感清新, 仲可以解解膩, 成為左呢碟烤雞非常重要嘅配角.然

朋友仔生日飯想食烤雞，我book了中環區Goobne Chicken 同佢慶祝🎉。餐廳環境非常舒適，店員服務很好。我地試咗新野UFO Foodue ，6款口味選擇2 款，啱曬我地，一次過試曬兩款。份量方面，每款口味各有8件雞槌。而UFO 外型的熱爐可以keep 住芝士同烤雞溫度，吾曬驚會食吾到熱辣辣嘅烤雞。我地選了蜜糖香滑烤雞配香甜烤雞，蜜糖香滑烤雞非常香甜，味道一流。另外香辣烤雞，甜中帶點辣，非常惹味。韓式雞蛋卷朋友第一次食呢款雞蛋卷，佢話很多食，味道很清新芒果沙冰味道吾太度，芒果味濃，夏天飲一流。士多啤梨沙冰大大杯，好解渴。

好鍾意食烤雞嘅我去咗中環呢間試佢最新出嘅雞！好邪惡好正🤣🤣🤣..........UFO 奶酪炸雞 $248呢個超級無敵好食🤤🤤🤤極度邪惡 🥰中間放滿芝士 你可以揀兩款唔同嘅雞我哋揀咗辣雞同埋芝士烤雞辣雞同芝士好襯！！又辣又有芝士味另外嗰款雞就有唔同層次嘅芝士味超級正！！！！鍾意食芝士嘅一定要去試吓 滿滿嘅芝士配上烤雞 一流👍🏻👍🏻..........韓式牛肉雜菜拌粉絲 $128呢個都相當唔錯！賣相好吸引 牛肉味好出撈埋左之後好好食！！！調味做得好唔錯👍🏻👍🏻呢個都推薦可以試吓..........Goobne Chicken 地址：中環威靈頓街2-8號威靈頓廣場M88 5樓

ufo芝士烤雞好食，用左幾款芝士又香又濃😋食得辣嘅推薦火山烤雞，另外平時其他鋪嘅蜜糖雞會甜而膩，但goobne嘅蜜糖烤雞亦非常推介，夠蜜糖味但神奇地一啲都唔甜。另外員工服務態度非常好，見到客人有疑惑未叫服務員過嚟，佢已經嚟到旁邊幫客人👍抵讚

食過goobne幾次，友人話想食炸雞，即刻帶佢嚟呢間，烤雞冇咁熱氣嘛！近排天氣咁熱，先飲杯韓國啤酒降下溫。同埋炸雞梗係配啤酒啦！必點魚糕湯！湯底胡椒味濃，帶有少少辣味。魚糕雖然唔係一串串上，但都冇浸到脹曬，仲好彈牙，煮得好入味。最近新出咗UFO Fondue，烤雞圍住啲芝士，而且可以揀兩種口味嘅雞，今次揀咗果味醬油蒜香同埋蜜糖味。先把鐵鍋加熱，大概3分鐘後中間嘅芝士煮溶後再加芝士粉就食得！芝士味好香滑，不過再稠啲就可以拉絲！烤雞相對冇咁熱氣，雞肉仲好嫩滑！果味醬油蒜香烤雞味道酸甜，而蜜糖香滑烤雞味道好甜，肉質感覺更加滑溜。呢間烤雞係好食到食幾多次都得！

上星期六，我同一班舊同事去左中環食飯，商量左一陣，最後決定去goobne chicken 食韓式烤鷄，因為聽聞幾出名。大约七點半左右，上到去見到好多人等，幸好等左大约半小時，终於有位。坐低即刻叫人落柯打，點左三重芝味烤鷄，非常香口，芝士味濃郁，極之入味。另外鷄旦卷都充滿旦味，好味。仲有花瓶鮮果沙律，非常特別，清新，好有創意既装飾配搭。飲品方面，西柚米酒非常特別的配搭，但口感異常地好，充滿濃郁的酒香，好醇。整體來說，食物水準好，而服務水平都不錯，有禮貌，值得再去。