Green Thai

營業中

休息中

菠蘿海鮮炒飯 HK$96 唔算有鑊氣，但係份量好足，而且擺盤幾好睇。泰式蝦刺身 HK$90 + 龍眼冰 HK$10跟餐 /HK$32正常加單泰式蝦刺身的蝦肉不過不失，可能天熱所以冰溶得很快，建議一上桌就馬上完成。龍眼冰已經叫了小冰，但可以看見大半杯八成都是冰塊，味道以泰菜來說不算偏甜，但是正價HKD32實在有點昂貴。 沙嗲串燒半打  HK$84+ 飛天通菜 HK$66沙嗲串燒半打中雞牛豬各2件，這個的醬汁沙嗲醬非常出色，點後把平平無奇的串燒帶起香味，如果串燒有鑊氣就更好了。飛天通菜普通，又是欠缺鑊氣，失去泰式風味。香燒豬頸肉 HK$70 + 泰式鳳爪 HK$12跟餐小食香燒豬頸肉又是欠缺鑊氣，食物切得比較薄，少了啖啖肉的口感層次。泰式鳳爪非常入味，酸酸辣辣而且份量10分足夠，值得一讚！泰式金邊粉 HK$68 LUNCH SET不是正價餐牌而點，lunch set 的份量有點少，未到夠濃但沒有泰國的風味。燒牛脷 HK$48 + 大蝦炸蝦餅 HK$80燒牛脷的賣相擺設非常吸引，相對其他菜式這個叫做比較香，牛脷的厚度增加口感！炸蝦餅略嫌不太夠彈牙，但上菜時的熱度令菜式減少油膩感。泰式海南雞飯

今日同屋企人一齊去試左呢間係油塘既泰國野，平時去親麵好多人排隊，難得今日小左人，當然環去試下啦！呢道菜叫肉鬆炒菜，肉鬆同個汁配起上黎有甜有咸，非常之配！而且個菜又相當入味，好適合送飯！呢個沙爹牛肉串超級好味！牛肉口感軟，唔會好乾同埋好難咬！入口即溶加上點上沙爹醬簡直係絕配值得一試！呢條鯖魚又係世界級，佢個口感唔乾，有魚汁，而且加上檸檬汁，相當好味！又大條，夠一家人食。仲嗌左一份泰式薄餅同埋黃咖喱，薄餅加上咖喱汁真係好夾，而且咖喱咖辣，送飯/送薄餅麵係一流。

一直都覺得呢間泰國野幾好食，而且飲品有買一送一優惠，好抵飲一般叫龍眼冰個啲都好飲，偏甜，真係有龍眼一黎梗係每人叫1個椰青黎（$38）飲先飛天通菜 ($65)味道偏淡，唔太夠味，但通菜炒得爽脆，可以一試醬燒魷魚筒($78)魷魚新魷，燒得幾香，又彈牙，一啲都唔會太乾，不過都唔太夠味，可能點佢配既醬汁會好啲蛋黃軟殼蟹好好味炸粉夠薄，有啲蛋黃咸香味，有唔會炒得太濕，配埋唔難整得好食既軟殻蟹，Perfect，個人覺得整得好食過沙嗲王。泰式金邊粉($80)之後就係黎親都必叫既金邊粉。撈均佢黎食，有啲花生既脆口，又有芽菜既夾口，加埋軟林林既金邊粉，好夾而且炒得夠味，乾身，推介！香芋海鮮煲仔焗飯 （$80）呢個飯都好好味，有芋頭粒炒飯，而且啲芋頭入面都好有味，加上夠多海鮮，每食一啖都食到唔同野田螺唔記得呢個叫咩名，待應好貼心，會俾啲牙籤你篤黎食，味道不過不失。另外，呢到仲有青、黃、紅咖哩，可以配豬、雞、羊，都整得好好食，啲牛好林，配埋油酥餅一流！都好推介食，可惜冇影相。普遍份量唔算好大，係金邊粉比較大碟，所以人多可以叫多幾碟，試下唔同野食

走入來油塘搵朋友，第一次係油塘大本營搵嘢食！泰國菜朋友介紹咗間泰國菜，我哋book定位。間餐廳坐位分兩邊，一邊開放式，一邊就係室內。開頭我被安排坐左係室內，但係我覺得冷氣太凍要求坐去室外，侍應都好樂意幫忙門口有個開放式廚房，入面有個師傅喺度搓薄餅，即係呢度有即叫即整薄餅食啦，yeah!鐵板黑椒炒腐皮粟米仔呢個配搭有晒我鍾意食嘅嘢，正！ 上碟熱辣辣， 黑椒好惹味，腐皮係我最愛，食到停唔到口，個人十分推薦。清炒芥蘭- 芥蘭好爽脆，好食！泰式青咖喱雞 - 個人唔食得辣，呢個青咖喱都OK，辣度可以接受。咖喱當然係配薄餅。油鬆餅即叫即製，上碟嘅時候係熱辣辣，配咖喱好正好食！今餐啲餸好啱胃口，餐廳環境氣氛都唔錯，又同朋友敘舊好開心! 題外話，係餐廳見到專家Dickson，佢嘅形象真係同平時見到一樣毒

食物唔差，環境唔錯，但唯一問題價錢太貴。金邊粉炒得好唔錯，咖啡都夠香，無位的話仲可以外賣。門外有塊大玻璃，不時有師傅係度製薄餅，真功夫，味道都好好，好多人都係果個位影相打卡。

大本營內有好多餐廳，今次終於試到呢間Green Thail! 呢間泰國餐廳最有趣就係有印度大廚即叫即做印度薄餅，每次都吸引好多小朋友係門外睇表演！果然！ 印度薄餅同油鬆餅真係好好食！ 又香又脆兩個人叫左兩盤！冬陰公烏頭亦值得一試冬陰公好入味，而且烏頭肥味泰國菜我一定會叫馬拉盞炒通菜，呢間你一定唔會失望仲有，呢間有黃，紅，青，好多唔同種類咖哩，今次叫左紅咖哩，雖然唔辣，但配上油鬆餅...最後，我一定要推介個椰青，清甜又夠冰凍，比泰國仲要新鮮好飲

食得泰國餐廳，梗係要食返個冬陰公湯底既麵啦🤔佢裏面有蝦、帶子、豆腐、冬菇、生菜、芽菜、米線、蔥、草菇、蕃茄、雞髀菇……再加埋一啲冬陰公香料...雖然見眼見佢好似都好多了，但係飲落口又好似爭咁D野....可能海鮮上面嘅配搭唔夠，使得唔夠味不過算啦，價錢搭救，正所謂一分錢一分貨

見menu價錢唔貴一於試下味道。叫左個海南雞飯+咸檸七（少冰）。雞油飯粒粒分明，但略嫌過硬，味道都ok，唔會太淡。雞肉幾滑，雞皮唔會好肥又唔會好厚，但冇咩雞味，雞皮顏色唔夠黃。最欣賞了係果3款點雞嘅醬，比人有唔同選擇，味道都同雞肉好夾。咸檸七（+8）少冰真係唔會比好多冰，幾體貼，溫度岩岩好，咸檸好好味。成個餐仲有個湯，正常野。最後送上一個紫色大菜糕作結。以呢個價錢貼質素算唔錯，而且唔洗加一，抵食。

食物和環境不錯，食蔬的我也有蔬菜咖哩可以點，故很常光顧。可是最近幾次帶位的員工態度都很一般，還有接電話的員工答話也很莫名奇妙⋯⋯是人手不足嗎？ 還是公司沒有SOP讓員工知道事情該怎樣處理或者回應？多可惜啊，望能改善。

地方都幾闊落，我地座出面既位置靜靜地甘，食物方面叫左魷魚，原隻好正呀，點埋個酸酸辣辣既汁好食。生菜包都OK啦，不過唔係好夠辣串燒就要雞，牛，豬，仲好大串唔錯！炒金邊粉，UM , 我覺得呢間既金邊粉炒得好食，好香，又多料！馬拉盞芥蘭，好夠味，蝦米都幾多最後就叫左馬來脆雪山，嘩，賣相正，影完相，一路食仲係好脆，入面有D花生粒，椰絲，煉奶果D ! 好香好食又薄又脆，好正的。另外叫左馬來拉茶飲，無乜特別D野食都幾大碟，食左甘多野，埋單都係 $530 左右！係抵既

一行四人去食，點左條爐魚好腥，湯汁一般般，炸雞好乾，炸到無咩肉汁，味道都一般般，串燒還可以，叫左雞同豬，但好似清水煮過先，小食正常味道唔錯，主要服務態度差，漏單，叫左個鳳爪無黎，追單叫人叫左10分鐘都無人來。叫左杯野飲十年都未到，連個經理都唔理客人，叫左個新人好似連單都唔識落，搵人求救無人理作下次唔洗來食全間餐廳得3-4個樓面，可想而知上菜幾慢....最後都有甜品送，味道都可以，最主要問題係經理態度太差

小朋友就嚟考試，又唔想煮飯，近近地去我屋企附近的城市搵食，韓國菜同泰國菜任揀，最後我三母女揀了這間泰國菜！其實之前都已經食過，但今次覺得食得好舒服好開心，唔知係咪換咗一批侍應，笑容、有禮貌、主動的侍應，真係冇揀錯喇紅咖哩雞，小辣蟹肉炒粉絲可能不是這個季節的蔬菜，所以一般般正最開心就是食這個油酥餅，印度師傅會即時為我們製作，滿帶笑容他非常友善，還做一啲搞笑的動作氹小朋友油酥餅非常好食，我用嚟點咖喱雞⋯⋯絕配！我哋仲點左個甜品食，呢個甜品好正，叫“馬來脆雪山”，又係睇印度師傅表演嘅時候喇這個‘馬來脆雪山’不是浪得虛明！薄薄的脆片包住椰絲花生煉奶，真係好香口好好味，賣相又吸引！雖然呢一餐不算平,我哋三母女都食咗400多元,但論食物質素、環境、服務⋯⋯係物有所值的！

星期日瞓醒，原本想同老婆落去飲茶。點知落到去，原來差唔多已經係下午茶時間，外面排咗長長人龍等緊位。見隔離間泰國菜門口無人，唔駛等位，我地又未食過，就轉戰呢度。餐廳入面都幾大，分左右兩邊。原來差唔多落埸，所以有一邊無開放。Set Lunch冬蔭海鮮湯烏冬 $68 – 材料豐富，有蝦、帶子、蟹柳、磨菇，冬蔭公湯底有濃濃嘅香茅味，烏冬彈牙。 馬來雞絲喇沙 $64 - 喇沙用油麵加米粉做麵底，湯底味道偏淡，只有淡淡椰香，微辣。包餐飲: 熱咖啡 & 凍咖啡用餐後，侍應仲送上飯後甜品。原來係柚子味啫喱，味道仲好清新，唔太甜。免收加一服務費。

之前經過見到門外可以見到有師傅整薄餅早就想試試今次同屋企人都想食泰國野就黎試下柚子沙律$76酸酸甜甜 好開胃 蝦分量少如果可以多d就好青咖喱雞$82足料又好味👍🏻薄餅$33咖喱一定要配薄餅好正 前後叫左兩次香草炒辣椒肉碎 $ 70好香用黎撈飯一流泰式炒金邊粉$80味道都ok 菠蘿海鮮炒飯$95外型吸引...味道都好好味下次一定再叫馬拉盞炒椰菜苗$68夠香口椰菜苗亦冇苦澀味烤雞 $98味道較淡 加上偏向乾身一般般

第二次聚會揀呢度食飯，貪佢就腳夠方便，隔離就係油塘地鐵站。首先叫咗兩個薄餅，唔算太肥膩就算唔掂醬汁都好好食。鳳爪沙律夠辣，串燒都好好味，柚子沙律又大碟，前後各叫咗兩個。炒金邊粉都叫左兩個，蝦多又大隻，大人細細路都讚不絕口。唯獨個蝦醬炒飯加爉腸有啲怪，平時我勁鍾意食蝦醬既人都卻步，得個咸字，所以一行九人都放棄左佢。無諗過野飲晚餐都有特價，好似係50蚊2杯特飲，算抵！整體來說今餐都幾滿意，送餐都快，可以再去。