Green Thai

營業中

休息中

今天吃喇沙海鮮湯麵少了很多海鮮 帶子平時有兩粒 只得一粒 雙數海鮮变單數海鮮連魷魚都冇 個喇沙湯不同之前味道 差咗好多超油嘅喇沙湯 這樣变少及味道变差 平時來吃都超級好味 但今天來到吃喇沙海鮮湯麵不同之前味道超難吃 如果不改進下 下一次不會再來吃因為我在這裡由新開將吃到現在 今天食物真的質數差咗 女服務員服務有點差 男服務員服務超好

等左個幾鐘都算，話哂係繁忙時段點知入到去入面好多空枱都算，我當你地好多人book枱所以冇位比walk in點知到我地食完都冇人坐過咁點解唔放一兩張枱比walk in嗰啲人？？我又當你地咁黑仔，咁岩嗰日全部book左位嘅人最後都冇黎入到去，坐到位，想叫你地換杯茶姐居然換都唔肯換，仲講埋哂啲咩原則呢間野嘅服務質素真係一流各位想搞衰自己心情嘅歡迎一試

呢日想食 lunch 想食泰國嘢，於是就去咗 Green Thai，貪佢坐得舒服，又可以睇吓電視，叫 set lunch 就最抵，包一杯飲品，仲可以用優惠價$13加個小食。今次就叫咗泰式金邊粉，飲熱奶茶，再加多個泰式鳳爪。泰式金邊粉內有蝦、櫻花蝦、蛋、芽茶、菜脯等材料，面頭再放啲花生碎，簡單又香口，雖然蝦就係雪藏貨，但都爽口，金邊粉煙韌有咬口，加埋蕃茄膏調味，味道酸酸甜甜，唔會死甜，再加埋爽爽哋菜脯粒，食到碟底都無乜油，清碟真係無難度。泰式鳳爪就酸酸辣辣，食到魚露味，但又唔會好咸，啲筋位好爽口，作為前菜真係好開胃。奶茶就好普通，整體食物質素唔錯，又坐得舒服，下次會再嚟 encore。

我們一共5大1BB，等了超過半小時，問佢要等幾耐，佢話下一張，有枱自然會通知！我見有張可坐6個人嘅枱，佢拆開畀4個人同兩個人坐，跟住有張卡位佢話畀我，我話我要放BB櫈佢話卡位放唔到，我話我要張枱可以放BB櫈，佢再好大聲咁同我講話卡位放唔到，我話我知所以要張枱係可以放到BB櫈！跟著我哋話想搵經理，佢叫我哋自己搵！態度差到不願至平！結果我哋放棄無係個到食！咁嘅服務態度，食咗都背脊骨落!

今日要去大本型又未食晏，即刻諗到要去 Green Thai 食個泰式午餐。一點左右到仍需要攞飛等位，但好快便有枱。被安排坐近窗四人枱感覺幾舒服。午餐款式多樣化另可加配小吃及升級配特飲。午市免加一。點咗個泰式辣椒肉碎蛋飯 - 賣相ok, 肉碎味帶香辣都唔錯。但曾在其他餐廳食過有加上金不換味道更香感覺更地道。本人覺得就差這麼一點點。整體而言都係好食嘅。至於餐飲又係令我失望的一環...升級特飲 - 凍馬來拉茶。 淡而無味，一丁點奶茶味都無，下次唔駛嘥錢升級😤

正所謂HAPPY FRIDAY,星期五就特別快肚餓既計劃好快D食野,點知返工就係咁突然有野要跟就一定要做埋先有得食捱下捱下捱到成2點先有野食,唔理3 7 21就見有餐廳就衝入去今日要食既LUNCH就係GREEN THAI平時晚飯食泰國野就梗係豐富又多啦,下午叫個SET就算啦食飯時間得一個鐘快食快走今日叫既野有泰式金邊粉,泰式河粉,牛油雞翼泰式金邊粉--炒落去唔濕,唔錯幾好食,隻蝦都彈牙同埋無拿到死晒味既感覺,雖然唔多但都算幾好,配合埋芽菜等等係幾好食泰式河粉--個湯都算唔錯,味道都還可以,舊肉個味都唔差,不過唔算好多肉食,配埋蔥,洋蔥等配料係令到成碗野昇華左,份量就唔算好大碗配埋個小食就應該丫丫好喇牛油雞翼--香口都幾香喇,如果再吸一吸油就算FIT晒,整體上都唔錯冷熱飲同價,想保養身體唔飲凍野既可以叫熱,天口熱要飲凍野既就叫凍野而不需要加錢.

難得這次我的三個表姐都落到嚟香港就想跟他們嘗試一下他們最喜歡的泰國菜。這間餐廳在屋企附近所以來回不太長時間，所以來這間餐廳嘗試一下。他這裏的菜式都十分之多。例如：泰式炒金邊粉、串燒、咖喱雞等等。他們都十分喜歡這裏的菜式，最後吃完甜品後就回家了

今天去了油塘大本型剪頭髮，其後又是食中午飯的時間，順便致電我的妹妹共享午餐，妹妹提議去Green Thai 食泰菜，都是一個晤錯的建議。這段時間餐廳都是滿座 ，幸好我們都只是等了一會兒都好快入座。午餐的menu 一共有12款主菜的選擇，有泰式雞絲湯河、海南雞飯、泰式金邊粉、馬來海鮮喇沙、咖喱豬扒飯、泰式海鮮蛋包飯等......真是應有盡有，套餐又免費奉送茶或咖啡。另外$8可以升級特飲，又可以選擇馬來拉茶、紅豆椰沙冰、青檸梳打、鮮菠蘿冰、黑糖薑母茶、可樂、龍眼冰等。除此之外，如果另加$13可以自選小食，妹妹想點泰式鳳爪，所以我們點了一款小食。泰式鳳爪(另加$13)都夠酸辣，辣味都晤輕，鳳瓜爽口嚼勁，份量又足，真是抵食。而我個人點了杯特飲(另加$8)，我選擇了一杯熱馬來拉茶，拉茶的起泡夠多又豐富，有滑順口感，茶味濃郁香醇，帶有香料的甜香，淡淡回味，整體味道不會太甜，甜度與茶香也是恰到好處。我們散點了一份泰式蝦刺身($88)，平時我們二人都好喜歡食生蝦刺身，它用了冰盤一同奉上，先來一隻蝦刺身，夾雜蒜片及辣椒，同時吃前把生蝦刺身蘸上一些泰式酸汁，令人吃得開胃又刺激，生蝦都好新鮮爽口，鮮味可口。

上次weekend黎食唔到糯米釀雞翼！今次揀閒日黎唔會又賣哂掛！雖然冇賣哂 可惜個人唔太識欣賞><賣相幾吸引既 但個味真係一啲都唔夾，，，，糯米飯煮得都唔太煙韌==雞又唔滑最後果幾舊大家食到好似打大佬咁==菠蘿炒飯賣相好吸引飯既量都唔少 少少心理準備係得面頭有海鮮 don't expect too much 啊~~豬頸肉好好味！厚度都適中唔點醬料都一級棒！馬拉盞通菜都好夠味！咸淡軟硬適中！蟹肉炒粉絲好大期望原本可惜冇乜鍋氣 都冇乜味 ><還好吧！

慶祝生日=)未黎過加上有得碌銀聯就即管試下xd 人流明明唔多再加上閒日 估唔到原來都等左20分鐘先有得入座@@ 卡位幾大坐得都好舒服 有個大 screen一路播住新聞台~本身叫左個好似幾出名又幾特別既糯米釀雞翼~~但係我地20:30坐底已經賣哂>< so sad下次一定要試下!四個人叫左五個菜~有男朋友必點既黃金炸軟殼蟹($78) 量唔算太多~作為小食同前菜係幾惹味=)點左個青咖喱(雞肉)($82) 用黎點油鬆餅($33)等位既時候係廚窗望住個師傳整油鬆餅已經流哂口水~~確實係好有水準! 即叫即整熱辣辣~唔會太油太厚~ 好味!個青咖喱雖然望落去好似水水地咁~~但個味又調得唔錯 ~~都幾辣但我中意=) 配菜好多~全部都幾入味! 可惜竟然敗左係個主角雞肉到 /.\超老一D都唔滑/.\ 幻想下普通雞柳竟然會咁’ 鞋’ 係幾咁失望/.\我食泰國野一定要食炒河~~唔知點解覺得勁好食~今次就叫左個香辣肉碎炒河($76)~我之前食開泰式炒河都係一片片果種~今次係一條條有D失望 不過都好夠味~好辣好過癮~個碗底好深~所以其實好大碗!!仲有個馬拉盞通菜($68)~味都ok~不過唔夠熱

8月份的一個happy Friday老公建議試試油塘的泰菜我覺得為什麼不去九龍城吃呢於是抱著即管一試的心態來吧點了：1.泰式海南雞（半隻）（$108）雞肉頗嫩份量已足2.雞油飯（$15）無影相只吃雞太膩了因此要點個飯伴著吃3.泰式黃咖哩牛（$82）這個亦可伴飯但伴薄餅更佳咖哩味道香濃不太辣有點椰香份量亦足我們吃不完還要打包呢！4.油薄餅（$33）進來前看到餐廳有印籍師傅在拋弄薄餅果然味道不錯跟咖哩是絕配但個人覺得要$33一塊頗貴呢5.酸辣無骨鳳爪（$65）味道與一般泰式鳳爪無異開胃小吃之選餐廳味道不錯當然如果可以便宜少許會更好啦

朋友搬咗入將軍澳，去嘅新居參觀！之後大家就落咗大本營搵飯食！經過左依間green.thai! 大家都覺得泰國野唔錯，試一試！馬拉盞炒通菜啲菜煮得太淋，平日食嘅通菜通常都係爽口！而馬拉盞應該係濃味既，但呢啲反而冇乜味，只係辣嘅味道重。青咖喱正正常常，但比較酸！薄餅都係冇乜味嘅！

一直喜歡食這裡的咖哩牛腩及油鬆餅。但這一個月來了三次，每一次失望而回。咖哩愈來愈稀似湯水，油鬆餅愈來愈細但抄鬆扮大份。牛腩仲要成日有骨。感覺唔到半點用心。一份狗食，連加一70蚊。嚇死人

夏天豬仔無咩胃口, 總係想食d 酸酸辣辣的菜式, 泰國野係豬仔最近常食的菜式呢間餐廳乘日都經過, 係次次未有機會到訪！ 乘日都見到有人係玻璃入面拉薄餅, 我相信味道一定唔差既叫左個豬頸肉沙津, 豬頸肉分佈很多哦酸味超越辣味, 特別開胃! 生蝦刺身用冰坐底, 保持溫度外同時確保生蝦的爽口程度

和友人聚舊，試試這間泰國菜。可能時間尚早加上我們已訂座，我們二人被安排到一張大卡位，比較寧靜，正合我們聚舊聊天！由於不太能吃辣，所以點了一個黃咖哩牛，再加薄餅（因為我們下午吃很飽，但這咖哩汁如果跟飯會更正）。咖哩略帶甜味，牛肉質沒韌也不痴牙。生菜包對我來說有點辣，但微辣不油膩的肉碎加上新鮮爽口生菜，帶來味覺上的衝擊。反而泰式糯米饟雞翼就有點令人失望，因為它比較像炸子雞加糯米飯，比預期中的「泰式」有點失色。美味的椰汁冰，每喝一口都有香濃椰味，而且有助解辣，正！