Greyhound Café (又一城)

營業中

休息中

好多年前食過沙田個間，今次來到九龍塘行街，想搵間舒服D既餐廳，所以就揀左Grayhound。當日叫左原條魷魚、咖哩蟹肉飯、單骨雞翼、清酒煮硯。清酒煮硯，無沙(好重要❗️）最怕食到有沙的硯🤣🦀咖哩蟹肉飯，咖哩甜甜地，食到有蟹肉，味道係我鐘意的口感！唯獨，我覺得可以分開汁上，就最好！單骨雞翼，岩曬我而種懶人，份量都算多！抵食！原條魷魚，雖然乾身，但同個醬汁好夾，食落好有泰式風味！另外，服務態度都好好，未坐滿人個陣，都可以要求自己想坐的位置👍又會主動加水！

平時在又一城返工都會去呢個集團既餐廳食，上次去王家沙感覺唔錯，上菜速度啱晒lunch返公司，Greyhound 間中都會黎食，喜歡這裏的休閒，服務員其實態度都唔差，最鍾意食呢度嘅單骨雞翼同埋肉碎飯。味道正常。下午茶嘅時間嚟呢度都唔錯。

去到櫃台向該男士說明巳訂枱, 他示意我們自己揾位坐.  叫服務員落單, 她先指一指個QR CODE, 我們再請她代為落單, 嘴角撅一撅再說 "給我號碼"... 作為客人感覺很不爽.

服務態度好差，舉手示意要落order嘅時候，非但沒有及時過來，仲要我坐係度等幾分鐘。 衛生情況都一般，啱啱坐底就已經見到隻叉係有污漬，唔知係食物殘渣定係咩，總之係洗唔乾淨。其實一間餐廳賣啲咁嘅價位嘅食物，服務質素同衛生情況應該都要做返好基本，成個餐廳嘅氣氛完全係茶餐廳咁。另外，食物價格普遍較高，一碟意粉百幾蚊唔係問題，但係實物同menu上面嘅相貨不對版，食物質素一般，偏鹹，下次唔會再幫襯，如果想比錢買難受嘅可以去光顧。

唔聽朋友忠告嘅結果以前喺泰國食過好好食，雖然佢初初到香港朋友試過已經話好差，但見佢咁多年都做得住，所以喺冇乜選擇之下試咗，果然後悔。除咗雞翼好食之外，其他食物非常難食甜咖喱牛肉裏面可能唔夠薯仔用，有啲係炸薯條用有波浪紋嗰種，但問題係唔熟嘅，咬落爽口。青咖喱海南雞裏便啲雞，完全冇味仲要非常鞋Angry Chicken pasta裏便啲雞都唔知係咩雞嚟嘅，總之就係冇味兼難食機會只會比一次，以後肯定唔會再幫襯。

I had always been a fan of Greyhound so I was a bit disappointed with my recent experience.The crab curry rice I ordered, the flavour was great but where is the crab?! For $198 I want be able to see and crab meat, which I can’t. The staffs were also very slow and in their own world. There weren’t even busy, and I had to wait for awhile to pay my bill because the staff are busy staring into space. I will definitely think twice before going again

食品一般服务态度极差。不是一个，接触了三个服务员都是这样。所以解释了为什么其他餐厅都要预约或提前到达取位。他们家在中午的高峰期都有位子。也是一个好处，另外的好处是座位比较宽松

今日同朋友聚會，因為天氣太熱，沒有坐外面。坐在裏面，也不太涼快，而且光線比較暗。最終點了1個小食拼盤及5杯飲品，埋單$598。拼盤的食物好鹹，味道一般，飲品比較甜。

侍應好好，因為餐廳一開門我就到，所以可以自己選座位，我選了二人枱，但侍應見我倆隨身行李比較多，所以建議我們坐梳化的位置，食物方面，一如以前水準，侍應好細心，好快速+專業地一一為我倆清理食完的腕碟，讓我倆坐得舒服地暢談，真的有在酒店的服務水準，一定會再光顧👍

一開始好快入座，入到去都好快幫到你點餐，但後期入座人數多左，得幾個侍應係到完全唔夠。服務唔掂之外，其實醒小小每枱擺支水咪唔洗倒黎倒去囉。D野係勁難食 勁難食 勁難食點左果個招牌炸雞翼臭既 ，唔知係咪落左腐乳定臭豆腐定過期定發毛，單邊上我覺得效果唔好，好似咬骨頭咁，仲要係d細隻雞翼，計埋6-7隻$38條魚唔知係咪醃製過 定佢調既汁咸過條咸魚 食到(那)喉 , 好似吞緊海水落肚咁 無九層塔味 無胡椒味$3xx個卡邦尼意粉都係近年我食過十幾間餐廳比較唔算好 $13x

約咗朋友年初三一齊食lunch, 佢想食先間。即日係openrich 都book到位。因為帶住2個BB , 先到先等既約定。早左半個鐘有多已到。佢都比我提早好多就入去。原本有寫只限90分鐘，但我地好多野要整，而場地許可情況下我地都坐左成2-3個鐘。服務員姐姐仲請小朋友食糖。令小朋友好開心。野食方面叫左豬手，金銀邊粉，小食拼盤，甜咖喱，米紙卷。4杯野飲 埋單要$1489Lunch 平均價來講都幾貴。我地只有3個大人，1個小朋友。同2個bb.野食都差唔多食晒。因為BB食唔到d咩，所以3大1小都食得晒野食當然好食，但豬手冇炆嘅只有炸，覺得佢略為乾同埋硬咗啲，其他都好味

今日凍冰冰當然要出街食放工約了黃兔在又一城食飯。 在openrice book了這間餐廳，因見佢有9折優惠。 但又見到食評一般般，又有點卻步， 最終決定膽粗粗去試下。幸運地被安排坐卡位，座位舒適闊落 服務也不錯，侍應態度好，每次都同我們講多謝，包括點完餐及上完菜，我估餐廳方面有睇民意，因服務有改善。只是有1位講英文的女侍應服務態度就比較差。我們點了：豬肉炒河 $118 ～ 份量有點少，炒河火喉唔夠，味道中規中矩。 大頭蝦海鮮冬陰功湯 $368 ～ 賣相都不錯， 有蜆（ 比想像中多），4隻青口，2隻大頭蝦，一些蝦及菇類等。 冬陰功不太辣又不會過酸， 可惜大頭蝦肉‘梅’ 蟹肉奄列$128 ～ 有好香蛋味， 奄列入面有啖啖蟹肉最好食是這個！泰式咖啡加珍珠$48 ～ 咖啡味好濃，但珍珠口感太淋， 煙韌感欠奉本人覺得以這個價錢來說，食物味道同質素有待改善

嚟過幾次了，貪佢坐得幾舒服，食物又OK，今次約咗朋友去又一城就帶佢嚟試下。😊😊平日夜晚6點嚟到，未到繁忙時間，侍應都比咗卡位我地坐得舒服啲。整體食物質素唔錯，亦有好多選擇。我地叫咗每次嚟都一定要食既招牌單骨雞翼同招牌椰子蛋糕，仲有新出既泰式鳳爪，泰式三文魚意粉。鳳爪少少辣配上甜甜地既芒果仲有蝦片，幾特別。三文魚意粉炒得幾乾身，味道唔錯。😋😋😋服務可以，雖然人手唔太足夠，但都好有禮貌，亦會主動加水😄😄朋友都好滿意，下次會再嚟👍👍👍

mango shake芒果味幾香，又夠涷，但係擺得耐左之後，味道變得較淡。三文魚沙律三文魚份量多，配合粒粒菠蘿，酸酸甜甜，可以舒緩一下辣味。食落整體配搭唔錯。帶子香草闊條麵帶子偏細粒，唔算厚肉。闊條麵有咬口，掛上了香草汁，正常發揮mini burger三個mini burger比較乾身，牛肉唔算特別jucy,但其他餡料頗特別，其中一個係燒茄子加燒冬菇，估唔到又幾夾喎椰子千層蛋糕有驚喜的甜品，內裏有粒粒椰子肉，同千層蛋糕嘅軟熟口感成對比，味道唔會過甜，非常出色

大不如前，以前會因為個椰子千層蛋糕先至會嚟食埋晚飯，尋晚為咗慶祝生日，特登預先訂一個椰子千層蛋糕，諗住同屋企人慶祝，好耐冇食過，所以好期待，點知非常失望，奶味極重，直頭食緊濃奶蛋糕一樣，食幾啖已經唔想再食，成個蛋糕浪費晒，超級難食！全家八個人，個個都話好難食！唔怪得知冇乜生意！