影片
開飯介紹
這是他們在香港的旗艦店，餐廳更設有全球首推的即煮泰式麵檔，由廚師即席烹煮各款新式泰式粉麵，尤以用料豐富的泰式部隊鍋麵配龍蝦最為吸睛。
繼續閱讀
營業時間
*最後落單時間: 21:30
星期一至日
11:00 - 22:30
以上資料只供參考, 請與餐廳確認詳情
食家推介
招牌菜
相關文章
性價比高既平民海景餐廳❤️已經好多年無去Greyhound Cafe🤤以前好鍾意食佢最signature嘅泰式奶茶千層蛋糕☺️真係好好食。見佢喺尖沙咀K11 Musea開左，同埋見到有好多人推介話餐廳環境好好，可以望到海景。今日見天氣好好，就即刻約埋朋友去食！去到餐廳嘅環境果然冇令我失望真係忙到一個超級無敵嘅維港大海景，超relax☺️☺️加上未到lunch食飯時間，真係又靜又舒服。值得一讚係餐廳既職員全部都好有禮貌，已經又會主動加水，又會問我地食物口味啱唔啱食，非常值得一讚❤️❤️❤️講返餐廳既食物，我哋分別叫咗鮮蝦炒金邊粉同埋煙肉蘑菇白汁意大利麵😎鮮蝦炒金邊粉啲蝦好大隻🤤🤤配埋好彈牙嘅金邊粉，味道同賣相都滿分☝🏻☝🏻我仲加左錢要珍珠泰式奶茶！飲品都好有驚喜！珍珠好多，而且奶茶甜度剛剛好😮💨飲飲下突然之間真係好掛住泰國🥲希望盡快有得返家鄉🤣🤣朋友叫既煙肉蘑菇白汁意大利麵，都好足料！啲汁唔太漏，掛哂啲白汁喺意粉度，而且好大碟！食完已經好飽。不過由於太耐冇食過佢哋嘅泰式千層蛋糕所以我哋都決定叫埋甜品，因為餐廳環境實在太靚啦，真係唔捨得離開😂好彩件千層蛋糕同以前食嘅味道一樣，都係咁好食，又唔太甜☺️☺️☺️非常推薦大家下午茶可以嚟食，睇埋日落一定仲靚👍🏻👍🏻👍🏻
繼續閱讀
📍 Greyhound Cafe #Greyhound#MFJ尖沙咀#MFJ泰國菜人均消費: HKD150圓方其實好多餐廳未食過，原因: 太貴🤡今日又去試Greyhound @greyhoundcafehk ！食過太古分店，十分Fusion的泰國菜！有泰式風味得來又配搭新穎！⭐️蒜香辣椒蟹肉意大利麵🍝$136本來午餐$118，要蟹肉意粉要加$18！鬼叫自己嘴饞🥴 是日沙律都是凱撒沙律，不過不失意粉乾身，但加上蒜香辣椒不但口感好，而且頗有鑊氣香味！蟹肉大大粒而且超級香，每啖都有好濃的蟹香味！⭐️泰式奶茶🧋點了杯泰式奶茶，雖然好甜，但的確又幾香滑可口！如果+$6仲有珍珠！$150一個午餐，貴了點，但算是幾不錢！地方大，不用等位，但有用餐時間限制，不過店員好有禮貌，價錢稍高，但幸好質素不錯#pasta #spaghetti #crabmeat #thaifood #mfoodjournal #instagfood #foodstagram #foodie #hkfoodie #fooddiary #foodblog #hkfoodblog #tastyfood #foodphotography #相機食先 #食好西 #吃貨 #香港美食指南 #香港美食 #尖沙咀美食
繼續閱讀
每次去泰國旅行都一定要去Greyhound，喜歡餐廳型格，喜歡餐廳的食物。黑白主題的裝修，年青的侍應，親切的笑容，好有活力。這過江龍已經嚟咗香港好多年，本人亦去過唔少位於香港嘅Greyhound分店，依然十分喜歡。這次放假去到圓方亦唔例外，又嚟食lunch. 泰式豬肉丸湯河粉，穩穩陣陣，不過不失。可能由於人多關係，調味架需要提醒侍應才施施然拿過來。友人叫午餐，蘑菇餐湯只係得三份一碗🙄，而且係暖嘅😵💫。好想換，但都係費事。泰式雞肉炒金邊粉 - 味道唔錯，但係啲金邊粉超硬，真係頂唔順，中間仲好似生生哋，唯有請佢再煮過要求煮淋啲。其實呢啲基本野唔應該發生，唯有下次唔再嚟呢間啦。除咗因為食物，侍應冷冰冰的服務也是主要因素😓餐飲泰式凍奶茶仍然是我至愛😍
繼續閱讀
周六，去咗食個 lunch buffet，嚴重失望，大家切勿幫襯：1. 衞生差：Lunch buffet 有個即煮麵檔。餐廳提供過膠 menu 和黑色 marker, 請客人喺過膠 menu 上點餸。工作人員態度差，排我前面有一位長者，佢表示自己老花，menu 上嘅字太細，佢睇唔到，好有禮貌地請工作人員口述佢聽，有咩餸可以揀；但工作人員唔理，仲好晦氣咁不斷強調要對方畫落將過膠 menu 度點餸，甚至叫佢位長者自己攞張 menu 翻埋位睇清楚畫好先交俾佢落 order。其實當時無人龍，得兩個人排隊 （長者、我），我唔理解工作人員唔肯口述俾長者聽有咩餸嘅原因 （另，餸嘅選擇，得6項，唔多吖，口述唔會好浪費時間啫！）最恐怖嘅係，工作人員用夾食物嘅夾，夾住張過膠 menu, 係咁遞俾位長者迫佢填。個夾，係用黎夾煮麵嘅食材嘅 （麵、牛丸、蝦、菜），但工作人員用同一個夾，夾張過膠 menu。塊過膠 menu，明顯用過 N 次，上面有 marker 積、個個人都用手掂過，又油淋淋。工作人員用夾食物嘅夾去夾張過膠 menu, 係非常唔衞生嘅做法！之後，同一名工作人員，見有碗整好嘅麵放左好耐都無人客過黎攞，佢竟然喺其他客人面前，將嗰碗麵嘅湯底，倒翻落個煲度。當我問對方：“吓？！你就咁倒番落去？！”。對方表示：好耐都無人黎攞，倒番啲湯落去廢事浪費啲湯底。”我承認碗湯麵係有浪費咗嘅成份，但碗麵暴露咗喺空氣咁耐，而工作人員又當住其他客人面前，將啲湯倒番入個煲度，感覺真係好唔衞生、好反胃。。。。2. 食物選擇超少、難食咪就係得沙律 、青口、蝦、麵檔、單骨雞翼、cakes 、沙爹咁囉 （每款嘅量都好少！）。我由1230坐到1400，沙爹都只係食到牛同雞兩款。雞沙爹我去攞時，係水尾，得番幾串喺度，全程無 refill 過。個單骨雞翼，可能因為係 buffet, 一早整好放喺度，唔係啱啱煮好 serve 嗰啲，唉，肉質鞋、又唔熱。仲有，啲蛋糕。。。有兩款我食時，應該啱啱喺雪櫃攞出黎，硬過石頭！周六多一家大細去。我聽到隔離枱嗰一家人，有老有嫩，個婆婆同爸爸都話，“呢度無野好食！”。仲有另一張枱嘅客人話 “好睬今朝喺屋企食左個麵，打左個底”。3. 性價比超低，無良心經營：你可能會話，lunch buffet 每人200幾，你仲想點？老實講，間餐廳只係俾緊一般茶餐廳嘅貨色，工作人員態度又唔好，我真心覺得非常唔值、失望。我真心想同營運 Greyhound 嘅集團講聲，請你真心攞個良心經營啦。其實如果你真材實料，我係願意俾貴少少嘅價錢食餐好少少嘅。你個 lunch buffet，食水太深喇。無誠意、無良心之作！
繼續閱讀
在open rice 訂座時寫有85折,但去到沒有,再翻紀錄,open rice的電郵回覆上標沒有優惠,ok,技不如人,只有照食.建議訂位後查清楚点了炸海鮮併盘,上菜時呆了,所有材料原个炸,連殼炸,如圖上炸蜆及青口,肯德基式海鮮点了黃咖哩啖啖蟹肉飯,實際是飯多加D蟹肉碎,非常失望点了和牛黃彊飯及三色迷你漢堡,沒特別驚喜用餐中途,服務員突然收走我的小碟,再放回新碟上,雖然我的碟未用過,但用餐時都會吹水,重用太不衛生,幸好我叫停,冇人受害
繼續閱讀