Greyhound Café (ELEMENTS圓方) (已結業)

很多座位。但仍然疏落。曾到這裡試過生熟牛河，味道方面蠻不錯，湯底很有味，但略嫌份量不夠，兩三片生熟牛肉幾撮粉，很快掃清。今趟叫了一碟泰式金邊炒粉，以及跟同枱分享了一碟小食春卷，剛剛夠喉。金邊炒粉不太多料，雞肉芽菜韭菜配乾辣椒，調味適中，加點青檸汁，增添清新。六件細小圓嘟嘟的春卷，內藏碎豬肉，炸得脆口。試一口用青綠生菜包夾著吃，混雜了生菜的清變得很爽口，更加特顯春卷豬肉的煙靭。加多杯熱飲，算恰到胃。

其實我個人好怪，唔知點解唔係好鐘意食連鎖店，我並唔係好偉大，只支持小店果類人，只係連鎖店品質參差不齊，同細舖好多時係自己生意，所以水準睇得緊好多，Greyhound 好耐之前食過，但對佢冇咩印象，証明都係不過爾爾，今次朋友約黎呢度食，等我重新去感受呢一間泰國Fusion菜先！我個朋友呢度熟客，佢話每次黎呢度，一定要嗌三個餸，炒金邊粉，香草三文魚，炸單骨雞翼，夠大路丫！正常都唔會出錯！金邊粉有蝦、熟芽菜、生芽菜，炒得唔太濕，合格！香草三文魚，夠大塊！香草汁唔夠多，舊惹味，合格！單骨雞翼，都唔會錯得去邊！同最鍾意食單骨雞翼，唔使咁辛苦去食佢中間啲肉，正呀！之後到去到青口，真心唔好食！個青口好韌，好硬！而且冇乜味....好似食擦子膠咁個蟹肉春卷，我朋友問我食唔食到蟹肉，叫我睇返個menu 睇下有冇叫錯，冇啦！係得兩款。講真，我都食唔出有蟹，但我平時唔知係唔係俾違反商品說明條例嘅野呃得太多，我麻木咗，我朋友竟然仲會對呢嘀嘢有疑問，我覺得佢好Pure 好ture三個人食咁多都重唔飽，係我地太大咬，定佢嘀野細碟，咁我覺得唔關我事囉再叫咗一個墨汁海鮮意大利粉，呢個反而唔錯喎，意粉唔太淋，而且好彈牙！

次次去圓方都係睇戲，今次就去食餐生日飯。呢間主打泰式fusion菜，入面空間好大，好舒適。-帶子蘆筍香草寬麵 $148上枱時香噴噴熱辣辣～帶子煎得表面香脆，入面鮮味多汁～蘆筍爽脆，醬汁味道濃厚。-泰式海南雞飯 $158雞肉份量適中，肉質唔鞋。醬汁分別有醬油、薑末、酸辣醬。當中酸辣醬最特別，酸酸地好醒胃～-斑蘭千層蛋糕 $78份量好大件的切餅蛋糕。斑蘭醬汁好濃郁，好香～千層餅皮有厚實感，上面有塊比較硬的餅乾。

黎西九chillchill 過黎前係Element stop1stop食個lunch先Greyhound的lunch set好抵食有express 2-courses $98/delight 3-courses $128我地就叫左兩個delight 可以揀配蘑菇湯或者沙律Salad dressing做得幾好 沙律菜新鮮！Maincourses 就Pad Thai 同泰式蟹肉炒飯份量好大 兩個都好有鑊氣 蟹肉份量極多仲有粒粒乾蒜 好惹味小食炸春卷 幾惹味呢度環境大好闊落 幾舒服 element lunch不錯之選

突然好想食泰菜，Element間greyhound氣氛唔錯！坐得又夠舒服❤️❤️好岩閨密相聚傾計😍有啲野食外賣有五折添好抵喎原來堂食都有幾款係有五折泰式辣汁青木瓜沙律味道清清地，酸酸辣辣咁，幾開胃仲有啲bacon & 花生增加口感泰式辣炸雞配蛋黃醬新鮮炸起的，外脆內滑，唔會炸到乾爭爭配埋蛋黃醬好好味呀仲有少少辣味，味道層次更豐富海鮮菠蘿炒飯呢個炒飯用左石鍋，能夠保持住熱度個炒飯有輕微既咖哩香，但又唔會太濃味，好岩我口味仲有4大舊菠蘿啊叫左3樣野，埋單每人都係百幾蚊咋

Work from home 左咁耐，今日team 終於齊人，太耐無見要好好食返個晚飯。一行三人去左office 商場附近食泰菜，同事發辦order了 二款小食、部隊鍋跟甜點。秘制辣肉醬手包粉卷感覺是似泰式生菜包，肉醬帶微辣幾野味同個香草source 好夾，要贊一下是日既生菜好新鮮同爽口呢！泰式炸雞韓式既炸雞就食得多，今次order了泰式炸雞，感覺跟韓食完全不同！皮酥脆得黎無咁乾身帶有小小似香茅既味道，沒有油膩感，值得一試。泰式部隊鍋麵泰菜不能不吃冬蔭功湯吧！冬蔭功湯底帶微辣及多款香草味還加了隻雞蛋及公仔麵，材料豐富味道濃郁。海鮮材料還有青口、蟹肉、魷魚及蝦，是正宗的泰國味道😋甜點 - 芒果千層蛋糕 芒果味濃且香甜，cream夠滑，千層蛋糕皮做得不錯不會太厚，好味😋！

今日去到圓方才發現Greyhound有分店，我很喜歡他們的泰式fusion菜，出品十分不錯。現在餐廳因疫情的關係，餐廳實施坐枱分隔，入餐廳前也要量體溫，桌與桌有充份的空間，讓客人食得放心。馬沙文甜咖哩羊膝配薄餅 $268看到這道羊膝很吸引，今天正想食羊，一於試試，羊膝夠大件，整體掛滿馬沙文甜咖哩，微甜不辣，配上煎香過的薄餅更美味。燒豬頸肉配糯米飯 $108豬頸肉肉質爽腍，配上香濃的特色醬汁好有風味，糯米飯用上一個小竹籃，熱辣辣好有嚼勁。下次再到其他分店試其他菜色。

Happy Friday諗住食好啲, 走咗去圓方食Greyhound之前喺openrice嘅推介裏面 見到有個相當唔錯嘅泰式龍蝦冬陰功部隊鍋, 令人垂涎三尺但係大家都知道大食妹一向奉行節儉簡樸, 而且唔係好好龍蝦, 最後都係揀返個比較平㗎嘅泰式冬陰功部隊鍋 (不含龍蝦)<泰式部隊鍋麵>泰式部隊鍋麵湯底酸酸辣辣好開胃裏面有好多唔同種類嘅海鮮, 例如斑塊、青口、魷魚同帶子, 中間有隻生蛋, 刺穿之後蛋汁同埋湯底融合, 味道更上一層樓 配上軟Q 嘅泰式麵, 非常好食<海鮮菠蘿炒飯>海鮮菠蘿炒飯就相對遜色, 之前睇openrice嘅專欄裏面見到佢菠蘿係燒到燶燶哋嘅 但出到嚟只有輕輕燒過雖然菠蘿依然係非常清甜, 但係就有少少失望可能我哋嘅期待值有啲高... 但底下嘅薑黃飯混合咗腰果、提子乾同多隻嘅大蝦, 都係相當唔錯嘅

今日去到圓方行街，看到之前食過不錯的泰式餐廳，喜歡吃泰菜的先生就話入去吃晚餐，入到去空間感十足坐得都幾舒服，我們二人看到餐牌，選擇都不少，就決定二個小食和二個主食，食物約十五分鐘後來到。首先來的是十分特色的海鮮冬蔭公炒螺絲粉，好大隻蝦，而且肉質都不錯，螺絲粉入面仲有不少海鮮，食了幾口都幾辣又香口，粉吸了醬汁味不錯。二款小食來到，泰式辣炸雞配蛋黃醬，炸雞粒一口一粒，炸得好惹味又香不油身，配合幾清新的蛋黃醬不錯，另外如果覺得不夠味仲可以用少少鹽一齊食。另一款泰式香燒原隻魷魚筒沒想到咁大份量十足，魷魚都幾彈牙而醬汁幾香帶辣。比較少看到有鴨飯就叫了香紅咖哩鴨飯，鴨件不少啖啖肉，鴨肉都幾香口，紅咖哩不太辣十分香，混飯和配菜一起食不錯。

臨睇戲前, 緊係要填飽個肚先啦 !! 今晚就揀左喺戲院對面嘅 Greyhound Café 開餐餐廳地方好大, 室內座位超多就連餐碟都咁有特色脆炸粟米蟹肉餅配甜酸醬非常香口嘅小食, 蟹肉餅加上粟米炸成金黃色, 口感脆卜卜, 配上甜酸醬更加惹味泰式炒椰菜苗加入脆咸肉一起炒, 令椰菜苗倍添陣陣咸香味, 而且唔會煮到過淋身, 好有咬口馬沙文甜咖哩牛肉配薄餅呢款咖哩味道溫和, 唔會太辣, 椰香味濃, 仲帶點微甜, 咖哩入面有加入好淋身嘅牛肉碎, 配上兩款薄餅一齊食, 味道簡直一流 黃咖哩海鮮炒河海鮮材料份量十足, 用上黃咖哩炒, 味道香濃, 但唔辣, 河粉質感較煙韌, 唔錯唔錯Order 左 4 樣野, 兩個人食, 加埋一唔洗 $500

食泰國菜當然食辣 但友人不能食辣 只能夠食原味！依然岩食！greyhound是我最鐘意的泰菜 和mangotree差不多都是中上路線 舒服好坐又企理 服務都有第一次到圓方食飯 原來呢間係有吧台好chill叫左碟butter garlic mussels 但係充滿泰味 因為有好多香茅 同埋酸辣汁好惹味 又有少少酒味 所以都飲左好多啖湯不過今次dd老左 青口少少縮水 Main就有碟炒海鮮意粉 其實我最鐘意呢個不過無叫到辣 如果辣就完美啦！特色野就叫左拆蟹肉飯 呢個唔平但真係好特別 份量都唔少黃咖哩 甜多過辣 但好香椰奶味 所以好易入口估佢唔到既多蟹肉 拆哂無骨 真係有功夫架整體同其他分店差唔多

突然好想食泰國嘢，用另一Apps即刻搵平靚正好嘢食，而且又可以泊車的地方，就即刻諗起去好方便又人多少嘅Element, 地方又大又好行，食肆唔算太多，座位寬闊，人流較少， 服務態度相對好一些，泰國嘢經常食，但要推介冬陰功部隊鍋😋非常好味又出息！留意，有些服務員只懂英文，好彩大部份都有圖，令你容易選擇喜歡的食物，但Menu比較複雜，不同尺寸及食物種類，較難閱讀，最後記得食芒果糯米飯做結尾，咁就最完美啦！

疫情下都明白餐廳應該cut咗人手不過我同朋友企喺門口等帶位 足足4分鐘！其實門口甜品bar 女員工是見到的，不過唔會知會負責同事之嘛終於有個侍應走出嚟(嗰種勁唔願意行，連扮吓焦急都無)Anyway, 嘢食係ok, 一向喜歡呢度d湯河！連隔離枱d細路都話d嘢好食！係呀 同隔離枱坐得超近，清楚聽到每句說話的，因為大部分枱都無人執的，可選擇的枱唔多了，呢個疫情時勢，去大部分餐廳都好有意識，唔會放d客咁近是基本吧同埋waitress將口罩帶晌佢下巴度😠😠😠

去開圓方見客，趁機逛一逛順便食埋晚餐，無得去泰國玩，食個泰國餐補返數。呢間Greyhound响將軍澳食過，覺得幾好食，今晚就試試呢間啦。可能疫情關係，店內客人唔算多，大家有一定距離，食得更安心。兩個人叫咗一個意粉，一個部隊鍋無錯 ~ 係部隊鍋呀，不過係泰式的，香蒜辣椒蟹肉意大利麵$168擺盤簡單，賣相都唔錯，蟹肉有蟹鮮味，唔鯹，份量又多，意大利麵軟硬適中兼爽身，以欖油、黑椒碎、香蒜炒香，好惹味！加埋火箭菜、原隻辣椒，好睇又好食。泰式部隊鍋麵$188部隊鍋香氣飄飄，顏色吸引，湯底係冬蔭功，唔駛再叫湯。材料好豐富，主要係海鮮：帶子、魷魚、虎蝦、青口、魚片、媽媽麵、雜菌、雞蛋、香茅、青檸、檸檬葉、芫茜。各式海鮮鮮甜味美，青口好肥美，虎蝦有3隻，口感爽脆，正！冬蔭功湯底都好好味，酸香微辣，差不多飲清光。雖然現時惰況比較緊張，在外用膳的確比較少，不過間中都要透透氣，只要做足防護措施就好。

通常是我倆一拿不定主意晚飯要吃什麼，就會去Greyhound 這間泰國fusion餐廳，因為每個菜式都肯定令人滿意，而價錢亦不貴。夠大，感覺良好，但沒有消毒酒精提供。主食Main Dishes《啖啖蟹肉黃咖哩飯 $198》Well-known yellow curry crab on rice蟹肉份量多，入口量是蟹肉，拌有黃咖哩更加惹味。黃咖哩味道甜帶椰香，十分香口又無熱氣感，下飯吃味道更減膩，令人一口一口接著滔。飯配有酸菜湯，很開胃亦平衡蟹肉的膩感。《清邁雞腿咖喱蛋麵 $128》Khao Soi Chicken咖喱湯汁椰香味濃，甜甜的很惹味，配上彈牙又掛汁的蛋麵一流；雞腿肉嫩滑，加上香甜咖哩湯汁味道很好；另外有碗肥脆條，加入湯汁中增加口感很不錯。因為兩個主菜都有醬汁很香濃，吃剩了實在太浪費，所以令點了一個薄餅來沾汁，$28 有六塊實在抵食。