Greyhound Café Galleria (K11 Musea)

營業中

休息中

今日我哋六個人去服務態度勁差，仲要提前book咗位，我哋都消費2222，仲要睇唔起人，一坐低就同我哋講最低消費150一個人，未試過去一間餐廳咁樣嘅服務態度，以後再都唔會幫襯。

Greyhound Cafe HK <K11Musea>食評位置與環境Greyhound Cafe 位於尖沙咀K11 MUSEA 3/F 327A&327C 可以觀賞維港景色 飽覽整個海景 店內亦充滿時尚感座位亦非常寬敞感覺舒適今次選擇咗泰式下午茶TEA SET 分別有鹹點和甜點鹹點佔嘅比例較多對於喜歡吃鹹點嘅朋友就非常適合啦Tea set 分別有三層最低層為泰式小食拼盤其中嘅脆炸芋頭餅係我個人比較推介以及喜歡嘅除此之外佢嘅豬柳串燒都不錯配合佢附嘅醬汁非常惹味但係佢嘅脆炸粟米蟹肉餅就一般啦淨係食到粟米完全食唔到蟹肉以及佢嘅味道中層為甜品值得推介嘅係佢嘅椰汁千層蛋糕唔會太甜 而且椰子味非常之香食落仲有粒粒椰子肉 Cream都非常之滑平時都可以單點 作為飯後甜品都非常不錯頂層都係鹹點值得推介嘅係佢個薄切三文魚配泰式辣汁泰式辣汁同三文魚個配搭非常之出色整體嚟講 398呢個價錢兩個人食性價比都尚算不錯另外附贈兩杯飲品我選擇咗泰式奶茶 我揀咗少甜泰式茶底非常之香 亦都唔會太多奶係我飲過數一數二好飲嘅泰式奶茶♥️總結如果想同朋友仔食吓下午茶又喜歡食鹹點嘅話我本人都比較推薦Greyho

今次係第一次去呢間舖頭食泰國菜，因為屋企人有download Gaia app裏邊會有一個$988喺K11食嘅套餐優惠券。如果係其他嘅分店度食係$888。總共會有九樣嘢食同埋四杯特飲選擇。👍🏻👍🏻薄切三文魚泰式蠔仔煎蛋秘製辣肉醬手包粉卷特色小食拼盤火山骨淡淡蟹肉黃咖喱虎蝦配印度薄餅菠蘿雞肉炒飯泰式炒通菜蛋糕兩件四杯特飲(可選:凍泰式奶茶 / 凍泰式咖啡 / 泰式冰檸檬茶)可另加$288枝紅酒或白酒未加一。

環境爆分 不過⋯不可一不可再 超級難食過個wagyu牛肉薑黃飯 硬過鞋底 啲飯勁油 香草蜆肉意粉 個意大利粉發脹晒 冇蜆味 清淡到爆 個招牌雞翼係乾到 非常失望 食完要去隔離嗰間The Coffee Academics 再食過

尖沙嘴望住維港食TEA勁CHILL餐廳推介 - Greyhound Café Galleria好開心同姐妹黎到位於K11 Musea 既Greyhound Café Galleria食下午茶😋餐廳係Gaia集團旗下全新摩登泰菜店，今次好好彩我地坐到最後一台既無敵大海景位🌊可望到180度維港靚景，而且日光豐富，極光猛醒神，自然光透過窗邊滲入， 心情特別輕鬆🥰室內則有色彩斑斕的設計，感覺更有活力和輕鬆 ! 呢度D食物水準超高質🤩，打卡一流 ! 📸️❣️簡單介紹一下我地叫左咩野食啦 :粟米蟹肉湯 $108 粟米濃湯唔單止鮮甜濃厚，蟹肉羹充滿香味 ! 自選椰子雪糕 $88 由新鮮椰漿同其他材料如糯米製作而成，啖啖都係椰子嘅原汁原味，好食到停唔到口！芒果奶昔 $58 用新鮮芒果汁及沙冰調製，令口感擁有如奶油般絲滑口感，香甜平衡恰到好處 !冰凍美式咖啡 $42 呢款經典深度烘焙咖啡帶著香甜既焦糖風味，口感醇厚而細膩，加入冰粒後享用，帶來奇妙既變奏，非常適合熱情的夏天飲用 !又有靚景睇，野食質素又OK，確實係一個值得推薦同朋友黎聚舊既地方 ! 特別一提係餐廳設左每位最低消費$100，而且餐廳係收加一服務

朋友生日聚會，訂位時要求坐近窗口位，感謝餐廳也能安排，還能在高空看到 Doraemon 展👍🏻食物質素和飲料也能保持一向高水準，沒令人失望。但可惜是限時進餐😔當時餐廳還有空枱，外面也沒有人排隊等位，但不明白為何waiter 常催促我們結賬🤨如多人等位，食客都會明白和體諒按時還枱，但在這情況下，waiter 們有這樣的表現，就令食客覺得有被趕的感覺😔 如果侍應們不是這樣死板的安排，我相信這次在 greyhound 的聚餐應該可以畫上完美的句號😊

今天和朋友午餐，點了兩份午市套餐，其他一份要了湯，期間崔了兩三次都沒有上湯，最後全部吃完了，再催，服務員才端來一碗湯，湯一股燶味，叫服務員換，服務員還強調是這樣的，強烈說明是燶味，服務員才說 要不要換成沙律，然後又開始等，最終問午餐都吃完了，沙律可不可以換成飲品？服務員說不行，才端來一份沙律，前菜變成最後一道菜，問服務員要一杯水，服務員說沒有免費的水，要叫飲品，第一次遇到在香港吃飯沒有免費的水，沒有任何服務，還收10%服務費。並且以前光顧好幾次，都可以提供水，這次非常失望，服務很差，有好幾個服務員，都要招手好久才會有人過來。

味道好差，果汁甚至是臭馊的，水果切开之后在冰箱放很久的味非常不新鲜，不推荐点果汁！窗边位一定要提前定卡座位而且要天气好，否則影出來好難看。k11有其他店更加舒服的選擇！特地帶朋友去，結果体验太差劲。非常不推荐

走累了看到这家餐厅就进来了。整体环境还好，窗边可以看到星光大道和海港。视觉感很舒适。服务很差，对话都是冷冰冰的，进店就被问到有没有预约，如果没有，用餐需要每人150元低消。点了蟹肉粟米，味道不错。不会再光顾了。

今日同朋友約咗睇K11食午餐，本身係諗住去4樓食越南嘢，不過發覺間越南嘢已經執咗笠⋯⋯咁就經過咗呢一間餐廳，其實K11嘅餐廳都好少人，唯獨見到呢一間比較人多，就嚟試吓～我哋兩個人一人嗌咗一份set lunch ，開頭以為係食西餐，坐低之後先發現Menu入面好多都係泰式嘢，都係冬陰功，炒粉麵飯（泰國）～我就嗌咗個香葉肉碎飯（少少辣）味道都唔錯，但係又唔係話真係好特別朋友就嗌咗個和牛飯，都幾精緻嘅，佢都話幾好食～不過最靚係有個無敵嘅大海景！喺呢度食午餐個人真係開心啲！

平時成日去K11行街，但入面嘅嘢食對學生銀包頗不友好，呢次嘅餐廳睇落好fancy，嘢食仲要比我預期平！呢間餐廳主打泰式fusion菜，好彩嘅話仲可以睇住無敵大海景嘆美食！我哋喺閒日夜晚去食，座位坐得唔滿，咁啱有得坐海景位，是日小確幸✓～ ➵ 香紅咖喱鴨煲｜$218 ♥︎♥︎♥︎♥︎♥︎➵ 泰式雞肉意大利麵｜$148 ♥︎♥︎♥︎♥︎♡➵ 泰式珍珠凍奶茶｜$48 ♥︎♥︎♡♡♡➵ 泰式凍奶茶｜$42 ♥︎♥︎♡♡♡ 咖喱鴨煲好好食！香料味好足，配埋印度薄餅非常滿足，不過比一般咖喱稀，如果可以稠啲就更完美；雞肉意大利麵都唔錯，份量有啲細，我幾鍾意呢個意粉嘅味道，用香料將西式同東南亞風味融合得好好！不過兩杯泰式凍奶茶都好難飲，味道有啲苦，但好水，好似飲緊稀釋咗十倍嘅啡色茶味水，珍珠甚至硬到咬唔開，非常唔推薦！以一間 ’cafe’ 而言，呢間嘅飲品真係伏出天際⋯⋯ 同埋我哋都遇到網友們提及嘅服務態度問題，其實唔算太猖狂，但會令人輕微不爽，作為旗鑑店嘅尖沙咀店都係咁嘅服務，難以想像其他分店係咩景況⋯⋯大家去食嘅話，專注喺食物上就好，其他就以平常心看待啦～ ౨ৎ ˖ ࣪⊹౨ৎ ˖ ࣪⊹౨ৎ ˖ ࣪⊹౨ৎ ˖ ࣪⊹౨ৎ ˖ ࣪⊹౨ৎ

為要看多啦A夢無人機滙演, 所以提早去了 K11泊低車,   中午大約 5 點. 唸住搵間店食下嘢食陣. 再落去星光大道剛剛好.   那就望一望水牌. 試下呢一間, 知道不同區都有分店, 亦見身邊朋友好多人都常來.   感覺應該幾有保證 可惜...... 我不認同 :-)1700入座,  門口已清楚. 90分鐘用餐 , 每人要有 $200消費.   - 這點我明白. 亦同意, 無所謂的昨天應該服務員不夠, 常常都很難找到人幫忙, 不過都能理解,  等下就可昨天點了. 特式小食拼盤蝦餅 - 一D 都唔似蝦餅, 林PAT PAT的, 似魚餅多D 春卷 - UN 硬既雞翼 - 炸得太乾, 求其在我雪櫃拎一款焗都好食過佢帕能咖喱羊扒 - 過熟 UN既隨咖喱跟薄餅 - 一D都唔鬆唔熱唔脆, 林實既泰式炸豬頸肉 - 有渣UN既飲品: PINK COOLER - 西瓜, 橙, 波蘿汁MIX另外:  或且我見識少, 竟然店內係無水提供 😅 要買佢地樽裝水/飲品, OMG  其實我真不介意比錢叫飲品,  不過試過上面一堆食物都係得個樣, 無質數 , 連飲品都唔想叫了.   呢餐 $799 - 3  人用

今日落大雨老公開車去左k11 musea,本身商場都冇咩平價嘅餐廳，food court 超多人，所以情願比貴少少坐得舒服啲，係餐廳門口排左5-10分鐘就有位，門口已寫明人均消費要150蚊，呢間餐廳環境ok,坐窗嘅位望維港景，不過服務真係麻麻，叫左3次都冇人過嚟落單，明明waiter見到我，仲同我示意會行過嚟，但佢最後都係走去做其他嘢或者幫左另一枱客落單，仲要係3個唔同嘅waiter都係咁，食物味道唔錯，但其中嘅炒金邊粉份量好少，價錢唔算平，男士食一定唔夠飽，另一個冬陰功螺絲粉就好好食，入面仲幾種海鮮，值返個價錢。另外，我見旁邊果枱客叫左個carbonara，等左30分鐘，佢哋提左waiter5次，但waiter次次都話整緊，明明佢早過我哋叫嘢食，好明顯係漏單。最後埋單個陣，waiter 掉張單過嚟我哋枱面，心諗你哋連水都要比錢，應該都算係高級餐廳，點解服務仲衰過出面茶記？好難怪啲人唔北上去搵食

景觀一流，但服務態度奇差！平生第一次寫食評就寫個差的，真的是無奈兼無言。食物還可以，但餐具及茶壺好像沒洗一樣，黐立立的。以價格及服務態度對比，性價比就不了！不會再來！

入座後才知沒有set menu, 只有A la carte, 價錢偏中高檔價錢, 心諗只要餐廳質素好都無咩所謂, 所以對餐廳有少少expectation。用QR code order了食物及飲品, 找侍應叫杯水, 女接待員兼侍應冷淡回答沒有水提供,只有sparkling 同still water! 人手亦看似十分不足,全場只有三位服務員。其中一位男服務員態度十分差劣,沒有基本禮貌,埋單時客人雙手比信用咭,此侍應碌完咭就求其放枱上走人! 不期望你說多謝,但都要識基本禮貌尊重人吧！