Grove Cafe (已結業)

裝修完畢，最近幾日重開 室內開揚光猛 增添咗幾部冷氣 室內環境明顯 相比之前涼快 食物方面 餐牌亦有所改變 多咗一啲 新派西餐美食， 今日試咗 下午茶 蝦拼牛油果多士沙律， 加十蚊 一個迷你 蕃茄濃湯螺絲粉， 餐飲配有黑咖啡， 凍飲加三蚊， 總共成為61蚊， 性價比相對低咗， 但整體食物感覺新鮮好食， 唯一 沙律相對地細 菜比較少， 而且只有檸檬汁 冇任何沙律醬，黑醋提供 相對失色， 最敗筆 嘅係 付款方法 竟然還原基本部 只提供八達通 以及 現今付款， 令本人相當失望， 暫時沒有電子支付。 裝修後 鋪內 露天位置 不設吸煙區 空氣比之前清新不少

侍應只顧大聲互相溝通，毫不理會客人。愈嚟愈過分，嘈過街市。入店無人彩你係正常。坐低叫嘢食，佢地可以係你側近行過扮睇唔到，同送貨嗰個邊行邊大聲講笑都得，仲要兩個侍應都係咁，被無視了。究竟係佢係客定係我係客？更驚人的，見到有坐在外邊的客人，自己行入嚟cashier 落order，話自己座邊張枱。嘩! 佢遲過我坐低㗎! 乜原來呢度潛規則係要自己行去cashier 落 order 㗎？幾時改咗我唔知啊？樓下嗰間，不嬲係cashier 落單嘅，叫做十分正常。呢間呢？個客自己去cashier 落單叫咩？叫失職。下次使唔洗自己去攞餐啊？餐廳是客人食飯嘅地方，唔係侍應互相嘻笑嘅俱樂部，我入嚟唔想聽你地互相大叫嘻嘻哈哈，成何體統？毫無紀律。另外，店內煙味極濃，戶外座位的煙味透過有縫隙的落地玻璃全吹入室內，跟坐在隔離冇分別。呢個係先天問題，餐廳位置於戶外，根本全透風，Ok fine，以前我食完就走。而家？你話呢？我係本區客，知道呢間野不嬲有熟客，因為佢係唯一可以在店吸煙的餐廳。但都唔可以放任到呢個程度。反映在無競爭下，管理層無心做好個品牌。

嗌完外賣過嚟拎，佢哋將我個外賣黐錯單，我嗌咗個港式早餐，嘥咗我少少時間唔緊要，佢哋知道嗰餐係我嘅，佢哋話個餐啱咪得囉，佢問我係唔係雞扒，我話唔肯定，佢話返我唔可以唔肯定，因為我嗌港式早餐，我唔會記得入邊有咩嘢食喺入邊，唔緊要啦，我拎個餐嘅時候佢仲連續講三句：「個餐係唔係啱先，啱唔啱先，啱唔啱先亅，呢啲嘢應該係要佢哋check，佢哋黐錯唔緊要，點解個態度仲要咁差呢？之前啊呢間嘢仲要成日漏咗多士，但係我住得比較遠都冇攞唔到，所以都已經有個習慣會係咁check，但係嘢食點都唔緊要，係啲態度真係好有問題，點解要推翻個波比客人到，我一直都冇出聲喺度等，成件事一定唔係咁運作。

我偶爾會幫襯，貪佢無咩人又有open area, 晚間職員服務好好，要讚。唯晚餐要加$15先有飲品同餐湯，湯係好好飲，但餐選擇唔多，同其他分店牌有分別，問過職員都只解釋係公司決定，可能係咁，晚市一向生意一般。最難忘係杯咖啡，真係飲極都咁差，敢講任何餐廳都會好飲過佢，或者應該係選豆方面應改進吓。

呢間餐廳分咗室內同室外嘅位置，我哋入到嚟坐低，外面就有食客食煙，搞到煙味飄晒入嚟，就算坐遠門口位都好難頂…怕煙味嘅朋友要留意一下 🚬 🚬🚬.食物方面，我哋order咗2個main同一個Caesar salad。.磨菇忌廉湯，唔夠香味，質地有啲稀。.Caesar salad 味道正常，係啲汁有啲多。.煙三文魚Pizza係薄批嚟，食落好脆，芝士拉絲又香，配埋煙三文魚、蜜桃、蕃茄都唔錯~.厚切豬扒真係好厚好大塊，但切開又幾juicy，肉質唔會好硬~薯條大大條，好香脆。.食到接近尾聲…突然發現有隻蟲仔喺條薯條度行緊，我即刻用紙巾㩒死咗佢放埋一邊，然後發現又多咗隻蟲仔大駕光臨(碟嘅左下角)，我真係不敢恭維…🥲拿拿聲走人….呢度嘢食質素ok，但環境我個人就唔太滿意，想食嘅話我會選擇take away～😬

古時有電話禁極刀，今有牛扒切極刀…唔斷🥲街坊下午茶系列🩴-🥩蒜香煎牛仔柳意粉 $42配蒜蓉汁有🧅蒜香味，但牛扒特韌，要用🗡💥刀劈先會斷，切係唔會斷嘅。🍝意粉口感不錯，唔會太淋。🥒三舊翠肉瓜同🍅一粒車厘茄為伴碟。🍲XO醬海鮮炒烏冬 $40相信材料為🍤急凍海鮮包，🥕蘿蔔絲，烏冬一包和🥫李錦記XO醬。味道不算太差，微辣，只是油膩🛢，啖啖油。🥤凍朱古力 +$2糖尿級甜度，似維他朱古力加糖，飲左三啖放低了。🧃凍檸茶 +$2茶餐廳味道，多甜。

呢個靚景真係無敵，一早起身就諗起呢個景，去到我屋企附近嘅餐廳食早餐，價錢亦唔貴，平時一份三文治都係$30左右，今日我叫呢份英式早餐配熱飲$40早餐味道不過不失，薯餅、炒蛋都係熱辣辣上枱，腸仔兩條煙肉兩片，再加埋茄汁豆，兩粒車厘茄$40 ，其實真係抵食㗎。最重要係對住個靚景吖嘛⋯⋯不過其實最唔好就係戶外座位之前係可以食煙，啲煙吹左入室內就難頂啲，不過今朝食早餐就唔覺有呢個情況，可能已經禁止有呢樣嘢，非常好👍🏻

最近朋友介紹尼間餐廳，話可以一邊食飯一邊睇風景。今日同屋企人過來食晚飯，諗住可以欣賞海景鋸下扒。食物一般般，價錢都合理，但服務態度差，特別係個扎辮阿姐，叫量體溫好惡冇禮貌。

睇相，有一片生菜，一片蕃茄，一小片雞肉，但賣緊三十二蚊。我當時都比唔到反應，又懶得落街換，就在這裏比下評價。香港既野食愈來愈貴，但貴極都希望係值得個價錢，依家個三文治入面咁少料賣緊三十二蚊，出面好多咁既價錢既三文治應該都唔錯吧。老實說，我非常失望，所以在這裏留下評價，以免有其他人中伏，我希望這個是個別事件，同時，也希望餐廳能有所改善食物質素，不過經過今次，我諗都會盡量少幫襯，以免又再一次中伏……！

漢堡配薯條 加凍奶茶餐漢堡好足料，塊漢堡扒好正物超所值 薯條熱辣辣，加杯凍奶茶 美味西多士加凍o茶餐西多士不過不失，配杯凍o茶，ok 嘅有個黑松露野菌炒飯，無叫到，見隔離枱上，聞到香味都流口水，下次有機會要再食呢個餐先食完個茶餐，出去餐廳咁啱睇到日落，好靚又寫意，係九龍咁密集嘅人口，交通咁好嘅位置到，有呢個境欣賞，真係難得 不過無人係呢度吸煙就真真真係可以好好享受啦--------------------%-

呢次叫著馬來咖哩牛筋腩飯 加 熱女0茶又2舊牛腩到，加少少牛筋，2舊薯仔，份量少少，都幾合個價錢$37紋味道少少辣，又有咖嘢味，又香，味道均衡，總計來說可以一試黑松露素飽片炒飯$37紋有少少黑松露味，材料有飽片，蛋絲，聰花，楊蒽，啡磨菇，師傅炒得好好無咩油，材料都配搭得很好，如果多d黑松露味就更加正，當然就唔係呢個價錢啦*-*hohoho~~~~~~呢個炒飯係物超所值的，我下次會再叫大家有機會都試下呀＾～＾

拎咗架車去油塘整，之後就行咗上大本營搵食，問咗個住油塘嘅朋友有咩好食，佢就介紹咗呢間餐廳比我，揀咗個all day breakfast 配齋啡，得緊嘅期間就發現呢間餐廳最唔掂嘅係門口嘅位可以比人食煙，朝早幾個阿叔阿伯坐喺到煲煙嘅煙味吹哂入嚟，但店門又唔加返個風閘！等到個早餐嚟到，個包白雪雪連烘底都無，炒蛋睇落好似好滑但原來係鞋颯颯，一個咁簡單嘅炒蛋都可以整到咁嘅口感。唯獨我杯回魂咖啡係ok嘅，可能我朋友平時主要係飲咖啡，所以介紹咗呢間餐廳比我😅

之前同朋友仔黎過，佢介紹食🍟🍔漢堡包同🍤🍞蝦多士 都唔錯， 隔咗一段時間冇呢除咗裝修過之外仍然都有悠閒嘅感覺， 好多人都會帶去嘅狗仔 食下午茶休閒咁過一個下午 今次我都有帶我寶寶， 仲見到人哋帶鸚鵡嚟曬太陽添今次叫咗蕃茄芝士焗豬扒🍝酥軟的🐽豬扒配合調得適中美味的汁料，再加上焗得金黃的芝士，看見 拉絲嘅芝士就令人流口水呢～ 當然唔少得 🐮漢堡🍔薯條🍟 好食過M字頭嗰間多多聲， 🍟薯條新鮮炸起熱辣辣卜卜脆金黃色， 薯條唔會淋滋滋同油淋淋， 🍔漢堡包除咗不同的沙律菜🥬及蕃茄🍅仲有芝士🧀簡簡單單就已經好好食

近日要去油塘工作，今朝約左同事係油塘吃完早餐，再去做野。哈，有得轉辛辣麵，咁我就叫左個餐蛋辛辣麵，凍啡，環境真係好好，坐外面空氣流通，檯之間距離夠，吃都吃得放心d。員工態度好好，清理檯面用消毒水抹檯。

最近經常去的飯堂，新餐牌有驚喜。食物的賣相和味道都不錯，性價比很高。蒜蓉焗生蠔，蒜蓉香口，生蠔嫩滑。煙肉焗薯皮，內裏滿滿薯蓉口感豐富。芝士炸魚柳漢堡， 本人十分喜愛，就連薯條都很美味。黑松露野菌薄餅，78蚊實在太超值，香脆可口南瓜汁露筍帶子意大利飯，不像一般意大利飯搬飽濟。最後是美國安格斯牛扒七成熟疫情放緩，很需要一頓美食來治癒一下。平民價錢，高級餐廳的味道，實在係非常推薦，性價比起高，一定會回頭。