HABITŪ caffè (The ONE) (已結業)

閒日光顧, 總比週末好一份什麼都有的早餐, 賣相非常不錯, 很豐富似的, 兩件厚多份是帶少許甜的, 焗豆, 菇, 車厘茄等配菜都很不錯, 炒蛋夠滑, 味道OK整體享受的半晝, 這店與其他不同的是自助, 食物及飲品都要客人自行到櫃枱付款點餐, 待回被送來, 所以沒有加一

想過一個悠閒嘅下午去cafe食件brownie飲杯茶真係無得輸叫咗一杯我嘅all time favouriteEarl Grey Vanilla Tea 仲有一件細細嘅brownie認真係絕配Earl Grey嘅幽香相信試過嘅人都會明白 絕對係會令人上癮而朱古力brownie食落去唔太漏 整體都算唔錯由高處望落去彌敦道同九龍公園嘅景色先係最正令人心懭神怡 有去咗異地嘅感覺四十幾蚊嘆咁耐幾好幾好

午後相約朋友到The One Caffe Habitu食TEA，剛好進去即有位，因還未食午餐，所以各點了意粉Happy Share。雖然知道呢度出名咖啡，但天氣太熱的關係，最終叫了杯喜冰樂解渴。我點了左邊的青蘋果香草喜冰樂，朋友則叫右邊的野莓喜冰樂。青蘋果香草喜冰樂味道唔算太甜，而青蘋果味好Fresh，不過要等沙冰慢慢溶解，先飲得暢快煙肉忌廉意粉真係值得推介啊! 意粉質感軟硬度適中，忌廉汁好惹味，配合鹹鹹地的煙肉，食完一啖又想再食肉醬千層麵肉醬千層麵則不過不失，雖然肉醬酸左少少，但千層麵面條都煙韌帶軟身，食落都幾開胃。芝士蛋糕芝士蛋糕係點餐時額外+$25另點，不過有少少意外發生。食食下主菜時，店員經過我地枱收返個號碼牌，但同時也收了張單，當我衝出去問她囉返張單時，實在太遲了，她已連單據也掉了。幸好店員說當我們食完主菜後，唔洗比單再補返個CAKE。Anyway芝士蛋糕好鬆軟，食落入面有少少的香濃咖啡汁滲出來，味道極緻，作是日完美總結

今日第一去位於尖沙咀The One商場L6嘅caffè HABITŪ享用呢杯Rose Latte。我大約中午去到，店內得幾枱有人，播放著懷舊英文歌，地方幾寬闊，感覺幾寧靜舒服，而且呢度仲可以免費享用Wifi服務，幾適合忙𥚃偷閒。第一眼望見呢杯Rose Latte真係好唔捨得整花個國心心圖案，因為真係好靚，而且上面仲有一片玫瑰花更令我愛死了！Rose Latte味道香濃，入口甜度啱啱好，好香滑，果然無揀錯，如果喜歡飲Latte嘅人一定要試一試，值得再三回味！

今日開完會後，頭腦有啲實實地，好彩呢個時候有個朋友仔請我去HABITU飲杯野。The One呢間HABITU環境唔錯，很舒適。今次點了一杯熱朱古力加忌廉，除左賣相吸引之外，朱古力味道香濃又幼滑，甜度剛剛好，建議不怕肥胖的朋友仔可另加忌廉於面上，令整杯朱古力奶更香，更滑。

早二日因跑步傷左肌肉，要做物理治療，醫生給與二日病假。今天如常到尖沙咀診所，不到一個鐘做完物理治療，離開時剛一點。這時正是食晏時間，所有餐廳坐滿人，想找地方食晏不易。突然想起The One Habitu。到左，見到整間餐廳好少人，非常寧靜。跟著我叫左茄汁海鮮扁意粉及一杯Latte。海鮮包括蝦，墨魚仔及蜆肉。食後覺得全無味道，扁意粉不爽口，太軟。這餐不好食。好再杯Latte有水準，嘆下咖啡，用免費wifi上網，總算係度hea左嗰下午。

由THE ONE店望出去個夜景好正!晚飯時間,選了在cafe HABITU晚膳。兩個人點了紅酒繪牛肉飯,沙律和ALL DAY BREAKFAST 沙律是普普通通吧! 紅酒繪牛肉飯,落單後10分鐘店員端上檯。味道很淡,忍唔住要落幾滴TABASCO,可惜味道變得更唔夾，而且樽口的污垢有點影響胃口。米飯失敗,未煮透似的,一啖好冧,粥的口感,一啖硬硬的有心,好怪,直情係好難吃,因為加了唔岩味的TABASCO變得更難吃,好在牛肉夠冧,好似牛腩... ALL DAY BREAKFAST能達水準!因為好多材料都係現成罐頭就弄得到! 其實cafe HABITU係適合飲咖啡,望住個夜境談談心係無得頂!

與中同聚會，都唔係第一次食habitu，一向都幾中意呢間cafe，尖沙咀呢間以環境取勝！唔洗等位之餘，又唔係逼，靜靜地同朋友傾下計，又望住個無敵夜景!叫左3個main course: 蕃茄千層麵>煙三文魚芝士薄餅>白菌risotto, 好味程度都係以上既次序， 千層麵入面有d肉碎好有咬口，配埋蕃茄醬好好食，個薄餅就中中挺挺，但個risotto就認真麻麻，好乾d飯又硬，完全無意大利feel... 如果唔係趕住買野，呢間cafe可以慢慢坐慢慢傾

最近的工作相當忙碌把時間表排得滿滿的就似完全投身社會一樣更加想念和老婆仔在一起的時間今天有時間短聚選擇了去老婆仔很想去到咖啡店在忙碌中擠出空檔感受悠閒和緩解思念儘管這裡最有名的不是熱食我們都要填飽肚子買了一個80元的Carbonara Pasta再配上一個Uji Matcha Cake只需加25元就可以配一個蛋糕是相當吸引的由於老婆仔今天不想喝咖啡另外加了36元配一杯熱朱古力80元的Carbonara Pasta雖然有點貴但用料充足意粉煮得很香醬汁也十分濃吃起來感覺很充實煙肉數量也很多絕對是認真製作的一碟意粉Uji Matcha Cake看起來已經很吸引實際上也有豐富的綠茶味作為綠茶愛好者這完全滿足了我們的口味最頂部的朱古力粒沒想到竟包括爆炸糖吃下去時意外的爆起來帶來另一種震撼大大杯的熱朱古力配合冷冷的cream可以馬上喝又不會很燙喝下去感覺溫暖朱古力味很濃但卻沒有那種甜得膩的感覺相信就算喝下一整杯也不會生厭這裡環境舒適我們坐在近窗的枱即使天色不是很好但看著窗外的飛鳥還是感覺悠閒與老婆仔過著悠閒的生活就是我最嚮往的事

去完澳門返來諗住食埋野先返屋企行行下就去左HABITU度食一入來睇個menu覺得食物選擇好似冇LKF果間咁多..可能呢間鋪細d, 同埋佢唔係走同一個路線啦 @_@(o岩o岩上返habitu個官網睇, 原來佢有分the table同埋all day, 不過我都係唔係好知分別在哪, 所以都係唔好亂up 哈哈)同fd share左杯mixed berry smoothie的物體ok啦, 都幾酸 x_x叫左個carbonarahabitu的carbonara一向都ok的 (不過之前係食中環lkf果間)另外叫左個海鮮risotto唔知係咪始終食唔慣risotto, 覺得d飯硬左d同埋比較乾..我fd是煮野能手, 果陣試左一啖之後就話佢自己煮仲好味 哈哈!

行過The One,找著一間不錯的cafe試了65% Chocolate Cake及特濃朱古力65% Chocolate Cake味道不太甜,是不錯的選擇特濃朱古力比較細杯,但朱古力味較濃,還是直得推介

普通cafe,但又提供比較夕既食物。全自助型式,刀叉碟都係自取,不過價錢卻係有服務提供既餐廳既價錢。要留要caffè HABITŪ 同 caffè HABITŪ the table 係有d唔同,原來caffè HABITŪ the table多好多野食揀,黎到先知冇fish and chips呢d揀。最後叫左個燴牛肉意大利飯 $94飯都幾生下,味唔濃煙三文魚軟芝士薄餅 $98太細了,而且料唔多Cookies'n Cream $42麻麻地,飲唔到cookies碎,又冇cookies味,得小小朱古力味

因為早上去，所以比較少人，環境有舒適今次試左個pure 65% cake and cappuccino, 首先個cake無我想像中咁dark, 只可說......好普通無特別本期望大的cappuccino, 換來只有失望！無拉花都唔緊要，但連一般cappuccino既質數都做唔到，就有點兒那個首先講奶泡不足，係可以講少，而且泡太大，明顯倒奶時無好好處理，沒有"等"走大泡, 是否今日的barista出了什麼問題嗎？

Quite disappointed with this habitu. .....being a regular customer of this chain, I was quite shocked when the luxuries breakfast arrived! The portion of egg sitting on the plate was just sad looking, nothing like what we're used to in all other habitu's.Then the carbonara came, and it was dried, all sticking together! Should've walked the extra bit to go to the one at mira mall instead.With the prices being the same, with no service and quality of food being like this, probably would come back

其實我頗享受一個人獨處既時間，所有野都由自己話事，唔駛同人商量，唔駛就嚟就去，想點就點，所以我好多時會自己一個人入場睇想睇既戲，甚至一個人出遊。食野更加唔例外，不過就會俾人詐型我又獨自吃喝玩樂。難得今晚老公加班，叫我食自己，於是我就好安心咁一個人嚟到想試好耐，但老公唔會太愛既 Caffe Habitu 了！Cafe座落The One 6樓，唔算好高，但因為靠窗，所以感覺好開揚，我相信日頭會好好 Feel。出奇地星期五既晚上唔算好多人，冇pan圓櫈圓枱有兩張全吉，另外窗邊還有兩張二人枱可坐，我先買食物同飲品，然後就到其中一張二人枱面窗進食。同星XX及太平X Coffee 雖然都係差不多，以賣咖啡為主，又有啲蛋糕咁，但前兩者沒有意粉﹑薄餅等輕食，又或你可能會話咁咪同DeliXXXX 差唔多，有意粉三文治食嘞卦！Sorry，真係唔同，Caffe Habitu真係高質素好多！無論食物造型﹑款式﹑飲品，都唔係一般咖啡店可比。第一次去真係好想試佢既意粉﹑薄餅同蛋糕，自己又鐘意食凱撒沙律，又想嘆下茶，無奈胃口有限，為左可以試得多而又唔浪費食物，於是乎我點左凱撒沙律﹑朱古力誘惑(蛋糕嚟既)同玫瑰奶茶。