#HAPi Fish (普仁街) (已結業)

HAPi集餐廳、花店、生活百貨於一身，餐廳area唔算好大，靠窗邊陽光光猛，四處亦都放滿植物，似係去咗花園cafe嘅感覺，環境舒適。Weekend尼到食brunch，嗌咗一個HAPi Signature Breakfast特色早餐，店員話兩個人食已經非常足夠，亦都可以無限添飲咖啡/茶。早餐包括蜂蜜&果醬、乳酪、水果&堅果、冷切火腿、火雞、牛肉、煙三文魚&芝士、炒蛋、橙汁。整體一般，基本上都係生凍野，食到一半只想食炒蛋，最後兩個人都食唔完一個breakfast set。

#hapi 西餐廳位於上環近西營盤嘅位置除咗去呢間餐廳食嘢之外 經過其他街道都好多打卡位頭盤叫左手切牛肉他他作為開胃菜 非常推薦菜式以牛里脊肉、酸青瓜、脆片製作而成～呢道菜以嫩滑的牛肉粒粒為主 配上自家製醬好開胃。 主菜叫左烤牛排(横膈膜中心肉)配阿根廷青醬牛排叫左medium 經過烤制後，外層烤得恰到好處，內部的肉質則非常嫩滑多汁。配上他們特製的阿根廷青醬，青醬的味道非常清新，由新鮮的香草葉和橄欖油製成，與牛排的肉汁完美融合配菜附有大蒜迷迭香薯仔同西蘭花苗～另外主菜仲有叫咗鑊仔焗4式芝士肉密長通粉 連個鑊仔上好岩打卡

星期天跟女朋友食個午餐，終於有時間試吓這間餐廳.我哋嗌咗龍蝦汁海鮮意粉及帶子墨魚汁意粉，龍蝦湯，美式咖啡.首先，講吓海鮮意粉，意粉問題不大，只係海鮮真係好唔該，青口臭嘅，魷魚又冇味另外帶子墨魚汁意粉，果啲帶子硬過我條命這間餐廳的價格和質素不成對比以後也不會幫襯。如果需要用這個價格我相信上環區應該有好多餐廳 我都係唔睇咗OpenRice嘅評論先去是這間餐廳原來好多評論都係假嘅，哈哈哈希望大家可以真嘅評論

今日陽光普照，於是蕩咗嚟上環，諗住同黃小姐過一個城市得來又遠離繁囂嘅下午，行行吓，去到上環普慶街嘅一個小角落，見到呢一間門口佈滿鮮花嘅舖頭，本身諗住入去行吓，點知入到去見到一間咖啡店，滿心歡喜，我哋食咗一餐飯。揭開餐牌，都係上環價錢，所以比一般嘅Cafe都貴咗四成，但係都抱着期待嘅心態，諗住試吓佢嘅食物係唔係值回票價。既然係Cafe，我哋就嗌咗一杯咖啡。佢呢度latte嘅份量嚇死人，十分之大杯，一個人飲嘅話，都飽咗一半。適當嘅甜度，提升奶嘅香味，又可以平衡咖啡嘅苦澀，但係又唔會過甜，雖然奶嘅比例搜多，但係絕對冇蓋過咖啡味道，飲落去嘅時候，咖啡嘅濃度剛好，完全唔會有苦澀味，飲得出呢度係偏向比較nutty嘅咖啡，飲到最後仲有微微嘅炭燒味，佢伴碟嘅曲奇，略嫌太甜，會令到成個感覺比較膩。講完咖啡，講吓佢個牛角包， 10分好食，裏面搽咗cream cheese，配上三文魚牛油果同雞蛋，其實呢個組合本身就冇得輸，可能加埋呢度嘅環境同水果伴碟，配合返花花嘅主題，令人食得好暢快。（係真心暢快，有水果成件事清涼咗好多）之後嗌咗一個牛面肉燉長通粉，呢個比較失色，雖然睇上去成煲嘢滿佈芝士，亦都係新鮮出爐，但

好友嚟香港，當然要帶佢喺上環搵好嘢食。之前嚟過呢度，覺得環境非常之好，好啱打卡。而且嘢食又大份又好食，仲好靚添！我哋叫咗一個all day Breakfast和一個set lunch，三個人share食，都爭少少食唔晒。好欣賞佢嘅all day Breakfast會跟一大籃麵包

【中西區】【HAPi】之前行經過呢間喺太平山街街口勁明顯嘅舖位好多次，但係每次都係行佢哋個零售區，餐飲區勁想試但一直無機會。終於我等到喇，眾所周知我爭個同事好多餐而佢又唔食辣，今次呢餐係一個好好嘅機會畀我哋靜靜哋食吓嘢。間嘢原來叫「#HAPi」，佢哋慶祝緊兩周年，由 12/8 去到 11/9 呢個月都有一連串推廣，我係 foodie 梗係講飲食優惠推廣。佢哋有三款嘢食仲以低於成本價格賣出，聽落都幾癲。去到就有一位叫 Elvis 嘅哥仔帶位，幾靚仔嘅。餐前揀紅白酒，我同事老奉白酒，上咗 Las Condes 嘅 Sauvignon Blanc，來自智利 Central Valley DO，一杯 $50。由於係上年嘅酒，都幾新鮮同幾 young，果香就好多樣同埋複雜。飲落都柔和，唔放太耐的話酸度都算均衡。到招呼嗰三款低於成本價嘅食物，首先係 $228 嘅半打「新鮮法國 Gillardeau 一號生蠔」，我不嬲係唔食生蠔嘅，但係見到咁肥都忍唔住試咗隻。食落海水味都算濃，我有點到辣根醬，幾夾，另外個醬係醋，同事話都 okay。第二款係 $288 嘅「日本北海道馬糞海膽」，北海道直送原版海膽，我

成件事誤會曬🫠時間錯了、份量錯了！點解我地叫一人一份餐，出到黎咁多咁多嘢食嘅😱Happy Friday嘅午餐變得好鬼chill，好難約嘅咖啡人朋友終於約到現身！Hapi好適合食嘢傾計嘅哋方，坐得舒服，食物不錯，咖啡味道比較淡淡然，有美美拉花，性價比極高！傾計真係會快樂不知時日過，眨吓眼lunch time過咗好…耐…我要碌返去公司先🏃🏻‍♀️💨

Signature Sea Urchin Cauliflower ($168) 佢係原隻海膽上，個樣超靚，海膽都幾鮮😍 海膽底下係椰菜花蓉，個椰菜花蓉超好味，估唔到兩個夾得埋都幾特別👍Grilled Octopus & Saffron Risotto ($248) 八爪魚內裡軟淋淋，表層有燒過既香味，risotto飯質軟硬度啱啱好，仲好重芝士味，好正🤤Ricotta and Spinach Tortelli with Pumpkin and Sage ($198) 意大利餛飩入面有好多Ricotta 芝士，伴碟有好多南瓜同南瓜蓉，唔錯。

經過呢間舖頭幾次 都唔知係有得食嘢嘅 今次終於約到三五知己 趁着放假去食weekend brunch 呢間舖頭亦都係寵物友善既 側邊可以比寵物放喺入邊 非常適合有寵物嘅朋友我哋就叫咗幾樣嘢食 大家share牛肉他他 調味幾好食 有一個幾開胃嘅感覺 唔會太酸嘅味道 配一塊塊嘅脆片食 正 另外一個唔錯嘅菜式就係 大蜆意粉 個汁配搭得幾好 大蜆都好新鮮 反而cocktail prawns就有少少雪蝦味 有少少美中不足嘅感覺 所以唔值得推介嘅係有一個煲仔上嘅肉醬意粉 完全冇特別 識落同普通7–11肉醬意粉冇分別

好耐無去上環食午餐了~ 難得最近得閒，即刻約朋友試下新野! 仍記得初初新開的Hapi小店和餐廳都好多人，為免滿座，朋友早兩日已訂好位!餐廳環境好舒服! 枱與枱之間亦好寬闊!餐廳還掛了不少植物! 令人可以有放鬆一下的感覺!平日有午市套餐! 基本的2-courses的包頭盤、主菜和飲品! 又或3-courses再加甜品! 價錢分別是HK$198或HK$238，再加一服務費!頭盤都有好多選擇! 不過當聽到侍應說是日餐湯是"南瓜龍蝦湯"，我就即刻忍唔住叫了! 這個湯口感好滑，味道更不會像一般龍蝦湯太濃太鹹，加咗南瓜中和咗味道，我覺得幾好飲!至於主菜香煎帶子墨汁香蒜麵賣相很好! 份量亦比想像中多! 可惜比較淡味，相信應該是廚師忘記了落鹽，哈哈!最後叫了一杯Flat White! 上枱時竟然還會伴上一個小花瓶，真的有點驚喜! 令人有種賞心悅目的感覺，好relax! Flat White味道好濃，是我喜歡的味道!

今天大年初四，跟家人剛進入 Hapi Cafe， 就嗅到陣陣花香味，新鮮的 ！聽到雀鳥的輕聲交談，有韻律的！。 我則跟家人說我們找到了，這裏就是 KOL Vivian Lai 介紹的不用打獵，就可找到好吃的城市裏的叢林。 果然這晚上，跟家人在這裏享受了與自然的共生關係 .....十二分放鬆的感覺 ，品嚐了紅白酒， 熱辣辣的蘋果木迷煙燻烤雞、 其中水牛芝士更冇得頂！ 一年之計在於春， 在一年之始就能環抱在這舒適的叢林下進餐，感覺良好！食物正斗！ 香港人有這城市綠洲， 夫復何求！？

呢間All day breakfast 雖然偏貴要 $268, 但是非常大份， 絕對是兩人份量，可以情侶兩人 share 一份上次黎過已經試過#HAPi 彩虹🌈系列,今次試下另外一個all day breakfast #HAPi特色早餐 有蜂蜜&果醬、乳酪、水果&堅果、冷切火腿、火雞、牛肉、煙三文魚&芝士🧀、炒蛋、橙汁🍊，另外一杯咖啡☕️無限添飲！ 比起彩虹系列比較多啲肉， 亦相當足料。休閒過了一個下午。坐響窗邊可以睇到出面泊車、非常方便揸車人士。🚗

📍地址: 上環普仁街11號地下2-4號舖✿😋味道😋：4/5✿👀賣相👀：4/5✿🏙️環境🏙️：5/5✿🤵🏻服務🤵🏻‍♂️：4/5✿💰價位💰：3/5↠⏰時段：Dinner 18:30 ↞❀❀ 可能因為weekday嘅平日，都係得我一枱客，所以完全係包咗場，不過餐廳唔係好大，但係都坐得好舒服；佢嘅裝修都幾有feel，好似去咗森林🌳🌲，同埋背景仲有啲雀仔聲🕊️，感覺好似去左大自然，不過唯一缺點係餐牌食物選擇比較少。❀❀🍷❝ House Red - Cabernet Sauvignon, Cariole “Songbird” Mclaren Valley, Australia 2020 ❞ $55🍹❝ Magic Lemonade ❞ $78❀(Thyme, Lime, Lemon, Butterfly Pea Tea)❀(百里香、青檸、檸檬、蝶豆花茶）☞ 呢杯係佢嘅Signature Mocktail，上枱嘅時候喺藍色嘅，然後自己倒上面隔離果個檸檬同青檸汁落去，就會變咗紫色，完係igable，味道都唔錯，飲落好清新。🥩🍞❝Hand-cut Beef Tartare - 手切牛肉他他 ❞ $188❀ B

▪️ #𝑯𝑨𝑷 𝒊 𝑺𝒊𝒈𝒏𝒂𝒕𝒖𝒓𝒆 𝑩𝒓𝒆𝒂𝒌𝒇𝒂𝒔𝒕 $268.。𝐁𝐫𝐞𝐚𝐝 𝐁𝐚𝐬𝐤𝐞𝐭 : Croissant/ Sourdough/ Wheat Walnut Bread/ Baguette/ Dinner Roll with Honey & Jam.。𝐂𝐨𝐥𝐝 𝐂𝐮𝐭𝐬 & 𝐂𝐡𝐞𝐞𝐬𝐞 : Turkey/ Corned Beef/ Mortadella/ Salami/ Smoked Salmon/ Brie/ Gruyere(Just my guess, feels like some swiss cheese. Can @__ tell me if I was right?😂) with some Walnuts/ Berries/ Pickles.。𝐒𝐨𝐟𝐭 𝐒𝐜𝐫𝐚𝐦𝐛𝐥𝐞𝐝 𝐞𝐠𝐠.。𝐏𝐥𝐚𝐢𝐧 𝐘𝐨𝐠𝐮𝐫𝐭 𝐰𝐢𝐭𝐡 𝐒𝐭𝐫𝐚𝐰𝐛𝐞𝐫𝐫𝐲 𝐉𝐚𝐦.。𝐎𝐫𝐚𝐧𝐠𝐞 𝐉𝐮𝐢𝐜𝐞 & Unlimited refill of 𝐓𝐞𝐚/ 𝐂𝐨𝐟𝐟𝐞𝐞 ( I choosed Peach Oolong)---As you can see, the portion is l

📍地址: 上環普仁街11號地下2-4號舖✿😋味道😋：4/5✿👀賣相👀：4/5✿🏙️環境🏙️：5/5✿🤵🏻服務🤵🏻‍♂️：4/5✿💰價位💰：3/5↠⏰時段：Dinner 18:30 ↞❀❀ 可能因為weekday嘅平日，都係得我一枱客，所以完全係包咗場，不過餐廳唔係好大，但係都坐得好舒服；佢嘅裝修都幾有feel，好似去咗森林🌳🌲，同埋背景仲有啲雀仔聲🕊️，感覺好似去左大自然，不過唯一缺點係餐牌食物選擇比較少。❀❀🍷❝ House Red - Cabernet Sauvignon, Cariole “Songbird” Mclaren Valley, Australia 2020 ❞ $55🍹❝ Magic Lemonade ❞ $78❀(Thyme, Lime, Lemon, Butterfly Pea Tea)❀(百里香、青檸、檸檬、蝶豆花茶）☞ 呢杯係佢嘅Signature Mocktail，上枱嘅時候喺藍色嘅，然後自己倒上面隔離果個檸檬同青檸汁落去，就會變咗紫色，完係igable，味道都唔錯，飲落好清新。🥩🍞❝Hand-cut Beef Tartare - 手切牛肉他他 ❞ $188❀ B