Happy Farm BBQ (已結業)

同朋友一早book 檯嚟bbq諗住開心下安排個食物檯同爐隔幾丈遠嘅位我地不特止未到10:00已經話就嚟十點唔肯添嘢食. 諗住燒埋現成d 嘢食la. 無啦啦粒聲唔出收晒人d 嘢食. 我地呆咗. staff 仲話: 我地收十點架. 你哋又無加鐘......咁你哋有無講加鐘點收費先🤔bb未夠高又無食嘢又話要收小童價, 堅持下先帶去度高證明唔夠高收入場費才收手最後收費明明比咗$1000訂金又寫$500, 都唔知係唔係博大霧人多唔覺意收多d. 我行埋去講比咗$1000唔係$500, 佢哋即刻話咁ok 呀扣返就得la. 好似一早知咁唔老實. 服務差. 趕客走. 味道鹹爆 以後唔會嚟

第一次幫襯，未嚟之前以為係大燒烤場，啲食物放唒喺度任拎，好多人好大煙去到先知係小型村屋嘅花園，幾cozy整㓗，有梳化可以hea，今日仲好好彩因為近冬至，冇其他人可以霸到成個場老闆好快起好個爐，然後安排一盆食物，大部分都幾新鮮，起碼啲肉唔係醃到霉，面包係厚切配蒜蓉牛油，錫紙蔬菜同蕃薯好甜，菠蘿好甜賣相好正，另外加錢要了魷魚及安格斯牛扒都好正，但魷魚偏咸$178 任食包一罐飲品算好抵，同埋唔夠再攞唔會浪費食物

秋天到啦!!! 又係BBQ嘅好時侯. 今日約左班中學時代識嘅老同學去燒下雞翼, 又唔想淨係燒雞翼咁行, 所以決定係OPENRICE搜羅一下, 點知比我發現左一個可以沖入人地屋企嘅BBQ地方(老板話後來D客叫這裡做BBQ私房菜), OPENRICE真係好介紹,所以真係要動筆寫黎讚下…嘩,黎到個場見到D大梳化都唔洗食淨係比我瞓個午覺都好啦!! 話都未說完(發夢冇咁早)我兩個少爺已經輥左上去啦.好講返D野食先, 基本嘅有雞翼,腸呀,丸呀,豬扒,牛扒, 正在連雞扒都有, 啖啖肉剪碎比細路食最好. 初初見到D厚飽老實講唔想食(蝕水), 不過佢地食左話得, 眼見佢地一件又一件好似停唔到咁….心想:唔係啦我都要試下啦!! 搽上蒜茸牛油後燒燒佢先……嘩!嘩!嘩! 外脆內軟,飽有飽味蒜茸又有蒜茸嘅香味…唔怪得佢地係咁食,係咁食啦!!!除左基本嘅,我地都叫左個燒烤菇, 咁貴嘅$88得2隻黎到燒左,食埋就明白晒原來裏面有料到,加左D Cheese幾好味, 好有西式風味, 另外叫左羊架同蝦, 都好新鮮, 蝦原來唔係雪藏虎蝦,係真堅新鮮虎蝦黎架,好爽呀>>>>最煩係15人先boo

唔該樓下打手唔好再呃人LA我地一行20人..每人$240! 姐係四千幾蚊一晚首先食物方面....都係得最基本果D..雞翼腸丸連芝士腸都冇!!!!個老闆娘仲理直氣壯咁同我地講冇!!最慘係D野食...間鋪頭唔願意加比我地20人...食哂雞翼....佢加返5隻比我地D魚...叫佢地加....佢地話要留返明天賣...唔可以再比我地食野飲得一罐..想玩XBOX...個老闆娘話...要包場先有得玩但可以比我地玩半個鐘...實在太孤寒吧!!9點半 LAST ORDER..但佢地見我地d野食未食哂唔可以加...但9點40分...個老闆收哂我地d食物..實在不能接受!! 話哂我地一人$240真係唔會再去...見到d打手就嬲...太假..本黎冇ac 都要開個ac 希望冇更多人中伏唔會再去!!

能讓小妹在短短時間三度幫襯的“Happy Farm”實在是一間超讚的BBQ場，無論環境、食物、服務的質素水準也很高，不要懷疑為何你要付出高一點的價錢，因為實在物有所值。你還可按喜好額外預訂一些美味食物，例如羊架、大蝦、蜆、帶子，讓BBQ升呢！整個場地的佈置非常雅緻、整潔、舒適（實在有別於一般的任食BBQ場，食完想盡快離開，甚或連廁所也最好不要踏足的）；而Happy Farm能做到的卻是讓你想再坐一會、再Hea一會的感覺，因為這裏的環境能讓你很安舒的至身大自然當中，坐在舒適的梳化讓我們燒烤完畢後還可傾傾講講好一會兒。這不正正是你跟朋友悠閒相聚的目的嗎！食物擺放吸引、食物種類繁多、新鮮、醃料出色、添完再添，每次離場也是帶著滿足快樂的感覺。一定再去！超讚！！！

今年生日想攪BBQ, 好耐無BBQ 了,又想接觸下大自然,上openrice 見到happy farm 的食評不錯,環境幾好咁,就選了這間,我地4點幾入到去, 跟住去租單車踩,一路踩到入去沿海踩,好靚啊! 日落好靚! 踩番到出黎都差不多6點,坐了一陣就開爐,食物有都係大路果d bbq 食物, 腸仔,丸類,豬,雞,牛扒,金沙骨,雞翼,魚類,粟米,茄子,青椒,幾包金菇,幾條蕃薯,好幼啊!有樣幾得意,蒜蓉牛油+厚麵包,食完好飽架! 我地14人戰鬥力奇低,只加過一次食物,仲要只選部份加,粟米,魚,雞,麵包,腸仔初來第一轉的份量也不是多,最後好快停晒手無燒,仲淨食物, 都唔知佢地係懶燒定飽呢! 整體都感覺不錯,服務好,佢地好nice,環境不錯,可私人d 攪party的好地方,食物ok,係牛扒肉質硬d,茄子都硬.friend 話如多d食物種類好d,比較少選擇包半場15人就可,包全場要30人,$168一位,包每人一飲品,不夠15人也可, 價錢最低消費$25206:00pm-10:00pm最後多謝所有出席的朋友同我預祝生日呢!

睇食評見唔錯, 就同家人一行18人去試試！18人包左半場, 我地5點就到左, 去到時上一個時間既客人還未走, 所以我地都等左一陣間, 到5.10分到負責人1號問我地開始未?我反問番負責人"你執好場未?你執好我地就可以開始", 負責人2號話佢有sms比番訂位人交場係6點),最後5.30 - 9.30, 咁點解負責人1號之前o係5.10分時問我地開始未? 咁即係6點先交場呀?定係以人到左入場計時呀?食物並沒有其他食評般多種類及新鮮,食物數量亦未能做到任食!!! 這個價錢不算便宜, 但講明是任食,但實際並沒有做到!!食物 : 牛扒雞扒豬扒雞翼金沙骨鯖魚件豬頸肉菠蘿件腸仔, 丸類茄瓜片, 粟米, 青椒, 青尖椒2包金菇菜蕃薯厚切方包首輪牛扒係得5塊雞扒5塊豬扒5塊金沙骨7條鯖魚7塊香腸仲係得14條 (一人都無一條)牛扒都預左唔會係靚牛, 但第一盤牛扒已見發黑, 所以食完第一輪都沒有再要求refill牛扒雞扒味道ok，細細件容易燒豬扒味道一般金沙骨我冇食到雞翼有2種味道, 味道夠入味鯖魚件之前的食評相片係多春魚(但晤係鯖魚)，今次只有鯖魚件，只用黑椒醃，如果加少少鹽會更野味鯖魚叫左refill

適逄是夏日炎炎，又是一個揮發青春汗水的機會。經常搞班會活動的我，當然是不會錯過這個難得的夏日機會。我一心計劃在13日來個單車團加當晚BBQ聚會，但又因為看見大多的BBQ場都是一般素質以及環境服務也是何其乎敷衍。有見及此，我便一到OPENRICE 一探到底有否其他BBQ場。 一探底下，便給我找到了HAPPY FARM。 不要說笑，我一看名字還以為是與大自然禽畜有關。真係孤陋寡聞，失禮失禮。說回HAPPY FARM，我看到的評語上至服務，下至環境都是正面的。但我卻有一刻是懷疑是否真確。不過我相信OPENRICE的權威及公信力。而且也相信食評者的素質，所以一心便拿起電話，致電HAPPY FARM負責人訂坐。通過電話後，知道人數只要到15人便可以訂半場。之後要入500元訂金到HAPPY FARM的戶口。再CONFIRM一下便可以。該天風和日麗，我們一班朋友都抱著興奮的心情上路去。(是踏單車去才對)雖然是盂蘭正日，不過我們深信只要我們一起，是沒有甚麼可怕的。因為有部份友人不太會踏單車，所以我們預了6個小時由大圍踏到大尾督。最後我們花了差不多5小時終於到了大尾督。哈哈~之後便帶著累意到HAPPY

一年一次的聚會，今年選擇了BBQ，在朋友推介下，選擇了這間開業不久的大美督Happy Farm，我們預早兩星期訂了位。原來交通好方便，呢個位置好容易就搵到。交通：於大埔墟火車站乘75K巴士或20C綠色專線小巴至大美督總站下車 (在釣魚場對面、大美督村公所側)我們下午五時去到，老闆娘的招呼好好，之前問朋友有咩BBQ地方好介紹，就極力推介我呢間，今次親身黎過之後，真係感覺唔錯，環境一流好舒服，好寧靜，食物都OK，以$138一位，價錢可以接受，食物賣相都唔錯呀! 老闆娘好有心機將食物排得好整齊。有機會一定會再幫襯！

朋友介紹下, 去左happy farm聚會和BBQ. 前一天仲擔心會下雨, 結果負責人說: 已經買了帳篷!! 真是太好了, 約好咁大班人, 如果要改期就掃興啦!估唔到環境真係好正! 好似响自己的後花園搞party咁(發白日夢). 無耐, 應該係"事頭婆" (都幾靚女)主動問我飲唔飲即磨咖啡~ 其實朝早都飲咗, 唔應該飲咁多, 但聞到真係好香, 事頭婆聽到我話鍾意多milk, 佢就沖咗杯好香好滑的coffee 比我!! 不過唔記得係咩名堂了. 人未到齊, 我地乜都攞黎玩餐飽, 連層層層疊都唔放過! 跟住居然仲有K 唱?! 新歌就唔好搞我啦, 好彩都仲有我識唱果d. 至於野食, 真係估唔到咁好, 款式齊全, 又好入味! 比起大/小欖果d真係好好多~ 而且又學到野喎~ 因為事頭婆介紹用厚面包來燒, 外脆內軟, 下次自己燒都要厚"多". 一向唔好魚, 朋友話d 青魚好好食, 我就一般啦. 大尾督有人嫌遠, 我反而O 喎, 搭東鐵再搭程巴士, 真係方便過去屯門果d.

呢度仲好新，而且環境超好。由於今次有20人，所以包左場。老闆娘好細心，我地一黎到就預備好曬所有食物，而且食物準備得好充足！食物最基本的腸仔、魚蛋、扒類、雞翼、蕃薯、粟米、金菇等等都有，食物一般，不算太好，也不算太差，飲料無人只包一罐可樂。不過唔夠都可以係裡面買野飲既~~但整個環境都好正，好靚、好乾淨，因為得兩個爐，加上我們已包場，所以唔會怕同人share 地方。地方唔算大、但裝修好靚！室內仲有得玩Xbox 同唱K...一大班人聚舊，而唔想有幾他人騷擾，呢度真係唔錯既選擇!! 不過隔離係鄉公所，撞正有人練舞獅，所以噪左少少...仲有呢度有位可以泊車嫁，不過要預先同老闆娘講聲先。地方都好方便，可以搭20C小巴總站落車過對面馬路，再行前小小就搵到，一D都唔難搵!!

昨天老朋友相約到此聚會，地方雅致舒適，刁鑽古怪的食物欠奉，但豬扒雞翼雞扒等燒烤當然主角，全都醃得好好味，食得出醃製者的心機和功力。燒烤場環境大多惡劣，四周塵土飛揚，廁所濕淋淋。但HAPPY FARM帶給我一次舒適的燒烤體驗，附近又可以踏單車、放風箏同釣魚，佢重有個室內地方比小朋友玩XBOX KINECT GAMES，唔會係個爐旁邊跑來跑去，大朋友可以一邊慢慢燒一邊傾吓計，抵讚!

上個星期有個朋友聚會, 地點是大尾督, 聽到地點時有點興奮,因近日天氣好, 正是郊遊及BBQ的好時候。 本來以為是踏完單車後,到附近燒烤場BBQ那種。誰知有驚喜喎! 星期六下午4:30pm左右到達Happy Farm, 很方便,可於大埔壚乘小巴或巴士到大尾督總站落車,見到鄉公所隔離就是了! 有些朋友4:00pm己到, 去了踏單車,有些去了碼頭釣魚,有些留在Happy Farm談天。 6:30pm左右有人幫我們開爐, 可以BBQ了! 嘩! 好多嘢食呀! 肉類都有8、9種還有鯖魚, 又有燒菠蘿、朱古力香蕉,數下數下都有十幾款, 厚麵包擦上蒜蓉牛油再燒燒佢! 外脆內軟很好食!!