Happy Lemon (已結業)

主人與奴隸獸在旺角轉一圈，已發現有三、四間Happy Lemon，而且生意還不錯呢！所以我們亦買一杯紅豆布丁烤奶茶（細杯，HK$12）試試。紅豆夠腍，可以保持原粒。布丁夠軟滑，有蛋味。奶茶味道濃郁。不過奴隸獸覺得飲管太幼細，吮得有D 唔暢快啊！

點解別人飲完都話好happy？我實在不覺得它幾好飲。紅豆布甸奶茶：對奶茶感情只屬一般，不過加上摯愛的紅豆後，會否有所改觀呢？可惜，這杯紅豆布甸奶茶，一點都飲不出紅豆味，幾粒小豆子，無精打采的沉在杯底，撈出來咬咬，又相當的硬。雖然只是12蚊仍覺不值。芒果橙冰沙：這個要好些，至少能嘗出芒果和橙的味道，不過並非百分百鮮果所制，有一些人工的味道。飲到末尾又幾淡，先前的果香全被冰化解了。另外，此間店的服務生動作是否慢了些呢，生意既然好，理應提高點效率，而不是“慢吞吞”令顧客等啊！我都算happy，不過全然不是因為它，而是買到靚衫心情爽。至於happy lemon，以後還是不去的好。

蔓越莓晶凍果釀...個名真係好長好難記英文名一睇就知係咩，有jelly & cranberry juice十分十分清新，飲得出有鮮cranberry 味，清清地，酸酸地；加埋jelly, jelly 是那種淋淋的，同個juice 好夾，口感好正。大熱天時飲真係幾解熱同解渴。不過o係唔夠20度ge時候飲，真係飲到心到凍埋！

行行0下口渴, 又0黎買0野飲, 今次試了睇中好耐的大杯「檸檬彈珠」($14).英文叫"Lemon Honey with Seaweed Jelly", the name says it all... lemonade 飲落味道極清新, 一d 都唔會太甜, 又唔會酸, 令人覺得好舒服; 「彈珠」就係圓形一粒粒西米size 的綠色0者喱, 就咁食有少少清甜0既味道, 都幾得意. 不過天氣問題, 夏天飲呢杯0野一定會比出面得19°C 飲好好多.

一個人0係呢頭, 又攰又口渴, 行行0下竟然見到想試好耐0既呢度, 0拿0拿臨係買杯大size 凍布丁奶茶(見圖) 再跳上的士=P奶茶味道ok, 茶味比一般珍珠奶茶濃, 奶就比一般珍珠奶茶少, 飲落無咁滑; 0係0既布丁就好滑, 唔太甜, 同奶茶一齊食就無乜特別, 分開食0既話係食到好有蛋味. 兩樣加埋一齊口感好得意, 幾好飲. $13 一大杯, 好抵!環境認真差(隔0黎檔仲要係賣煎釀三寶/炸0野, 油煙超大!), 不過無辦法, 始終人0地得個counter, 都expect 你買0黎一路行一路飲. 招呼ok, 收錢/serve 0野飲個男店員幾好禮貌.好開心終於試0左... 下次再見到Happy Lemon, 會試其他布丁0野, 仲有檸檬彈珠!

今次試了檸檬彈珠，感覺好清新，淡淡的檸檬味，不會太酸。彈珠綠綠地色，沉在杯底，好靚~雖然叫彈珠，但一d都唔彈，好似jelly 咁，唔錯，仲有好多添，飲晒杯野都未食晒！

弼街呢間d衛生同服務態度比其他個d好得多囉~~~ 上個禮拜,我同4個fd去買魚仔,口乾乾咁,咪去買杯野飲囉,又幾好咪咼!!我買左檸檬蘆薈優多,佢d優多好似益力多咁,好好味~~~ fd a貪靚買左水果茶......佢話好好味,有d似花茶~~ fd b買左烤珍珠奶茶,佢話d珍珠好好咬,d茶又唔同平時飲個d,幾特別~~~ fd c買左芒果沙冰,佢話好凍,不過好好味~~~我地企左係度一陣,不斷問佢地好多問題,佢地都唔怕煩去答我地,d服務超好囉~~~~~~~~~~~下次有時間都會去買~~~~~~~~p.s.之前去過其他個幾間都唔係好掂,尤其新城,超污糟囉!!!!

今次來個推介飲料,叫「紅豆布甸奶茶」奶茶味淡, 喝到碎碎的紅豆, 小小布甸。後來奶茶喝完了, 打開杯蓋一開,才知一大舊布甸仍在杯底,我把飲管像匙羹一樣把布甸「不」來吃,真的好滑, 又帶點蛋香,真不錯~

見旺角開得成行成市的happy lemon，有咩特別呢？於是買來了一杯「招牌」珍珠煎茶試吓．．．．．唔，珍珠幾煙un，還可以；但奶茶換上煎茶則格格不入，作為招牌飲品就不太妥，或許是‘not my cup of tea’．．．．

在不同地點見過這間舖咁多次,最終決定試一試. 一心以為此店專賣布甸,咪買了一杯熱布丁可可$14,點知調校出來後先知原來是飲的,杯底才是少許布甸.那杯熱朱古力味道一般,布甸又無味.

問店員, 咩係天然美顏果茶, 佢a.... ar..... a.... ar.......... a........ 答唔出, 我問佢, 係唔係有d野係入面, 佢馬上點頭答, 係呀係呀, 我忍唔住笑佐出黎, 叫佐一杯, 酸酸地幾好味呀, 下次試下第二d先