Hello Kitty 中菜軒 (已結業)

前排母親節特別book左呢間餐廳,諗住孝敬媽媽帶佢食好野~hello kitty主題wor,當然要點有hello kitty個樣的菜色,不過呢個蒸蘿蔔糕賣相同圖片相差甚遠=0=味道都可以接受,kitty D蘇怪怪的../_\而且我覺得蘿蔔糕粉偏多呢個香煎虎蝦年糕我就覺得還不錯啦,虎蝦相當入味又彈牙,年糕有D汁響度所以唔會覺得好油膩,D蔬菜都好爽口橙花香蜜肉其實就係咕嚕肉,不過D菠蘿換曬橙,你問我我就喜歡本身有菠蘿的啦,純粹個人喜好,而且D肉外皮太"林" 脆D會好D,但媽媽話橙香令菜色清D都幾好hellokitty鮑魚撈飯除左個碗係hello kitty之外我其實見唔到其他地方有佢gei存在,雖然佢畀左個湯我撈落去變湯飯,但我反而覺得唔撈好食D,飯粒乾身但唔粉,仲有微微蛋香,只是個鮑魚....總括而言,我覺得呢度其實同普通中菜館無分別,如果唔係特別喜歡hello kitty的話可以唔黎~~

又係時候同幾位紅家朋友吃飯聚會啦, 今次選了KT店, 其實之前都食過, 還有其中一位朋友係KT迷加上看到好像有新款菜式, 於是揀了這家作聚會點~~果然款式增多了, 當然是有KT樣子及可愛造型的菜式啦, 加上近母親節都推出了一些套餐給大家選啊, 我們幾位就散叫了吧, 那可以吃到不同造型~Hello Kitty菜苗餃 ($62)~~~這個可愛, 細小精巧, 精瑩通透, 加埋飽滿的臉, 真是可愛, 裡邊的菜苗同蝦肉都新鮮彈牙, 值得叫~Hello Kitty爆炸飯 ($108)~~~造型很可愛啊, 成個KT樣, 肥嘟嘟的, 那幾條貓鬚很得意, 飯好像是黃薑粉混合過的, 初初沒留意為什麼叫爆炸飯, 原來係碟側邊有很多兒時吃過的回憶爆炸糖, 哈哈, 很有趣, 不過夾唔夾就見人見智, 但倒是蠻特別的呢……Hello Kitty啫啫雞煲 ($78)~~~其實這個比想像中細鍋, 雞也是不多的, 不過那個汁蠻OK, 我地後來將佢用來沾饅頭, 呵呵~Hello Kitty千層糕 ($68)~~~好耐無係茶樓吃過千層糕, 以前吃過的真是很用手藝, 你會看到很多很多層的, 當然現在少見之餘也沒有那麼多層次,

點心好好味又精緻。老闆同員工態度好有水凖。店內裝修非常設合主題。若洗手間有埋Hello Kitty 馬桶同廁紙同水龍頭就perfect!最開心系有好多Hello Kitty畫同枱櫈，餐具，好正!店內有Hello Kitty souvenir corner, 非常好。不過可以有更多中國風Hello Kitty souvenirs 選擇!值得一提，Hello Kitty以一身旗袍打扮,非常cute! 有一個建議, 如果店內有美女大使以Hello Kitty旗袍打扮供拍照，仲開心。另外仲有個建議，顧客也可以以美美有Hello Kitty基礎顏色（紅，白）打扮可以獲九折優惠就好。咁樣也應該令Hello Kitty主題更突出。

今日想搵一間有主題公仔的中菜餐廳去到餐廳嘅時候，餐廳裏邊得三張枱坐滿人 裏面嘅裝修充滿煮飯畫像唔知餐具Hello Kitty連啲餐具都印有Hello Kitty見到Menu上最新嘅石頭鍋飯，上邊有一塊印有Hello Kitty嘅蝦片，啲飯熱烘烘而且好多汁，不過塊蝦片就有啲軟唔夠脆。然後食咗一個咕嚕肉，不過，個咕嚕肉除咗係個紅蘿蔔係Hello Kitty頭，其他就冇乜特別。菜類，叫咗一個南瓜炒甜豆，不過汁太結。你都中菜軒一定要食返有Hello Kitty icon嘅食品，雖然黑狗個麵粉有幾好但係個公仔幾得意樣已經足以彌補見到都唔捨得食落肚童年回憶的一餐

經朋友介紹覺得好有趣 , 於是找個 hello kitty 迷一齊去試 , 當天星期二閒日好少人, 早上 11 時多到達即有位 , 一直坐到 2 時結單都未見爆滿情況 ( 朋友星期六晚餐都等了一段時間才有位 ) 一進酒樓 kitty 迷朋友即興奮無比, 由佈置餐具至食品幾乎全部都是 kitty 樣子 , 認真貼合主題 先來點幾款點心, 當然全揀選 kitty 樣的點心，本人不是 kitty 迷但面對這麼可愛的點心, 真舍不得食 個人意見 : 菜苗餃 ~~ 足料最好味蝦餃，馬拉糕，糯米飯 ~~ 味道都 ok 流沙飽一 D 都唔流沙 , 味道亦一般 -~~ 失望叉燒酥最差 , 食完都唔知有什麼饀料, 而且未夠鬆化有 "漿" 口感覺另外價錢方面, 老實說其實都幾貴, 以我們點的點心由 48 元至 68 都有, 比一般酒樓貴兩至三倍，㕑房炒粉麵飯價錢比較上合理一些，只能說一試無防

母親節最驚就係出去同人逼，所以機智的我一早就在中菜軒訂好枱，我Book6:30就一定唔多人。我哋Order咗呢個母親節4人餐，剩係睇個餐牌已經覺得乜都抵番哂! 真係超豐富先來一客冬瓜盅，個湯好足料，好多金華火腿，而且好似飲極都飲唔哂，我哋最後食完成餐飯都飲唔哂，仲要打包走(都仲滿喎)!母親節餐 $888 打頭炮係Hello Kitty蝦餃皇，蝦好大隻！不過主要都係打卡為主，哈哈～同上次一樣個Hello Kitty Face仲係做得咁靚! 同上次一樣都係擺到最後先捨得食有貓樣呢粒蝦餃「窩心筍思」當然係母親節點題之菜啦，好清涼好有咬感，因為食入口時「索索」聲跟餐仲有兩款湯 1)杏汁白肺湯 同埋 2)Hello Kitty 紐西蘭青口湯，「肺」簡直係我至愛! 所以特別喜歡呢碗湯，個湯好白入口好滑傳統菜式「賽螃蟹」加上蟹籽顏色特別靚，蟹籽亦係呀女近期至愛Hello Kitty 蝴蝶拼盤 (椒鹽豆腐+雞軟骨) 唔會太鹹啱啱好，豆腐外脆內軟仲熱辣辣正!跟餐有兩款石鍋飯可供選擇，我哋就揀咗牛肉(另一款則海鮮)，仲有一塊印有母親節專屬圖案的蝦片撈起個石鍋飯! Yeah 件件牛肉都係鮮肉，仲要係厚切嗰隻

不嬲都好想黎潮聖一次！入到去會令你少女心大爆發！望住個menu 都令人好開心！心諗邊樣影出黎最靚！😂最終揀左流心包,腸仔包,千層糕,蝦餃, 同紅豆馬荳糕！當然賣相呃like一流！真係好cute! 食落就正正常常無太特別（個人覺得味道偏淡）！但黎得呢度預左～唔會對食物有太大要求～正如去disneyland 食野一樣, 食得開心就ok!Ps: d staffs 好nice ～👍

Overpriced for the poor quality in food. i felt like we just paid to see hello kitty buns which even my daughter spat out as the buns were dry. Only one miserable waiter was serving all the tables! Poor service and I was told I had to pay the service charge.

上個禮拜參加左大新銀行嘅活動，嚟左中菜軒食嘢。啲Hello Kitty點心大多數睇得唔食得，又或者唔捨得食食咗咁多樣嘢入邊我覺得最好味應該係流沙包同埋蝦餃，芝士撻就有啲太甜啦。至於其他嘢食味道就麻麻地～不過攞嚟影相就一流啦！啲餐具都印有Hello Kitty嘅樣，影相都靚過人～由於嗰日係參加活動所以都坐滿晒人，餐廳內嘅環境有啲迫，但係服務員都係有禮貌同樂於助人～活動最後有Hello Kitty同我地影相，好靚呀唔使俾錢算係咁啦，不過不失啦～

被可愛系同事發現了哈囉吉蒂點心餐廳，怎可能放過小人，又被拉著去試。以哈囉吉蒂做主題，餐廳內自然到處都有吉蒂的樣子，餐具都不例外，吉蒂迷應該大樂。乍見馬拉糕，不禁被其造型嚇了一跳！一點都不像哈囉吉蒂，只像是一個黃色的平面猫樣，絲毫也不似吉蒂。而馬拉糕本身亦僅是普通貨色，欠缺奶香之餘亦不夠鬆化，不太欣賞。紅蘋果雞絲飯也好不到那裡去，飯糰試圖做成吉蒂的面相，未知廚師是否握得太大力，結果成品成為一個有圓角的長方形。最不濟的是這碟飯是說咸不咸、說甜不甜，是淡而無味的。戲有變形金剛、變形俠衣，今嚐變形吉蒂，難有下次。

Hello Kitty中菜軒，試完一次後，相信唔會再光臨，皆因又贵又唔低食，唯一得着是在店內影相留念，因太太從小已鐘情Hello Kitty。是日點了Hello Kitty形馬拉糕，造型不像，但味道一般。至於义燒酥，賣相還可以，食落肉汁太差，而又凍冰冰。最後乾炒牛河更贵到離譜，大部份茶餐廳好過佢，所以相都無影。

又到一年一度生日~~同朋友揀左食hello kitty慶祝~雖然本人 對hello kitty麻麻地但都想試下 地點好易搵柯士甸站一出就係如果響佐敦站就要由寶靈街行過黎大概5分鐘左右喇去到剛好不是太多人等好快就入場坐~~d茶具碗碗碟碟都好精美環境都唔錯~我地叫左4款點心有蝦餃 燒賣 蘿蔔糕 同义燒酥價錢都仲可以接受 一次半次蝦餃同蘿蔔糕個樣幾靚熱辣辣食落去 都好味~蝦餃皮合格 蝦係彈牙既反而個燒賣 肥豬肉較多食落去又唔似平時燒賣咁不過都好開心~坐下傾下食下咁又一個下午

小女孩去邊？小女孩中意咩？大女孩中意咩？HelloKitty羅！就算唔中意但系都唔會討厭羅。因為想睇到某個女孩驚喜又開心的笑臉，於是帶她從寶靈街直行穿過白加士街、吳松街、廟街、上海街、官涌街，沿途没有为任何一间小店停留脚步，来到广东道上的HelloKitty中菜軒。門面一派唐人風格围着可愛的HelloKitty，入店同樣系唐式裝修，但系每個地方都有HelloKitty存在，未坐底，影相先。睇menu,每個樣點心都有HelloKitty元素，超級可愛，我地全程睇住menu笑著，睇下要食邊個Kitty（好殘忍）食物介紹我寫入相片度。一共食左五樣點心，買單343。小小貴，最緊要小女孩開心又中間，味道中上，心機好緊要。鮑魚燒賣必試。

與一位好鐘意Hello Kitty 既朋友食生日飯。甘咪同佢去將最鐘意嘅食落肚😂去到等左15-20 分鐘度有位，友人立即點選大部分有Hello Kitty 樣既點心，而大家亦心照大部分以卡通人物做主題既餐廳，價錢同食品質素，唔會係一分錢 一分貨。點心質數中規中矩。因為去既都已經唔太在意食左D咩，而係想影到D靚相🙊 尼次我地食左唔少kitty 落肚，而餐廳咕嚕肉都做得幾好，hello kitty 迷絕對可以一試！各男士識做la！

自己與友人雖不是 hello Kitty 狂迷，但是作為呃 Like 熱衷份子，以吉蒂猫做主題的中菜館，怎能不試？中菜軒報稱是全球首間Hello Kitty中菜餐廳，除食物造型加入大量Hello Kitty元素（即猫頭與她的招牌蝶結）外，全店以Hello Kitty裝飾做佈置，牆身以金色吉蒂猫剪影鏡面及中國風仿木屏風作間格。菜館內有一VIP 廳，內裡掛上本地水墨畫大師創作的Hello Kitty中國四大美人水墨畫像，這樣特別，值得一讚。碗碟、茶杯、茶壺、蒸籠，全都有吉蒂猫不在話下，連signage也是！真的是猫全部都係猫！另值得一讚之處，就是Hello Kitty點心大部分也沒有「走樣」，賣相近滿分。可惜味道只屬中規中矩。蝦餃的水晶皮太厚，包點及馬拉糕等，熱食還可，稍微一冷了，就變得很硬。萍果肉絲飯的肉絲，真的失色..唉～店員為多謝友人幫忙向外藉遊客翻譯，特意給我們借來一個身穿中國傳統旗袍造型、手執點心蒸籠Hello Kitty公仔拍照，很呃 Like、很窩心啊！