672
24
11
| 餐廳: | Homeland (荃灣廣場) |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
影片
開飯介紹
提供全日早餐、手工意粉、手工薄餅等，款式眾多，特別推介手工啤酒烤雞，十分惹味。
繼續閱讀
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關獎賞計劃
優惠
| 餐廳: | Homeland (荃灣廣場) |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
相關文章
又到左2個寶貝生日月我地去左荃灣廣場巴homeland慶祝。呢度環境舒適，食物亦高質素。我地嗌左2個兒童餐,哥哥-意式鮮茄德國腸意粉妹妹-吞拿魚忌廉長通粉，配上可愛既哈哈笑薯餅、脆雞件、果凍同果汁。（餐盤可以因應小朋友鐘意顏色選擇）而我地大人就要左松露牛肝菌雞肉芝士pizza😋薄餅皮酥脆可口,濃郁既芝士夾雜牛肝菌鮮味,黑松露散發出獨特香氣口感豐富完美配搭。北海道帶子海膽醬意大利燉飯🥘帶子鮮味海膽醬相當濃郁燉飯軟糯容易入口。草莓朱古力🧉-一杯充滿童趣既飲品。白白既cream加左朱古力脆條熊仔餅乾淡淡既草莓配埋香濃朱古力。好好飲蝶豆花柚子梳打🍸-視覺效果已很吸睛。柚子清新香味甜品開心果奶蓋芝士巴斯克蛋糕（半件）芝士蛋糕口感軟綿，幼滑奶蓋滿滿開心果碎北海道士多啤梨撻。店員好貼心向碟上除左寫上哥哥同妹妹既英文名之外仲畫左隻好可愛既豬仔，非常有心思呀。仲幫我地一家影左即影即有相留念💕。呢度真係好適合小家庭聚會朋友傾計慶祝既好地方！！餐廳：Homeland (荃灣廣場)📍地址: 荃灣大壩街4-30號荃灣廣場B1樓B109-B110號舖
繼續閱讀
同好友慶祝新學期，去Homeland食一餐，點了寫字畫碟甜品，用朱古力漿於蛋糕碟上提供寫字服務，祝朋友 "Happy New Semester "!前菜有慢煮雞胸胡麻沙律口感醒胃，雞胸香滑有濃郁嘅雞味，配搭爽脆沙律菜，加入日式胡麻醬一齊就最perfect。新鮮牛肝菌菇與蘑菇熬製，濃厚奶香加上黑松露，口感豐富。龍蝦湯底質感濃稠，加入矜貴嘅花膠，味道濃郁。法式香草烤春雞加入黑胡椒粒、百里香乾料烹調，配菜有馬鈴薯蓉及翠玉瓜加，烤焗出來又香又不肥膩，肉質細嫩鮮甜，搭配上香草嘅味道好夾。卡邦尼意粉喺我嘅favorite蘭王雞蛋夠飽滿，橙黃色而且色澤誘人，蛋味又濃郁；煙肉微炸過帶香脆口感，意粉加入忌廉同巴馬臣芝士，食落較creamy。Pizza 🍕 舖滿烤鴨肉配上香甜填鴨醬，仲有鴨肉、青瓜、京蔥，薄批帶香脆口感，真喺食到停唔到口。粉紅色盤兒童餐食物富有色彩，有彩虹啫喱，主菜喺吞拿魚忌廉長通粉。
繼續閱讀
Home Land 📍香港🇭🇰 荃灣. #米吃 #今日教練食呢D #今日食呢D.一坐低有店員問 有冇嚟過？ 我同朋友分別都已經一年前嚟過，所以叫佢再介紹🤣佢講肉眼扒同豬肋骨 今日到貨 我哋即刻揀呢兩個都冇睇其他Menu了😂 .✨香煎紐西蘭安格斯肉眼扒 10安士配薯（燒汁） $148叫5成熟 直頭好食到 食晒之後先發現 無點過汁！之前嚟食都好鍾意佢側邊嘅薯菜～ 首先外觀好靚佢嘅薯蓉真係薯仔出嚟，因為有粒粒嘅口感配菜亦都好Juicy~ .✨BBQ滋味醬燒豬肋骨配薯條 $88好好食！燒得啱啱好 個賣相勁靚 超級有食慾食落去係勁腍！ 好比出面幾間 賣豬肋骨出名嘅餐廳 果然好介紹仲要切完影咗陣相 先開始食 食到最後一舊 都仲係熱嘅連個薯條都係keep住脆卜卜！冇得頂.餐湯配沙律 即磨咖啡 +配 $10加左一份～ 湯系蕃茄湯 唔係茄膏真係鮮茄.✨小食蜂蜜柚子脆香雞翼3隻 +配 $22雞翼都好食 柚子汁剛剛好 吾會好漏 又夠大隻.2人共消費 $295..💫 #Homeland #荃灣廣場#荃灣 #西餐 #肉眼 #豬肋骨 #好食 #雞翼Follow and Like 系我最大既支持🫶🏻——————————————📍: 👍🏻like and DM 💕——————————————.#📸 #😋#香港 #香港探店 #打卡 #打卡餐廳#跟米吃出瘦身材 #kumikofindfun #健身人士飲食 #食住瘦#管理體重 #飽住瘦 #蛋白質 #foodiehk #kukeepfiteat
繼續閱讀
臨近聖誕節同朋友一齊去荃灣食好野！間餐廳裝修得好靚之餘，啲嘢仲有好好食！價錢都好合理，所以我哋都食得好滿意。我哋叫咗個Pizza set ，先有慢煮雞胸胡麻沙律，黑松露牛肝菌蘑菇湯餐湯、餐包。佢地既慢煮雞胸真係好嫩滑，好好味，好重有黑松露嘅味道👍🏻🤤我哋喺套餐加咗$108 叫咗波士頓龍蝦明太子海鮮薄餅🍕呢個真係非常之好食，佢係成隻龍蝦喺pizza嘅上，滿滿既龍蝦肉亦都有其他嘅海鮮喺上面🤤真係非常之足料！另外我哋再加咗$58叫咗個小食拼盤，有炸蠔、芝士薯條、炸雞同炸魷魚（應該係因為佢冇炸魚柳，所以改咗），但係都非常之好味！跟餐可以半價嗌一啲特色嘅飲品，整體嚟講都非常之值得食，同場都有好多人去到幫襯！所以無論大時大節，或者平日都係好適合約埋朋友去食！😆
繼續閱讀
又到聖誕，又到聖誕，聖誕節梗係要食聖誕大餐啦！不過今次我哋就簡簡單單一家人，去咗荃灣廣場嘅 Homeland Kitchen，一入到嚟個就俾個裝修吸引住，好似修咗個好色彩嘅森林一樣！西餐梗係唔少得前菜，我哋就叫咗 #寶雲酥法式焗田螺配薯蓉，之前出面食過呢道菜，啲薯蓉通常都冇味，但 Homeland 呢一道菜，係上至田螺，下至薯蓉都超級入味好味。另外叫咗個小朋友至愛，其實阿媽都好鍾意食嘅 #滋味小食拼盤，拼盤有炸雞塊，吉列廣島蠔，芝士醬薯條，吉列魚手指，樣樣都脆卜卜超好食，你話小朋友點會唔愛！跟住就梗係唔少得 #Pizza 啦！我哋叫咗個 #松露牛肝菌雞肉芝士薄餅，呢個 Pizza 就真係好足料，啲芝士好多好漏好正！另一個主菜仲叫咗 #西西里龍蝦汁海鮮鐵鍋燉飯，鍾意食龍蝦汁嘅你一定要試，成個燉飯都索哂啲龍蝦汁，好入味！飲品我哋就叫咗杯 #蜂蜜柚子茶，冬天潤喉一流。而甜品都是重點之一，聖誕節一定要食甜品啦！而 Homeland 呢到係有 #寫字畫碟甜品，即係你叫甜品，加 $35 就可以有埋寫字畫碟，我哋就梗係應節寫返句 Merry Christmas 啦！如果同朋友慶祝生日，有埋寫字畫碟就梗有意思添！總結：好豐富又好美滿嘅一餐，環境同食物都好好，最重要係坐得好舒服！有埋寫字畫碟，一家人節日影張靚相留念，very nice!
繼續閱讀