影片
以上資料只供參考, 請與餐廳確認詳情
今日和老公兩人去食了個假日二人午餐$598，包魚生拼盤、炸豬扒、銀雪魚西京燒、鰻魚飯、魚生飯、兩個雪糕。因為食物水準好麻麻，所以都冇影相，主要想講吓侍應嘅服務態度。因為係星期六，餐廳沒有很多客人，樓面侍應亦只得三個。同我哋落單嘅係一個肥仔，我哋點左二人餐，因為食物敏感，同肥仔侍應講咗要走紫菜。魚生飯來嘅時候，發覺並沒有走到紫菜，好多餐廳有時都唔記得，所以都算數冇特別出聲。過咗大半個鐘，我哋已食晒魚生拼盤、銀雪魚西京燒、鰻魚飯和魚生飯，又等左好一陣炸豬扒都未到。但另一位侍應已經收咗我對筷子。同佢講話炸豬扒仲未到喎，請佢幫我哋追，又過咗一陣見嗰位侍應招呼其他客人唔得閒幫我哋追，我哋揾返肥仔侍應請佢幫手追，佢問完廚房話炸爐排緊隊，要等多10分鐘（但其實我哋坐低時先得2-3枱客，好明顯係漏單或者廚房唔記得做）又等完一輪之後，炸豬扒終於到，點知我哋食到一半嘅時候，突然另外一位短頭髮戴眼鏡嘅女侍應，粒聲唔出咁擺低咗兩杯雪糕。我哋終於忍唔住，話其實嗰份遲嚟嘅炸豬扒只係食咗一半咋喎，點解咁快上雪糕呀？女侍應就俾左個好神奇嘅答案，話佢哋嘅程序不嬲都係等啲客主菜食得差唔多嘅時候就開始不雪糕，因為個雪糕好硬。咁呢個理由都好新穎嘅，最好笑係as a matter of fact雪糕其實軟到就嚟溶咁滯。最後我哋想搵經理反映下意見，不幸地經理星期六唔返，揾咗好耐之後有個自稱係經理嘅人喺電話度了解事發經過，最後to be fair佢亦有同我哋講對唔住。總之當買個教訓以後永遠一世都唔嚟。
繼續閱讀
The restaurant is located in PP. Pretty easy to find. We got this sushi set. The variety is good. The size of the sashimi is hearty too. However, with this price, we were expecting a set which include also soup, appetizer and desert.We ordered also the Aus beef set. The beef was very nice. The meat is very juicy and full of aroma. Very nice indeed. It comes with onion slices and grilled garlic piece as side dish. Thumbs up for this one. We ordered a bowl of rice as well.
繼續閱讀
經過呢間餐廳無數次 某日嘅午餐終於嚟到呢度食 午飯時間只提供套餐 由生食到熟食都有 足以顧及到客人嘅唔同需要 每一款套餐都跟沙津 茶碗蒸同埋麵豉湯⠀⠀▫️蒲燒鰻魚飯 (HKD188)兩條肥厚嘅鰻魚鋪喺碗白飯上面 白飯上面淋咗頗多鰻魚汁 每一粒白飯被鰻魚汁包住 食落有黏口嘅感覺 非常醒胃美味⠀⠀▫️日式照燒雞 (HKD168)雞係來自日本南部 雞皮燒到卜卜脆 美味可口 用來送飯食 好快就食晒一碗㗎啦！⠀⠀服務方面唔似有啲人講到咁差 起碼侍應們會主動幫我哋斟茶😂
繼續閱讀
之前試過商場另一間日式餐廳，今晚試衣間。可能因為疫情關係，今晚餐廳連埋我哋只有四枱人食晚飯。老公揀在鰻魚飯，味道可以。我就食牛肉稻庭烏冬。湯底有D鹹，但烏冬同牛肉就滑身，算唔錯。可能因唔多人，服務幾好。
繼續閱讀
和朋友在這裏吃了一餐中午飯，我叫了一個鰻魚飯，而我朋友叫了一個牛肉烏冬麵，配菜有兩隻煎餃，還有一碟蔬菜沙律，及一碗麵豉湯，餐廳的裝修有日式特色的，牆上的畫作10分美麗。午餐期間亦都有不少的食客，感覺上餐廳都不錯，價錢屬於中上。
繼續閱讀