影片
港鐵觀塘站 A2 出口, 步行約5分鐘
繼續閱讀
電話號碼
81183888
開飯介紹
店內設有用餐區及娛樂區，提供精美西餐、特式雞尾酒、飛鏢機、Beer Pong等，來享用午餐或下班後放鬆一下也不錯。
繼續閱讀
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關獎賞計劃
相關文章
🎉🎂 今晚同契女慶祝生日，去咗觀塘一間轉手嘅西餐廳，食左個二人套餐 ($598)，CP值極高🎈✨ 法式龍蝦湯：濃厚嘅龍蝦香氣，忌廉奶滑，配上鬆脆牛角包，真係一絕！🌟🍴 香煎法國鵝肝：擺盤靚仔，鵝肝厚身肥美，外脆內嫩，油香四溢。搭配多士同無花果，解膩一流。👍🐟 甘鯛魚配白酒忌廉汁：魚皮脆卜卜，魚肉嫩滑清香，同濃郁嘅白酒忌廉汁非常夾，真係啖啖滋味！😋🍚 黑松露飯配海膽三文魚籽蟹肉：一整煲上，打開煲蓋香氣撲鼻！黑松露、海膽、三文魚籽同蟹肉足料滿滿，口感豐富，飯底仲有飯焦，香濃美味～最得意係有陣味噌味，真係好滋味！🥰🍰 是日甜品：朱古力蛋糕 甜品以朱古力蛋糕作結尾，滑溜濃郁，為呢餐畫上完美句號。🍫呢間餐廳環境幾大，有室內外座位，仲有飛鏢機同桌球等娛樂設施。餐廳仲有戶外空間，pet friendly，啱晒帶埋寵物一齊嚟happy hour！🍻食lunch過咗兩點仲有八折優惠，真係無得輸！今次同契女過生日真係好開心，呢間餐廳絕對值得推薦！💖
繼續閱讀
有日返工食lunch見到對面大廈先知原來都有餐廳😹默默地 bookmark咗兩間好想試，今日先去其中一間😚餐廳環境相當闊落，仲有戶外位置，而且呢間餐廳仲係寵物友善😍！🌟香料吞享魚配牛油果及紅蔥醬 $108 呢道前菜擺盤精美，首先有好多火箭菜，仲有三片厚切吞拿魚，重點係下面勁多牛油果蓉，撈埋獨家紅蔥醬，有香料嘅獨特味道，口感好豐富同 creamy 😚🌟露荀軟殼蟹忌廉意大利飯 $188本身都覺得冇乜嘢啊，賣相都幾靚啊，點知一「不」起震驚咗😱巨巨巨多蟹肉，每一羹都見到一絲絲嘅蟹肉😳蟹肉同忌廉完美融合咗，加上忌廉醬都係勁Creamy嗰種，飯粒索曬醬汁🤩而軟殼蟹一開二，炸得超脆好過癮，一個人食可能會有啲膩同太油，share就啱啱好👏🏻🌟原隻焗龍蝦薄餅（10吋） $268呢個 Pizza就真係好豪華，隻龍蝦就咁擺上面都幾霸氣😤10吋嘅薄餅唔小，仲有內裡嘅餡料都用咗龍蝦，底部係茄醬底，批厚度唔算薄又唔算厚🤣麵粉香味十足，口感煙煙韌韌。-成餐飯最開心見到好多唔同品種嘅狗狗🤣臨走見到原來 lunch兩點後有八折😗
繼續閱讀
位於觀塘嘅House FiftyEight，平日lunch已經好受打工仔歡迎！餐廳有室外座位，歡迎帶埋寵物過嚟一齊用餐🐶 室內亦有飛鏢等設施，唔適合大班朋友又食又玩！今次🖤黑白配⚪️喺平日晚上過嚟食飯，勝在唔多人夠曬氣氛白酒忌廉青口配多士 $248餐廳而家做緊promotion，點一客青口就可以加$10要一杯白酒，仲要係無限添加添！呢個優惠認真抵😍講返青口先🤭 青口上枱時熱辣辣，份量好大，而且冇平時嘅雪藏味，每一粒肉都吸收晒忌廉嘅精華，非常之夾😚美國頂級封門柳 $268🖤黑白配⚪️點五成熟，肉質好嫩有嚼勁，表面煎到少少脆，所以放入口feel到外脆內軟嘅口感蘆筍軟殼蟹忌廉意大利飯 $188🖤黑白配⚪️大愛加會再點嘅意大利飯🤤 首先軟殼蟹炸到勁香脆，炸完仲要保留到蟹膏！每一啖意大利飯都食到濃濃嘅牛奶味，仔細食仲食到蟹肉味～相信廚師係有將蟹膏或蟹肉添加咗落意大利飯入邊，必試⭐️
繼續閱讀
大家都係觀塘街坊，朋友話以前食過嘅一間西餐廳轉咗手，開咗間新嘅都唔錯，仲有好多happy hour設施，今日同老細上去睇下～地方真係好大，一入去又有掟鏢機，又有足球機，仲有啤酒game～不過今日二人撐枱腳，就坐低叫嘢食啦！叫咗個Dinner set for 2雜菜湯+蘑菇湯：雜菜湯比較清，蘑菇湯好香濃，口感唔係太幼滑，但係有少少咬口咁仲啱我！跟湯牛角包非常鬆脆～唔使搽牛油都好好味！前菜：香料吞拿魚配牛油果同紅蔥醬，三文魚好新鮮，仲有少少沙律菜～牛油果醬好香，紅蔥醬啲紅蔥炸過，有啲咬口，口感幾豐富！味噌煮和牛面頰肉：啲和牛煮得非常淋，非常入味！！個味噌汁幾香，配料估唔到仲有啲酸酸地但幾嘅辣嘅辣椒，估唔到都真係幾辣㗎！！黑松露飯配三文魚子海膽蟹肉：個賣相好得意，上枱好似一個鍋咁，一打開勁香！😍我估唔到係一片片松露咁落本😚🤭～個飯炒得好香，原來仲會有少少飯焦，大大件海膽，真係好滿足！仲有三文魚籽、蟹肉～呢個飯真係不得了！！🥰👍🏻白桃草莓蛋糕同一杯凍mocha，為今餐畫上完美句號！！呢度仲有戶外地方，係pet friendly餐廳，如果你有貓貓狗狗寶貝，可以帶埋一齊嚟happy hour！！食lunch兩點後仲有八折添！！
繼續閱讀
偌大空間，有飛鏢機同足球機等娛樂設施，仲有户外空間，空中花園feel！DINNER FOR 2 $598(set for2)👉🏻法式龍蝦湯 (+$38)濃厚嘅龍蝦香氣，有忌廉嘅奶滑，配有牛角包，酥軟，而且好有牛油香！👉🏻雜菜湯餡料多，粒粒蔬菜，豐富嘅口感，好開胃！👉🏻香料吞拿魚配牛油果及紅蔥醬共三件粉嫩吞拿魚，特別中意牛油果好滑溜，奶油質地，紅蔥醬個味道都幾突岀！👉🏻味噌煮和牛面頰肉牛面頰肉經過長時間慢煮，非常柔嫩，每一口都充滿咗濃郁嘅味噌香氣同牛肉嘅豐富層次！👉🏻黑松露飯配海膽三文魚籽蟹肉一整煲上，打開煲蓋香氣四溢，松露香氣再配有好多海膽，鮮甜唔腥，仲有三文魚籽同滿滿嘅蟹肉，份量都唔少！👉🏻是日甜品今日係抹茶夾心朱古力蛋糕，賣相靚，蛋糕質地鬆軟，每一層夾心都帶有抹茶同朱古力，唔會過甜，有士多啤梨伴碟，perfect! 個set包埋飲品，讚！
繼續閱讀
您可能會有興趣的...