IL Cibo Italian Restaurant

營業中

休息中

呢間餐廳之前睇食評係咁比人笑佢個餐牌，都幾好奇想去試下星期日難得就到時間去試一試佢個午餐～佢啲位都幾好坐，環境又唔會太嘈好啱同朋友一邊食一邊傾下計佢午餐都好多選擇，價錢都好實惠最平$58已經有主食同餐湯/甜品/飲品三選一仲要唔洗加一～今次試左海鮮意粉同牛扒，叫左佢個餐湯同甜品是日餐湯係周打魚湯，都有啲餸係湯入面～幾creamy，佢配湯嘅餐包質感好啱索湯，配黎食啱啱好海鮮意粉加左蒜同欖欖油炒，一上枱聞到好香～意粉唔會煮到好稔，彈彈地有咬口海鮮就有蝦、青口、蜆、三文魚、白身魚～成碟配合起來好豐富牛扒佢配左薯條同蘑菇汁牛扒佢應該係default左生熟度，如果自己有preference 要落單時出聲了牛扒的話牛味都夠厚薄度就一般啦，唔係成吋厚果啲佢啲薯條整起熱辣辣不過唔油，要趁熱食～甜品今次係cheese cake配雲呢拿雪糕，味道正正常常，又唔係話好驚艷嘅～大角咀好多食店，不過好味又抵食嘅西餐唔多，所以呢間一定會encore~

不是港式餐廳, 食物質素高, 服務好 值得支持, 千祈唔好畀佢個google translate餐牌嚇親, 佢哋都識講廣東話, 價錢好合理 , 特別係lunch性價比高. 晚餐包甜品沙律 飲品 質素都好高

記念日嚟到大角咀食隱世西餐，個Menu啲中文全部係用Google翻譯直接譯出嚟，好搞笑🤣亦都證明唔係本地人開嘅，西餐特別正宗啊！嗌咗二人set dinner大概$400，有齊前菜x2主菜x2甜品仲有紅酒!前菜煎雞沙律同埋西班牙式拼盤塊雞真係煎得超香！個拼盤啲辣肉腸同芝士都好特別蟹肉蒜香扁意粉個份量都幾大，啲蟹肉原來喺晒個底度撈起嚟超級多好足料啊！蒜香味都好夠好好食肉眼扒配薯角快扒嗌左五成熟都有啲韌，薯角就好厚好脆好好食！仲有個類似蜜糖芥茉醬配埋幾正跟餐甜品雲呢拿雪糕加Carrot cake呢個普通啦有啲甜紅酒加tiramisu 個tiramisu係用OpenRice訂位佢特別送嘅，好驚喜好有心啊!食完好飽好滿足，啲侍應服務態度都非常好！但成晚得我哋一台客😿覺得好可惜所以要喺度俾啲鼓勵佢！同埋我都不斷推薦比人哋要去試吓！

大角嘴小店林立，卻常常被人忽視。尤其係星期六日，當旺角間間餐廳都排長龍時，行15分鐘去大角嘴尋寶就最好不過。行經IL Cibo嘅門口，我已經比佢嘅裝修吸引 — 同外國餐廳好相近🧐 再望望menu，係google translation level嘅中文😂 我諗... 呢間餐廳應該係外國人主理，應該會唔錯😜Beef Salad 🥗 以沙律黎講，塊牛肉都好大塊亦重牛味，配上cheese，係有少少驚喜嘅🤭Pasta di Granchi 🦀比起用白汁/茄醬煮嘅意粉，呢個螃蟹意大利粉炒得夠乾爽，蟹肉嘅鮮味亦容易食到，家中兩老好impress👍🏻NZ Sirloin Steak 🥩 沙朗牛扒肉味香濃，唔多筋，薯角亦炸得香脆😆Baby lamb tenderloin 🧆烤羊脊肉有少少羊羶味，肉質彈牙亦juicy，加上牛油味濃郁嘅薯蓉，完美😋餐廳服務唔錯，侍應都會不時過黎斟水👍🏻 另外，晚巿有做set dinner，訂價都好親民，份量亦偏多，大家可以睇住自己個胃黎落order🙃

又再到大角咀，今次就試一試意大利菜～我地叫左午市套餐，餐包可點橄欖油同醋，夠傳統海鮮意粉$68，有蝦，青口，蜆肉同魚塊，海鮮同意粉份量都十足，用蒜蓉橄欖油炒幾出味，喜出望外！雞肉雜菌意大利飯$78，飯夠濕潤，雞肉夠滑，配上忌廉汁唔會太油膩，都值得一讚湯或甜品可以另加$10，我地加左一份甜品，牛油蛋糕有乾果，仲有雪糕，味道中規中矩套餐包飲品，凍咖啡味道普通總括：凍飲唔使加錢，又唔使加一，真係物有所值

有朋友生日就想搵間西餐黎食，點知依家疫情都仲未過晒，就已經超級多人出黎食飯，TST同MK正常D嘅餐廳都爆晒，唯有轉戰冇咁旺場嘅區分大角咀依間IL Cibo Italian Restaurant其實之前都有朋友推介過，不過未有機會試，今次就岩岩好，預早2日打過黎都仲book到位附近餐廳其實都幾旺場，而且行返去奧運站都係幾分鐘路程，算係平衡到交通便利同清靜程度今次5人同行，黎到首先叫下野飲先，本身諗住叫杯冰凍啤酒冷卻返個人，但睇完個drink menu忍唔住口揀左irish coffee，口感唔錯，咖啡同whiskey味平衡得幾好，美中不足係咖啡唔夠醇香，酒味幾香前菜冇影相青口幾好食，尤其係個汁Ham & Cheese Platter用料就較為普通2款前菜份量都非常足，明明係一人餐，但5個人share食都唔會覺得太少牛肉同雞肉沙律都幾好味，仲俾我搵到舊牛油果添，嗱嗱臨夾左黎食，正~!然後黎到主菜部分先講是日魚柳配薯蓉，係相對地最差嘅一款主菜，魚柳薄，肉質冇口感，薯蓉就正常Ravioli揀左cream sauce，有幾片Parmesan cheese喺上面，正正常常都幾好食，冇咩太特別嘅地方

去開奧海城，又唔想食啲連鎖店，於是上網搵食。發現呢間係奧海城外圍嘅小店，咁啱18:00 落booking有main menu 50% off。一於行出去外圍試試。由奧海城行過去，大約10分鐘腳程。疫情之下，入面嘅枱櫈都擺得好闊落，唔會迫逼夾，同隔離枱有成米咁闊，行出入都唔使打側個身。50%off 只限Main Menu食品散叫，下面嘅價錢都係正價。偷偷望過就算set dinner都只係大概百幾蚊，唔貴。一般sangria 都係紅酒，今次試下白酒先👍🏾(飲品無半價🙈)一落完order, 隨即送上餐前麵包，麵包好香香草味，加上黑醋橄欖油。點左前菜青口，個汁點麵包都好食。仲有個烤牛肉火箭菜沙律唔記得影相 ($118)Gilled Salmon (5成熟🤔) ，好嫩滑好Juice👍🏾最後令我大滿足嘅心太軟😋

行經大角咀見到有間意大利餐廳，見有set dinner都唔錯就入左去～..Set dinner係3-courses set dinner🍽首先係Starter，可以揀soup of the day或salad，然後主菜，最後會有甜品，而且有餐飲。..首先會有意大利餐包、黑醋同橄欖油享用，呢個食法係意大利人好流行既習俗🇮🇹 Soup of the day係Seafood soup，用蝦頭熬煮，加左少許蟹肉碎，好鮮甜😋沙律係Beef salad，都幾大份量，牛肉配上特製既醋醬同火箭葉，好清新～..主菜揀左大蝦意粉、牛扒同豬扒，大蝦好爽口，蒜香意粉好入味🍝豬扒有驚喜，外脆內軟，好juicy🤤反而牛扒🥩有點失望，好乾身，口感硬，不推薦❌..甜品係Carrot cake配雪糕，好特別😋 一啖雪糕一啖蛋糕，好味道😇 仲另外送左個朱古力mousses🍫濃郁既朱古力我至愛😆 環境整潔，燈光較暗有情調，整體來說很不錯喔～

朋友介紹去呢間意大利餐廳，試後果然有驚喜😍入面格局簡單，但坐得舒服，唔會太過迫。果晚人都唔多！餐前包：好有正宗意大利感覺，手工麵包，有少少粗糙嘅感覺但係好鬆軟，可以點埋橄欖油同埋黑醋！烤美國prime 牛扒 prime stripe steak: 😋😋😋塊扒都幾抵食，叫medium 真係exactly 煎咁多，火侯控制得好好👍🏼非常優質Pizza ruloco: 香脆，薄底，有火箭菜，pamaham 👍🏼不過不失

難得放假想食西餐，聽朋友講大角咀埃華街有好多好野食，有一兩間食好西但唔記得個名，於是特登搭車過去搵食，點知一落車一街都係雞煲四川桂林打邊爐。。街頭行到行尾都冇一間西餐。。唔死心情況之下轉到去大全街。見到呢間IL CIBO個名唔識讀（哈哈！😄）細細間幾有FEEL就入左去。我地一行三人叫左3個SET，頭盤沙律/湯，主菜加埋飲品，埋單都係600左右。冇影MENU所以實質菜式名同價錢已經唔太記得，是日餐湯係薯仔湯，唔識食西餐開頭一望覺得好稀，但飲落，食包點少少黎食又好食。沙律揀左個烤雞沙律同燒牛肉沙律，不過不失份量OK。第一次寫食評，掛住食影漏左兩個好好食意粉。😤好似叫意大利海鮮麵，同埋蟹肉意粉，兩個都係炒好香，硬度岩岩好，係多左少少油。最後朋友叫左個牛排配薯角，叫左medium rare，我食左一舊但有D"銀"同偏乾，個人認為唔係煮既問題，係而家平平地買塊豬扒煮黎食都香過牛扒，可能係我唔識食～哈哈😄整體黎講我覺得幾好食行開會再幫趁。

今天中午一家三囗去食午餐，其中一個係risotto，食到一半，口入面有啲硬嘅嘢，吐出嚟再望下，係小強頭部連少少身，好明顯有一隻腳及眼，即刻同餐廳經理反映，佢成碟拎咗入廚房，成10分鐘先出返嚟，拎住一塊似甲曱顏色嘅木塊，話係魚乾嚟。我哋即時嬲到爆，話佢頭先佢自己都明顯見到有眼有腳，依家入去搞完一輪拎一塊魚乾出嚟？！？！我哋明白食肆有小強實屬無奈，原本只要肯道個歉我都接受，揾食艱難，但處理手法確實不可接受，離晒譜，已報食環。

本身好少去大角咀,但係因為要去大角咀整車,咁所以就順便去嗰邊搵嘢食 。咁梗係睇下openrice有咩推介啦，就去咗呢間餐廳。我朋友就食意大利雲吞，我就食baby lamp。 整體都幾好食，如果去開嗰頭會再幫襯 。另外我朋友要沙律，我就要個湯，都有幾好食。 但係由於大角咀位置唔係好方便，又未至於好食到要特登搭車去食，下次如果去開嗰頭我都會再食呢間 。用openrice訂位有飛行里數同埋甜品送，我都覺得好抵食。另外佢唔係好多人，所以可以隔枱坐，感覺幾衛生。

想食的餐廳無位，唯有繼續邊行邊搵。來到一間意大利餐廳，但我之前一直都無食過，於是就進內試試。侍應生全都是外籍人士，全用英文溝通。我點了煙三文魚配田園菜香醋汁、海鮮意大利粉及甜品。同事只有點的主菜不一樣，其他都是相同的。頭盤是手工麵包，熱熱的，好鬆軟。配欖梘油或是醋食，別有一番風味。沙律正常海鮮意大利粉，味道不錯。同事點的澳洲西冷扒。甜品是鮮果蛋糕配雲尼拿雪糕，蛋糕都是手工做的，內含有提子乾，增添不同口味，蛋糕好鬆軟。雪糕味道不錯。

大角咀這條大全街也有不少食店，這一間意大利餐廳 IL CIBO Italian Restaurant 原來大有質素。店舖雖小，坐位舒服。選擇不多，看來精緻。沙律蛋前菜吃來清爽。餐包也不是一般麵包，很鬆軟，看似自家制。海鮮意大利粉也很豐富，巧大隻海蝦。當中試了Linguine Beef，是燒牛扒肉，刮目相看。想不到甜品也是這麼細緻，香滑雪糕配暖暖的海綿蛋糕。真心說，八九十元左右有沙律、餐包、主菜、甜品，質素令人滿意，份量剛好，性價比高。在緊張的工作中，這樣的午餐能帶來不一樣的清泉。

稔住去金船長，原來換左依間，系外國人開的，見$150 左右一個西餐，平過奧海城任何一間，可以試下。服務： 非常好，隨時候命fill水味道： 推介 牛肉沙律(starter), 海鮮意粉 (main). 佢個炒意粉d味 較得好好，意粉軟硬度剛剛好，就算無海鮮無餸，都好味。 3 course的 NZ 牛扒就 中規中矩，都ok, 但沒什麼驚喜。 menu仲有其他$175 的牛扒連紅酒，不過未試， 留反下次試。價錢： $150-200 (3 course dinner)