indicolite RESTAURANT

營業中

休息中

過年前大家想搵間比較高級嘅餐廳食飯，大家都係灣仔返工嘅原因所以選擇咗佢。食晏只有Set Lunch選擇，我叫咗海鮮橄欖油辣椒旋片炒意粉$165。🥗首先嚟咗個跟餐嘅沙律，個沙律完全冇調味，只有勁少嘅橄欖油喺底。🥦然後嚟咗個餐湯，西蘭花加龍蝦味嘅湯。我只能講唔係個個接受到，亦都唔係特別好飲。🍝終於黎到個主菜啦，簡直嚇死人。咁嘅價錢我以為會有少少擺盤，個樣好似俾人料個黎，都算。味道只有辣椒味。海鮮有雪藏海鮮味。極度難食，衰過茶餐廳。☕️最後有個餐飲，等左極耐極耐。一放上枱好似俾人飲過咁，個杯野唔滿。(有圖有真相)之後返到公司，我就同我D朋友喺度討論，究竟得我個主菜難食呢。以下係我朋友嘅評論:-我係叫咗羊，點知個羊好似係肯亞黎咁，簡直係冇肉食，得舊骨。-我係叫牛扒嘅，佢落單嘅時候冇問我幾成熟，都算。點知上到枱，個樣睇落又好似幾好食喎，點知咬吾到。環境來講其實佢唔錯嘅，食物真係太差啦。我一定唔會推介俾人。

嘢食唔便宜，但質素低於預期，叫咗魚食但唔新鮮，配菜得幾塊，份量小，灣仔可以有更好選擇，以為酒店質素有保證，非常失望。。。。下次唔會貪方便，點都唔會再嚟！！！！！

友人在灣仔工作，我想方便她便揀這餐廳🤗環境滿分、每隔幾個月換枱布，keep住有新鮮感👍🏻服務亦滿分，我第二次幫襯亦認得我😆食物亦好味，唯一擔心是他做不長，二次去亦好似包埸，冇乜人，希望多些人幫襯😃

諗住lunch食好少少開心下，同事選了這英迪格酒店裡面的餐廳。走進去時感覺不錯裝潢時尚我們都頗期待我們的午餐！餐廳環境舒服，採用大量淺木色系列，感覺悠閒令人放鬆！點了烤鱸魚配香草忌廉汁 $145 這碟烤鱸魚set lunch加一後索價近$160大元，有前菜餐包沙律，不過全部都沒有驚喜，普普通通不過不失。看那可憐巴巴的一片乾巴巴小麵包，那大路的沙律，沒特別的餐湯，吃過前菜立即降低對main的期望。上main了！賣相合格，不過鱸魚不夠嫩滑，沒有那甜美鮮味，淡淡的沒有什麼味道。見到有多樣化的配菜值得一讚，雖然配菜都很寡口味道偏淡。總的來說是失望的，食物質素普通並不難吃，不過配不上這價錢。$160的午餐總會讓人期待多點點，環境餐具是滿意的，但食物和服務的各樣都只是勉強合格沒有驚喜之餘更讓我們失望了。灣仔區有太多更好吃的餐廳更實惠。短期內我們都不打算再試這間了🤷🏻‍♀️

其實已經幫襯左超過大半年，不過今日先的起心肝寫。呢間係1間都幾新吓嘅酒店 位處於喜帖街附近 位置算方便 酒店裝修都幾雅緻幾靚。我哋幫襯嘅係下午茶餐(high tea)， 講真咁嘅價錢(2個人連加1大概2百蚊左右)都預咗食物嘅質素其實都好一般， 不過勝在餐廳冇乜人夠清淨而且環境唔錯，啱曬想 悠悠閒 傾偈既朋友。總括而言 ，如果想用二百蚊左右呢個價$又可以係酒店亨用high tea既話(不求要好好味)，呢個絕對係不二之選。😁

今天午餐時間因落雨關係，去了隔離的酒店餐廳吃飯，都算有意外的驚喜。原來他們近期的主題是炸魚薯條，本人很喜歡這個菜，立即落單。炸魚，皮薄肉厚，同一般的炸魚有好大的分別；薯條，個人覺得份量比較少；但酒店$160食炸魚薯條算平😋

又到間唔中食一次貴dd嘅lunch時間，今次來到酒店餐廳吃Semi-buffet，午餐時間不多，選擇好main course後便走到沙律區自助選沙律。隨意取了一些沙律，以及湯。沙律夠fresh，三文魚片經常沽清，的確好味，不過生冷野還是少嚐就夠。而羅宋湯非常濃郁，沾麵包一流，其酸味夠曬醒胃，好飲得要飲多一碗！主菜登場。精選魚類配是日時蔬及馬鈴薯肉質非常嫩滑而結實，不過鮮味就說不上；旁邊的配菜都被我吃得乾乾淨淨，沒辦法嘛，薯仔愛好者遇上爽脆馬鈴薯，絕對無得淨🙈甜品是雲呢嗱雪糕。有埋雲呢嗱籽，甜度剛好，透心涼呀！飲品是熱檸水，不過不失吧。********************餐牌供參考:

有人話樓上cafe水準差，但我個人認為不一定。今晚就去了一間不錯的。論環境有寬闊的空間，論服務頗為貼身，而食物水準也比預期的好，難怪末到七時己爆滿。美顔水果茶味道清新，有著各種水果粒，果然係愛美人仕的第一首選。蜜糖雞翼只有單骨一條，食用方便。調味方面恰到好處，但可惜炸得過火，肉質老了一點。淸新有營的鮮帶子虎蝦靑蘋果沙律，有大大的一隻的虎蝦，肉爽鮮甜，蝦膏鹹香。帶子煎得剛好，外香內嫰。各種沙律菜亦新鮮甜美，再配合酸酸的靑蘋果，食欲大增。平時食漢堡飽多是牛肉，今日轉下口味點了魚柳漢堡。飽質感尚算鬆軟。魚塊炸得香脆不油膩，伴以洋蔥蕃茄，非常美味。輕巧的口感比起牛漢堡的飽滯感好得多。另伴碟的炸薯條炸得香脆，肉芯軟糯好滋味！以下這個甜品必食，值得推介。忌廉鮮果杏桃酥，即叫即做，熱烘烘。上枱時己傳來杏桃香味。酥皮好酥化，餡料的杏桃茸不甜不膩，還帶有微酸好開胃。

Hotel Indigo未做research之前，我真係唔認識呢間酒店。一踏入酒店，已經覺得好新好乾淨既感覺，用餐感覺又安心又良好左咁。用餐位置寬敞舒適，店員友善，可能新酒店，無咩人識，我地去時得我地一桌食下午茶，所以店員都已經可以即刻問我係唔係ｘｘｘ小姐，哈哈！＄２６８兩位用既下午茶，咸甜點都包埋，加埋一＄１５０都唔洗，可以一試啦絕對！冷盤鵝肝醬多士：我唔食鵝肝其實煙三文魚及魚子烤麵包：塊煙三文魚無臭味，大過塊面包好多，真高興！不過塊面包可以脆多兩成更好！意式奶凍草莓：好creamy既奶凍，質感幼滑，重奶味，配個草莓夾熱點鳳尾蝦網米春卷：我鍾意食呢個啵！個春卷熱辣辣，而且好似有Ｄ taro容咁,我覺得特別香!迷你芝士漢堡包:個個漢堡肉特厚,肉味都尚算濃甜品糕點: 糕點正常,無咩特別!芒果忌廉蛋糕朱古力軟心蛋糕檸檬批我覺得$150黎講,灣仔旺區新酒店好服務,兩人下午茶已經十分超值,可以再造訪呀!

妲妃式BBQ - 鬧市中的BBQ!比我想像中……清新﹗位於灣仔Hotel Indigo內的一個BBQ Buffet~~hotel wor~~~有哂table service架﹗內裡很光猛，當中有不少特色擺設，聽說是老闆的心頭愛!都說是BBQ 『Buffet』嘛﹗當然要有Buffet bar啦﹗來一個清新沙律為前菜fresh 一下先﹗選擇都不少，菜也很新鮮﹗這個真的是十分很不錯，我和友人都最少encore了2-3件~~wakakka~冷肉都每件試一下先~等齊人時又再encore多一次先~Main course! BBQ﹗也是有專人在外面燒完再送到你前面﹗如果天氣不太熱，是可以坐outdoor~會更有氣氛”也有幾款不同醬料~~~雖然顏色都差不多，但其實是不同的﹗個人最愛磨菇醬﹗以自己劃紙仔形式下單，但BBQ的選擇就略遜一籌，選擇不多，以肉類為主…大家都建議如果多一點海鮮/蔬菜，甚至是一點再特別一點的食材做主打，會更加吸引﹗Buffet Bar也有甜品，可是最後吃得太滿足，沒有quota再吃了~~~有機會的話下次再試﹗簡單分享，謝謝收看よろしく

今日黎左呢度食LUNCH~因為地點問題啦我諗，所以唔算好多人，平時呢度好少人食LUNCH!今日我地大約10人度，BOOK位果陣已經話可以幫我地TAILOR MADE一張MENUSTARTER有兩款SALAD同一款湯揀MAIN可以揀牛、魚、雞、PASTA OF THE DAY (今日係青口意大利飯)有DESSERT，奶凍或COCONUT CAKEDRINKS~~我揀湯，海鮮周打蜆湯，好CREAMY奴足料超多海鮮，又好夠熱，正MAIN我揀魚....有少少咸...份量亦較細，SIDE有兩粒限POTATO同少少菜DESSERT，正常!食物QUALITY係正常!不過要HKD200 PER HEAD好似有D貴.............

同好姐妹一齊放lunch, 補祝佢生日, 諗住過 pp 嗰邊, 點知愈行愈大雨, 最後揀左去酒店, 成日收到佢地dm, 日終於供心插柳試一試 Hotel Indigo 間西餐廳 Indicolite, 唔識讀. 先唔講食物, 果度環境好得，得在:少人! 記埋我地, 全場得四檯, 等我可以靜靜地講下公司是非hahahaha.....落低先知佢地做全日套餐, 每位$190, 我地兩姐妹點左:先黎頭盤- (我地點左一樣, 另外仲有餐湯同魷魚仔沙律)跟住係主菜-兩度菜後, 正式啟動我第二個胃:我點左waiter介紹人見人愛的chocolate cake, 看似平平無奇口感果然得！｜壽星女就點左Movenpick雪糕-食到爆棚仲有T or Coffee, 我地由12:30坐到2:30, 坐到幾乎唔想返公司, 酒店哥哥仔仲提我地佢地每逢星期五六都有即點即燒BBQ Semi buffet, 每位$280, 好想試!! 下次到我生日, 你識做啦好姐妹!!

每日喺Office, 中午12點一過, 就有人問邊度食lunch, 次次都係諗到落到公司地下大堂都未諗到, 最後就乾脆去飲茶, 為左扭轉呢個宿命, 我拎起心肝做下資料搜集, 喺新假期發現到Indicolite Restaurant, 一於拉大隊去試, 原因好簡單, 5星酒店竟然可以食到$200樓下既LUNCH, 於是一於起革命, 上星期搵左日一拖5去嘆下!唔駛食公司樓下集團式酒樓既肥膩腸粉燒賣, 換黎既係一碟碟既酒店fine dining 式美食, 頭盤主菜甜品再加咖啡或茶, 一律賣相質素有水準, 仲要可能餐廳仲係新, 無乜人, 坐得好舒服, 成圍檯我地坐到2點45分先捨得鬆人hahaha....講多無謂，睇下我日既菜單先：今日因為風大, 我地無坐呢度個小露台, 下星期三我地約定, 再去嘆嘆!唔係賣廣告, 誠意推介呢度俾一眾灣仔區打工仔!