ISSY MASON Cafe (已結業)

星期六下午幾個女仔想搵間餐廳坐得舒服D傾下計，工廈cafe係唔錯嘅選擇，今次我地就揀咗觀塘嘅ISSY MASON cafe。我地幾個人叫咗唔同嘅lunch set share蘆筍青醬汁炒天使麵 --- 個人最喜歡，青醬汁好味，加埋三色椒及蘆筍等，感覺幾清新煙三文魚黑松露忌廉汁炒意大利麵 --- 黑松露味道唔突出，如喜歡黑松露的大概會失望，相反怕黑松露味的反而可以接受鹿兒島豬柳配鮮茄忌廉汁 --- 豬柳不過不失，但意粉稍嫌有㸃"求其"，反而伴碟的茄子還不錯鮮奶咖啡 --- 咖啡還算幼滑，味道不錯總括來說，份量和味道以此價錢是算合理的，而且每人一百元左右可以坐上一整個下晝，實屬超值。

又來到觀塘工廈搵食，因為星期6，又有5個女仔想坐耐d慢慢hea下girl talk，搵左呢間有成3000呎既cafe，坐足5個幾鐘，仲叫左10個餐(lunch set x5，tea set x5) ，哈哈好誇張，但最後埋單每人都係$15x，好抵食!先來lunch set:A至H 8個餐我地叫左5個鹿兒島豬柳安格絲西冷扒煙三文魚黑松露忌廉汁炒意粉蘆荀青醬炒天使面鴨胸龍蝦汁意大利飯咁多個餐最like蘆荀青醬炒天使面，其次豬柳同龍蝦汁意大利飯都唔錯，黑松露忌廉汁炒意粉冇乜黑松露味，安格絲牛夠稔夠入味但似落左好多相打粉~坐到tea time又order左5個tea set3件cake雞翼薯條炸魚薯條唔記得影!cake味道正常反而價錢偏貴,blueberry cheese cake居然要$5x件，個人覺得炸魚做得幾好,仲好食過之前英國食個碟!另外呢間café出名咖啡，不過我唔好咖啡，朋友試完杯mint coffee都覺唔錯!星期6想搵個地方hea下吹水呢度真係唔錯!

今晚好即興同朋友去食飯，之前就好想試下。入到去嘅環境好舒服，無乜人好舒服。入去咁啱啲服務員食緊飯，但服務好好同即時serve. Dinner 今晚個湯係波菜湯有啲咸，送個個吉列蝦就明顯唔新鮮同放耐左，蒜蓉包ok.Order 左個羊架同鵝肝配牛扒都係配薯角。牛扒一般煎得太耐，有啲overcook. 鵝肝好散。羊架就不錯。甜品係什果啫喱，普通左魚膠太多太硬。唯一再好嘅係啲咖啡，叫左杯Flat white 超得。總括來環境很好，飲咖啡傾計就不錯，野食就有待改善。

Issy Mason Cafe 座落觀塘鬧市中，位置方便一入到外，空間感十足，成三千呎廠廈，座位寛鬆，空間感十足，啱哂女仔，真係hea足一日，傾足一日計。餐牌價錢唔算貴，都有幾多選擇。無論係學生做功課同傾project，定女孩子聚會，情侶拍拖都係一個好地方。店後面仲有衫，裙，服裝寄賣，食完仲可以行下街﹗值得一讚，店內有個自助corner,除咗食具，紙巾同水外，仲有叉電嘅位置，上次啱啱電話無電，好彩有充電位。另外天花上面D吊燈都好靚！

這餐廳有不少懷舊的風味。全木枱及復古的椅子。更有超舊的東西。不過也不全是一面倒的懷舊。也有一些現代的示素，免得叫人走入時空的錯亂。食物又怎樣呢？一份西冷扒配白飯，重點當然是西冷扒。這個西冷扒的肉質很嫩，又沒有鬆肉粉的味道，牛味很香，感覺是新鮮的。雖沒有血汁流出來，但仍能保持嫩滑的肉質，廚師的技巧真不錯。再加上特別的擺設與氣氛，讓人在煩忙的工作中，也可以有一個較安舒的午餐時間，很難得。

上到去叫左個南瓜忌廉汁意大利飯，係無味既，小小南瓜味都無，只有忌廉既感覺。兩拼魚餐收我$178得個細細舊，仲要係一舊仔比目魚加鯖魚，係鯖魚。仲要西餐廳既餐湯，係開粉既麵豉湯，跟蒜容包好奇怪！我個人認為真係好普通，但係收費仲貴過酒店。跟餐個奶凍仲稀過自己整啫喱，然後杯凍咖啡竟然係跟coffee mate，奶都無。再加上d員工吹水多過睇客，又漏單又掛住傾計。一定唔會再去。依家觀塘區咁多好餐廳佢唔改善下真係登佢擔心。

今個星期一係公假，過觀塘嘅工廈搵晏食，其實都係撞吓彩，點知都真係有啲唔開。 終於來到呢間，其實係門口都企咗一陣，因啲價錢，在午飯來講都係高少少，$88-$98，加埋我同女友係食方便都少揀擇，雖然A-H，八個餐，我哋都諗咗好一陣先入去😅環境相當唔錯，好大，員工都有善有禮！落單後，湯好快就到，夠熱，但無咩味飲飲吓食物就到，先到咗個全日早餐，但其實可唔可以細心少少，等客人飲完個湯先上食物？ 到我完成個湯，啲食物都凍了🙄個全日早餐一到，其實賣相都一般，個個包，好似放咗好耐咁。。。唉！ 好彩塊薄牛一扒都不錯。跟住未飲完個湯，連我個牛肝菌黑菘露竹炭意粉都到埋，唯有飲快少少。無咩特別，ok 啦全餐飯最滿意係呢兩杯餐飲，order Cappuccino 係唔洗加錢！ 即時覺得個餐底翻啲！在Facebook or Instagram check-in, 會送一個小甜品，呢個我都滿意，雖然係送，但都有心整，唔會求其。

為食豬買左呢間嘅團購券，去完駱駝漆大廈shopping就過黎食晚餐呢個餐包左頭盤、主菜、飲品同甜品各兩份，主菜我地叫左香煎雞扒牛肝菌意粉+肉眼扒頭盤有忌廉湯+蒜蓉包+沙律+忌廉海鮮酥盒，份量都算好足，忌廉湯 / 蒜蓉包 / 沙律都不錯，忌廉海鮮酥盒就凍左少少，味道還可以肉眼扒黎計都算有牛味，但係就稍為鞋口，配埋個紅酒燒汁都幾夾，薯菜都幾好味香煎雞扒賣相唔錯，但係一切開原來入面未熟嘅同左waiter講好快就拎返入去再處理整完後係熟左嘅，味道都唔錯，但係牛肝菌疑似有沙，食落咯咯聲甜品係奶凍，都係一般水準環境黎計係文青cafe兼可以任坐，係正嘅; 但係食物處理方面有待改善，總括黎計去飲野傾計都唔錯

喺觀塘區見完客剛好係食晏时間、睇附近揾嘢食先……呢度好多中西美食、好多選擇、行到lssy mason被佢嘅裝修吸引住、環境寬敞、優雅嘅吊灯、特别喜歡佢以木為主題嘅、好有文青嘅格調、我锺意！决定入去感受一下 喺menu上選左個……燒雞套餐、$88 湯+飲品羅宋湯……酸甜適中、湯底夠濃味、蒜茸包……稍嫌唔夠脆燒鷄……有半隻份量、伴燒汁賣相唔錯、鷄嘅表皮稍嫌唔夠脆、但食落肉質鲜嫩有汁、由其是胸肉一絲絲的好爽口！ 係一個好享受嘅午餐！

生日月到雖然轉左公司 但舊同事好好 仲記得我生日約我出黎請我食lunch而佢地帶左我去位於駱駝漆大廈1座9樓既一間cafe呢一間cafe我都係第一次去地方闊而且感覺舒服而餐既款或同其他樓上cafe大同少異每個餐都會跟一個餐湯及餐包紅湯 茄味濃, 酸度亦調得剛好而蒜蓉包亦不過不失而我就叫左香煎雞扒配粟子菠菜忌廉意大利飯忌廉汁調得不錯但意大利飯略硬左dd而再加入粟子及菠菜令到成個飯更有口感雞扒亦係入味, 不錯

呢度可以話係偽文青至愛，裝修以木系為主，空間寬闊，仲有服裝，手袋寄賣。因為要等男友放工，所以一個人來到呢度飲咖啡。老闆大力推介芝士蛋糕，所以都點咗一份。芝士蛋糕唔係NEW YORK CHEESE CAKE嗰款，質感比較鬆軟，有啲似梳乎厘，軟綿綿咁，上面灑咗啲糖霜，唔會好甜，蛋味幾香幾突出 。不過杯CAPPUNCINO就麻麻地，淨係個拉花...已經有啲失敗...咖啡味唔夠香。

午餐時間觀塘周圍都好多人，要找一個寧靜的地方傾計是有一定的難度，今日我就找到了！在工廠廈裏的餐廳，座位寬敞，簡約的設計，光線充足，感覺很舒適！午餐有湯、主菜及飲品忌廉湯熱辣辣，入口有微微的煙肉香味！香煎魚柳配菠菜忌廉汁每次點魚都有點猶豫，最怕有雪味，幸好不但沒有雪味亦沒有腥味，而且肉質較厚身，忌廉汁帶有菠菜絲再配新鮮伴菜，很適合夏天食！熱cappuccino雖然有點細杯，但午餐餐飲可以選擇，不用加錢，比起附近的餐廳，這間的價錢非常合理！

星期六下午，專登黎觀塘嘆世界。比樓下看更呃左，行左兩個樓梯先搵到電梯。一進門口渾然不覺人在觀塘。面積，大，用枱，大，cafe最重要的空間感在這裡找到了。由於地方大，枱很多，原怕被趕。食了肉眼潛艇，覺得68$值了。toffeenut latte 也不錯。路過觀塘，抖一抖，突然5點，又是一天。

星期六下午，與友人想找個休閒的環境，商討遊行行程。恰巧找上了issy mason，有別於別的cafe，這裡空間感十足，擁有懷舊設計，感覺十分舒適，不知不覺沒渡過一個舒適的下午。是次點了厚切豬排牛餐，配以熱情果特飲，只需$88。味道不俗😋

起床後 無咩做諗住搵個地方hea下 順便同友人傾下之後去旅行既行程 上網搵到呢個cafe 雖然有d遠 但係d相睇落又似幾好hea 上到黎 無咩人 環境好舒服 簡左張靠窗既枱 叫左個lunch set 有蒜容包餐湯 我叫左個蕃茄海鮮飯 出乎意料地好食 好足料 飲品叫左杯cappuccino 細杯左d 但都好飲既 值得一讚係 真係係度唔覺唔覺hea左好耐 d店員都好親切 如果幾個人想靜靜地搵個地方聚下舊傾下計 就好岩黎 下次有機會會再黎！