Itamama (健威坊)

營業中

休息中

生酮、低碳飲食人士注意⚠️出街lunch又多個選擇👍🏻餐廳主打西餐，有扒有意粉，座位闊落坐得舒適，係同同事lunch嘅好地方。🔸煙三文魚煙肉炒菜無米飯🔸$70依家興食椰菜花飯，可惜冇乜餐廳推廣/支持，Itamama 餐牌上有一千零一份無米飯已經行左一大步，菜式將蟹籽、煙三文魚、煙肉、椰菜花飯炒好，可惜因為係蔬菜嘅關係，上菜時都有少少出水，調味較咸，$70有啲唔抵食，但對低碳人士而言，總好過全部都係碳水化合物😮‍💨

今日叫uber eat個時發現無車手online接單，唯有轉用food panda 叫itamama 啦～仲要自己出去拎架.鮮茄焗豬扒珍珠飯 +凍檸茶 HKD$62外賣黎講唔算平，份量唔算多，女仔食就啱啱好，豬扒有5-6舊，好似唔覺有鮮茄，茄汁都夠多，好好一PayPal係飯邊，唔洗驚食到無汁，焗飯有時會配埋啲三色豆，呢間就竟然係配西芹粒，蘿蔔粒同埋翠玉瓜粒，都幾襯嘅，整體味道唔錯.檸檬茶唔見有檸檬，但檸味好夠，唔會有皮嘅苦澀味，推薦

今朝（13/7)大約7:35到北角健威坊Itamama食早餐，餐飲叫咗三杯凍檸茶，每杯如單據（如圖👇🏻）上有唔同冰度、甜度。 一位女職員一邊拿著兩杯飲料過黎，一邊同其他職員講嘢，完全冇留意佢自己手握嗰兩張紙（裡面標明凍檸茶的甜度及冰度）。當我哋問佢邊一杯係「走甜」，佢求其睇嗰兩張紙，然後好唔sure咁求其指住其中一杯，再講：「廚房冇搞清楚，我去問問⋯⋯」之後，佢立即到圖中👇🏻箭嘴位置，彎底腰、除咗一邊口罩試咗其中一杯後，將剩下嗰杯（小甜）帶到我哋臺，話：「幫你再做過杯（走甜）」😥真心比佢「用金舌頭試味」嚇親🥵作為飲食從業員，衛生係不可忽視，更何況係疫情期間佢嘅行為真係令人髮指。的確，佢只係試咗其中一杯，但兩杯都係放係枱上，佢當眾除口罩嘅動作，有機會將飛沫落係嗰兩杯凍檸茶。帶翻口罩後亦冇消毒雙手就將剩下嗰杯凍檸茶（小甜）攞比我哋😡

行完街順便入商場睇下有咩食首先係俾佢門口嗰張大大張嘅下午茶menu吸引入去嗌咗個$36三文治🥪+熱飲上菜好快服務員好殷勤冷氣好大有alipay hk俾錢得閒經開入嚟hea下食個tea😊

經常點e間餐廳嘅早餐外賣當brunch，一餐下去可以挨到下晝4點😂，仲物廉價美😍，人均60HKD。平時同朋友吃個靚靚嘅brunch少講都要人均130HKD，自從食左e家之後就唔會再食其他同類型嘅 早餐必揀•香煎豬扒.餐肉配鮮奶滑蛋蒜香牛油多士.田園沙拉 外加一杯跟餐飲品 •黑松露鮮奶炒滑蛋配白草豬肉腸.餐肉.蒜香牛油多士.田園沙拉 +跟餐飲品（通常冷飲要另外加幾蚊）下午茶必揀項：•黑松露炒蛋Bagel包配香脆薯條/沙拉(我地好鍾意黑松露😆，一般都會揀香脆薯條）•MAMA 手工比薩🍕6寸比薩配料有香草腸，煙肉，溫泉蛋，肉醬，份量比早餐少，但作為下午茶來講已經很滿足小食方面•水牛城辣汁烤雞翅每次必點， 食落去嘅口感似韓國炸雞，甜中帶辣，份量唔多，唔會太流

今日去買外賣點知佢部收銀機冇出價錢 （我懷疑部機壞咗）咁我咪再問多次幾錢個員工勁大聲講幾錢態度極之差 仲要黑口黑面呢個同茶泰 係同一個集團但有啲員工真係好差好差態度麻煩 真係要train up 一下員工態度真係好難頂客人都要受你地氣 有冇搞錯我都真係食過好幾次呢間 都幾好正常今日真係第一次遇到咁嘅員工黑口黑面真係嬲到我

今朝11:15因為工作關係路經北角建威花園的建威商場，順便購物，突然之間覺得好口渴，好想飲意樂餐廳的凍檸茶少甜，但係諗吓諗吓不如索性外賣午餐返屋企食，見到門口有一個counter係做外賣的，應該係新的概念，我求其揀咗：1. 火腿車打芝士Panini麵包三文治，$34，首先呢個意大利款式嘅麵包做得好好因為軟熟但係有適當的彈力，又好味，生的蔬菜用了羽衣甘藍，羽衣甘藍並不便宜的哦！最緊要係佢加咗一個秘製的醬汁提升了三文治的餡料和麵包的美味！我冇整熱就咁食都好好食。2. 意大利菜湯，$9，咁平但係唔會只係得水多，好多蔬菜湯渣，細細粒咁！夠晒多水溶性纖維，而且好好味！諗唔到點可以做到$9咁平！我攞到返屋企煮翻熱。3. 凍檸茶少甜，$22，味道清新有檸檬的香味沒有苦味，個茶底好香！不過如果可以再少甜啲就仲好！飲落好解渴！另外，我見到外賣counter還有夾三文治的cold cuts，我買咗一包$28總共有八片的美式鹹牛肉片pastrami，係黑椒味的！比起超市買仲平！Counter嗰度仲有醃好咗嘅厚切牛扒和豬扒，豬扒是有骨的，每塊只係$98，下次再嚟買來試吓！

疫情忽然又開始嚴重唔想出街食又唔想煮最好既方法就係買外賣奶油包知道Itamama既外賣有唔同選擇唔想食意粉既仲可以食三文治今次奶油包就揀左2個唔同料既三文治分別係火腿車打芝士帕尼尼包同蘑菇溶岩芝士帕尼尼包而且有個好貼心既服務就係可以翻熱翻熱之後好香口因為唔係就咁放入微波爐而係用多士爐去翻熱外脆內軟飲品方面仲可以揀熱咖啡唔係一定要凍飲冬天時就可以有杯熱辣辣既飲品火腿車打芝士帕尼尼包味道唔錯火腿都唔少而且仲有D菜即刻覺得好均衡飲食帕尼尼包係3層既蘑菇溶岩芝士帕尼尼包蘑菇幾香口但可以再多少少芝士咁就可以做到拉芝既效果可能因為翻熱有壓平左2份三文治睇落好似細份左D但食落其實係唔少既

此店已膨脹成香港一大上市飲食王國，同系其他食店質素一般，百分百的快餐明顯比不上大家樂，漁樂的泰越菜不及專門店專業、地道。此店走廉價西餐廳路線，但不會像薩利亞，把價格壓至地底，令你無法苛求；不會似薄餅店，風格式化，只有幾類食物供選擇。名為意大利菜之樂，卻融入法、日、美菜系美食。多元化食品似茶餐廳，國名、地名滿餐牌，令人覺得身在西餐廳。法國麵包師吹起號角，呼喚我來吃早餐。1683年，奧地利麵包師清晨開工，驚覺敵軍來襲，吹起號角，挽救了祖國，並創作了號角包。牛角包成為奧地利公主的嫁妝，送給法國的路易十六皇帝，成為早餐碟上經典主角。法國式牛角包餐是重量級全餐，售41元。 牛角包龐大，層次多而分明，鬆軟酥香，呈微熱。已巧妙地劏開大半， 油份適中。我喜歡把大片圓形漢堡扒和午餐肉，煎火腿片，少許炒蛋和粟米粒，夾在牛角包內，成為舉世最大的牛角包漢堡。牛角包漢堡味道豐盛多元 ，漢堡扒飄散德國豬，牛肉餅芳香，入口嫩稔，訴說著蒙古和俄國韃靼牛肉傳入德國菜的典故，我欣賞那份烤肉豪邁情懷。美國炒蛋大大份，有兩片漢堡扒面積，蛋味欠奉，炒功是中上，不會太熟，保持濕潤 ; 加了鮮奶，十分滑溜，可作午餐肉的陪襯。193

又到星期日 就係奶油包一家三口出街覓食嘅日子 今次我哋要試喺健威坊新開嘅itamama雖則係一間藍店但新開就幫襯一下睇下水準點設計裝修方面好有外國嘅餐廳feel 用咗好多木製嘅傢俬有種復古嘅感覺牆身上面用咗好多霓虹光管去拼砌圖案出嚟 而且仲係有介紹豬或者係牛嘅肉究竟屬於邊一種類型 好似西冷肉眼佢都有喺個牆身上面介紹檯面上用咗礦泉水樽去裝胡椒粉同鹽 感覺好特別唯獨是隔離嗰支礦泉水係要畀錢呢樣嘢好似唔係幾舒服 不過其實餐廳係有提供水但係就只能夠係溫水唔會係熱水或者冰水lunch set方面其實選擇都幾多 但係千層闊麵就冇唔知係咪入貨入得切定係啲人已經食曬呢 又或者係佢根本未開始準備到呢一樣嘢食喺揀唔到四重奏芝士肉醬千層麵奶油包只好退而求其次揀咗龍蝦湯海鮮天使麵上枱嘅時候覺得都好大碗下而且海鮮都好多有兩隻蝦仲有好多蜆同埋有青口仲好似有元貝嘅物體 食落口樣樣都覺得幾新鮮下蝦係爽口嘅青口又啖啖肉蜆都唔差又冇沙龍蝦湯幾鮮味不過就稀咗少少如果可以濃一啲會更加好奶油包媽媽揀咗香草鮮野菌忌廉天使麵感覺上差咗少少 因為實在太多忌廉汁 個天使麵好似畀啲忌廉汁浸住咁 而且超級咸奶油包爸爸就揀咗香草雞扒滑蛋蓋飯