影片
港鐵銅鑼灣站 D1 出口, 步行約2分鐘
繼續閱讀
開飯介紹
裝修以音樂表演為題，主打精緻擺盤、fusion配搭的火鍋，如特設自家製手工意大利麵配上滋補足料湯底，亦如西餐般每道菜式逐一上菜。
繼續閱讀
營業時間
星期一至日
全日休息
公眾假期
全日休息
公眾假期前夕
全日休息
以上資料只供參考, 請與餐廳確認詳情
食家推介
相關文章
呢幾日凍左好多，最啱打邊爐，今次試吓銅鑼灣嘅J Pot可能最近疫情比較嚴重，呢度星期五晚都唔多人，坐得好舒服😌先來混醬 $10 per person湯底揀左胡椒豬肚湯($208)，未落野之前先飲兩碗湯，好味！飲完個人好暖牛有唔同價位，呢個係澳洲和牛M9+等級($188半份) 肥瘦適中，唔錯，唔算驚豔澳洲羊肩肉 ($108) 鵝肝墨魚丸($58半份) 黑松露蟹肉餃($48半份)兩樣都幾好食鴨血($58)最後食菜同粉麵填飽個肚整體食物質素係幾好，仲要有promotion全單5折，超級抵！不過食到後尾加左幾次湯湯底變得好咸，食完好口渴，唔知係咪較多味精如果係正價就有少少貴
繼續閱讀
因為喺附近返工就決定Happy Friday嚟打邊爐！咁啱上網見到有個<胡椒豬肚包住雞>嘅套餐，每人只需要$98位，就即刻打電話book放工食！位置喺世貿附近，都算易搵。樓梯位有啲投影，感覺幾有design幾靚。因為唔算多人加book咗枱，一去到就直入坐低，職員都好貼心話幫我哋準備個胡椒雞先場內好多周傑倫嘅畫同海報，仲有個大mon播MV。聽講老闆同周傑倫係朋友，因為周傑倫去邊都想打邊爐，所以就inspire咗佢開間火鍋店🧐個鍋、筷子座、墊碗嘅布同調味料嘅羹都係音樂相關😂職員話要飲咗頭啖湯先，然後等個豬肚煲半個鐘之後先至食。據稱個湯係冇落味精，飲落都真係好有雞味，冬天飲胡椒豬肚湯個人就好暖笠笠！正啊！原來豬肚入邊有隻雞髀，等佢煲半個鐘之後就可以剪開嚟食！豬肚洗得好乾淨都好厚肉，雞髀煲得咁耐啲肉都唔算鞋口，有驚喜！而且refill湯底嘅係雞湯唔係水，我哋都不停飲湯！個set包咗個自家手打丸，有芝士牛丸、蝦丸同鵝肝醬丸。丸類都好彈牙，好食過一般火鍋店嘅丸！不過每款按人頭得一粒，有啲意悠未盡。是日最正就係set嘅牛舌！只需要焯一焯就已經食得，勁好食！又大盤！推薦！Set包嘅呢個手切牛都唔錯，有厚度，唔會食完好似無食咁。Set仲包咗呢個七色蔬菜盤同烏冬，蔬菜盤排得好靚，無因為呢個係平set就擺得好hea。個蘿蔔同茼蒿都好好食，放落雞湯度一流！個set就包咗以上嘅食物，雖然份量唔算多，個烏冬仲好似得一人份咁，但啲食物質素係食得出嘅高質，而且職員都好殷勤，態度好好。其實齋食個set係唔飽，我哋再散嗌咗嘢食。聽講個手打牛丸好出名，所以我哋都想試吓，覺得都彈牙但係牛味唔算好出。反而覺得個set嘅丸類拼盤比較有驚喜。另外仲嗌咗羊肉片，因為鍋底有雞，而且都食咗牛，就打算嗌羊。但價錢都算貴一碟百幾蚊得8塊。。。羊肉片唔算好羶但都普通。火鍋必備嘅老油條！上面有啲蝦滑同蟹子，職員同我哋講煮2至3分鐘就OK。呢個真係老油條煮左2至3分鐘都完全唔諗，仲係好脆口打邊爐就梗係要嗌嘢飲啦！聽講呢度嘅台式奶蓋飲品好出名，但打邊爐都係想飲啲冇咁heavy嘅飲品。最後嗌咗個Red Bon Bon，入面有火龍果冰、雪葩、青檸，好fresh！雖然最後埋單四個人食咗$1100，但呢度環境好坐、食物質素高、職員服務態度好殷勤，所以都係一次滿意嘅dinner🙌🏻
繼續閱讀
第三波疫情前見到呢個毛蟹湯火鍋覺得好吸引，一於約埋朋友一齊試。J pot 名字不陌生，之前吃過，火鍋有保證，而且環境寬敞，當然唔少得主角周董不停播。四人套餐相當豐富，食物款式種類多。即場放入北海道毛蟹火炙，湯底味道鮮甜。牛魔王拼盤牛魔王拼盤有煙韌富肉汁的日本和牛粒、入口即溶，雪花紋吸引的澳洲M9和牛及美國牛小排。香嫩的花雕醉雞柳，肥美的西班牙黑毛豬腩肉都好出色。海鮮拼盤海鮮拼盤好巨型，生猛海魚切開一片片，配搭海蝦、刀貝、扇貝，加埋煙燻效果，夠氣勢。黃金炸魚皮，紫菜響鈴咸蛋黃香及紫菜香都香脆惹味精緻手工拼盤手工拼盤一樣好多野食，有香脆的鬼馬油炸鬼、餡料豐富的西洋菜鮮蝦餃、彈牙的手打彈彈蝦丸、台灣三星蔥豬肉丸及牛骨濃汁牛丸。蟹籽墨魚滑墨魚滑好彈牙，仲有大量粒粒蟹籽，口感豐富。蔬菜拼盤有日本南瓜、黑木耳、白蘿蔔、娃娃菜、豆腐。食到最後仲有泡飯，保證飽肚。
繼續閱讀
疫情第3波的關係，對於鍾情打邊爐既我難免有點傷感。打邊爐多人先夠開心，奈何政府的政策差，令到市民食餐飯都好難。還記得一個多月前，零確診個案，一直想開始放緩，誰能想過有第3波呢？J POT由開業以來，一直都想光顧全因以「周董」的銜頭，打造成為有得睇演唱會又有得打邊爐，這個元素相當特別。的確吸引了一班「周董」的粉絲前來。J POT地方相當寬敞並帶有舒適度，職員的服務也相當殷勤。平時打邊爐又點少得湯底既出現，今次北海道火焰毛蟹湯，原隻的北海道蟹相當清甜又巨大，而且帶有濃郁鮮味，相當出色。小食方面，黃金炸魚皮及紫菜響鈴確實必要之選。前者炸得香脆可口並帶有咸蛋黄香，後者則有紫菜咸香可以即食或放入湯底之中，也相當美味。火鍋配料又點少得肉類呢？套餐包括有牛魔王拼盤—日本和牛粒、澳洲M9和牛及美國牛小排。一上桌相當吸晴，日本和牛粒牛味濃郁並帶有煙韌的口感。澳洲M9和牛及美國牛小排，前者紋理分明又薄身能做到入口即溶口感，後者牛小排相對上帶有煙韌，油花滲出極具美味。除了牛之外特別推介花雕醉雞柳及西班牙黑毛豬腩肉，前者花雕酒令雞柳滿有酒香份量十足又嫩滑，後者原盤黑毛豬腩肉肥美的脂肪，放入湯度之中鮮味十足。海鮮拼盤估不到有所驚喜並營造視覺上的效果，內含海蝦、刀貝、扁貝、生猛海魚。海蝦、刀貝、扁貝三者都鮮味十足，大件又滋味。原條生猛海魚呈現眼前，肥美的魚肉提鮮又帶有鮮味。精緻手工拼盤包括有鬼馬油炸鬼、西洋菜鮮蝦餃、手打彈彈蝦丸、台灣三星蔥肉丸、牛骨濃汁牛丸。一上桌無論顏色已經相當吸引，其中鬼馬油炸鬼及西洋菜鮮蝦餃是我推介之選。前者香脆外層帶有蝦膠富有口感，另外西洋菜鮮蝦餃吃得出即日製作爽脆的西洋菜唔，啖啖蝦肉在內。另外有三款的丸類，內裡都包入餡料，相當出色。蟹籽墨魚滑看似平凡但其實墨魚滑以人手打製，爽口又彈牙唔錯。蔬菜拼盤有日本南瓜、黑木耳、白蘿蔔、娃娃菜、豆腐，擺盤精美吃過那麼多肉類係時候平衡返是需要。最後還有泡飯作結，濃郁的蟹湯精華與「周董」的音樂，確實劃上完美的句號。不知道疫情何時完結，能夠可以四人再一次相聚。
繼續閱讀
好耐冇打邊爐了💕今晚來到位於銅鑼灣的J Jot，一面聽着周杰倫的歌一面打邊爐，好正呢~火鍋爐子亦是一個鼓，沙發也像一個鋼琴，裝修充滿音樂色彩。今晚我哋四個人，所以點了四人套餐 $2188好豐富呢~先拿着一大盤醬料混醬北海道火焰毛蟹湯原隻毛蟹呈現~ 放上香菇及蔬菜後，用火槍燒熱..整個鍋都圍滿火焰，好吸引呢~ 嚐嚐湯底...有濃濃的毛蟹味，把蟹內的精華滲進湯底內。黃金炸魚皮&紫菜響鈴火鍋前的小食，被炸得金黃色而且脆卜卜~ 好有口感呢，沾上湯吃又能降低油膩感。牛魔王拼盤(日本和牛粒、澳洲M9和牛、美國牛小排)好大盆的牛肉，堆砌成花花的形狀，鮮艷的色彩，牛肉的質素很高。M9和牛入口即溶，牛小排充滿油脂，和牛粒亦好爽口。花雕醉雞柳&西班牙黑毛豬腩肉雞柳好滑仲食到花雕香味，黑毛豬腩肉啖啖肉好豐富🤤海鮮拼盤超大的海鮮拼盤，內有海蝦、刀貝、扇貝、生猛海魚，全部都好新鮮，同個湯底好夾。精緻手工拼盤有鬼馬油炸鬼、西洋菜鮮蝦餃、手打彈彈蝦丸、台灣三星蔥豬肉丸、牛骨濃汁牛丸D丸全部都好有肉汁，結實又足料，鬼馬油炸鬼口感好特別~ 外脆內軟。蟹籽墨魚滑墨魚滑彈牙爽口~ 充滿蟹籽，輕輕一煮就熟透蔬菜拼盤最後再食埋蔬菜，有日本南瓜、黑木耳、白蘿蔔、娃娃菜、豆腐，全部都好新鮮呢~泡飯湯底仲可以整成泡飯，吸哂濃濃毛蟹湯底，唔重味精，令到飯粒好鮮甜，食完好滿足呢~
繼續閱讀