J.S. FOODIES (又一城)

營業中

休息中

同朋友來食慶祝生日飯禁飛排隊拎位平日晚上等了約一小時Menu好多pancake焦糖布朗尼雪糕班戟 Brownies Pancake  其實個pancake勁普通個pancake唔算好香同brownie口感都唔算好夾 brownie太硬 而且唔夠核桃醬又唔係好夠另外有個櫻花紅寶石朱古力班戟 (限定) 就好特別佢係有五個迷你pancake pancake口感都唔差而且都算整得香不過士多啤梨有怪味呀.....我同朋友都冇食到.....好似浸左漂白水味道咁另外我地仲叫左個龍蝦沙律龍蝦沙律味道都ok不過性價比就唔高囉

食物一般....侍應態度一般...坐得唔舒服...好逼...好噪...客人好多,坐得好逼,侍應個個超級忙,無人有笑容...可能平日上午光臨好D...strawberry酸酸的,唔知洗咗未呢...?惟一的好處是,個甜品無加糖,食得出濃濃的蛋味...

想食這間好耐，但一直未有機會食，今日終於有機會食到了，原來依間餐廳是在一大型型人品牌店內，七點多八點黃金時間🈵️座要等位，等位期間睇吓個餐牌，原來選擇不多，主打甜品班戟，價錢也不便宜，入座後，叫了一個明太子醬海膽意粉及經典漢堡，個意粉記得要將啲明太子醬撈混先食，如果唔係會過䶢，醬汁比較多，比較creamy，多吃可能會漏，海膽色澤有D暗瓦，好似唔太新鮮，至於個漢堡新鮮即製，熱辣辣，但塊肉唔夠juicy，味道一般，覺得這個價錢這樣的質素有啲貴，下次唔會再去這𥚃食晚飯，可能食甜品會好味啲．

一嚟到都好多人排隊等位，等咗成個鐘先有得入😅因為有啲肚餓，所以就走咗去對面間意大利餐廳食少少野先，食完翻來等多10分鐘先有位🤣原味pancake配楓糖牛油-本身以為疏乎厘pancake應該最好味，估唔到呢個好有驚喜🥰一上枱已經聞到濃郁蛋香味，淋上楓糖漿同埋鹹牛油，超夾同好味😋果然係人氣推薦🤗原味疏乎里pancake，空氣感都足夠，味道👌🏻，但美中不足係個面幾燶下🤣冇咁窿會好啲🤔食到蕉香味，同埋個疏乎厘pancake底唔知點解會黐住嗰碟面🤔🤔呢兩樣都扣左點分😢下次再嚟應該只會食Pancake就得了🙋🏻‍♀️

夜晚同朋友嚟咗呢間食飯。唔洗等位。三個女仔叫咗兩個意粉、兩個Pancake，佢個份量係偏細，特別係意粉類。意粉叫咗松葉蟹忌廉意粉（唔記得影相）同埋黑松露意粉。Pancake叫咗 Caramel Brownie Pancake同埋櫻花Soufflé Pancake。 食物質素OK嘅，唔會話好好食，但又未至有嘢 Complain。講好食，又一城好多餐廳會好過佢。呢間餐廳唔係Sell食物而係Sell食物個樣同日系小清新裝修。食物貌相好過味道，坐得都舒服，環境乾淨，疫情下用餐都安心。啱同朋友傾吓計，但要注意佢哋係有用餐時間個半鐘。

本人真系超❤️食疏乎厘🤤所以可以食到呢間高質pancake店真系好滿足😍#jsfoodie #士多啤梨藍莓香蕉班戟 $119 上檯都幾大一件可能系用日本蛋慨關係 已經聞到超濃郁嘅蛋香味啦👅流曬口水🤤👀食落真系堅鬆軟🥞pancake整體嘅空氣感同實在感拿捏得岩岩好 非常出色👍忌廉份量岩岩好 最緊要系唔膩🍓#黑松露忌廉意粉 $119佢地系用天使麵 細細條 易入味🤤黑松露好香濃 忌廉份量剛好🍝算性價比幾高

Went to JS Foodies in Kowloon Tong Festival Walk for dinner... surprised to see there was no queue! Usually it’s very busy. Had the tomato veggie soup—very rich in flavour with a slight twang of spice: a real nice balance. Then had the Classic Burger... so juicy! Very delicious. A 8/10 and great service too! Although the atmosphere is a bit weird as it is in a clothing store.......

明太子意粉配海膽($198)明太子忌廉汁濃郁,唔會太澀。 海膽有鮮味, 唔係低質貨, 超好食, 值回票價😛 擺碟精美,打卡一流。 好味指數:🌟🌟🌟🌟🌟打卡指數:🌟🌟🌟🌟大份指數:🌟🌟🌟性價比:🌟🌟🌟🌟(5🌟為最高分)經典漢堡 ($99)漢堡厚切,肉質juicy, 配料豐富,薯條鮮炸, 熱辣辣。好味指數:🌟🌟🌟🌟打卡指數:🌟🌟🌟大份指數:🌟🌟🌟性價比:🌟🌟🌟原味班戟($99)大大份,班戟入口即溶, 軟綿綿。好味指數:🌟🌟🌟🌟打卡指數:🌟🌟🌟🌟大份指數:🌟🌟🌟🌟性價比:🌟🌟🌟🌟Mango Passion Fruit Frappe ($45) 有鮮芒果, 夠creamy, 份量唔多好味指數:🌟🌟🌟🌟打卡指數:🌟🌟🌟🌟大份指數:🌟🌟🌟性價比:🌟🌟🌟

心血來潮好想食pancake🙈所以趁放假最後一日就衝去又一城食😝（就是任性）一去到都等左大半個鐘先有位....出面好多情侶係到等我同男朋友拎完飛 就周圍行下先————————————————一坐低事不宜遲即刻叫個草莓pancake因為即叫即整 所以要等20分鐘左右所以叫多個 黑松露薯條 食住先🤪————————————————先講下個 草莓pancake❤️就係正！第二次黎食 都係覺得禁好味成個pancake好香 好有蛋香味 d cream又夠奶味又夠滑D草莓就偏酸 反而藍莓係甜😂😂😂整體係好食既 推介👍🏻👍🏻👍🏻👍🏻👍🏻————————————————黑松露薯條🍟薯條上面有d淡味忌廉既野😂再加黑松露醬薯條就炸得幾香脆男朋友話佢幾鐘意我就覺得可一試 不過不失食到中間仲好厭😅但整體都會比到個like佢🙈

本身我倆想去太子搵食，因為太多人加上冇位泊車，咁啱想食漢堡包，所以就即刻改去又一城it旁的J.S.Foodies, 每次經過都見到好多人等位，可能仍是疫情關係，所以我哋等兩張枱就有位佢嘅份量好大，兩個人食真係要認真諗吓最鍾意想食乜嘢所以我哋決定揀咗煙肉蛋芝士漢堡配有大大條嘅薯條，中間仲有兩大塊嘅山菜，所以不太溜咁嚟到當然唔少得要叫甜品啦！我哋揀咗好耐， 最後揀咗香蕉士多啤梨pancake佢嘅甜美啱啱好！但係確實真係會食到好飽好滿足！

本人超級鍾意食souffle pancake 最鍾意就係flippers and JSfoodies當中有好多其他舖頭都整得唔係幾好食食過好多次之後終於肯寫食評了因為第一次試晒兩隻唔同嘅款 傳統同埋souffle之前聽朋友介紹佢嘅傳統pancake係比較出名但係我哋今次試晒之後都一致覺得souffle pancake好食d💕💕💕💕始終每個人嘅口味都唔同！好開心等嘅時間唔係太耐一樣係咁鬆軟同好味另外呢隻都出乎意料地幾好味 我哋揀咗檸檬味唔會太甜😁😁

冇得去日本唯有去商場食件pancake過癮~~😍😍 French style strawberry banana pancake ($129).同平時食開既pancake唔同 呢款pancake薄身d 好似熱香餅個style 同埋有焦糖係面😛 焦糖有微微烤過 食落脆卜卜好好食😍～ 🍓士多啤梨有少少酸🤨 btw如果香蕉🍌都有用焦糖烤過就會更好食😝.呢度既pancake蛋香味都算重 d cream好輕好滑🤩🤩係幾正! 值得回頭食～下次食其他款再分享❣️但係要預時間排隊 座位都比較少！同埋限聚令啊！

很久沒有來到又一城，今天和同事一起來又一城是這家餐廳，這是我第1次來。雖然是工作日，但是午膳時間也要排隊，可見餐廳的火爆程度。餐廳面積不大，而且裝修比較簡單，走的是寫實的風格。我們總共點了4份不同的午餐，但是每一份造型都很精緻。味道方面，本人最喜歡的是三文魚籽意粉。醬汁味道特別，三文魚籽很新鮮，鋪在意粉上面，確實是視覺和味覺的享受。漢堡肉汁鮮嫩，所以吃起來是非常的可口，加上麵包皮也烤得很脆。最驚喜的是甜品，因為本人很少吃這樣的甜品，但是它的層次很豐富。如果你有機會來又一城，真心推薦你嘗試這家的午餐，絕對不會讓你失望。

疫情期間，基本唔使排隊呀。蟹肉意粉真係滿滿蟹肉、蟹膏，味道唔錯，不過女仔一人食一碟，略heavy。最正嘅都係pancake，奶油冰冰涼涼，入口即化，推薦可以一試啦。

這間餐廳一直都想試，但次次都好多人大排長龍，今次終於唔係駛等位一嘗心願，午餐先幫襯佢個漢堡飽很juicy, 意粉都唔錯，最主要係黎食佢個pancake, 唔駛講好好味，最後飲埋杯咖啡perfect 一定要試👍🏻