J.S. FOODIES (港威商場)

營業中

休息中

來自日本的人氣 pancake 店，排隊一試。防疫令下編排座位是發生了點問題，但店員都專業地解決，值得一讚。點了以下食品：ice Latte，$48 來說算大杯，正常味道。黑松露薯條，難度不大的食物，新鮮炸起，加上黑松露醬，正常。天婦羅蝦意粉，天婦羅蝦新鮮炸起，皮薄有蝦味，不錯。重點pancake 反而有點失望，質感雖然鬆軟但味道偏淡，不夠蛋香味。相比同類型如 Gram 或幸福pancake差，沒有太大興趣再食。

尖沙咀海港城有好多唔同種類既餐廳，但每次經過呢間餐廳都會見到長長既人龍，難得今日經過見到條隊得2-3個人，而朋友又未到，就排住隊等朋友啦。🍴 蕃茄海鮮意粉價錢雖然唔平，但都幾足料，食材選購方面都唔差。味道方面，意粉汁唔係好濃烈既蕃茄醬味，似唔係落好多茄膏做出黎既味，小小酸酸地，淡淡既蕃茄清香，味道唔錯。而配料有大蝦、大蜆、帶子，份量令人感覺唔係hea你，都算有誠意。🍴 酸忌廉黑松露薯條酸忌廉酸酸甜甜既味道，再配上黑松露既香味簡直冇得輸，令味覺同嗅覺都感覺到好有層次，而薯條亦炸得香脆，味道同口感都唔錯。🍴 士多啤梨藍莓香蕉班戟總共有3件大大件既班戟，份量都幾大。班戟鬆厚軟熟，有好香既蛋香味，食落一啲都唔漏。而生果都幾靚，唔會酸，2者夾埋一齊食，感覺好清新。

呢間係一間我一直想去試嘅餐廳但係因為次次都太多人排隊所以打消左念頭, 今日決定早啲去排咁就睇吓會唔會去第一輪入到去!好彩我哋排都唔使排就可以入去啦! 啲意粉好好味, 係個炸蝦漢堡有d難搞, 因為啲炸蝦一條條食落有少少唔方便但係都唔錯! 不過我覺得佢定價有啲貴, CP值有啲低, 但間唔中食一次無所謂啦🤗

與好久不見的舊同事一齊行海港城行街食飯。下午去了J.S. FOODIES，滿多人排隊15分鐘左右，J.S. FOODIES來自日本，主打美國西岸風格的經典漢堡及班戟。裝潢以黑白灰色揉合輕工業風格。J.S. FOODIES 主打菜係班戟及漢堡。所有班戟均採用日本國產的雞蛋及麵粉，即點即製帶有牛油香，質感鬆軟。士多啤梨藍莓香蕉班戟（HKD119)就是人氣班戟店Flipper’s的熱賣班戟。鬆軟綿季、入口即化的口感，再加入新鮮水果士多啤梨、香蕉和藍莓，讓班戟的口感大大提升。酸忌廉黑松露薯條(HKD69)普普通通，不喜歡酸忌廉醬海鮮意粉(HKD198)醬汁滿鮮甜，海鮮新鮮，意粉煮得剛剛好不硬也不軟Virgin Mojito Lemonade (HKD32)清涼爽爽滿好渴

今日收工同朋友過咗海港城行街買野，我哋喺OpenRice搵咗間Cafe傾偈🥰🍝松葉蟹忌廉意粉 $199依個意粉好有驚喜配合大量蟹醬令到個意粉味道昇華每啖都有醉蟹肉 再加上忌廉真係一流而且兩條蟹棒 可以同朋友share又唔洗爭😂😂意粉偏淋同幼身 啱曬我嘅口味🍔芝士煙肉漢堡 $139Burger 好大份 薯條份量夠大份牛極有厚度 脆卜卜有肉汁爆出黎 薯條熱辣辣 夠酥脆 我地仲加咗$20要忌廉松露醬夠曬高濃嘅松露點薯條食真係一流🥞士多啤梨藍莓香蕉班戟 $129店員會好貼心提醒需唔需要叫甜品因為所有甜品係即叫即整嘅 要需時20分鐘超大份嘅pancakes 同時又唔會好甜🤪好香蛋黃味 🧃Apple juice $42我地一開頭以為係包裝好啲果汁原來係新鮮炸起嘅蘋果汁味道：👍🏻👍🏻👍🏻👍🏻服務：👍🏻👍🏻👍🏻👍🏻👍🏻價錢：👍🏻👍🏻👍🏻👍🏻環境：👍🏻👍🏻👍🏻👍🏻👍🏻地理位置：👍🏻👍🏻👍🏻👍🏻回頭機會：👍🏻👍🏻👍🏻👍🏻👍🏻#人總有一飽今餐我最飽！😋📍 J.S. FOODIES (海港城) (尖沙咀)尖沙咀廣東道3-27號海港城港威商場2樓2608-2609號舖

小編終於可以食到Pancake啦😍超正呀今次同朋友放左工，去海港城試下，好耐無食過，真係我係香港食過數一數二好味既Pancake。小編今次推介餐廳食物☝🏻原味班戟 $99黑松露忌廉意粉 $129酸忌廉黑松露薯條 $69FRAPPE Café Caramel $39FRAPPE Cookies $39小編同好多香港人一樣，疫情後就好少出街食飯，但依加疫情有少許緩和，同時又好想介紹好既餐廳比大家，所以就去左試下啲新餐廳，今次就食左尖沙咀海港城J.S. foodies，試下佢既班戟，真係一試就上癮😱超級好味，另外黑松露忌廉意粉都黑松露非常入味，再配上酸忌廉黑松露薯條🍟簡直係人生一大享受，飲品就普普通通。

呢間係一間日本好有人氣嘅Pancake店，雖然佢改咗另外一個名，其實即係FLIPPER'S，不過呢度除左Pancake外還有漢堡飽及其它主食，還有日本啤酒供應，可能商業技術上需要，要用兩個唔同嘅名。記得早前我在銅鑼灣的FLIPPER'S曾經有過一些不快的經歷，但是過左去就算啦！😜今天下午在海港城經過J.S. FOODIES，下午茶時間見到不用等位，而剛在海港城換到的coupon，這裏又可以用coupon優惠，所以就坐低飲杯嘢食啲嘢啦。因為中午吃得頗為飽，晚餐又有片皮鴨吃，所以今天不吃班戟，見幾枱客人都點了法式黑松露酸忌廉薯條，賣相ok所以我們都選了，另加了一杯鮮奶綠茶及一杯玄米茶。法式黑松露酸忌廉薯條薯條奉上時是新鮮炸起的，淋上一大匙酸忌廉以及一茶匙黑松露醬，另外有一小碟番茄醬，黑松露醬味道很濃烈，而酸忌廉醬不是太酸，兩者配合起來覺得黑松露醬味把酸忌廉醬的味道都蓋過了，薯條熱辣辣外脆內軟都算唔錯，配啤酒應更正，但放久了（大約半小時）就沒有剛開始吃時那麼脆口，所以最好掌握在20分鐘內吃完。鮮奶綠茶玄米茶因午餐喝完咖啡，所以喝茶，不過這杯茶都不如午餐在"穴"那杯免費日本茶好喝。同埋隻匙羹有

呢間餐廳lunch time長期都勁多人排隊，要早啲去拎位先有機會食到😂一坐低睇menu，款款都好吸引好想試，除左意粉，仲有pancake😍😍係梳乎厘pancake，唔係熱香餅果種🤣😂·1️⃣Egg Benedict Souffle Pancake($129)呢款pancake係main menu上面，唔係lunch set，所以唔包飲品的，lunch set menu有另一款雞嘅pancake，但我想食benedict egg，所以⋯🤤·一落單果陣，職員話呢個pancake要等25分鐘，我猶豫左一陣，但最後都係決定等!😂最後等左20分鐘左右就有得食🤤·我第一下已經切開左其中一隻蛋，蛋黃係流心😍😍但另一隻就無流心🥲梳乎厘係超好食，好鬆軟，入口即融，唔會太甜🤤薯條正正常常 ，夠熱已經好食😂如果係波浪型薯條就更好🤪·2️⃣手打牛肉漢堡($109)呢款係lunch set menu，所以包一杯指定飲品，可以揀檸檬特飲或者汽水😛相比起pancake，我覺得呢度嘅burger就相對無太大驚喜，但塊牛肉都好厚身，幾juicy😆·如果下次再黎，都會再試下其他souffle pancake，或者意粉都，見到隔

.食物質素：🌕🌕🌕🌖🌑打卡指數：🌕🌕🌕🌕🌑抵食指數：🌕🌕🌕🌗🌑再訪機率：🌕🌕🌕🌘🌑==============================明太子醬北海道三文魚籽意粉 $158日式西餐真係好犀利(*¯︶¯*) 明太子同忌廉真係好match！double cream唔單止中和咗原本偏重口味嘅明太子，仲多咗層奶油香同濃郁既口感！店家選用咗天使麵所以非常掛汁，加埋三文魚籽同紫菜一口啪入去，哇！好好食🤤士多啤梨藍莓香蕉班戟 $119原來依間同flipper‘s 嘅pancake係一樣嘅😯好好食啊蛋香同空氣感都好夠！！！加埋甜嘅士多啤梨同順滑嘅cream，啊係好好好食嘅空氣🤣

上年 6月中，我再幫襯銅鑼灣 Flipper's，打算食5月經過見到期間限定開心果梳乎厘班戟！ 怎料當時已經無供應嘞！店員建議我幫襯尖沙咀海港城港威商場 2樓的 J.S. FOODIES，反而有供應！好的，等到我在尖東 Staycation 期間，順道走來幫襯當晚餐吧！這裡舖位比預期細，環境舒適，我自己一個人幫襯，等幾分鐘便可入座！起初，看到網上美食相片，都想食龍蝦多士，可惜，並非每張食物相片都有註明價錢！直至我看到餐牌，才得知龍蝦多士及龍蝦沙律是同價 $158！當晚，我自己點了龍蝦沙律 & 開心果梳乎厘班戟！龍蝦沙律 $158色彩繽紛又多款食材營養豐富！鮮甜的龍蝦肉、沙律菜、粟米、車厘茄、雞蛋...！開心果梳乎厘班戟 $129只有這成分店才可嚐到，不容錯過！既有得食，有得玩，零舍驚喜！淋上豔紅色的雜莓汁，酸甜富果香，棉花糖即時被融化！內裡有士多啤梨及雲呢嗱雪糕！開心果味香濃，梳乎厘班戟鬆泡泡充滿空氣感，入口不算好甜！

呢間餐廳甜品最出名，特別係個疏乎厘，滑溜溜軟綿綿，今晚與同事收工專程走到海港城這家分店品嘗。😉🍴J S 招牌沙律 $79先來一客前菜，食材全都係新鮮清爽高纖，例如有西柚、火箭菜、蘿蔔仔同翠肉瓜全部都爆汁好味。😋🍴明太子醬北海道三文魚籽意粉 $158再來一客主菜，熱辣辣明太子醬掛在意粉上一口咬落感覺非常幸福，香軟順滑食得滋味。🥰🍴原味就是最好 $99主角疏乎厘正式上場😍，睇圖都嗅到陣陣蛋香，超柔軟有彈性。🍹清爽飲品 $32飲品個人口味感覺較甜。

士多啤梨藍莓香蕉班戟今次去咗位於尖沙咀海港城的分店，餐廳唔提供訂座的服務，先到先得，周日早上約10:50到達店鋪，門口已經有八張桌子的人在排隊，等待餐廳開門，海港城店的座位也不多，只有大概12張桌子，落單以後，約二十分鐘左右，重頭戲士多啤梨藍莓香蕉班戟上枱啦，一份三大塊松厚軟綿綿的梳乎厘班㦸，滿滿的蛋香味，配上忌廉和水果，感覺清新唔膩，值得再去。

日本Pancake熱潮近年席捲全港 不少知名品牌相繼進駐🥞除了又一城分店外 J.S.Foodies在海港城也開設第二間分店 不過店子相對較細 與又一城店相比 甜品班戟款式似乎較少 但亦增設一些限定菜式 以後在尖沙咀吃午餐或晚餐又多一個選擇了😎.這裡以美式熱香餅的Pancake為主打 不過餐廳亦同時供應Flipper's的souffle pancakes 厚身之餘質感鬆軟綿密 更散發濃郁的蛋香味🤤另外這兒的天使麵和burger味道也很不錯 值得一試👍🏻

又一日本主打梳乎里Pancake 過江龍，Pancake 控的我當然要去試下！由於不是食下午茶，所以同友人叫了d主菜再叫Pancake 做甜品！意粉味道係可以，唔差！只是我唔係咁鍾意食天使麵者，如果係扁意粉我會開心D!我唔食芝士，朋友話味道一般，只是出面好少有牛油果做料的漢堡，所以叫黎試下食！食完主菜後，主打梳乎里班戟上場！班戟外皮比較熟，好難分離！蛋味有！但唔夠空氣感，我就唔覺得值得排長龍食，好彩當日只排左20min左右！當日友人仲叫了限定版Pancake ! 中間塗了d果醬，好甜！

📍J.S. FOODIES第一次吃這間梳乎厘pancakes 是在東京的自由之丘, 當時也覺得好吃 但香港這邊做的好像更好吃😳除了Bills 以外是小編心目中排名的no.1🧡💛這間除了signature pancakes 外,還有主食所以完全是滿足的一餐😋- 原味班戟 🥞 $99厚厚外表已經十分吸引,配了奶白色的鮮忌廉🧈搖一搖盤就可以清楚的看到班戟的空氣感吃下去先吃到外層比較熟的皮 裡層就是軟綿綿的口感是幸福的感覺啊( ´ ▽ ` )ﾉ- 黑松露忌廉意粉 $119這邊的意粉也是十分出色,是用上了較幼細的麵條另外黑松露也給得很大方 配上忌廉 每條意粉完全掛上了醬汁 吃起來十分creamy ☺️- 酸忌廉黑松露薯條 $69看到很多桌也有點 外相也吸引所以也點了🤣這道不過不失 配上酸忌廉中和了一些油膩感整體來說是很推薦和朋友一起聚餐由小食,主食到甜點 都一次過能滿足到🙌🏻地址: 尖沙咀廣東道3-27號海港城港威商場2樓2608-2609號舖