J & V Mini Kitchen

營業中

休息中

8月5日揾食肥華，生日，中午同相識有三十多年，公務員同事在，主場茶敘稍事慶祝，晚上就同壹生摯愛嘅靚媽及細仔仔，都此間扒房食晚餐，此扒房嘅環境氣氛及座位上的痕跡，都顯示到呢間喺老店。而食物方面，今餐最佳嘅食品就喺，靚媽點嗰個羅宋湯和配湯嘅蒜蓉包，而細仔仔個粟米忌廉湯又比肥華要加$15蚊至飲到嘅龍蝦湯好味。而4個主菜，炭燒紐蘭肉眼牛扒，安格斯牛板腱，炭燒美國安格斯西冷牛扒及法式烤紐西蘭羊柳，質素衹喺俾市面上嘅，快餐店好少少，而此店衹有單一個燒汁配肉類，所以此4個主菜都喺C+評分。至於餐飲，杯凍奶茶冇奶味冇茶味，祇喺一杯有奶茶色嘅凍開水，呢杯餐飲喺F級，災難性食品，而杯凍檸茶都有市面一般，C級評分茶記水平，此店都喺吸引唔到，肥華再去光顧嘅食店👎👎👎

位於新蒲崗MIKIKI商場對面既 J & V Mini Kitchen , 好多時都會經過, 但都無為意到呢間餐廳, 餐廳門面平平無奇, 但內有驚喜,  打開門入到餐廳有種久違的溫馨感覺,餐廳佈置頗為舊式，有點似七、八十年代港式西餐廳的情調熱辣辣外脆內軟嘅餐包跟餐嘅包都唔好睇少，外脆內軟，包嘅外皮仲要薄，切成一片片，微暖嘅包搽上牛油好好味濃濃的龍蝦湯 水準之上 , 龍蝦湯唔錯，味道香濃 , 還有很多肉，份量足, 重口味既我，最鐘意咸香嘅龍蝦湯，香濃嘅蝦味配上跟餐嘅包，滋味十足！羅宋湯很足料, 酸酸地, 味道恰好辣味及酸味配合得很好，稠度亦適中前菜沙律蔬菜爽口新鮮,沙律每塊菜都平均沾滿麻醬汁十分好味, 而且份量剛剛好牛柳7成熟剛剛好,  切開中間仍然有微粉紅色好嫩滑，咬落去富有肉汁, 火侯掌握得十分好牛柳超厚切 , 配菜薯蓉細滑有驚喜炭燒西班牙黑豚胺有骨嘅豬扒夠曬淋，仲要大大塊，係抵食呀～雖然豬胺好厚，但係一啲都唔鞋，鬆軟多汁，仲一路食一路聞到陣炭燒香味燒得很香！而且肉很淋，醬汁美味！配上一點黃芥辣更是滋味連肥膏也燒得香香的凍檸茶餐飲選左凍寧茶, 不過不失最後送上甜品 , 係當日精選蛋糕

簡簡單單 安安靜靜平平地食塊扒飲杯熱朱 就係一個perfect night見到其他食評話服務有問題先唔講食物質素選址、門面、價位都知唔係食服務㗎啦何況食物質素中挺啦 What do you expect more加上今次食完全無服務態度問題正正常常食左塊西冷 朋友食左塊肉眼西冷厚身 肉眼薄身 但炭燒味突出 算有少少驚喜老細黎問要唔要芥辣，即場不一羹落碟幾有風味 芥末同醬都幾夾 連埋薯蓉一齊食，味道口感都唔錯 唯一略嫌塊扒多左少少筋如果處理食材時切走就更好總結黎講 不過不失 舒服愉快嘅用餐體驗

琴晚12月24號，去咗呢間喺新蒲崗嘅西餐廳食飯。搬去男朋友同埋我都唔係話特別有咩期望，只係想搵間西餐廳鋸扒。見到餐廳內嘅裝修同埋燈光，感覺上覺得應該係一間已經喺度好幾年嘅餐廳。有幾台客人食緊飯，亦都有啲人係預訂左，似乎係街坊之間會幫襯嘅地方。琴晚嘅前菜係風乾火腿沙律，出奇地沙律上面嘅汁都幾好食，男朋友話有啲似板燒雞腿包個醬汁，播首覺得唔似，不過係幾好食。至於湯，可以選擇南瓜帶子忌廉湯，或者蟹肉龍蝦湯。我哋兩個都嗌咗，男朋友嗰個好清甜，好有南瓜味，我超鍾意！而我嗰個龍蝦湯就超有龍蝦味，值得一讚嘅係個蟹肉真係一啲都冇慳到，每一啖龍蝦湯都係有蟹肉。呢個價錢嚟講都真係有啲意想不到。主菜男朋友要咗份牛扒，而我就要咗一份羊架。正常呢個價錢我本來都係預期得兩舊羊，但係竟然有三舊。男朋友嗰份牛扒好大份，佢話覺得都幾抵食。而我就因為本身有啲唔舒服，食咗一嚿之後我就拎走咗另外兩嚿返屋企食。返到屋企肚餓嘅時候，整返熱嚟食，反而佢其實真係超級好食，不單止個肉好林，而且調味亦都幾好，超鍾意個薯蓉好香好滑。甜品我最後冇食到，因為嗰陣有啲唔舒服，不過男朋友就同我講話本身想食埋我嗰份，因為佢覺得個荔枝味雪糕超好食。總

唯一女待應態度極差十分明白食晏時間好旺場，1人入去打算食個晏，講明要搭枱，我都說明白。佢安排前面6人位，已經搞左10分鐘，都明白地方淺窄，都十分有耐性地等。到佢有人離開、理應安排我入座，佢個女待應未執枱 就叫我入去坐、為免阻住佢執枱，我都好客氣咁話等佢執完先，佢只冷冷咁講左句「咁你慢慢等」，自己反而是處理其他客埋單、我又在等。到等佢執完枱，完全無心叫我去坐，反而見到另一個客離開，又想叫我再等，要我坐果張，我前後等左15分鐘，叫我去搭枱，態度極差，掉張餐牌在前面剛離開客人的枱上，就去幫其他客落單，逼我一定要坐果個位。落單又似閒話家常，不斷推銷較貴的牛扒，完全無搭理我。我前後等左20分鐘，都未能見到餐牌、更是一肚氣地走。黑名單餐廳！仲要是收加一服務費的餐廳！

早前已幫襯呢間餐廳幾次。覺得佢既晚餐set，main course同甜品都幾好食，岩我口味咁。成間餐廳氣氛其實唔錯，但唯獨staff/boss? 既態度真係欠親和，例如我點晚餐，想確認係咪點左Ａ湯，同個waitress confirm 下，佢第一下俾到我既感覺係起哂鋼咁：「你點左A湯咪Ａ湯囉」我就係唔sure先confirm下jeh另外食緊扒，我想要啲粗鹽，出面既瘦叔叔好直接無語氣咁答我：「我地呢度冇呢啲」然後走左去繼續忙佢既。有種生人勿近既感覺如果佢係普通既茶記，我都仲可以接受(我覺得一間普通茶記既staff仲親切過佢)但如果佢係一間收取加一服務費既西餐廳既話，除左食物質素，都應該有一個好既服務態度同質素先配得上呢個檔次同收費

今晚叫咗一份二人套餐，分別有2份牛板腱牛扒，我哋大家都要左三成熟，跟燒汁，啱啱好，好好味套餐包括兩碗龍蝦湯，每人兩塊蒜蓉包，兩杯凍檸茶，兩份雪糕蘋果批，超級好味，每人$236

沙嗲牛肉煎蛋米粉，煎雙蛋煎得好靚，米粉係即食米粉，而沙嗲牛肉就完全唔覺沙嗲味，湯底亦係清湯，可能唔記得咗落沙嗲(?)牛扒炒蛋配多士，炒蛋幾滑，多士烘到脆身，仲有齊jam同牛油。咖啡幾香滑，仲可以加錢配latte/cappuccino添～

已經好幾年沒有到這小店食早餐， 因為都很少到這裏，還擔心它可能已經執笠!因為這個疫情,很多店舖都捱不住了! 今日到這區有點事辦,順便去去這間小店碰碰運氣 幸好這小店仍在，啲食物質素仍很好，新鮮又好味 價錢一點都不貴，魚柳早餐只需34蚊魚柳新鮮炸 全麥多士熱辣辣 還有牛油和果jam供應 雞蛋可以選擇淨蛋白。在這區經營餐廳 ，實在不容易，眼見有不少已執笠。 經營這小店應該捱得十分辛苦，很難要求有好嘅服務， 所以服務係一般。

第二次同老公去呢間店，第一次lunch，果次食物味道唔錯，於是今日試吓食早餐，order 咗兩份早餐，其中餐蛋通食到三分二嘅時候，竟然發現有小昆蟲，於是向唯一女侍應報告，佢表示只係蚊滋，問我哋要唔要過另外一碗，冇道歉，咁有昆蟲當然冇曬胃口，於是話唔需要。埋單嘅時候，唯一女侍應仍然冇道歉，照收兩份餐嘅價錢，於是我用平靜語氣問佢會唔會考慮取消收其中一個餐，佢雖然答得，但面口奇差，老公睇唔過眼話佢咁嘅態度我哋報食環，呢個女侍應竟然拍枱大鬧，話只係蚊滋，我哋為咗咁去乞份餐，嘈到廚師都出嚟，不過廚師只係想叫女侍應冷靜，唔覺得對我哋有歉意。其實由發現有昆蟲到問佢會唔會取消收一份餐嘅錢，我哋都保持平靜，壓低聲調，唔想騷擾其他食客同息事寧人，但侍應態度差劣，唔道歉，重要指控我哋乞食，咁嘅態度，真係唔應該做服務業。雖然最後只收一份餐嘅錢，但呢間店已入我黑名單，唔會再去。

路經新蒲崗諗住食個早餐，叫咗個鹹牛肉麥包三文治，加杯嘢飲，食咗唔夠半個鐘，時間只係朝早11:15，餐廳只係得我一個同另外一枱客，加埋我都係得三個人，根本都無乜人，跟住就用一把非常mean嘅語氣遞張單俾我話而家早餐已經完，要做午市，我心諗，12點都未到就咋咋淋要做午市？雖然冇講到出口要我走，但係好明顯嘅意思即係趕客。食咗咁多年早餐，呢間都真係少有連早餐都要限時限刻，況且又唔係真係特別好食，呢啲咁嘅餐廳不吃也罷，幫襯一次就夠了

鬧市中一點小確幸門面平平無奇 但內有驚喜打開門入到餐廳有種久違的溫馨感覺本身無諗住寫食評 但見到依間小店咁多負評戥佢唔抵而寫返本人用餐嘅體驗為餐廳平反前菜沙律爽脆 油醋汁恰到好處龍蝦湯 水準之上 主菜 牛柳 5成啱啱好 切開中心仍然粉紅色及富有肉汁 火侯掌握得十分好羊架 7成啱啱無血水 肉質鮮嫩多汁配菜薯蓉細滑有驚喜甜品 朱古力雪糕泡芙 為今餐劃上完美句號餐茶 兩杯都飲朱古力 一般無特別性價比十分之高 200幾一個人 咁嘅質素 超水準表現

好多年沒有回來了，黑毛豬扒還是好吃。如果個汁可以輕少少，便更加好了。相對另外一份牛扒，這裏的黑毛豬還是更勝一籌。所以每次想起黑毛豬的時候，便會想起這個餐廳。下次來的時候，還是要叫黑毛豬！😅

呢間新蒲崗嘅餐廳，門外睇唔到入面嘅環境，一直有種神秘感。今朝早咗嚟到，等番工，就入咗去食個早餐，一般價錢，$33有個炸魚柳煎雙蛋加個牛角包。魚柳炸得酥脆，其他食物都味道正常，惟獨外表普通，無乜值得打卡，所以都冇特別影相。仲有其他早餐好似麵啊牛扒啊豬扒等等，都OK的。早餐包杯飲品，嗌咗玫瑰花茶，有個茶壺咁上，有Feel。重點係餐廳環境安靜舒服，有輕鬆歐洲音樂做背景，感覺好悠閒。朝早咁樣歎個靚早餐再番工，好似差足電咁！會再嚟食早餐！

搬咗黎新蒲崗都有四年，今日想食肉，呢間咁近響屋企樓下嘅見無試過就試一次啦，點知唔試由自可，一試又中伏。碟垃圾叫炭燒紐西蘭肉眼扒配紅酒汁喎，你見左邊有啲茄汁係因為原本我要薯菜，點知每一條薯條都係吸滿油，真係無可能食，太震驚唔記得影相，同埋見啲所謂嘅扒都知唔對路，渣渣林叫佢換咗啲薯條要意粉，黎到就係變咗張相呢碟野。啲扒真係一如估計係鬆肉粉雜肉，肉咩眼呀你老闆，根本違反商品說明條例，any肥香港都已經無法律仲可以點，結果真係只得啲齋意粉入到口，係呀齋粉意，水sap嘅意粉咯。成件事難食過快餐店要收我75蚊呀！！！！！！！！！！！！！！！！！！！！差啲唔記得講個忌廉湯膠碗底係有一圈無洗乾淨嘅漬，又係太震驚無影到相。