JACOMAX

營業中

休息中

我有幸今個在此買外賣。在我之前有人在埋單，我跟着他。公平。但當完成後，黑衣姐姐竟然叫我等陣而她直接去幫下位客人埋單。要註意我是在清楚外賣排隊處等的。唔明，不過小姐亦無解息，祇是叫遠處另一位同事幫我。明白大家點睇本港餐廳…..

在萬勝節附近日子去，已見餐廳好有心思佈置，餐桌及小童餐具也有，必食黑椒雞翼及pizza 9吋，真係一個成人吃剛好，pizza底麵團非常鬆軟入味，青口在冬天吃是絕配，但飲品有少許貴。餐廳多後生侍應，有禮，尤其女侍應非常主動有禮親切。

黎到將軍澳唔知有咩好食所以喺個商場嗰度行吓點知俾我見到Jacomax!簡簡單單食個意粉先個spaghetti好掛汁每一條意粉都好掛汁而且味道好好食 唔經唔覺就食曬一碟雖然睇落好簡單 但煮得好食啲都好難Ga另外啲員工服務都唔錯 👍🏻

$133 九吋藍芝士蘋果薄餅藍芝士蘋果薄餅係招牌之作，好在9吋 pizza 細細個，可以兩個share 食，餐廳用意大利本土生產Gorgonzola藍芝士，配搭薄薄酸酸甜甜的蘋果片，令到藍芝士變得鹹鹹甜甜很好入口。$178 忌廉蟹肉意粉忌廉蟹肉個醬好creamy，原本配搭Rigatoni大通粉，我比較鍾意食意粉，餐廳轉左做bucatini，Bucatini 係空心意大利麵條，又叫飲管粉，呢個粉既設計可以令意粉內外均掛汁。$98炸魷魚圈炸魷魚圈外脆內嫩，魷魚味好重同鮮嫩，係新鮮既大魷魚，配沙律醬好快就食曬。

第一次幫襯，朋友因十點未能趕到赴會，老闆娘/主事小姐說我們不用急趕，可在店中繼續等，因他們收拾後也要十一時才關門，並為我們免費添了兩杯紅酒，結果我們能完滿完成今天的聚會。小店真能做到以客為本的精神。超讚！必定再次光顧及推薦朋友光顧。如果所有食肆也能做到這樣水平，香港服務業必舉世推崇！

藍芝士蘋果pizza相信有食過Jacomax嘅人一啲都唔會覺得陌生有時食得多肉類嘅pizza揀下呢啲fresh嘅口感都不失係一個好嘅選擇至少食完唔會覺得好漏嘅感覺八爪魚🐙沙律🥗配上黑醋汁令成個沙律食落好好味八爪魚🐙咬落唔會覺得韌忌廉蟹肉大通粉真係有蟹肉㗎通粉吸收晒啲忌廉汁味道唔錯👍🏻

我同屋企人都好鍾意食呢間餐廳，全部食物質素都好正，唔會踩雷。我係朋友介紹嚟食，佢哋話南蘋果薄餅都好正，但係我本人就麻麻哋，所以我嗌嘅都係食肉獸薄餅，次次嚟都係嗌呢個，佢係勁新鮮熱辣辣出嚟，咬落去仲會有啲油滴出嚟，好正。佢個卡邦尼意粉都係勁高質，千層麵就有啲細個，炸雞就中規中矩。

藍芝士蘋果pizza唔知大家有無聽過~？就係JACOMAX出品喇😆 未出過銅鑼灣/上環店，寶琳店一年會去2-3次！🍕夏威夷pizza🫶🏼$178Pizza一定要落菠蘿🍍！🤣個批一到係超級辣手，新鮮出爐💯 個批邊係微脆，中間較為軟身，食到pizza包個個香味同口感🤤🦑另外叫咗calamari炸魷魚 $88 (calamari愛好者🤭)呢間嘅calamari 我次次都叫，水準都不錯！總結，環境夠大又舒服，真心認為好適合同屋企人/朋友去😋

芝士火鍋本應是一道充滿魅力和味道的美食，但如果遇到芝士火鍋味道平淡，缺乏特色，那麼這顯然是一種令人失望的體驗。理想中的芝士火鍋應該擁有濃郁的芝士風味和奶香，與各種食材共燉時能相互融合，帶來獨特的美味。當芝士火鍋失去了它應有的濃厚芝士味，導致火鍋整體味道變得蒼白無力。缺乏芝士的濃郁和層次感，使得火鍋變得單調，不再引人入勝。收費亦都非常貴，差不多$500，配料亦都是非常普通的配料，非常唔建議叫芝士火鍋。

JACOMAX(將軍澳)地點📍: JACOMAX (將軍澳)將軍澳寶琳欣景路8號新都城中心二期UG樓UG092-94號舖覺得太耐好似冇食過西餐，上openrice 睇睇下，發現好似都好耐冇食過Pizza,平時行經灣仔，都見有Jacomax,見到屋企附近都有間，就去試下---------------Set ForTwo 💲428前菜（六選一）炸魷魚圈配他他醬唔好以為二人餐份量一定小，佢呢個炸魷魚圈份量比我想像中要多，唔會炸得太過火，而且佢既魷魚圈十分彈牙，而且有反彈既感覺，他他醬酸酸甜甜，勁可口👍Pizza (六選一）9吋藍芝士蘋果薄餅第一次聽覺得藍芝士同蘋果好似唔係好襯，但原來我係錯嘅，兩者一鹹一甜配合行天衣無縫，加上餅底考得好脆，9吋都唔夠食Pasta (三選一）松露油牛肝菌火腿大通粉湯汁濃郁但食完唔會太漏，大通粉亦唔會煮得太硬，份量適中Tiramisu + 💲30第一次食流心既Tiramisu, 唔會太甜，朱古力粉亦唔會太苦，會食上癮🤤

位於將軍澳新都城二期呢一間餐廳，平時日日爆滿，難得今次唔使等位，即刻入去試吓！朋友仔生日，梗係要慶祝吓！知道你間餐廳嘅老闆一向對小朋友都寵愛有加，佢仲會不時提供一啲免費嘅小朋友興趣班，俾大家參加👍，真係好有愛心！餐廳員工嘅服務態度都非常好👍，餐前會提供畫具及畫紙，可以比小朋友盡情發揮，畫作亦都會貼圖，供食客欣賞，非常親切友善，真係好窩心！地方非常寬敞，有三個唔同嘅主要區域各有特色，又冇切餅費，生日仲會播放生日歌，非常周到，好有氣氛！食物方面，確有一定水準，pizza脆口，亦有素菜選擇！份量十足

我好少寫評論，不過今次真係唔寫唔得！好嘢要Share俾大家知道～💕食物好食係基本 ：）然後...！！💕環境好舒服！空間感好夠，設計好靚😍 就算唔係嚟食飯，喺度hea住等人都好舒服。💕佢地服務超好！啲 Staffs超friendly ＆ 有禮貌，對小朋友超有愛心 ＆ 耐性❤💕帶bb嚟都覺得好舒服既感覺 😇 我嚟過幾次，每一次都好滿意！每次都係好開心既體驗，真係冇得頂～！超級推薦！ 希望你地生意興隆！長做長有！

每次嚟都忍唔住，一定要叫藍芝士🧀蘋果🍎pizza🍕今次仲試咗新嘢泰式🦐蝦度假風情都好正， 除咗啲🦐蝦彈牙鮮味之外， 有淡淡嘅青檸香味炸魷魚🦑圈 魷魚味越嚼越香，好鮮甜添！ 口感酥脆仲一啲都唔差，彈牙爽脆，真係好正！意式肉丸意式丸子, 吃起來香氣、質感就是跟平常吃漢堡肉不一樣, 是有點鬆鬆的, 但是除了肉味, 你還會隱約吃到淡淡的香草🌱香氣, 味道很豐富啊~忌廉🦀蟹肉大通粉忌廉都好rich，醬汁稀傑適中， 通粉煮得啱啱好

HAPPY HOUR 買一送一係GIN , 唔係檸水GIN 份量都幾多.招牌香辣海鮮粗意粉, 都算偏辣,意粉偏淋.泰式蝦渡假風情, 冬陰公口味, FUSION PIZZA 都算幾特別,值得一試!!

帶著破碎感的花祭，比起朵朵盛開的燦爛，更為清冷、常存。店內裝飾千變萬態，有霓虹燈、塗鴉潑墨的壁畫以及用不同座椅劃分區域。唯有半遮半掩蓋的棉絮葉柳，在餐廳中心，像時間汪洋般流淌，繼而靜止。 二人餐有前菜／沙律，一薄餅一意粉，以及兩杯飲品。另外，以優惠價格加配甜品或升級飲品。 (1)炸魷魚圈配他他醬比較淋身。 (2) 9吋暴龍薄餅 由於不太喜愛芝士、蕃茄、薄餅的味道及口感，所以未能容觀的點評。但小麥味較為突出，餅皮烘烤得宜，外脆內鬆軟。 (3) 招牌香辣海鮮長通粉 有蝦、魷魚、以及蜆肉。醬汁內有白酒、Tabasco調製成誘人味道，驚喜萬分。 (4) Tiramisu 有兩層Lady Fingers，瀰漫著酒與咖啡香，朱古力味由可可粉填補。整體偏濃郁甘香，是大人版本的Tiramisu。 花瓣不會墜落在沒有風的夜，但會輕輕藏在眼眸裡。 店員見到瘋狂「打卡」的我，原來是最近找來的花藝佈置。除了店主的眼光，還有Poemfloristry的創作，才有此美麗邂逅。