Jason Pastries

營業中

休息中

話說想喺屯門買間好食生日蛋糕，喺社交平台屯門谷收集左街坊既意見，有人介紹依間小店，本來都無咩期望社交平台揾到小店資料。pm店主，店主細心咁建議4個鐘內要食，仲好有禮貌！詢問左店家咩生果甜d,經過店主既介紹下，買左一個芒果拿破崙298元一磅，唔貴賣相不錯，一切落去卡一聲，就知佢唔小嘢餅底非常脆，入邊既custard唔甜，但面嗰個芒果好甜夾住d餅，好正！可以battle 帝苑同Nina hotel 個拿破崙已小店嚟講，依個質素好outstanding!估唔到做到依個效果，絕對會回購，下次再試下其他味道！性價比非常高！值得介紹！

久唔久就要去吓小店，支持吓小店，今日遊玩開此區，就輕鬆食嗰包，飲杯啡，開心吓。 看到店細細，只有8個位，真正小店，主打外賣，看到乾凈整潔，入去試一試。 食物種類也不少，（eg.全日早餐，手打漢堡飽，沙律……最種要有各式甜品，咖啡，花茶）令人目不暇給。 唔太餓，點了一個手打漢堡飽，真的厲害，生菜超新鮮又爽脆，蕃茄大大片又甜，酸青瓜也一大片，仲有塊微溶的芝士，那香味令人讚不絕口，仲可能混醬（蕃茄醬加芥末醬），口感更豐富。 當然要講吓唔手打牛肉，差不多1cm厚，燒得剛剛好，一口咬下去，仲有肉汁流出來，Yummy 。真正高手在民間。 仲有美式咖啡，沒有酸味，正合我心意，超滿足，勁開心。

今年阿女7歲生日點名話要呢間訂蛋糕,因為平時樓上學完畫班都會順便落樓下呢度食番件cake ,所以對佢哋出品係有信心保證。今次都係入去食住cake 揀生日蛋糕款,老闆娘話我知原來可以比圖片或相片佢哋整唧花蛋糕,仲要比我哋見到之前有客人整過鬼滅系列~阿女即時心心眼,再上網搵埋圖比師傅（老細）照圖整,蛋糕揀咗朱古力脆脆底無得輸,到取蛋糕日見到個蛋糕超滿意,味道就不用講更係保持水準啦！而我自己生日都是响呢度訂蛋糕,蛋白檸檬芝士撻都一樣超正！

呢間西餅甜品舖頭細細，但有酒店嘅質素，我最鍾意食佢嘅拿破崙同埋黑加侖子芝士蛋糕，試過訂佢嘅拿破崙蛋糕，size好細，勝在好味，但價錢稍為略貴，所以只可以間中品嚐。

今年生日食咗好多個蛋糕最遲食嗰個就係男朋友買俾我既由於佢真係搵唔到紅絲絨蛋糕絞盡腦汁終於喺屋企附近搵到一間有整紅絲絨蛋糕嘅舖頭但唔知點解佢買咗一個兩磅嘅大蛋糕返嚟拎出嚟嘅時候嚇親我上面個公仔係我哋最鍾意用嘅sticker 個蛋糕面係唔甜充滿奶味嘅忌廉 下面有比較甜既忌廉芝士frosting同埋充滿朱古力味嘅紅絲絨蛋糕 表示可以少翻啲甜會冇咁膩個蛋糕體好濕潤 都好實淨 由於佢好真材實料 每次食六份一左右就會開始覺得甜唔係螞蟻人就要小心喇⚠️男朋友話呢間舖頭標榜係即日新鮮整嘅蛋糕應該如果一兩日前訂嘅話 舖頭都會整到俾你~不過最好就唔好臨急抱佛腳啦~~

天氣麻麻，所以都係在附近食個晏，去左啟豐輕食午餐。我哋叫咗一個朱古力特飲、一份熱狗同埋一份All day breakfast !我建議如果大家唔趕時間既先好去，因為人哋真係即叫即做，所以要預啲時間等吓先有得食架！呢個牛扒肉漢堡好好味，又juicy又有肉香。滑蛋炒得好滑！另加$10小沙律杯熱狗包好滑既朱古力＋奶，仲有忌廉喺上面

人大了喜歡看海，於是與友人駕車來到屯門碼頭海邊散步，碰巧看到這家甜品店，便進去試試店面不大，與傳統的連鎖店大相徑庭，但座位舒適開心果慕絲蛋糕 $42先淺嘗一口，出乎意料地濃郁的開心果味，不會太甜，慕絲混住打碎成微粒的開心果，入口順滑，是非常高質素的蛋糕香芒班戟 $42新鮮製作且薄身的班戟皮很香蛋味，裡面的芒果粒又甜又多粒，配著同樣香滑的慕絲，而淋在上面的芒果醬，除了有芒果味之外，還有蜂蜜的花香味，不會太甜，與班戟很合襯吃得出整甜品的師傅用心製造，就算在細微的地方亦有花心思，令我們很有驚喜由於實在是滿足，未吃完已在想下次來這邊必定要再吃其他甜品，支持小店

輕盈海鮮沙律 ($58) 沙律菜好新鮮，牛油果亦熟得岩岩好🥰🥰今次揀左帶子粒，食落軟棉棉，應該係無煎過既刺身粒黎，但因為細細加上本身揀既蜂蜜蘋果醋汁都甜甜地既，所以顯得帶子唔係好突出。下次食海鮮沙律應該會揀另外兩款(煎蝦/煙三文魚) **不計雞蛋(自己烚的)**

平時一家人都好注重健康，多數訂半磅蛋糕都係分兩日食完，但今次爸爸生日係呢度訂嘅呢個芒果千層蛋糕係佢哋ig shop見到2014年嘅相好好在仲有得訂 一人一件真係唔夠喉個個都自動續cake忌廉好滑，芒果好香 ，同餅皮比例啱啱好！最重要係樣樣都係甜野但夾埋又唔會覺得過甜，仲提我哋唔好太早攞，預差唔多時間先整，因為唔係一早整定，好細心師傅手字仲要係難得一見嘅靚，係中英文都好靚呀！好有驚喜，下一次要買蛋糕都會繼續幫襯！真係好好好味呀～

細細個已經見過呢間鋪, 反而近年先多多幫襯, 因為真係CP值超高 ! 平民價錢, 食到酒店水準 !!!! 有時買cake 都想買個D 貴價酒店cake, 但由中環/ 銅鑼灣拎返屯門真心煩. 倒不如幫襯返屯門店 ! Jason Pastries 真係要 highly recommend !!! 簡單whats app order , 永冇攪錯 ! 老闆又nice 又細心! so far 食過 士多啤梨拿破崙 / 香蕉朱古力蛋糕 / 芒果拿破崙/ 歌劇院咖啡朱古力蛋糕 , 全部好正 !!! 

食厭咗連鎖式餅店甜品？比我係屋企附近見到呢間隠世小店真係好開心。老闆以前係五星級酒店做行政總廚，所以甜品質素都唔錯呢～見到有唔少客人訂造蛋糕的相片。-我叫咗一件黑加侖子cheese cake，味道酸酸甜甜，軟硬適中，芝士同黑加侖子味都幾balance~會再試其他味！

第一次食呢間既芒果拿破崙已經一試難忘，絕對媲美好多大品牌既芒果拿破崙。好食就推介到身邊嘅朋友都會專登嚟訂蛋糕攞蛋糕，一個月差不多都訂一個。慢慢我已經成為左這間嘅忠實粉絲，個芒果拿破崙真係食極都唔厭。其實仲有好多款蛋糕揀，款款都好出色，但我真係情迷個芒果拿破崙😍絕對推介係呢一間訂蛋糕，無論相機食先或者係口感都絕對滿分👍🏻仲有師傅寫字都好靚，老闆同老闆娘嘅服務都好親切，好感激佢哋幫我整咗咁多個咁靚咁好食嘅蛋糕，每個朋友食過佢哋嘅生日蛋糕都好開心👍🏻

已經第二次訂生日蛋糕了. 兩次都好好味，今次因為冇咩慨念，師傅都比左一d方向同選擇我地，最後選左益力多慕絲蛋糕，今次都有驚喜，好味，甜度剛好不膩. 讚啊.而且我有事突然改早了要蛋糕，師傅亦態度好好，幫手趕及. 好服務呢.

屯門碼頭不多cafe，開了這間都十分驚喜，這間的蛋糕都幾靚但原來這裡有熱食，今日難得星期六就來這裡試試全日早餐。等不用十分鐘食物就來到了。手製牛仔漢堡扒，比較熟，但有牛肉汁同口感可接受。另外的蛋選擇了鮮奶炒蛋+茄汁焗豆，炒得吾太老有蛋香，焗豆反而味道淡。火炙芝士茄扒吾夠芝士香，蕃茄吾似煮過+煙肉味道正常。最後窩芙餅要了朱古力醬，窩夫吾夠蛋香但幾脆口，朱古力醬吾夠。最後飲品要了冧酒紫薯拿鐵，紫薯碎有不少而有輕微紫薯味，鮮奶味都幾香。但以七十一蚊來講就有點貴。

之前有朋友介紹過呢間甜品店，一直都想黎試下，但係對我黎講真係幾遠下，要成粒鐘先黎到！今次終於黎開呢頭，有幸食到啦！我試左個玫瑰草莓蛋糕，唔會好甜，但個草莓雪到好硬，我唔係咁中意，但味道係唔錯既～而個芒果拿破侖係即叫即整既，好新鮮！味道唔錯，但又未去到需要山長水遠黎一試。