Jason Pastries

營業中

休息中

因為今朝食左個飽早餐，所以晏晝唔太肚餓，過黎就試下呢間新開甜品店。價錢黎講拍得住D高級餅店。食一件cake既價錢，可以在隔離舖食到一個飯。不過都想試下。店內除了蛋糕曲奇外，唯一可以叫既兩款包：漢堡包同熱狗，如果叫飲品可半價。我哋叫左個漢堡包配洛神花茶，再叫多件香芒拿破崙 (由於凍櫃冇晒，老闆即叫即製一件俾我哋, 誠意十足)洛神花茶壺上, 大概可沖到3-4杯到, 水滾茶靚, 花荼沒有加糖, 飲落酸咪咪, 幾開胃.漢堡包 ($38) , 落單後等左一陣先上枱. 廚師即叫即做, 所以好新鮮. 包面脆口, 橫切面可見到材料幾豐富, 食落漢堡肉汁好多. 生菜爽口, 的確幾好食.芒果拿破崙 (約$38)酥皮可能係即造, 真係好鬆脆, 中間既吉士忌廉亦很滑, 加埋芒果片一齊放入口食, 酸甜適中!!!

屯門啓豐開左間精緻甜品店，原來開了三星期，今日食飯經過見到…小店有張紙寫一日大約有3個時段出爐，今日專登等佢1點出爐，12：45到左原來已出爐，其實吾肚餓都當然叫返一個啦仲比阿哥話我食完飯又食……哈哈，支持小店麻………而哥叫了另一款甜品和咖啡…一共約$54，價錢已打9折所以都叫合理價……而且叫任何食品加飲品仲有半價，得閒high.下tea都吾錯。芒果拿破崙加espresso, espresso 飲落味濃回甘夠吾太酸，而芒果好甜吾太酸，味道整體吾太甜而打得都夠滑身，皮唯一差少少吾夠脆，始終吾係即制即整，但以屯門碼頭有這質素的確不錯。Cheese tart 流心芝士撻 $15 ： 黎到滿心歡喜，但原來凍，失望。但都點都試下先…食落去芝士味有但冇出面連鎖咁濃但吾滯而有滑身感覺，而且的確有少少流心感覺…至於撻皮夠脆吾淋身又吾硬，絕對討好，以$15一件黎講都抵食。