Jason's 炸魚薯條 (已結業)

間唔屎會番去舊居附近, 以前住紅磡.依間Jason's, 我一眼就知佢唔係做開依一行, D嘢有少少亂 (我已經好客氣)但D嘢算係幾好食, D魚有少少油咗D, 但好香, 好好肉, 咁既價錢亦唔貴.我地本來想叫cod fillet, 佢話賣晒, 結果轉咗另一種魚, 唔記得係乜, 都幾好食.叫埋個炸魷魚, 有DD油, 真係, 但都算好食.嘢飲有少少貴, 索性唔飲.D人就咁企係門口張枱果度食, 幾有氣氛.P.S. 老細好有passion, 祝佢成功

同事之前話黃埔新開左間炸魚薯條店，放假就去試下佢，等左一陣先至開舖，熱辣辣係外面等真係瘋狂流汗。店面真係唔係大間，入面都算係乾淨整潔，有個細位仔可以俾你企係度食，或者去外面就有得坐，不過環境都唔算係太好。叫左個《招牌鱈魚》($55)鱈魚即叫即炸，切開個皮外層脆，但入啲就好淋同埋魚肉好散，一整開啲魚肉係散哂出黎完全唔完整，薯條都夠熱加錢要左黑松露醬可以點。套餐送左杯招牌檸檬汁，入面只有一塊檸檬同一塊薄荷葉，塊檸檬仲要係激薄身，飲落似係飲水多過似飲檸檬汁。店名：Jason's 炸魚薯條地址：紅磡民泰街25號黃埔108商場一號街舖地下餐牌:

I got 2 pieces of fish and fries. the fish is fresh and thick. fries are good. not too salty. the price is very reasonable as well. i found the truffle dip really good. freshly fried means u have to wait a little though. i waited about 15minutes. i found it worth the wait and money. will for sure go back.

已經不是第一次嚟食炸魚薯條，確實係好好味，特別係炸魚做得好好，脆醬唔會太厚，魚亦係啖啖肉，加埋一杯凍檸水係非常好嘅配搭！不過品德更重要，事源我喺店內手殘倒瀉杯凍檸水，老闆（應該係）不但無怪責我，我每講一句唔好意思，佢就回一句唔緊要，仲即刻請我飲多杯凍檸水，期間仲要應付客人查詢同處理現場，勁好人！餐單亦可以揀其他魚（我兩次都係揀鱈魚），而醬亦有多種選擇（有免費或加錢），誠意推介，特別係喜歡街頭美食嘅朋友，因為如果無枱要拎住食啊，推！！！

見到IG 食評後由尖沙咀專登行過去食無之前啲個post 講到咁好食 條魚個粉皮比較軟 魚一整就散薯條唔錯服務態度無啲人講到咁差 等左大概10分鐘就有得食經店員推薦揀左黑松露醬 不過不失整體黎講唔差 但唔值得我專登行去紅磡食😂

Service was great, the guys are lovely. Food was fresh and tasty!We got the calamari + sweet potato chips with tartare sauce, truffle signature sauce and ketchup. Topped up with the signature lemonade !We even got to eat on the table outside. Perfect sunny Friday lunch !

星期日3點多到鋪頭買，沒想像中人多，也不用排隊。鋪頭有3個後生仔，落order時，店員很有禮貌，並推介每日限量10份的炸魚，比了錢攞單等，順便一問，店員說要等等，大約15分鐘！估都估唔到，一等就等了45分鐘，拿食物時已經極不滿，但其中一個店員好無誠意咁話唔好意思，我話我等咗差唔多1個鐘，佢就趕人咁不停say bye!如果，係因為好多單，要排隊等，我覺得ok，但令我最不滿嘅係佢將之後落嘅order做先，我唔敢講佢係做比朋友先，但無叫number就識攞嘢走，又講晒唔該！我落order後，都有幾個人買嘢，但我攞完嘢，枱面就無晒單，我有講我唔明，但果個無誠意嘅店員，完全無諗過解釋。平心而論，魚係ok好食，但不足以彌補呢45分鐘，仲以為會係一間有誠意嘅小店，失望！

好少可香港，會專開fish and chips,行過見到新開就試下，見到堂食其實都無乜位，所以叫外賣，落單時見到應該係老闆都好忙炸魚中，而鋪頭只有佢一個，其實有少少唔好意阻佢咁叫左鱈魚同炸甜蕃薯條+蜜糖芥末，英國普遍會有兩隻鱈魚揀，咁係香港有一款鱈魚食已經好好，因為食親好多都係唔好食的魚，我統稱為hea魚，大就大塊，但一d都唔好食，所以佢講明用鱈魚，已經好吸引我鱈魚新鮮炸出，熱氣騰騰好吸引，慢慢切開久違了不會易散的鱈魚，放落口，終於係鱈魚的味道，有點感動，太耐無係香港食fish and chips是鱈魚了

In almost every town by the sea, there is a pier with amusement arcades and food but sadly the one at my town was lost due a fire a few years ago which was reported on the News.Anyway, I was lured here by the picture of the pier but sadly they don't seem to know which pier it was even though they used it.For sure, the pier is definitely not Eastbourne, Brighton, Bournebouth, Southend by Sea or Margate.They specialize in Fish and Chips but initially I got it confused with this other one in Taiwan

新年快樂🎇祝大家年年有餘🐟所以今次介紹下fish and chips🤣招牌鯖魚 $55+$8 黑松露醬😍出面既fish and chips都偏貴🤑但係係紅磡有間$55就食到仲包野飲🥤其實兩個女仔食一份已經好飽😋個黑松露醬味好濃值得+$8 再揀左他他醬就係一般我地fish and chips點既醬😋塊魚吾算大塊但就好厚食但係魚肉好散吾太firm🤔炸皮都有啲油，有待改善😊薯條就正正常常 冇咩特別

一向喜歡食炸魚薯條嘅我，之前見到臉書上介紹呢間炸魚薯條舖頭，今日去開紅磡，又點可以唔黎試下呢?餐牌非常簡單，先揀魚，再揀醬同薯條，最後揀埋飲品，如果唔夠食可以再加其他嘢。今日點咗招牌鱈魚配茄汁，每份都即叫即製，保證熱辣辣，炸魚份量都算大塊，味道一般，外皮略嫌唔夠鬆脆，炸漿有改進空間，薯條用英式粗薯條，食落香脆好味，飲品嘅招牌檸檬汁味道有點兒淡，都有助減低油膩感。唔知係拍檔行開咗定咩，全舖頭都係得一個人，由落單收錢，到炸魚及擺盤全部一腳踢，每次都係儲埋4-5張單一次過整，所以都等咗一段時間先有得食。

睇Menu嘅時候 店員介紹有七種醬汁 其中四款都係佢哋自家製嘅醬汁 我叫咗黑松露醬同埋蜂蜜芥茉醬 個人覺得最好味係黑松露醬 本身諗住應該都只係小小黑松露咁樣冇乜特別 但食落發現黑松露嘅味道好濃郁 落重料 蜂蜜芥茉嘅比例啱啱好 芥茉味唔會太重 蜂蜜嘅甜味都唔會太勁 兩種味道Max埋一齊好夾炸魚方面 個人認為炸漿嘅比例啱啱好 唔會太厚 魚肉都好新鮮跟餐仲要送埋一杯lemonade 即刻令到個邪惡感減輕左😂老闆份人好Nice 同佢傾左幾句佢仲請我食咗一盒番薯條 平時唔多鍾意食番薯 但佢哋嘅番薯條我覺得幾好食

最近係互聯網上見到Jason‘s fish and chips 呢間餐廳，係食炸魚薯條嘅專門店。其實一開始都冇乜期望，因為香港好多整炸魚薯條嘅鋪頭都做唔到傳統炸魚薯條嗰種味道出嚟，所以就冇乜為意。但有一次咁岩經過黃埔見到佢哋嗰間鋪頭，所以就去試咗佢哋嘅招牌鱈魚套餐。個炸魚嘅皮好脆，條魚個味好fresh，其實都真係跌咗眼鏡！食落口係有一種以前我係英國讀書嘅時候食嘅嗰種味道，佢個皮唔會太厚，啱啱好包住塊魚，而個魚肉都唔會好似其他餐廳咁好薄或者好唔新鮮，佢個厚度係啱啱好，魚肉嘅味道都好新鮮！其次每一個套餐都有包一杯檸檬汁，我個人覺得係一種好貼心嘅設計，因為當我食完份炸魚薯條之後，飲完嗰個檸檬汁，口入面油膩嘅感覺即刻消失，感覺真係幾舒服嘅！下次都會去幫襯🤤

剛剛經過呢間賣炸魚薯條嘅食店，自己本身鍾意食炸魚薯條，就諗住試試！點知排咗成半個鐘隊，輪到排我前面嗰個嘅時候就話停止落單(當時只係6:45pm)，店員話做唔切要暫停落單，要10分鐘後先可以再落單，之後要等半個鐘先可以出到食物，聽到後真係火都嚟🔥😡🔥... $&@#%¥€£ (下刪一千字粗口)！作為一間街頭小食店(P.S. 呢間店只做外賣自取，不設堂食)，最緊要係快靚正，要客人排咁耐隊之後話因為做唔切而暫停落單，就算重新開始落單之後都要等半個鐘先有食物，簡直就係荒謬！要等咁耐我點解唔搵間餐廳坐低舒舒服服Fine Dining？奉勸各位諗住食呢間店嘅朋友要有心理準備，必須要有超越正常人嘅耐性同有多餘到唔知點用嘅時間先好幫襯！

係紅磡咁耐 成日見呢個死位開親都做唔住 咁呢間炸魚薯條又新開 即刻黎支持下先講第一次食的確好有驚喜試最普通既魚柳套餐配薯條同埋檸水杯檸水好fresh 甜度岩岩好 本身叫套餐仲以為係送可樂咁普通 而檸水同炸魚柳非常夾 而且調味夠炸粉又唔會太厚 配魚柳既他他醬應該係特別調配過 應該並唔係現成醬汁 特別好食另外薯條都係好食既 但炸得好多油 唔夠乾身 外賣回家既路都係五分鐘腳程到家依然係熱辣辣食完第一次覺得唔錯想再食點止去到先等人落單等左成十分鐘 叫左幾次 都係咁叫等陣 到等到落單時候 又話呢樣無 個樣無好啦 咁到叫到仲有存貨既魚柳 又話要等耐d個陣只要有幾個人等緊 話等候時間要超過二十分鐘咁算數 過隔離買雞扒算之後想再比機會點知經過左幾日都唔開門 都幾勁 開左舖咁短時間已經可以做到鐘意開就開 飄忽不定到第二次買 我諗只係相隔左一個多星期出品已經非常之求其薯條係凍既 又淋又凍 而魚柳就係熱既 不過已經唔脆 一叉就散同樣都係外賣 同第一次差好遠仲有 薯條唔知放左幾耐 耐到上面有隻死蚊杯檸水又係求其比左杯唔知放左幾耐既比我