影片
港鐵銅鑼灣站 A 出口, 步行約5分鐘
繼續閱讀
電話號碼
91093196
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
上年12月才開幕的JIKKA燒雞，是餐廳開業 4 年來的第四間分店，位置座落於銅鑼灣希慎道近利舞台附近；店外七彩繽紛的牆壁，有趣的室內藝術擺設，令人眼前一亮。室內裝修有飛行棋、電影戲票、手工藝品、俄羅斯方塊、竹蜻蜓等元素的設計，令人彷彿感受到成長的過程，創意無限，盡顯心思。餐廳以「低鹽低糖無味精」為原則，保持食材的原汁原味，不含添加劑；更不惜工本，免費配備保溫袋給遠程的人客，盡量讓食物保持適當的溫度！看過餐牌，我們選了多款美食，包括：飲料、沙律菜、湯水、小吃及燒雞。我叫了杯「蜂蜜檸檬蘇打乳酸」，口感有啲似益力多，加上潤喉嘅蜂蜜，微酸嘅檸檬片，味道也是不錯。大蝦咯嗲～五隻特大泰國虎蝦放在杯口邊，肉質鮮嫩爽彈，配上惹味的咯嗲醬，更覺滋味。梨子漿果大蝦沙律～清爽鮮甜的沙律菜，配上微酸帶甜的梨子漿果，開胃又惹味，加上爽口Q彈的大蝦，好吃。五款湯水中，我們叫了其中四款，包括：粟米、蘑菇、蕃茄及洋蔥，湯水中沒有添加其它食材，原汁原味，又因採用低鹽低糖來處理，感覺味道偏淡；而自己最喜歡其中的粟米湯。日本頂級刺身帶子(蒜蓉牛油煎)～採用日本刺身級帶子，肉質肥美鮮嫩，廚師只把帶子外層微微煎熟，令中間保留適當生熟度，咬落鮮甜多汁的口感。新鮮即叫即炸的「黃金甲」，其實就是炸魚皮，食落酥脆可口，令人忍不住一塊接一塊的吃着，超級美味；但記得要盡快食用，免放久了會變腍。超甜蕃薯條～番薯營養高，更有預防水腫，美肌等作用；食落酥脆，香甜又可口；配上醬汁更佳。超級邪惡的「魔鬼之柱」，廚師把雞皮的脂肪全部除掉，剩下薄薄的雞皮，再包住肥美的午餐肉後炸香，雖然邪惡但又非常美味！😍茜霸皇香茅青檸燒雞～香脆肉嫩的燒雞誰會不喜歡？廚師先把雞腔切開，再在內填滿芫茜、香茅、青檸等香料，之後再拿去燒；雞皮酥脆，肉嫩多汁，香氣四溢；喜歡吃辣的，就記得試吓他們自家製的辣醬，據說辣度頗高，配合一起食用，滋味更高。😋最後叫了杯咖啡，想不到水準頗高，原來採用了埃塞俄比亞豆，果味香濃帶花香，直迫手沖咖啡水準，超讚。網上訂單自取，更可享8折優惠，住附近的朋友仔，又多一個藉口過嚟試試了。 🤭#魔鬼之柱 $88#蜂蜜檸檬蘇打乳酸 $48 #大蝦咯爹 $148#日本頂級刺身帶子(蒜蓉牛油煎/2件起)$136#黃金甲 $88 #超甜蕃薯條 $68#梨子漿果大蝦沙律 $148#粟米湯 $58 #蘑菇湯 $58#蕃茄湯 $58 #洋蔥湯 $58#茜霸皇香茅青檸燒雞 $308 #咖啡 $36#JIKKA燒雞地址: 銅鑼灣希慎道2-4號蟾宮大廈地下8號舖電話: 91093196
繼續閱讀
早前跟好友吃了一間非常用心的小店！主打天然少鹽少糖無味精來烹調食物，好值得跟大家分享箇中滋味。應好友邀約來銅鑼灣開的JIKKA第四間分店吃晚餐！甫到達先被那橙色加紫色的門面深深吸引著，先被養眼期待嘴巴也同樣感受到震撼。內裏座位不多大約可容納30多人！店內設計是大師級的出品全是滿滿童年回憶的味道，吸引非常之餘更是有溫度的感覺。非常認同壁畫上的金句！絕對不計較卡路里因為吃下全是真材實料及滿滿美好的記憶。我非常喜歡喝甘筍汁$48但坊間真材實料的真不多！這杯全是甘筍榨出來的精華為什麼這麼肯定！因為我親眼看著製作過程至送到我面前，沒帶上一絲青氣滿滿香甜的味道好好喝喔。我們每人點上一款餐湯來開心Share！濃湯沒有加上任何忌廉用上真材實料以新鮮蔬菜加上湯打製而成，聽見也覺得吸引真的非常期待。粟米湯$58口感非常豐滿，新鮮粟米粒打成蓉再煮成濃湯味道非常濃郁很香甜，粟米愛好者必定要選它。番茄甘筍湯$58絕對是我的Favourite！番茄加甘筍得出美麗色澤，混搭出酸香的風味健康又好味道。蘑菇湯$58則帶上超級濃郁的菌香！喝下去還有蘑菇粒喜歡有口感的朋友必定愛戴。洋蔥湯$78煮得濃而不俗！牛骨湯底沒帶上一絲臊味，加上已經焦糖化的洋蔥，喝下去超濃郁更齒頰留香非常高質素。梨子醬果大蝦沙律$148分量十足！內裏藏有滿滿新鮮爽脆的沙律菜，配襯鮮爽梨子及彈牙的大蝦吃得好滿足。蒜蓉牛油煎日本頂級刺身帶子$68/件(兩件起）！牛油煎帶子不是新鮮事配襯了自家製青醬就令味道帶上新鮮感，最重要的是廚師將帶子煎至外焦內軟恰到好處口感超讚。大蝦咯嗲$148紅彤彤的賣相非常有喜感！用上身型魁梧的泰國虎蝦來炮製，咬下去勁爽口彈牙且富有鮮味，沾上Cocktail Sauce享用帶出香辣惹味很讚耶。蒜蓉白酒藍青口$280/1000g！新鮮肥美的藍青口隻隻也非常飽滿海水味非常濃厚，用惹味的蒜蓉加白酒來烹調更能突顯鮮味，配那香脆的蒜蓉包一起品嚐好滋味呢。超甜番薯條$68選用來自日本的番薯，炸得外面香脆內裏軟糯非常唰嘴。吃了這麼多健康美食怎也要點邪惡的來平衡！黃金甲$88說穿了即是炸雞皮，廚師已將皮下脂肪完全去掉再將雞皮炸得通透，咬下去咔嚓一聲非常清脆，加上甘香而不膩的味道令人欲罷不能。魔鬼之柱$88肯定是我最愛的小食！從來也是午餐肉粉絲的我非常讚賞這柱，用上同樣邪惡的雞皮包裹著厚切午餐肉，那邪惡之味對得起魔鬼之柱這個名字有餘。手作蟹餅$98內裏有不少絲絲蟹肉非常足料，推介給喜歡品嚐海鮮的朋友。白味噌香焗茄子$98！以白味噌烹調屬於瘦物的茄子非常匹配，甘香中帶出嫩滑的好滋味，超喜歡店家毫不吝嗇鋪滿了香口的崧子令成件事為了點高潮。來到這夜的主角茜霸皇香茅青檸燒雞$308出場！這個新口味暫時是銅鑼灣店限定，想吃的話就要來這間分店品嚐了。燒雞內塞滿了芫荽、香茅及青檸！剪開後那份香氣撲鼻而來惹人垂涎，配襯的自家製醬料亦非省油燈，酸辣惹味可以令燒雞味道更上一層樓。燒雞絕對是皮香肉滑的出品！滿滿的肉汁表現出烹調到位的技術，加上濃郁香料令這雞的味道令人神往，尤其是雞背的位置非常入味是叫人難以忘懷的好味道。喜歡吃意粉的我點來香辣深海藍蟹肉意粉$148享用！意粉煮得夠al dente非常對胃，內裏還有梳梳的蟹肉鮮甜且沒腥味，沒有多餘的醬汁正正品嚐到鮮味的所在。這一頓感受到「父母的家」滋味，以細膩的心思高質的食材成就出這用心的「家」，是間非常值得支持的食店。
繼續閱讀
在餐廳用膳竟然還可以吃到家的味道，數數手指應該沒太多家餐廳可做得到﹗而JIKKA燒雞嚴選食材，不添加味精、少用調味料、低糖低鹽，更自家製醬料，能夠利用食材原味，用心炮製出多款美食，實在難得﹗門面是滿滿活力感的橙色，都幾搶眼。魔鬼之柱$88，以雞皮包著厚切午餐肉後炸香，雞皮已去除脂肪層並預先風乾48小時，雞皮變得更香脆可口，而午餐肉也沒有油膩感，非常邪惡的小食。 蒜蓉牛油煎日本頂級刺身帶子$68一件(2件起)，北海道刺身級帶子以牛油香草輕煎，配上廚師特製青醬，不需把帶子烹調到全熟透，入口時既香口又保留其幼嫩的口感。牛舌HK$78/3件，入口就覺得牛舌味道比較濃郁，原來餐廳是以先燉後焗再煎的方法烹調，吃時可沾上海鹽、茄汁、沙律醬，個人覺得沾海鹽是最可口的﹗ 小食過後，來個洋蔥湯$78暖暖身，若自己有煮過洋蔥湯，都知道要用心機用時間慢炒慢煮的；這碗洋蔥湯是以100%蔬菜及每天熬製的雞湯炮製而成的，喝得出的鮮甜。 茜霸皇香茅青檸燒雞$368，銅鑼灣店限定口味，雞腔內填滿芫茜香茅青檸，以200度以上高溫烤焗，皮下沒有多餘脂肪，更配上自家製辣醬作為配料；燒雞juicy而且非常鮮甜嫩滑，芫茜香茅青檸味道並沒有太突出，連怕吃芫茜也能輕易入口。斑點狗$88，外脆肉軟的熱狗包，夾著 8吋長熱狗腸，在其上放滿煙肉、Mozzarella 芝士及黑松露蛋黃醬，非常惹味，熱狗腸入口還有爆汁的啊，要小心噴到旁邊那位呢﹗意式芝士忌廉菠菜比目魚柳$208，比目魚煎得外酥內嫩，還搭配幼滑薯蓉；而意式芝士忌廉菠菜與菇類部份也烹調得宜，濃稠度與味道都剛剛好，吃後不會飽滯。最後，點了杯蜂蜜檸檬梳打乳酸$48，甜度得宜，開胃解膩﹗
繼續閱讀
之前喺鰂魚涌食過呢間燒雞，印象深刻，最近發現佢喺銅鑼灣都開咗新店，今晚就約咗幾個朋友去試吓。呢間舖頭環境舒適，仲有好多同電影有關嘅元素融入咗喺設計裏面，裝潢簡約又有型。依家就分享下我哋食過嘅幾樣菜式啦。飲品方面，我試咗冷泡台灣烏龍茉莉花茶，味道清新，香氣撲鼻；再嚟一杯冷泡蘇格蘭威士忌茶，呢個茶個製作好特別，係放咗喺威士忌橡木桶，所以佢係100%茶，但係有威士忌嘅酒香，搭配得好好，真係值得一試。湯類方面，朋友揀咗洋蔥湯，湯底濃郁，洋蔥嘅甜味令人感覺溫暖；我揀蘑菇湯亦都不遑多讓，香濃滑順，濃郁嘅菇味，令人每一口都想多飲一口。接住係前菜，我地叫咗田園沙律，配上意大利油醋汁，味道清爽，牛油果同煙三文魚更添風味，簡直係完美開胃菜！而魔鬼之柱就真係一絕，廚師將雞皮嘅脂肪去除，炸得香脆，再包住厚厚嘅午餐肉，口感層次豐富。黃金甲同樣出色，雞皮炸得金黃香脆，令人一口接一口。斑點狗熱狗用咗煙肉粒同馬蘇里拉芝士，仲加埋黑松露蛋黃醬，mozzarella cheese 嘅拉絲真係有好睇又好食，味道好豐富，值得推薦！白味噌香焗茄子表現中規中矩，茄子軟滑，不過今晚嘅茄子有啲水汪汪，同埋搭配白味噌未必人人喜歡。最後，蒜蓉牛油煎日本刺身級帶子，帶子煎得剛好，外脆內嫩，蒜香味足，食完令人意猶未盡。主食方面，我哋揀咗招牌香草牛油蘋果香檸燒雞，雞腔內填滿蘋果同檸檬，邊啖雞肉邊有水果香味，令人覺得好新鮮！不過，茜霸皇芫荽香茅青檸燒雞對於芫荽控嚟講，有啲失望，芫荽味稍為遜色。香蒜橄欖油意粉加煎蛋，味道簡單卻好味，意粉煮得剛好，香蒜味撲鼻。意式香草蕃茄醬比目魚柳意粉更加美味，魚柳嫩滑，番茄醬味道酸甜適中。Jikka嘅菜式好有創意，味道都唔錯，而家開咗喺銅鑼灣，咁方便，值得過嚟試試。
繼續閱讀
Jikka燒雞第4家分店，最近係銅鑼灣開業啦🎊新分店同時有多款🆕新菜式推出，仲有全新海鮮系列🌊餐廳注重食材用料✨不添加任何味精❣️少油 • 少糖 • 少鹽✨唔好諗住咁樣會好淡，用番食材原味煮出美味，好多款食落都好有驚喜🤩~•~•~•~•~•~•~•~•~•~•~•~•~•~•~•~•~•~•~• ▪茜霸皇芫荽香茅青檸燒雞 ($308/全隻)銅鑼灣分店新推出既口味🆕雞身🐓內填滿芫茜 • 香茅 • 青檸🍋🟩，雞肉Keep到肉質嫩滑💕 • Juicy💦，雞胸都唔會乾鞋。可另外加配菜($30/款)，揀左炒蘑菇🍄🟫 • 粟米粒🌽.▪手打濃湯 (無增味劑 / 無味精No MSG)▫️洋蔥湯 ($78)Menu上唯一一款清湯款式，用洋蔥🧅炒至焦糖化 • 出甜味，先再煲。烹調過程中冇加過糖😚▫️蕃茄甘筍湯 ($58)濃湯係以蔬菜打成，質地會比較濃稠🥣滿滿纖維🍅🥕.▪(V) 香烤椰菜花 • 甜蕃薯配羽衣甘藍 ($148)香烤椰菜花有調味過，食落酸酸甜甜 • 帶微微辣😝羽衣甘藍下有綿綿甜蕃薯🍠.▪ 魔鬼之柱 ($88/3件)好邪惡呢？😈不過大廚👨🏻🍳去除雞皮脂肪，剩下薄薄雞皮。減番少少邪惡度啦😏將雞皮風乾後 ，再包住厚厚午餐肉炸到香口💥.▪日本頂級刺身帶子 - 蒜蓉牛油煎 • 2件起 ($68/件)用蒜蓉牛油🧄🧈輕輕煎香表面，中間係刺身狀，保留到鮮甜味🤍.▪意式芝士忌廉菠菜比目魚柳 ($208)魚皮超脆💥比目魚柳簡單調味，魚肉肉質嫩滑🐟.▪斑點狗 Truffle Cheese Dog ($98)用左芝麻熱狗包，外面脆脆地，包心軟熟🌭脆皮熱狗腸加埋香濃黑松露蛋黃醬🖤 • 煙肉粒🥓 • 馬蘇里拉芝士🧀好滿足。上枱時已貼心幫我地分左2件，方便Share🤗.▪冷泡蘇格蘭威士忌茶 ($44)(天然花甜 • 無糖飲料 • 零卡路里 • 零添加劑)製作過程中，用左釀酒既木桶，所以無酒精成份，但有威士忌酒香氣🥃.▪Flat White ($40).~•~•~•~•~•~•~•~•~•~•~•~•~•~•~•~•~•~•~• 🔺以上價錢 💁🏻♀️需另加𝟏𝟎% 服務費🔺Menu有素食選擇🌱~•~•~•~•~•~•~•~•~•~•~•~•~•~•~•~•~•~•~•
繼續閱讀