Jingle's Cafe & Bar (已結業)

事前經openrice發現了這小店而且評價不錯便找天和饞嘴的男朋友來試試點了炭燒西冷牛扒餐 $49和紐西蘭肉眼扒餐 $68意大雜菜湯一般~有很多雜菜 但味道普通餐包是硬的~像法包那種~不像一般椰x閣那些熱騰騰的很香很好吃!還未吃完包喝完湯侍應已端上主菜馬上眼前一亮!牛扒份量很足 表面有炭燒的烙印!清徹的黑椒汁! 不像快餐店那些過了一會便會凝成塊狀薯條比一般的幼但脆 而且很多XD切下去感覺到質感不錯 中心還是紅紅的 不會燒得太老 放進口裡頓時炭燒香撲鼻味道未算驚為天人但也很不錯 而且肉質算嫩伴碟的西蘭花不像一般的又硬又乾 有湯汁在唯一缺點是太早端上主菜 吃的時候不夠熱貴$20的肉眼扒相對失色..點了七成熟但有點燒太老了..還是炭燒西冷牛扒比較好~又便宜~幽暗的環境本應很適合情侶但又會有些一家大細來聚餐 氣氛有點太熱鬧XD還有座地風扇正正吹著我的腳 很冷XD

剛失戀, 想搵人陪飲野, 唔知係咪world cup關係個個吹水朋友都唔聽電話係lee個時候天使出現, 隔離房秘書仲係公司未走, 一於捉住佢.附帶條件係要同佢老父食完飯先. ok 無問題我地即時殺入紅磡, 係我印象中紅磡無咩野食, 我以為佢只係帶我去中式小菜館食飯, 點知佢帶我去後街一間小西餐館食野. 一去到門口小, 唔會特別留意.感覺普通西餐廳一間, 但一睇menu 嘩~ 都係中位價wo $78 & $138 (set)由於未食過關係我當然唔會揀個貴家la, $78 食羊架 ok 呀, 就lee 個.朋友食138 (set) 意大利燴飯, 朋友爸爸食 $78 鱸魚係等食飯途中, 朋友爸爸好健談, 因為愛好書中物關係每分每秒都好似睇緊戲湯終於到la, 我叫左菜湯, 朋友叫左忌廉湯. 好味但唔突出朋友個餐有跟mixed vegetable salad, 而佢個意大利燴飯好大碟, 料都好多下wo我個羊架好juice, 好好味, 一碟有四件真係唔係好夠喉下次再同朋友去食先!

每次經過都好想試呢間餐廳, 今日終於有機會.落order的時候, 侍應拎住個大黑板餐牌過嚟, 給我們點菜~Order咗2個set lunch.腿茸忌廉粟米湯: 好香濃! 有起沙的感覺.意大利雜菜湯: 比較酸左d. 雜菜未夠淋.芝士西班牙腸龍脷柳(香草汁): 賣相ok! 起初見到得兩片西班牙腸覺得好少, 後來先發覺好彩得兩片, 因為真係超鹹! 龍脷柳煎得好香口. 香草汁唔夠味. 薯條幼左d, 個人認為粗一點會好食d.焗鮮茄沙丹豬扒意粉: 豬扒肥咗少少, 下面個意粉似香蒜肉絲意, 加上面的茄汁, 味道有點怪.P.S. 本應安排我們坐4人檯, 當開始飲湯時, 侍應都好有禮貌要求我們坐另一張檯, 不斷講唔好意思.

朋友住呢頭,介紹我黎Jingle's食野,於是就同朋友仔黎食~初時見到呢間又細又冇咩人既店,勁驚佢係黑店或者d野好難食,不過都係衝左入去~叫左2個特價晚餐同一個凱撒沙律(有少少黑椒既salad,幾特別!)1個餐有:- 1個包(食過幾間西餐個包都係凍既,但呢間個包係暖架,感動萬分!!)- 1個湯(南瓜忌廉湯-好creamy,正! 雜菜湯都ok~)- 主菜我地叫左鴨肶同牛扒,一上菜都不其然同朋友仔話:咁大件既?!!!!! haha~ 而且都ok好味bor,esp配牛扒既薯蓉,perfect!!!!!- 一杯drink$68一個特價set,味道又ok,好抵!!呢度既份量都幾多,我地都食唔晒,最後當個waiter同我地講$200就送一個dessert心太軟時,雖然我地都好想食,但無奈太飽喇,留番下次!!!* 見到生蠔$25-$40一隻,都ok多人叫,下次都等我試下先!!* 個環境同氣氛唔錯,推薦情侶黎呢度* 星期一至四都唔駛加一* service唔錯,不過個waitress一見我地食完就即刻收野,搞到我地好緊張,haha !!(feel到佢唔係想趕我地走,而係真係驚d碟阻住我地~)

工作上唔開心~ 放工4圍行見e間冇咩人,環境好似又唔錯就咁就入左去.野食以蠔,扒為主~ 我就叫左個128 set dinner 2隻蠔仔 <---好食, 不過瘦左dd~~1隻螺~ <---都好甜~1個南爪湯~ <---好飲, 味道armarm好~1份炭燒澳洲牛扒~ <--- 伴碟簡而清~有心思, 牛扒係我鐘意的整法~ 1杯咖啡~ <--- 糖水另上有心思~SERVICE 唔係大差~ 我叫佢地幫我包起食完的蠔殼ling返屋企, 佢地都好樂意~ XD~

見佢無咩客，驚死佢頂唔住，唔想間好野執，唯有上黎寫篇野希望多Ｄ人去～呢間係呢區黎講算好食既西餐～ＯＵＴＢＡＣＫ岩外國人多Ｄ；珊瑚堡無佢咁好食～２個人叫左一個ＳＥＴ　ＤＩＮＮＥＲ，一個特價晚餐。ＳＥＴ　ＤＩＮＮＥＲ　＄１５８有：頭盤：煙三文魚沙拉　ＯＫ～可以一試。ＳＯＵＰ：西洋菜湯　ＯＫ～可以再濃Ｄ　ＰＳ。個麵包好好味！ＭＡＩＮ：羊架　ＶＥＲＹ　ＧＯＯＤ，我唔食羊都覺得好味。ＤＥＳＳＥＲＴ：心太軟　ＧＯＯＤ！呢間心太軟有少少燶，反而脆脆地幾特別，心可以太多Ｄ～特價晚餐　＄６８有：ＳＯＵＰ：一樣ＭＡＩＮ：牛扒　ＯＫ～但太大份，可以細Ｄ加多少少陪碟！　ＰＳ。Ｄ薯容幾好味，上面羊架都有，我一個人食晒２份。我８點幾去得４個人，原因應該都係貴。其實佢Ｄ份量可以少返Ｄ，平Ｄ吸引多Ｄ客

今晚本來想去金滿家食日式放題, 不過好多人..... 所以又去間新日本餐廳(花澗)睇下有無位, 不過又無... 最後就走番入去黃埔搵左間無咩人o既西餐廳.. JINGLE'S CAFE & BAR... 仲有好多位.... 原本想食得清清地, 但無計... 就食西餐喇.. 叫左兩個SET DINNER... 一個係A餐 - 炭燒美國極黑豬肩扒 , 一個係C餐 - 炭燒美國穀飼牛柳... 頭盆係兩個B - 生蠔拚翡翠螺, 自己對生蠔無咩研究, 但生蠔唔腥囉, 個翡翠螺就有D鮮味. 兩個湯 - 一個係什菜湯, 有D香草, 有別於一般菜湯, 幾好飲. 幾清.. 另一個係薯茸忌廉湯, 好CREAMY... 呢個係大傻瓜o既穀飼牛柳... 真係幾得, 叫5成熟就5成熟, 好juicy, 好好味 好得呀.. 到我o既極黑豬, 第一, 好厚先喇, 見到都好滿足.... 到切落去, 好腍喎.... 到入口呢.... 正呀... 唔似普通豬扒咁硬, 好juicy, 好似d柳梅肉咁腍, 好香添... 正呀... 最後係食滿200蚊就有得送o既甜品 - 朱古力心太軟伴雪糕... 好得喎又, 心太軟

做人阿媽o既都會明白, 呢一餐飯, 食咩都唔緊要, 因為係囝囝請o既!! 囝囝得7歲, 拆左利是話請我食飯喎, 咁咪俾佢揀去邊度食囉, 佢就揀左呢間.我地叫左兩個set dinner, 然後加左兩個小食. 今晚o既餐湯都幾特別, 係西洋菜忌廉湯, 西洋菜本身o既味道好濃, 而忌廉就唔係好夠, 所以未夠滑. 我就當係中湯咁飲, 囝囝就唔多鐘意, 個waitress姐姐見囝囝冇咩飲到d湯, 就offer 話換個雜菜湯俾我地, 雖然我地冇要佢換, 但佢地有咁o既服務態度都值得一讚. 小食1 - garlic bread, 又脆又軟, 半份有四件, 兩個人食岩岩好 小食2 - 焗蝸牛, 佢地只係用蝸牛肉, 冇個殼架, 放左好多香草, 牛油, 有d 薯蓉墊底, 所以d薯蓉就吸哂d牛油, 香草味! 我地兩個都係叫左sirloin steak, 囝囝果份就當然要熟少少啦, 件steak都好多份, 邊位就脆卜卜, 而件steak都仲好juicy, 配菜仲有一條露荀仔, 好有心思. 甜品係心太軟, 好多restaurant o既心太軟都係用黑朱古力醬, 而呢間就係用牛奶朱古力醬, 係就係

今天又可以和rm-mate 吃中午飯了~就去試試這家cafe。附近真的很少此類餐廳呢。〔

本來打算去意蠔屋，怎料星期六中午十二點半仲未開始營業（好懶啊），無計到隔條街的另一間小店嘗嘗鮮，價錢頗平，set lunch只是$45，食物質素又不太差。餐包：很暖身，外層包滿白芝麻且被炸過，有少少油。餐湯：我們都選了意大利蔬菜湯，比較咸與稀，不夠酸也不夠酸，好在蔬菜夠豐富，味道并不差。主菜三個人試了三款，分別是：豬扒意粉配西班牙醬汁：豬扒份量頗大，而且是兩件，清掉所有著實不易；但肉質口感不錯，不油膩，但不夠入味。我最欣賞的是略帶酸甜很開胃的西班牙醬汁，可惜就是太少了，不夠伴意粉幾巨身豬扒。芝士焗龍俐魚柳：比目魚燒得很得當，肉質頗為軟嫩；魚外身包了層薄薄的蛋漿，加上芝士，味道十分香濃豐富。同場的牛油汁則比較咸相，配無味的蔬菜很合適。這是最叫人滿意的主菜。黒椒燒牛肋柳意粉：黒椒味太淡，牛柳燒得過耐，韌韌的很難咬，也不入黒椒香味；最好味的反倒是通常切得較細的各類蔬菜，拌飯與汁還不錯。這一款是最失色的。跟餐的飲品就更平庸了，凍檸茶頗酸苦，朋友驚肥不敢落太多糖，飲得很痛苦；熱咖啡甚至非即磨，加了鮮奶反倒更難飲。有讚有彈，但不管怎么說區區四十幾蚊就食得飽飽的，味道又過得去（其實我幾欣賞那龍俐魚的

食物質素算不錯. 但服務員卻很不專業. 這裡的晚餐, 可選擇沙律或生蠔作頭盤.當我問一位女服務員餐牌上的美國生蠔是哪一品種, 她卻以奇怪加寸的態度回覆: "美國生蠔咪美國生蠔囉!" 當我再問一次, 這位女服務員便向廚房的一位肥廚師詢問, 而這位肥廚師亦以同樣的態度回答我"美國生蠔咪美國生蠔囉!", 還認為我這麼問是我對生蠔沒有認識.如果這一間餐廳沒有標榜自己的生蠔是新鮮即開的話, 我也不會怪他. 可惜並不是這樣. 這是一間標榜生蠔是新鮮即開, 竟然連生蠔的不種也不知道. 美國生蠔有很多種類, 每種的口感也不同. e.g. South Pacific , Kumamoto, Blue Point, Bald Eagle 等等. 作為服務員, 起碼要對這方面有一點認識.

星期六下午我地係最早到一客，可能係早關係無乜人，地方雖然細，擺檯幾密但都唔逼。叫羊脾($43)、雞扒飯($43)同肉眼扒($61)。湯分兩種，青瓜忌廉同雜菜，兩樣都足料，味道唔錯。至於麵包就好滿意因為不單得熱而且仲脆皮添。主菜就三樣都好好，牛扒雖然要well done但仍然夠淋又有肉味，羊同雞D汁非常好味，烹調火喉控制得好好，以價錢而言已好超值。最後杯咖啡都幾OK夠晒熱唔似一般餐廳咁唔熱唔凍，兩頭唔到岸。呢類餐廳愈開愈多其實係好事，以前食西餐，要食宗就要去酒店或高級餐廳，價錢貴未必消費得起，中下價好花園，金鳳同飛鷹咁已經out，扒王之王同珊瑚堡，食快餐好過。新崛起如金船長、Cafle must同呢間都可以填補呢個真空，希望各區都有多幾間呢類食肆。

在九龍區平價西餐的好選擇﹗

I tried this restaurant yesterday night. The food is excellent, the service is good. Very nice !!I live in Whampoa Garden and I don't know cooking, my husband and I go out for dining every night. She will become one of my canteens.

小肥:呢間店係開O係條巷仔內裏面, 可能係咁, 就算晚飯時間出面德民街企滿o係其他食店等位o既人都好, o係呢度都實有枱.呢度舖仔細細, 人手又唔多, 但因為枱數目唔多, 一D都唔會覺得迫, 而且客人唔多, 靜靜地加上暗暗o既環境感覺都唔錯呀! Service都係好似平時咁, 細心又週到! 食物方便, 我地今晚都選o左set dinner, appetizer 我要o左煙三文魚凱撒沙律, D菜好新鮮, 汁唔多夠但感覺好fresh! 湯要o左意大利雜菜湯, 好多料, 好清但又唔會過淡, 完全唔見一點油浮面tim! 主菜我要o左黑椒汁鴕鳥扒串燒, 駝鳥燒得o岩o岩好, 又好焾, 炭燒令到d肉跟本唔洗點黑椒汁都好有味! 配菜方面有露筍, 小黃瓜, 同矮瓜, 都係燒過o既, 另外重有好脆同食落好有質感o既薯條! 食完已經好滿足啦!最後重另外加多$25要多個朱古力軟心蛋糕同大肥share o黎食! 呢個甜品係我地每次o黎都必叫o既. 雖然呢度o既質素不太穩定, 但今次就比上次好味好多. 蛋糕係暖暖o既, 表面有d脆, 裏面就係香濃o既朱古力醬, 一咭穿個蛋糕就湧出o黎, 伴住vanilla 雪糕