JOM

營業中

休息中

今日真係有口福，食到啲正宗嘅「家鄉馬來炒飯」。一上菜，已經畀賣相吸引住。睇落去色彩豐富，好有食慾。煎蛋係靈魂所在，蛋白嫩滑，蛋黃流心，一戳破，金黃嘅蛋液慢慢流出，同埋炒飯一齊食，香滑到唔得。肉串外皮焦香，內裡鮮嫩，馬來風味嘅香料醃得超入味，每一口都滿嘴香。薯片脆卜卜，青瓜片又清新爽口，中和咗炒飯嘅油膩感。炒飯本身都唔簡單，米飯粒粒分明，夾埋其他配料一齊食，口感豐富。再配埋罐Sprite，氣泡刺激，解渴又夾味。食住呢盤家鄉馬來炒飯，滿滿都係家鄉情懷，正呀！

早前終於去咗上環Jom試新加坡菜，成個體驗好有驚喜！先叫咗鹹蛋炸蓮藕片，薄切又酥脆，鹹香開胃，連朋友都停唔到口；之後必食嘅炒貴刁河粉條條分明，炒得超有鑊氣，蝦好爽口，食落有舊時食街邊檔嗰種地道味。主菜點咗麥皮大蝦，同喺新加坡食一樣咁好食😋😋最驚喜係咖啡骨，肉質嫩滑，醬好有層次感，帶少少焦糖味但唔會太甜。整體來講，感覺Jom食物有心思，環境都好舒服，會好想再約埋朋友嚟share多啲招牌菜。整體我會比90分💙

Chef Ecy’s Dining Experience:🥰 Food | Ambience | Service | Price | Easy Access | Restroom Cleanliness | Easy Parking 🙂 😠 Pet Friendly | Corkage Fee | Cake Cutting Fee | WheelchairThis restaurant has 2 branches in Hong Kong, one in Wanchai and the other in Sheung Wan. The one I went to is Sheung Wan branch. JOM is a modern Singaporean restaurant serving local favourites. In Malay, Jom means “Come, let’s go!” It serves Singaporean and Malaysian food while the chef is a Malaysian. You can get

呢間係灣仔店嘅分店。一出地鐵站就見到。星期一夜晚七點幾入座，但想食嘅沙律同埋其中一個甜品都咁啱冇，上網睇喇沙又唔算特別好出色，所以嗌嘅全部都係小食。要左鹹蛋黃蓮藕片，份量幾多下。切得好薄，好似薯片咁酥脆，咸蛋黃醬比得好generous ，coat每一啖都有，好香口，仲有咖哩葉，唔係hea 。略嫌冚咗薯蓮藕本身嘅味道，不過鹹咗少少，如果用嚟做送酒小食就非常好，就算凍左都好好食，係會考慮買外賣返屋企食嘅水平。辣椒蟹炸饅頭，蟹肉比得多，同有饅頭一比二嘅份量，所以每一啖都係蟹肉，加埋少少汁，口感豐富。望落好似好大份，但其實只係迷你炸饅頭，兩啖食得晒。辣椒蟹個味反而有啲似喇沙或者咖喱，但係有啲甜。斑斕Churros ，好似粟米芯咁，幼身，係density 比較高嘅churros ，炸得唔夠脆。配嘅係斑斕味嘅吉士打醬，個樣好似牛油果醬，凍凍地配熱churros 係ok 嘅。不過本身已經加左玉桂粉，斑斕味唔係好食得出，有啲被蓋過嘅感覺，反而單食個醬先食到斑斕味。

行上環見到新開咗一間餐廳。店舖唔大，但都坐得舒服。值得一讚嘅係服務生非常細心！提醒我哋炸饅頭同軟殼蟹嘅味道一樣，問我哋想唔想換個餸叫。值得推馬拉炒麵，炒得好有鑊氣，麵又彈牙，靈魂醬料甜辣適中。好味到我想買佢d醬返去煮！

這間新加坡餐廳真的是我吃過最棒的餐廳之一，每次來這裡都覺得無比滿足，甚至可以想像自己每天都來吃！餐廳的環境非常舒適，服務也十分周到，讓人一進門就有賓至如歸的感覺。說到菜式，每一道菜都讓我驚喜不已，但最喜歡的還是他們的Laksa，湯底香濃而帶點辣味，每一口都令人陶醉，麵條也非常彈牙；另外，咖啡骨也是我的最愛，肉質鮮嫩且帶有咖啡香氣，非常獨特，令人回味無窮；至於鹽蛋蓮藕片，外脆內軟，鹽蛋的濃郁味道和蓮藕的清脆口感搭配得恰到好處，簡直是完美的配對！每道菜都用心製作，無論是味道還是擺盤，都能看出廚師的專業和用心。我真的很推薦這間餐廳，吃過之後絕對會想常來，甚至願意每天光顧！

今日中午同朋友2個叫左蟹肉小饅頭，laksa（入面仲有小匙）同炒貴刁（記得試埋辣醬）全部野都夠熱，尤其小饅頭幾驚喜大推！同朋友講飯後一定要食kaya toast 疑似男老闆在我哋食完已送上一份多士話聽到我哋講左好幾次🤭🤣多士唔係貴但很感動老闆有留意客人，會再來的

星加坡菜餐廳JOM立足香港三周年啦 最近推出八道菜限定嚐味菜單✨好喜歡鹹香邪惡的咸蛋炒酥炸蓮藕片😈 真的是吃完一塊又一塊另外他們家的招牌咖啡骨着起來香甜焦脆帶微微苦味甜品椰子果凍真材實料 用上新鮮椰汁跟椰肉 可以一試🥥_🔖NEWTON NIGHTS 3rd ANNIVERSARY FESTIVE三周年“紐頓之夜”限定品嚐菜單🔶STARTERS 前菜Salted Egg Lotus Roots 咸蛋炒酥炸蓮藕片 🌟lotus root, salted egg, curry leaves, chilliesPie Tee with Chicken Curry 咖哩雞小金杯chicken legs, potato, onion, Chinese lettuceCrab Otak Otak 蟹肉烏達 crab meat, coconut milk, spices🔶SEAFOOD & MEAT 海鮮與肉類(choose 2)Chili Soft Shell Crab Bao 辣味軟殼蟹包soft shell crab, chili sauce, bao bunGrilled Halibut or

一直覺得灣仔新加坡餐廳JOM嘅食物質素有一定的水準，佢地最近仲開咗間新分店喺上環永樂街，喺正上環地鐵站對出，唔使左搵右搵！佢哋仲推出左新加坡國慶二人套餐添 (HKD598)。菜單涵蓋了多款特色小食、麵食同埋welcome mocktail。小食拼盤有齊鹹蛋蓮藕片、蝦棗同咖哩雞小金杯。蝦棗炸到外皮好酥香，入面有蝦肉粒、馬蹄同提香既芹菜粒，口感好豐富！咖哩雞小金杯同鹹蛋蓮藕片都好香口惹味，令人食唔停！第一次食麥皮豆腐，炸完嘅麥皮味好香，有脆香口感。黑椒大虎蝦(＋$100) 味道好香濃，下飯一流！咖啡骨其實係豬肋骨黎，用特調咖啡粉同果醬混合埋一起做醬汁，入口微苦帶酸甜味，好獨特。 每次嚟都會點佢地嘅滑蛋河，芡汁保持到獲氣，口感滑順且夠味，配料豐富新鲜，蝦肉同魷魚都好彈牙！推薦！

好鐘意食喇沙附近既味道，lee 喇沙都同同事食過好幾次.今次同附近做野既朋友食飯因為好鐘意食喇沙 上op睇肥到有間新開既就試下間鋪唔算好大 兩人不約而同叫左喇沙黎到碗野唔算好大 但味道食落都ok食到一半都飽飽地食完再叫埋個甜品食就返去開工下次可以再同同事黎食

前幾日lunch同一大班同事去左食呢間新開既新加坡茶！ 原來以為鋪頭有啲細，點知仲有樓上！ 都幾多位，廁所都幾乾淨～下面為大家介紹下我地叫左啲咩野食先🙈［咖椰吐司］烤好既麵包好鬆脆！ 入面夾住既牛油同咖椰比例啱啱好！ 對於鐘意牛油味既我～ 如果可以再多啲牛油就好😌 ［新加坡喇沙面］同枱4個朋友都叫左呢碗喇沙面！ 點知其中一碗漏咗隻蛋，職員都好快補番俾我地！飲落湯有少少辣，但愈食愈停唔到！ 麵同蝦都超多！ 抵食！［炸雞椰漿飯］大大隻炸雞髀🍗一上枱已經好吸精🤩仲要炸到金黃色好靚 入面啲肉唔老好味配上椰漿飯一流！ 細食既同事都食曬成碟😝😝［咸蛋黃蓮藕片］呢碟小食好出色！ 咸蛋味好香，仲包住曬整塊蓮藕片！ 加埋啲小辣椒！ 好香口食唔停😍［海南雞飯］驚喜x2！ 上菜先知係已經去左骨！啱曬我呢啲懶人！ 而且件件雞既好大份！ 仲有油飯tim！ ［咖椰油條］呢款有啲少失望，望落好似未炸好禁，顏色比起網上圖淺好多，食落入面好似有堆粉未熟曬禁🥺呢個有啲失手［拉茶］凍熱拉茶麵叫左！ 凍既味道正正常常可以揀少甜但熱既就固定甜度，朋友反映番熱既拉茶係甜啲既🥲但都好飲唔錯

我地兩個人去到 個經理就好熱情係咁話呢個好食個個好食 差唔多全個menu都好食，咁我地order咗個蟹肉炸饅頭，炒通菜，濕河粉，蝦棗。 個蟹粉定/蟹肉饅頭真係好普通，蟹還蟹，饅頭還饅頭，唔覺得佢好似個經理形容到咁驚人。 我地原本唔係諗住叫嗰個蝦棗，但係想叫嗰個佢哋話冇。 個蝦棗嚟到嘅時候係有六粒。就咁睇好似炸燶咗同埋好乾嘅燒賣。食完即刻對間嘢再冇希望。 食完上面嗰兩個等另外嗰兩樣嘢出嘅時候，我同我朋友喺度傾偈，個經理企正喺我哋隔離望住我哋，繼續讚間餐廳。 基於禮貌要不停咁樣暫停我同我朋友嘅對話嚟hea答佢，希望佢講夠就自己停。另外個兩碟都嚟埋，個size唔大，都係好普通。 零記憶點。 所以都無再叫其他嘢食，直接走去第二度再醫肚。唔知間嘢係唔係新開所以近門口嗰個冷氣好細，好熱。

上完堂 誤打誤撞 有位疑似老闆嘅人拎住疊傳單 個人又無乜idea想食咩 佢仲話入嚟食請我飲嘢 咁就招咗我入去試下呢位疑似老闆 本來介紹JOM兩寶 🍤蝦麵 🍜炒貴刁 由於我對大豆敏感 多數食亞洲菜都要問一問 2樣都有 最後轉最穩陣嘅炸雞脾椰漿飯先來一杯新加坡特色凍奶茶（走冰🧊）wow 喺天氣熱嘅情況下 呢杯茶味濃郁 奶同甜味適中嘅飲品 真係不得了 簡直人生樂事之後就係主菜～炸雞脾椰漿飯🍗 疑似老闆仲要細心提醒隻雞脾啱啱炸起 好熱架 我自己就好鍾意食椰漿飯 呢度嘅椰漿飯夠熱 食得椰漿香濃嘅味道又唔會覺得漏同甜 配埋上面嘅煎蛋 加埋佢哋本店香辣嘅醬 越食越好食隻脾脾攤返凍少少 就可以開動囉～ 有我手掌咁大嘅脾脾 多肉肉 攤咗陣 裡面仲好熱 外脆內仲juicy 配埋香辣嘅醬 真係好好食就係咁 呢個份量本身對於一個女仔嚟講 係大份咗d 好食嘅驅動下 都完全掃曬肥仔了 唯有做返多d運動抵銷返隻脾脾 到上環都要必食嘅JOM

惹味嘅星馬菜食極都唔會厭🤪係灣仔憑新派星馬菜打響名堂嘅JOM最近就係上環開分店，中上環嘅上班族都可以嚟一嚐東南亞滋味🇸🇬店舖分兩層，裝修集熱帶風同摩登感於一身😎不論香口小食、經典粉麵、啖啖肉主菜抑或風味蝦蟹菜式，呢度都可以食到😽🦀辣椒蟹饅頭Size的的骰骰，但味道口感豐富至極😛外脆內軟嘅炸饅頭放上甜辣兼備🤪又惹味又刺激嘅蟹肉，作為前菜正合適不過👍🏻
🍖咖啡骨想進一步感受星馬菜嘅濃郁、獨特味道，呢道咖啡骨絕對能帶比你驚喜同滿足😎咖啡骨裹上如焦糖般濃稠嘅濃油赤醬，第一啖先食到複雜嘅味道，鹹、甜、甘三味紛陳🥳餘韻則餘下香甜味道，完美演繹先苦後甜滋味。雖然係排骨，但食落啖啖肉，越吮越滿足😆🦐蝦麵蝦麵係一眾星馬菜餐廳常見菜式，而呢度就做得出色，蝦湯香濃而順喉，忍唔住一口接一口，一飲而盡都唔會涸喉🤣蝦特別大隻😻麵條粗身掛湯，份量亦多👏🏻🍰咖椰糯米蒸糕最後嚟個香甜飽肚糕點，上層係香氣十足、好彈嘅咖央糕😋下層係清香、富黏糯感嘅糯米糕，一口有齊兩種口感😚🍹柑橘汁酸酸咪咪，餐前飲酸爽開胃，餐後飲酸香解膩😙😙人均消費：$230推介指數（10分為滿分）：8分

呢間啱啱新開嘅新加坡菜其實喺灣仔都有一間。喺嗰頭返工就見到中午特別忙，所以夜晚同啲friend book咗去事。食物真係好好食，同灣仔嗰間味道一樣。我最鍾意係佢哋嘅 辣椒蟹，黑椒蟹＆咖啡骨！好少地方有得食呢啲嘢，再加上真係同新加坡大排檔啲味道好接近，甚至乎一模一樣。價錢方面我覺得還OK，雖然炒粉麵同出邊比較貴少少，但係去到都唔會食嗰啲嘢，人頭大概$300內。反而食多啲餸為主，例如佢哋嘅咖啡骨同埋辣椒蝦。聽講就快都會出啲Cocktail，下次過去試吓先 🤩