影片
港鐵荔枝角站 C 出口, 步行約7分鐘
繼續閱讀
電話號碼
31041101
營業時間
今日營業
10:00 - 17:00
星期一至四
08:00 - 17:00
星期五至六
08:00 - 20:00
星期日
10:00 - 17:00
公眾假期
10:00 - 17:00
以上資料只供參考, 請與餐廳確認詳情
影片
相片
意式番茄牛油果烤蒜茸多士
+141
+14
呢個weekend友人帶咗我嚟呢個長沙灣新地標打卡，仲俾我哋發現咗呢間精緻落地玻璃Cafe，靠窗邊坐仲有啲陽光微微滲入嚟，真係喺寒冷嘅冬天中增添啲溫暖🫢義大利粗管通心粉配義式肉醬呢一個係Set Menu嘅其中一款，Set Menu包括餐湯或者沙律同埋有一個飲品，所以都幾抵食。個人非常喜歡食粗管麵，因為管入面可以藏住好多醬汁，每一條麵條入面都有牛肉醬🐮 除咗擺盤精美之外，味道都唔錯㗎，如果唔鍾意肉醬嘅朋友都可以試吓呢度嘅蝦仁。凱撒沙律呢度嘅沙律可以額外加配煙三文魚、巴馬火腿或者鹹牛腩，感覺上煙三文魚應該係最夾，所以我哋額外加配咗一份煙三文魚😙 側邊嘅麵包粒粒非常香脆，加上蔬菜新鮮其實簡單食底下嘅沙律已經好滿足🥗意式番茄牛油果烤蒜茸多士呢一份多士有三件，面頭嘅材料都係餐廳用一啲新鮮嘅蔬果自家製，非常有風味🥖 主要嘅味道有番茄、牛油果同埋洋蔥，加埋用上少量橄欖油黑椒等嘅調味，簡簡單單又夠Fresh🥰 餐湯呢日嘅餐湯係甘筍忌廉湯，呢個湯嘅質地非常之Rich，食得出係真材實料咁整出嚟🥕餐飲♦️即磨咖啡呢度嘅即磨咖啡都幾香，朋友呢排鍾意飲齋啡，更加飲到咖啡嘅香味☕️♦️鮮奶咖啡呢個鮮奶咖啡冇花巧嘅拉花，但係個味道都唔錯。意大利雪糕店員推介試埋呢度嘅Gelato，呢日有四款口味，包括朱古力、開心果、士多啤梨同埋咖啡。我哋就揀咗朱古力同埋開心果口味，勁鍾意佢個朱古力口味，因為味道好香濃啊🍦臨走見到餐廳十二月嘅星期五同六做買一送一意大利紅酒，等我再約友人嚟呢度摸住酒杯底談心先🤗
繼續閱讀
聽過荔枝角有新打卡地標但一直未去過，上星期日就去左果度打卡，發現原來新開左呢間新cafe ，見到以蘋果綠同白色為主，樓底高，採用落地玻璃設計，環境好舒適💕睇到餐牌有唔少性價比高既茶餐，仲可以自選All day breakfast配搭🍱 主打不添加味精，意大利進口既手工pasta同燒春雞都係招牌！我地當日下午來到，就叫左幾份茶餐.🍱自選下午茶餐有大約5款類別揀，每款類別都有幾項選擇，我地就揀左3款類別：炒蛋配英式金伯倫腸配德國豬手薄切片🥓估唔到原來薄切既豬手幾好食😋 德國豬手一向都比較厚而且口感比較韌，薄切左反而更加食到果種鹹香，真係唔錯！炒蛋食得用左唔止一隻蛋同有落奶，所以口感好豐富！英式金伯倫腸都好好食！呢個餐配熱即磨咖啡，咖啡幾香.🥗牛油果雞肉沙律呢碗沙律有驚喜，首先份量足，有雞肉、牛油果、車厘茄同沙律菜，牛油果有半個份量，沙律醋汁調得好好味，好夾好清新！.🌮墨西哥芝士餡餅呢個可以揀配牛油果、碎雞蛋或雞肉，我地揀左牛油果🥑 半溶芝士配牛油果既味道都唔錯，有埋拉絲效果，好香！呢個餐都係配熬即磨咖啡或茶，我地就轉配其他飲品，揀左熱朱古力，可可味濃且香甜.🥧雜錦迷你法國酥點配士多啤梨Gelato及朱古力Gelato係有迷你果仁條、迷你朱古力扭紋酥、迷你紅桑子卷、迷你香草吉士忌廉三角酥，仲可以揀配雪糕Gelato，我地揀左士多啤梨味同朱古力味🍧 酥點都烘得好香脆，迷你紅桑子卷夾住滿滿的紅桑除醬流出來，好味！雪糕Gelato真係幾好食，個人覺得士多啤梨味最香最好味，果味好出👍🏻 呢個餐我地就轉配左杯凍朱古力鮮奶咖啡，濃郁的可可與咖啡互相交融，好香.🍨開心果味Gelato食完雪糕仲未盡興，叫多杯嘆下😋 今次係開心果味，味道好濃郁！.而家12月開始仲會有Happy Hour🎉星期五同六有意大利紅酒買一送一‼️$68/杯同$198/支🍷抵喎
繼續閱讀
去荔枝角通常都係行D2 Place嗰頭，原來喺工業區嗰邊都起咗棟好chill嘅商廈，仲有間好親民嘅意大利餐廳佢地有個法國燒春雞，原來無激素都可以好嫩滑，不含味精，更有雞香一切開就流雞汁，啲皮都好香迷迭香味，食得唔好嘥除咗雞肉本身，蔬菜都係主角，蕃茄好水潤爆汁，烚菜好新鮮，菜味突出跟餐有是日餐湯，今次係紅菜頭湯，質感非常稠杰，睇嚟好足料，連埋忌廉撈勻佢飲，更加creamy，同紅菜頭味好融合下午茶都好抵，有自選亦有定餐，佢地嘅豪華all day breakfast，呢份下午茶早餐有太陽蛋、紐倫堡蛇餅腸、意大利巴馬火腿水耕菜沙律、法國牛角包、香草焗新薯、白菌同櫻桃蕃茄成份餐整得勁靚仔，樣樣嘢都好好食，尤其是最需時製作嘅牛角包，法國直送超正加兩球XTC gelato，仲有得揀口味，大胃揀咗開心果同咖啡，咖啡有啲crunchy，味道好突出，開心果好濃杏仁香，相當特別跟餐想飲特別啲嘅咖啡，都可以加錢upgrade，latte都幾厚奶順滑tonic啲泡好綿，有飲啤酒嘅快感
繼續閱讀
荔枝角有個新落成的商廈《New World Town Hall》，該大厦設計時尚獨特，為香港最新 和 最hit 嘅打卡景點。而在呢度大廈嘅1樓新開左間西餐廳 《J's Cucinaa 》，有大落地玻璃窗，可以一邊食野，一邊欣賞呢座大厦嘅獨特美景。呢度有咩食？今次下午時間嚟左食2份下午餐和一份晚餐，因為非在晚上食晚餐，可以免加一，超抵呀！下午茶✨️法式多士 配碎蛋、奇異果沙沙 和 烤雞沙律 配茶或啡多士焗到好脆 ，碎蛋新鮮，奇異果撈左 d 醋汁 ，烤雞很香口。✨️自選下午茶餐 ~ 可自選三款食品 配茶或啡我就選左太陽蛋、纽倫堡腸 和 挪威煙三文魚。太陽蛋都整得吾求其，蛋上灑滿香草和調味粉。纽倫堡腸鹹香味濃，煙三文魚嫩滑帶點煙薰味。晚餐✨️香煎美國1855 黑安格斯西冷牛扒 配湯、茶或啡牛扒外面焦香，入面呈淺粉红色。配菜有鮮嫩嘅薯仔 和 新鮮原個蕃茄，十分滋味。📍荔枝角 瓊林街 83号A座1樓101号鋪
繼續閱讀
人均$168起食到4-5COURSE高質西餐！🎄🎄🔆荔枝角新景點 瓊林街83號 新開咗一間精緻日光Cafe @js_cucina ，裝修以蘋果綠作主調，樓底5米高 採光好 有塊大玻璃對住打卡景點食嘢餐廳食物主打無添加任何味精, 而且所有食物性價比特別高J’s CUCINA 以下日子提供聖誕餐‼️Christmas Lunch Set: 12 月 23 - 26 號，10am -5pm‼️Christmas Dinner Set : 12 月 24- 26 號，5pm - 8pm先介紹lunch set ：前菜- 意大利熟火腿蘋果卷 湯- 曼哈頓周打蜆濃湯 主菜可選 無激素燒春雞半隻$168 挪威三文魚扒$198 安格斯西冷牛扒$228 西班牙洛克豬鞍扒$218 紐西蘭羊架$238甜品 - 意大利聖誕蛋糕自選飲品（免加一）Dinner set: 挪威三文魚牛油果他他湯- 曼哈頓周打蜆濃湯 正宗卡邦尼意大利粉主菜可選 無激素燒春雞個全隻$288 黑安格斯西冷牛扒$328 烤西班牙洛克豬鞍扒$308 紐西蘭羊架$348甜品- 自家製Tiramisu 飲料可以選擇咖啡、茶或意大利麝香葡萄氣泡酒 設加一服務費親身食咗，小店極有心機。個三文魚他他係用成粒成粒嘅牛油果的！ 燒春雞香到不得了！ Tiramisu 唔會太甜好啱香港人口味氣泡酒勁少女心，粉紅色的非常易入口！仲有正宗意大利進口嘅手工意粉，雖然唔係餐廳直接製造，但係感受到Textures係正宗收工意粉祝大家聖誕節有食神，Merry Christmas 🎄
繼續閱讀