Jumbo Cafe (已結業)

交還單車後剛到晚飯時間，無心插柳下找到巷內的一間小店。很多時我們吃牛的都會選澳洲安格斯、而豬則會選擇西班牙果飼黑豚豬鞍扒。由於橡果含豐富的油分和蛋白質，食橡果的豬不但肥美，肉味濃郁，無需額外調味配上薯菜點綴賣相份外特出。風乾火腿意粉， 味道和意粉軟硬度亦剛剛好不會過鹹亦都煙韌。之前閱讀過一篇文章，根據營養師說法一隻藍青口也有0.8毫克鐵質。所以，女士想補血間中吃小量青口都不錯。白酒煮就最好吃，海水鮮味不會被白酒蓋過。Jumbo Cafe位於運頭街內的一間小店，是情侶們單車活動後果腹的好選擇呢！

今日入到黎大埔踩單車 踩之前梗係要食下野先見到呢間新開嘅cafe 就黎試下黎到見到有lunch set 梗係要叫黎試下啦lunch set 包左頭盤或沙律我地叫左兩份set 梗係每樣都試下湯呢就係甘荀南瓜湯甜甜地 好好飲 而且好大碗😍😍沙律就係鴨胸沙律細細杯 岩岩好 而且跟餐嘅沙律有肉 真係好少見 值得讚👍🏻👍🏻水牛城雞翼 雞翼呢整得好好 內裏好juicy 外面有少少辣 好辣味而且點住呢個醬食個味道更加多左d 層次💕其中一個主菜就係菠菜煙三文魚意粉除左菠菜同三文魚 都有好多菇同洋蔥加上岩岩好嘅忌廉汁 意粉唔會太硬太淋都好唔錯👍🏻👍🏻炭燒澳洲肉眼扒塊牛扒意外地大塊都好吸引 仲有配薯條同沙律☺️☺️薯條新鮮炸起 熱辣辣 點埋茄汁食 正😋😋牛扒叫左5成熟 整得岩岩好 內裡好juicy😍😍最後食飽飽 野飲叫左芒果滑冰同蘋果汁滑冰係新鮮打出黎 好smooth 芒果味都好濃☺️☺️蘋果汁就係普通嘅蘋果汁😂估唔到是但搵嘅一間cafe 就咁好食下次入黎要再試下😚😚食完野 好滿足 去租架單車踩lu🚴🏻‍♂️🚴🏻‍♂️🚴🏻‍♂️

其實我不是大埔人, 今天陪家人去鐵道博物館順道食個午飯, 因為平時都食開大型連鎖店今次難得有機會當然要試下小店啦 今次黎到呢家比我既感覺係好舒服可以靜靜的食個LUNCH既CAFÉ唔需要食到好趕的感覺 炭燒澳洲肉眼扒雖然只是在下午, 但係因為肉眼扒既價錢都只係八十多元當然要好好CHILL一番, LUNCH就食個扒飲咖啡吧 我點的是七成熟的牛扒, 令我驚喜的是佢既肉質好嫩滑, 而且扒都算大份, 我還以為會是好細塊的, 原來都幾大塊下 另一個令我滿足的地方一定是那薯條, 新鮮炸起的, 而且係粗薯條, 食落有口感之餘仲要勁香薯仔味, 絕對不是炸起一大獲有人要就再重炸的那一個口感!!

雖然香港只是彈丸之地，交通也方便，不過，有些地方又的確一年也不到一次。就像大埔這個小區，要不是工作的關係，我也沒多少機會來訪。對上一次，已經是2年前了。工作後，跟朋友來到這家西餐廳。餐廳位於內街盡頭，不過毗鄰也有不少食肆。身邊的大埔人朋友就介紹說，這街在她中學時是條美食街，是不少學生下課後必到的流連處。這是星期5的晚上，餐廳內客人不多，不過不時都有人內進用餐。我跟朋友找個卡位坐下後，便點餐了。看到餐牌上有焗田螺，身為 fans 的我豈能錯過呢？另外加了set dinner和小食。沙律+湯+包 跟餐+$25 餐湯 南瓜湯看起來不覺稀；這湯本就不是我的菜，我便奉上給友人了。幸好，她覺得味道還好，獨自喝個清光。 沙律 天天不同，這天遇上的是鴨胸沙律。沙律以玻璃杯上，一人份量，剛剛好。沙律菜新鮮，鴨胸沒太肥膩。 麵包店家用上的是較港式的餐包，配上一塊牛油。雖然特色欠奉，不過麵包上檯前曾加熱，值得加分。 黑松露野菌意大利飯 $82在意粉與意大利飯的選擇上，勝出的從來都是後者。加上個人又偏愛黑松露的香味，這個意大利飯絕對是不二之選。每一粒飯均呈飽滿，香味四溢；飯面再加上塊塊芝士碎片，十分吸引。

和家人外出晚飯未光顧過這店，見評價正面，便來一試～甫進門口，見座位到幾乎滿了啊～侍應帶我們到另一間房內，房間正正對著洗手間位置～不過侍應多數都有習慣掩門的，所以還好吧！我和家人各點了一份set dinner有餐湯﹑主食及餐飲餐湯為是日精選餐湯，不能選的啊！主食方面，我們分別點了炭燒黑豚豬烤肉醬配白飯﹑南瓜帶子意大利飯和頂級安格斯牛肉芝士漢堡～餐湯&餐包先上桌餐包微暖又軟熟，不錯呢！餐湯是意大利雜菜湯，味道偏淡了一些，不夠香～南瓜帶子意大利飯，是我所選的主食帶子有兩粒，厚身，肉很嫩，但不算十分鮮甜飯上撒了一些芝士片，但也未能帶出味道整碟飯幾乎沒有味道，連南瓜的香甜味也沒有！額外問侍應取了一小碗的芝士粉，全都加上後，飯才變得有味道～～！！頂級安格斯牛肉芝士漢堡，看似份量不大，但牛肉夠厚身，且有肉汁據老公所述，漢堡很美味，有芝士﹑蕃茄﹑生菜等配料，口感豐富薯條香脆熱辣，不會太幼身，都帶薯仔味！炭燒黑豚豬烤肉醬配白飯，肉的份量不算很多我也嚐了一點，覺得挺好吃～～豚肉肉質很嫩，烤得好香，配烤肉醬好惹味！！伴飯來吃是一流！聽到鄰桌也對此主食有讚賞之聲～～雖然家人所點的另外兩道主食的味道不錯可我所點

放假天，又係帶母親大人出去食個好lunch既機會。今次黎到大埔一間新開無耐既西餐廳。最重要係媽簡到佢想食既野，好快我地已經諗好食乜，叫左兩個lunch set同兩個小食。餐湯、沙律我地叫左各一share一齊食。🥄餐湯羅宋湯，酸酸地好開胃。🥗沙律係煙鴨胸沙律，放左係一個玻璃杯內，作為前菜份量剛好，蔬菜都夠新鮮。🐔水牛城雞翼＄56熱辣辣，醬汁均衡塗在雞翼上，微辣，都幾惹味。鐘意既可以點埋旁邊自家調藍芝士醬，但我覺得本身味道已剛好。🐌巴黎牛油田螺焗鮮白菌 $78香味突出，滿滿牛油滋潤螺肉，令螺肉變得甘香軟滑。再伴鮮白菌同軟滑既薯蓉，好香濃，入口滑充滿香草同牛油味，只係偏油左少少。🍷紅酒燴牛尾配白飯 $78牛尾肉質軟淋，牛肉味濃郁，不過紅酒味唔突出，但味道鮮甜好食。配菜既紅蘿蔔都炆得好淋好好食，媽媽超鐘意，讚口不絕，除左淨少量白飯外，清得個碟好乾淨。🐟香煎龍脷魚配芒果莎莎 $92龍脷魚大大塊，食落質感好滑，只係油左少少。芒果、沙律菜都算新鮮，旁邊仲有大量軟滑既薯蓉夠晒飽肚。最後飲埋杯熱檸水，話甘快就享受完個lunch。

我同男朋友偶爾都會入大埔揾食，運頭街周邊更係美食集中地，今日揀左試試jumbo cafe！燈光昏暗，頗有氣氛！Set dinner配餐湯及餐飲，而今日嘅湯係甘筍忌廉湯🥕菠菜煙三文魚意大利粉 $82意粉好足料，菠菜同煙三文魚份量充足，仲加入左芝士，整體不錯。頂級安格斯牛肉芝士漢堡＄82漢堡一上桌便香噴噴，散發着牛肉香🐂🐂 熱辣辣的安格斯牛肉與半融的芝士融為一體，其他配料有洋蔥、番茄🍅、青瓜等，是何等讓人滿足的美味！推介！水牛城雞翼＄56連愛吃辣的我都覺得個醬汁幾辣，但非常惹味！白酒忌廉煮青口＄78青口係肥美飽滿的，不過忌廉汁略淡。Mock tailAlmost sex on the beach $48（Pineapple juice, cranberry juice, 7-up）焦糖燉蛋 （跟餐+$25）最後食埋個甜品，呢餐真係好圓滿😊

印象中，大埔好多好野食，難得今日黎附近踩單車，可以順道一試呢度既餐廳，今晚揀左間環境唔錯，食物又唔太貴既jumbo cafe餐包唔夠暖，有待改進呢～餐湯係少見既青豆湯～味道濃郁而又無青豆既青澀味，出乎意料既好飲！水牛城雞翼，香口惹味，辣度不過火，唔嚐辣既朋友亦可一試Blue cheese dip is always the best mate of buffalo wings炭燒黑豚豬烤肉醬併新鮮雜菜配白飯黑豚豬燒得嫩，個汁好惹味好送飯，肉份量都幾多，顯得白飯不太夠呢菠菜忌廉汁煙三文魚意大利麵配料好多，每啖都有香濃忌廉汁同滿滿既煙三文魚鹹香蜂蜜龍眼冰正常發揮～不會過甜跟餐既蝦沙律菜好新鮮，小小挑剔既係沙律醬可以多點！芒果凍餅忌廉部分幼滑，但芒果味再濃郁啲會更出色！食物方面表現不錯，如果上菜速度可以快啲就更加好～整體黎講值得一試

因為小弟都算住近西鐵線，所以，新界西都偶有小弟搵食足跡，但新界東呢？真喺除大圍、沙田外，往上延真喺食唔得幾多間，今次同兩位朋友嚟到Jumbo Cafe食晏，都喺因為一位朋友住正大埔，另一位朋友住晌上水，我就順便入嚟樹記買鮮腐竹。如果跟實地址真喺有少少難搵，好在友人提水餐廳晌橫巷內，否則行嚟行去都以為自己行錯，而餐廳位處嘅橫巷原來仲有好多食肆，唔知將來會唔會發展成一條食街巷。而入到餐廳內，睇唔出喺咁有情調嘅，大型壁畫、牆上嘅盆栽、掛畫，都喺幾好嘅點綴。午市就只有午餐供應，簡簡單單一個午餐餐牌，印有10款選擇，定價唔貴，都喺$78-$98 +10%。包餐湯或沙律，及餐飲或甜品。水牛城雞翼 $56雖然我哋點午餐，但友人好鍾意食雞翼，所以，額外多多客雞翼。啲雞翼炸得金黃，非常入味，酸中帶辣，極之惹味，而最正喺配上自家調藍芝士醬，畫龍點晴，好食。蕃茄忌廉湯午餐只可以揀餐湯或沙律，問過是日餐湯喺蕃茄忌廉湯，大家都覺得特別，就齊齊揀飲湯。個湯個樣平平無奇，其實，蕃茄味好濃郁，酸香鮮活，口感幼滑，建議加片薄荷葉做點綴，就即時靚仔晒啦。麵包籃喺用上較港式嘅餐包，當然喺無咩特色，但勝在夠軟熟，如再熱啲就更

放工同事相約食下午茶， 見佢買咗新車，一於入大西北搵好食。一人一個 下午茶餐。先嚟蕃茄忌廉湯 ，蕃茄味好濃， 但係完全冇渣，又唔似用茄膏開出黎，個味道好奇妙。 最得人鍾意仲有個餐包食。我地叫左炭燒澳洲安格斯西冷扒， 最得人鍾意五成熟， 真係啱啱好 肉質鮮嫩 完全唔覺得鞋口。 估唔到仲有配菜 就係沙律薯條。再黎頂級安格斯牛肉芝士漢堡， 一個唔小心 唔記得咗叫走醬， 一向都好怕食醬嘅我， 又一大考驗， 估唔到嚟到個樣幾好食，安格斯牛肉夠曬厚身，個人認為大份過足三兩。 同樣都有配菜 ，一樣都係沙律薯條，完全唔會大細超。小食叫左水牛城雞翼， 勝在夠新鮮，大大隻， 熱辣辣咁拎出嚟， 真係冇得頂。飲品方面叫左橙汁同蘋果汁， 久違嘅果汁先生味道。

假期會去大埔食野，一來近、二來有好多選擇，上次食完拉麵，今次就試在對面的cafe，好似是新開張~~環境算乾淨舒適，因為暫時客人不多，可以坐卡位。前菜有蕃茄湯或三文魚沙律，湯似是新鮮蕃茄打成，質感較厚身，好味！而沙律菜夠新鮮。芝士安格斯burger $88賣相看上去不錯，香噴噴好吸引薯條是原個薯仔切條炸成，好香口，而且再灑上味粉，相當不錯。至於burger份量剛好，牛肉算鬆化，內裡有芝士、生菜、酸瓜等，都幾好味，如果多點醬汁調味就好。本來是點比目魚配白汁鮮露筍，但店員說老細剛出海釣左一條三十多斤的深海魚，類似龍躉的魚類，所以今日會選用此魚。魚肉較實肉，有骨膠原，朋友說味道不錯。我們另外加$12點青檸柚子蜜及凍cappuccino，但味道完全不合格，要加錢不太值，希望水吧可以改善。

其實係大埔都有很多餐廳可選擇，不過食西餐就不算太多。今日帶媽咪去左一間開業不久的Jumbo Cafe食lunch, 星期六午餐時間一般比較多人，不過由於餐廳位置是在橫街，平日不為意便很容易錯過。星期六的午餐選擇很多，價錢非常合理，最貴的都不超過100元, 而且包括非常熱辣辣的餐包，餐湯或沙拉，及餐飲。雖然一個lunch set有咁多食物，但一點也不馬虎。是日餐湯是南瓜忌廉湯，可能我平日只點紅湯，個人不好忌廉湯，但媽咪覺得好好味。😋可能同老闆幾好傾，仲請我地食多一個蟹肉蝦沙拉。我地一共點了兩個午餐，媽咪有濕疹，不可吃海鮮及牛，所以點了比目魚，賣相同味道都好滿意。而我就點了西冷扒，個人鍾意食牛，覺得好正！大約有8oz, 以一個女仔黎講，可能會有少少多，加上有湯有沙拉，不過我最後都食得完。配菜方面絕對唔差，有帶醋的沙拉菜，就算食一整件牛扒都冇難度👌🏽炭燒牛扒絕對有炭燒味，而且肉係冇醃過冇乸過，有燒汁另上，個人比較喜歡原味。還有一大籃炸薯條，真係好香口，仲有連薯皮炸的👍🏽呢個價錢及質素在大埔的確罕有，我會再次回來的。😍餐飲我點了salted caramel cappuccino, 不會太甜，奶

很久沒有到大埔逛逛了，由朋友帶路，一同到大埔遊覽，實在猶如大鄉里出城。中午時份，亦由友人負責安排吃午餐的地方，她說附近有一家新開的西餐廳，定價不高，質素出奇的好。餐廳位處小巷內，若不是友人帶路，看來真不懂找上門。午餐有10款，定價不貴，一百元不用就有肉眼扒、西冷扒。想不到小小一家西餐廳，內裡頗有情調，環境感覺頗舒適，正正讓微累的雙腿舒緩一下。午餐已包餐湯或沙律，並奉送餐飲，先來的是是日餐湯「蕃茄湯」，估不到做得細滑，蕃茄味來得清甜而不會太酸。隨湯而上的是餐包，微微暖，口感非常軟熟。主菜我們點選了「香煎三文魚扒配芒果莎莎」（$92）及「炭燒澳洲安格斯西冷扒」（$98），兩者質素都十分高，而且份量十足。三文魚扒煎得油香，配上芒果莎莎增加清爽感，而西冷扒肉質很嫩滑，蘸燒汁味道一流。友人的餐飲只選回基本的「熱檸水」，想是去去食物的油膩感，讓舌頭清新一下。外間天氣仍然悶熱，來一杯冰涼的「芒果滑冰」（+$12）就最好不過，所謂滑冰，其實是果漿加梳打水，入口清爽涼快。吃了一頓豐富的午餐，整個人也為之一振，假期如此過，才是樂道！

星期日做下孝順女，約左媽咪撐枱腳，帶佢食佢鐘意嘅西餐。餐廳其實喺大埔墟火車站附近，搭完火車再行過黎都好方便一人叫左個午餐再加小食share食。媽咪話想食豬頸肉，所以叫左個炭燒豬頸肉，配埋酸辣醬好開胃午餐揀左一個磨菇湯一個沙律白酒忌廉蜆意大利粉見到意粉面頭舖左芝士片，芝士控媽咪表示滿意，再見到滿滿忌廉汁同舖滿拆左殻嘅蜆肉意粉，媽咪話咁多汁真係好正！炭燒澳洲安格斯西冷扒$98媽咪唔食太生，所以叫左8成熟，原來除左牛扒之外，仲有炸薯條！牛扒好有炭香味，切開係無血水，岩晒媽咪。薯條係用薯仔切條炸，好香脆，可惜份量太多食唔晒餐飲叫左橙汁同咖啡，推介呢杯咖啡，好香濃媽咪食得好滿足！

朋友專登入嚟大埔搵我食飯，本來打算帶佢食拉麵，佢見到對面間JUMBO CAFE，話想坐得舒服啲，好，試吓啦，我自己係大埔友都未食過。面書打卡同發相就有85折，當然唔可以放過，我一向都手機食先架啦。晚市套餐$78-268，有湯、餐包、主菜同飲品。我們先額外點左一個小食，馬來西亞串燒沙爹雞$48，有三串!雞肉燒得幾香，肉質仍保持嫩滑。而且三串都幾大串，啖啖肉~沙爹醬幾濃味，唔辣，材料包括沙爹、沙茶、牛油、花生醬等等，仲加左洋蔥入去，食落香口，而粒粒花生亦增加口感。加左$25要一份頭盤 ，今日係煙三文魚沙律，煙三文魚幾份量OK，但放喺一個玻璃杯入面，沙律菜份量少。餐湯係意大利菜湯，酸酸地，好開胃，蔬菜用料足。餐包夠熱，表皮仲有少少鬆脆。牛油都唔係用平野。F餐 香煎比目魚配白汁鮮露筍$88，將薯蓉做成一條魚型，仲加左兩粒青提子裝扮成魚眼，幾有心思。白汁做得好好食，仲鋪滿鮮露筍、鮮菇，用料十足比目魚外皮同底面都煎得好香脆，魚肉味道特別甜，質感爽滑，帶有大骨，唔似龍脷魚咁淡然無味。G餐 炭燒澳洲安格斯西冷扒$128，炸薯條好好食，熱辣辣又大條。牛肉燒有深格紋，入口有少少碳燒味道。我地叫左五成熟，切