K-POT 部隊鍋 (已結業)

收工同老公去元朗食飯, 我地兩個都無Idea想食咩, 途經見到呢間食韓式火鍋, 所以就入去試下。餐廳有幾款唔同級數嘅牛肉同豬肉俾我地揀, 我地揀左最平嗰款, 但肉質都唔錯, 叫左個蕃茄湯底, 都唔會好鹹, 個味啱啱好。一定要提d配料, 有好多種, 又有前菜, 但泡菜唔係好好食.......火鍋配料有好多種類，蔬菜，年糕，菇菌類，午餐肉，仲有年糕有紫薯，同埋我嘅至愛.....甜品Chololate cake, 乳酪雪糕，可以加糖粒, 熊仔糖，朱古力碎, 朱古力片, 棉花糖, 士多啤利或朱古力醬, 我當然全部加晒啦,呵呵... 正, 乳酪雪糕又唔酸！好味

天氣凍凍地想食火鍋暖下身,諗起k-pot部隊鍋放題未試過就去左試配籵選擇好多,又有前菜,呢度既泡菜好好味~~一般火鍋既牛,豬魚等等既肉類都有齊又無雪味!當然唔少得丸類,麵類,蔬菜,仲有隻紫薯年糕煙煙unun好味!飲品有汽水,果汁都係任飲!仲有乳酪雪糕diy區呀~呢度既牛肉都好正,薄身的卓一卓就食得,,牛味都幾濃,油脂分佈平均,好味!

印象中，韓國部隊鍋係辣嘅，所以唔食得辣嘅我，去韓國時都無去試呢樣韓國咁出名嘅菜式。有日喺元朗搵嘢食期間，行經呢間部隊鍋有人派傳單，見到有好多唔辣嘅湯底揀，仲新出咗個期間限定嘅芝士鍋添，於是就入去試下喇！環境俾人好整潔嘅感覺！未落order,先黎幾碟前菜。我地order咗個芝士湯底，同埋$248嘅美國極上牛肉放題。其實我都唔知個牛肉有無限次數refill, 店員幫我地refill咗一次，之後我哋見食埋其他嘢都已經好飽，所以無特別問店員。個牛肉都幾嫩架！鍾意食牛肉嘅叫呢個貴少少都ok嘅！如果唔係特別鍾意食牛肉，佢仲有另外一啲平啲嘅牛肉放題選擇架！除咗牛肉，佢另外會有一碟牛柳粒，雞同埋魚。而其他火鍋配料，就可以自己出去任拎啦！出面嘅火鍋配料有蔬菜，年糕，菇菌類，午餐肉等等，有年糕有紫薯同原味2種，個人覺得紫薯麻麻地。有串幾特別嘅原來係豆卜！至於個芝士湯底，一啲漏嘅感覺都無，其實唔算好濃味，都ok嘅，因為如果漏嘅話，就食唔到好多餸啦！最後食埋甜品，有女士最鍾意嘅乳酪雪糕，最開心就係可以自己隨意落唔同嘅配料，同埋佢嘅乳酪雪糕又唔會好酸喎！

這晚寒風陣陣，「打邊爐」這個念頭很早就進駐了史詩的腦袋中。原本我們是想找間中式酒樓吃任食火鍋的，但突然想到元朗有間韓式火鍋店開了一段時間，我們都未去試過，於是就決定這晚到這間店試一試了。 90分鐘韓式火鍋放題，史詩選了178的美國特選牛肉放題，包括美國嚴選牛肉、梅豚肉、豬腩卷、雞腿肉、海魚柳，湯底則選了部隊湯鍋。場內有大量火鍋配料可供選擇，另外飲品、沙律、甜品、醬料，也有不少選擇。前菜三小碟，坐下時就已上來了。醃蘿蔔和辣泡菜的味道偏酸，豆芽菜麻油香味不足，三款都不甚討好，史詩吃了幾口就放棄了。 史: 其實我們主張不浪費食物,實際上就算不好吃也會把食物清空 五款主要食材：牛肉雪花分佈平均，尚算不錯；兩款豬肉都切成薄片，放進鍋內很快就燙熟了，史詩都認為這晚的豬肉比牛肉好吃；雞肉較肥，詩詩都把雞皮去掉才吃，肉質比較粗糙，不夠嫩滑；魚柳油脂充足，肉質滑溜，就是用筷子夾起來有點麻煩而已。火鍋配料很多，不能盡錄，就選以下幾款說一下好了：紫薯年糕：雖然煙韌度比平常的韓國年糕差，但勝在年糕內包著蕃薯蓉，甜甜的，頗特別的。 韓國粉絲餃子：餃子皮薄易破，餡料味道偏淡，史詩都不太喜歡這個軟趴趴的餃子。

今日入藍生圍郊遊,行到5,6點,搭的土去元朗市食晚飯,1落車就見有間食韓式方提,就入左去食!我點左美國尊上牛肉放題!我豬骨湯底!餐未到,前菜先上,有泡菜,甜黃瓜,牙菜仔!比你醫下胃頂肚餓 出面有個任食吧,出去睇下先,種類非常之多,真係講唔晒!我係甘以,拎住d先 d牛肉巳經到左,但真係好肚餓,我成碟1次過放晒落去!牛肉睇落好新鮮wor,牛肉油紋理清晰，食落未道好有牛肉味,湯底味好清甜,比想像中好!而豚肉瘦瘦的,不大肥而且係薄砌,易入口重正,食完又可以添加,反正係任食 !

響屋企附近食晚餐, 見天氣開始有秋意, 最啱就係打邊爐, 見呢間開左一排都未試過, 而且韓式最潮之一就係部隊鍋, 所以就選擇佢.呢度係任食, 有四個價錢包裝唔同肉既類別, 其他配菜就可以出去任拎, 仲有任食.一致決定要$178果款放題, 包括有肥牛, 豬腩片, 雞肉同埋魚柳. 另外呢度有八款湯底, 有辣或者其他較清既湯底. 其中一人唔食得辣, 所以要左昆布湯底, 雖然開頭清D, 但落晒D材料就會有味啦.等左一陣肉就黎喇, 牛肉偏瘦, 有少少脂肪, 幾有牛味. 豬腩片就薄身D, 所以放落錮好快就熟, 而且肥瘦平均D, 所以食落口有D油脂, 無咁鞋口. 仲有雞肉, 厚身D所以放落鍋要淥耐少少, 食落肉質幾滑, 淥耐左肉質無鞋. 魚柳好滑, 淥左一段時間無散開, 幾好.仲有響出面拎左蔬菜, 菌類, 午餐肉, 餃類等等. 一串串豆卜索晒湯既精華好味, 午餐肉淥完都唔錯, 仲有墨汁丸都幾特別.淥淥下決定全部放晒落去做自制部隊鍋.

早幾日約左朋友嚟元朗既k-pot 因為朋友話好想試下所以就陪佢一齊嚟~我地揀左蓄茄湯底 個湯底真係幾濃！好有蕃茄味～不過如果本身係好鍾意食蕃茄既人我會建議再去拎啲蕃茄放埋落去一齊滾我地叫左$248既組合 有牛、豬、雞同魚 食得出絕對唔係平價既肉 讚！另外呢間分店都算幾多食物可以揀 有一個紫薯年糕幾好味～不過後來想再食既時候已經太飽食唔落lu~仲有其他韓國即食麵、蔬菜可以拎 質素都唔錯 至於飲品方面 有四五種汽水 又有三種果汁 有好多選擇~食到咁上下就去拎左啲乳酪雪糕 有幾種配料同醬料可以自己落 好貼心！以後一定會再嚟食過 尤其係鍾意KPOP既人就更加要嚟 因為呢度會不停KPOP既MV XDD

天黑黑，係元朗同幾個朋友行街，肚仔有 d 餓，想起元朗都有 K- pot架，不如去試下元朗那間鋪食物得唔得先？我哋叫咗一個辣窩，個窩底不夠辣！但係味道都可以既。order 咗澳洲牛肉，牛肉味道都幾濃，好有牛味。仲有魚柳藉得大讚， 好滑瘤，無雪味，好似生鮮一樣， yeah yeah yeah!茶杯好特別，有 凹 位攞上手，啱啱好，手感錯！講到韓國啤酒用嘅水壺載住，好特別，味道好清新！仲有韓國麵 ，質感煙韌，好有口感。加上辣嘅湯底，真係絕配！個乳酪 係至愛，上次我有食，今次味道濃味比起上次更加好食，令我食多了幾杯。哈哈！

之前已經同朋友試過荃灣個間，今次同朋友去開元朗就試下係咪一樣咁好味嗌左蕃茄湯底，哇，好濃蕃茄味，正！雖然啲豬同牛就有少少薄，但係好鮮，好肥美，好好味！不過就算薄薄地都唔怕啦，因為有得添食吖嘛！打完邊爐就緊係要食甜品，出面有雪糕，蛋糕個啲甜品，但我太飽，只係食到杯雪糕唯有等下一次啦！

係金輝徑一個極搶眼既招牌，白色牆加彩色logo，另外仲有落地玻璃。食部隊鍋之餘仲有沙律吧可以自己整沙律食，食物種類多之餘，配料都多選擇。辣湯底夠辣，好香韓式辣醬味，食到咁上下落埋d黃芽白，吸晒d湯，一路食一路sisi聲，認真唔錯。

放假入黎元朗閒逛, 到左晚飯時間費事響大型商場同人迫餐廳, 都係落大街睇下有咩野食, 近番搭車附近見有間韓式部隊鍋, 幾特別又任食, 可以一試.有8款自選湯鍋, 同埋有4款價格既肉放題選擇, 揀左$178.$178既牛肉, 脂肪平均分怖, 夠薄拖一拖水就熟, 食落有牛既SO味, 唔錯.仲有兩款豬肉, 係豚肉同豬腩肉, 豬腩肉比較多D脂肪, 所以食落有油份無咁乾. 而豚肉片無咁多脂肪, 所以淥一陣就快D食, 如果唔係會老晒. 因為兩款豬肉都較薄, 所以好快熟.仲有雞肉, 呢個比較厚肉, 所以掉落鍋慢慢淥, 食落肉質好嫩滑, 淥耐左都無老到.魚柳無骨既, 所以好放心食, 魚柳無腥味, 食落好軟滑, 好似流入喉嚨.之後仲響出面拎左好多配料, 有腸仔, 蔬菜, 瓜類等等, 樣樣都新鮮, 而且比人拎左一半好快又添, 絕對唔洗搶食.而且仲有韓式即食麵供應, 呢D麵咁無易林 一次過放晒落鍋就變成自制部隊鍋喇!

約埋幾個好姐妹黎探BB, 原本諗住試元朗新開商場既食肆, 但好姐妹話間間又貴又要排餐死, 所以幾個人最好任食+自助唔洗煩, 最後一致韓迷決定去KPOT部隊鍋.  我地早過食飯時間黎避開人潮, 所以有位唔洗等.8種湯底選擇, 有辣有唔辣.我地揀左<美國嚴選牛肉放題>$158, 有牛, 豬兩種肉.另外出面有自助BAR, 可以自選丸類, 腸, 餃, 蔬菜等等, 真係可以有幾多食幾多.而且仲有甜品BAR, 有蛋糕同雪糕任食.韓國野就梗係唔少得前菜, 前菜都係任食既.要左"豬骨濃湯鍋", 清清地啱晒各人口味, 豬骨味幾濃, 食完無口乾."美國嚴選牛肉", 肥瘦分怖平均, 有牛味, 薄薄地一片好快熟, 口感豐富."梅豚肉", 肥瘦分怖同樣平均, 豬肉薄薄地相對易熟, 同埋唔會淥到起渣.另外仲有韓式午餐肉, 泡菜餃, 魚片, 豬皮等等, 呢D都係其他火鍋少有既配料, 午餐肉好好味.整體 配料, 醬汁等都有好多選擇, 而且仲有沙律, 雪糕, 飲品任食任飲, 人多食呢D最抵.

上次去左荃灣kpot食過，覺得好唔錯，今次就輪到住元朗既朋友因為見到fb介紹，所以約食元朗kpot。一如荃灣，裝修光猛新式，環境舒服。食物方面款式比荃灣仲要多，而且有我喜歡既熊仔魚蛋，湯底就試左個韓式辛辣湯底，好濃好辣，一路食一路出汗，個人幾喜歡呢種感覺。今次叫左個扇貝試下，38蚊有4隻，本來唔抱有特別好食既期望，但點知出乎意料鮮甜，朋友都話比想像中好，仲已經約緊下次再食。

又食再encore ,一入餐廳，已被正在播放韓曲MV 吸引住，一路陪住你食，對於韓風迷，真係一大享受，叫咗美國尊上牛肉放題，見到牛肉D紋，都知唔會差，果然唔un 喎，豬肉薄薄的亦新鮮，keep 到水準，仲有雞，魚等，出面擺放有salad , 泡菜飯團，泡菜牛肉飯， 火鍋配料如丸類，菇菌類，菜等，值得一提既係滑滑豆腐，豆卜串，成串豆卜索哂D番茄湯, 超好味呢😋 激屎，飽到差D連甜品都食唔到，我只食咗一杯yogurt ,兩件蛋糕咋，下次KO

之前旺角食過一次，但朋友話其實部隊鍋同人參雞鍋湯底更加正，所以經推薦下再試。外面等位都幾細心，有玄米茶提供。內裏環境都唔錯，播住kpop有氣氛，而且乾淨又唔太迫。湯底有人參雞，個湯清清地帶人參味，感覺健康養生，想健康的打邊爐我會推薦呢個。另外部隊鍋就岩晒想食年糕同公仔麵，因為呢d都比較入味。火鍋食物款式提供都幾多，除了一般火鍋食品，仲特別在提供好多有韓國特色，例如有韓式豬皮，韓式豬大腸，韓式年糕，韓式魚皮，韓式粉絲餃，韓式公仔面，韓式午餐肉，韓式腸仔。我當然有試過晒，覺得都全部都唔錯。最喜歡係公仔麵配部隊鍋湯底更加好味！而且我喜歡韓式年糕，煮過後年糕入晒泡菜湯湯底味再加韓式辣辣醬，就非常好。前菜有泡菜，豆芽，蘿蔔其他韓國食品有牛肉泡菜炒飯，韓式壽司仲有最愛沙律bar, 重點係有沙律菜同芝麻醬or醋! 因為我怕肥膩，食呢個岩晒！醬料我揀柚子醋，酸甜感覺開胃，特別的仲有韓式辣醬。飲品除左一般汽水，仲有果汁&韓式既茶包，有柚子綠茶同花茶，對我唔太飲甜野同要飲熱飲同想健康既就必然之選。甜品有乳酪雪糕，有多款朱古力針&豆揀，仲有朱古力醬同士多啤梨醬。但我鍾情於純乳酪味，淡淡地乳酪味感覺健康，岩晒