Kazuki Bakery (已結業)

濃厚抹茶拿破崙應該有幾年無幫襯佢買左佢好多次既千層蛋糕之前食過咁多次茶味都有質素保證🤭依家踩過界做埋拿破崙🤣見到呢個話濃度等於20杯薄茶毫不猶豫訂左酥皮做得好好好薄好脆 唔油 對我黎講已經好好食😜但茶味有少少失色 望落真係好濃好濃 連唔係茶控既同事食完都話茶味有啲淡☹️我仲以為係我中完武肺味覺差左呢到扣左d分 希望店主走返之前的濃味路線😳$423 12x12cm (with Black Friday 10% off discount)

玫瑰 x 日本士多啤梨千層蛋糕 現在是士多啤梨當造的季節，加上朋友喜歡玫瑰味，就訂了的這款蛋糕。 千層皮大約有18層，面頭舖滿日本士多啤梨及用食用花裝飾，賣相精緻，比想像中易切開。每層俾皮算是非常平均，忌廉的比例都相當恰當。 這個蛋糕的玫瑰味很純正，每口都充滿真玫瑰花香，不像坊間很多用香精做出玫瑰味，這個真材實料。偏酸的日本士多啤梨為蛋糕的層次加冕。 總括而言，這個蛋糕非常適合不同的慶祝場合。由於口味獨特，用來款待客人容易留下深刻印象。

一行12人慶祝生，買了Kazuki Bakery 兩個12cm 千層蛋糕。朋友將每個蛋糕切成12小份，每人都可試到兩款口味。 日本香印提子開心果千層提子有花香味，下面千層的開心果味都算濃。cream 是屬於輕盈，放人口很快就一融化。整個蛋糕唔膩，食得幾舒服 。黑芝麻抹茶千層黑芝麻味濃得來但清香，沒有那種濃到很難接受的感覺。中間的抹茶朱古力醬有濃濃抹茶味。醬的份量不算多但剛剛好，畢竟用朱古力做的醬放太多就會太甜。這款蛋糕的口感相對扎實。總括而言，雖然每人只有一小件，但是大家都食得開心。

朋友介紹認識了 Kazuki Bakery，他們對這間蛋糕店有很正面的評價。蛋糕行日系路線，標榜使用各種高級日本食材，賣相簡潔，走味道派路線。本想試他們比較日式如抹茶，紫薯等味道，但生日的主角比較喜歡伯爵茶，於是買了 Mariage Freres 伯爵茶芒果千層為她慶祝生日。伯爵茶本來是西式茶， 所以用西方牌子也很正常。 平常食開的伯爵茶蛋糕多是用twinnings 的，但Kazuki Bakery 遍遍用了法國名牌Mariage Freres去製作， 淨話牌子而言已經令人充滿期望！果然沒有失望， 一試食便有明顯分別！ 伯爵茶香氣可以用澎湃來形容。 佛手柑味比普通伯爵茶蛋糕來得更明顯， 茶甘味當然也相當紮實。 千層中間有新鮮芒果，幾鮮甜，個人認為有點綴作用。總結今次的訂購，壽星很滿意這間的出品。價錢雖然高，但一分錢一分貨，物有所值。

最近公司很多同事生日，祕書小姐姐作為我們的福利擔當👩精心挑選一家在觀塘的手工千層蛋糕店，在ig上有過萬followers，一定要預早訂購才能享受的美味日式蛋糕😋 因為三位壽星各有所好，所以分別買了伯爵茶芒果、抹茶芝麻和紫薯芝士🎂一次可以滿足多個願望，有這麼貼心的同事實在是最大的幸福和口福。送抵時間剛剛好在下午茶前，稍作準備就可去進行生日派對。 .🥭Mariage Freres伯爵茶芒果千層 .與坊間常用的Twinings 伯爵茶比較，改用了更矜貴的Mariage Freres 伯爵茶製作🟨幼細的甘茶香混著清新的佛手柑香味，在千層蛋糕的中心夾著甜甜的芒果肉。 🍵丸久小山園抹茶 配 濃厚日本黑芝麻千層蛋糕 .千層蛋糕選用了日本產濃香黑芝麻製作⚫令蛋糕帶有強勁的芝麻香氣，但較失望是抹茶元素不突出，抹茶粉灑上忌廉🟢另外是千層蛋糕中間夾著抹茶朱古力，層次感可以再強一點。 🍠鹿兒島紫薯Parmesan芝士千層蛋糕 .千層蛋糕每層的忌廉也是這款甜品的重點😋這款是用上了產自意大利的熟成Parmesan芝士，這層濃厚忌廉芝士強勁鹹香味。蛋糕面舖上了一整層鹿兒島產紫薯蓉🟣賣相是三款蛋糕中最吸引的。紫薯的平

媽咪鍾意食芋頭同千層，於是生日訂左呢款有台灣芋頭既千層。蛋糕既賣相冇得彈，芋頭好香好滑，食得出店家用咗靚芋頭，喺香港真係唔易搵到咁高質既芋頭蛋糕真係唔易！🤗  下面千層既芝士味好香，鼓唔到同芋頭咁夾，有驚喜！而且呢個蛋糕比酒店送嗰個完全唔太甜，媽咪食得好開心。本来擔心個蛋糕得12cm 直徑唔夠6人食，但芋頭好飽肚，我地6個人食啱啱好😊。順帶一提，因提取蛋糕後需要一段時間先到酒店，又見到openrice 有人買左後溶左，於是問店家有咩方法。佢地話個個蛋糕盒入面都有附送冰包，而且會事先幫客人雪凍少少，所以室溫放一個鍾冇問題。嗰日我地拎左個cake 去到酒店放番入雪櫃差唔多個半鐘，個cake 絲毫無損，真係要讚下店家既細心。☺

今次第一次試kazuki bakery，整體感覺非常好 。因為有10個人食，所以就訂左個15cm。人人一小份仲多左兩份添，所以呢個size12個人都夠食。第一啖放入口，千層裏的開心果cream味即時佈滿成個口腔，極之香濃。加上日本香印提子十分香甜沒有一點酸味，與千層蛋糕十分之夾。另外千層皮十分之薄層次分明，而且開心果cream都落得非常之多，係落足材料去整。當然最後唔少得既係外型啦 千層蛋糕頂部的香印提子以類似蓮花的圖案排列十分美麗。

呢排突然好想食榴連製嘅食品😣於是上網搵下有乜好推介 比我搵到一間叫Kazuki 嘅蛋糕鋪 見好多foodies都對呢間小店讚不絕口 佢咁岩又有買榴連千層蛋糕🤤於是忍唔住決定買來一試！交收個時已經聞到小小榴連香味🤤 另我加快腳步 快啲返屋企試試佢 一打開個盒 嘩～ 個陣榴連香味香到🤤傳到成屋都係🌬香到唔識形容了。蛋糕主打中間啲蓉 係用貓山王榴槤果蓉整 再鋪上十層千層皮 咬落去更有口感🤤未食之前見個蛋糕好多雲呢拿cream 心諗一定勁甜 食一件仔🍰已經好膩 點知食完一件又一件😂幾乎成個蛋糕比我自己一個吞咗落肚 甜度真係配到超perfect !! 而且非常滑囗😋 我本身唔太食得甜野都食到唔停口🤣師傅真係整得非常細心❣️出色❣️🔊我真心極推榴連控嘅人試試 其他foodies 果然無介紹錯👍🏻雖然價錢貴咗少少 但真係令你食過返尋味🥰 值回票價！！

之前試過一次kazuki嘅抹茶千層，我同朋友都覺得佢係做得最薄皮同最滑嘅一間，而且用料足所以味道好濃厚。今次試咗開心果千層，依舊咁rich，雖然價錢唔平，但真係畀返咁嘅用料同食物質素你。留返個好評，支持吓小店先！

꧁꧂抹茶控注意 ⚠️召喚抹茶控🍵🍵有冇人同我一樣超超超超超鍾意食抹茶(●’◡’●)ﾉ呢間網店有好多抹茶嘅產品 抹茶紅豆白玉半熟芝士撻 抹茶朱古力撻 抹茶卷蛋等等🤪😍 可以自取或者揀送貨 都好方便！建議早兩個星期訂，送俾鍾意食抹茶嘅朋友就啱晒啦🤪🥰-〖抹茶千層蛋糕 Matcha Crepe 🍵 〗$420 (1磅)佢用咗丸久小山園青嵐抹茶粉整😚抹茶味好濃 少少回甘 餅皮好薄 入口即融 真係做到千層既效果♡´･ᴗ･`♡ Cream 好軟好幼滑 但唔不膩 連續食咗兩件都唔覺得好漏🤩 而且鋪喺蛋糕面嘅一層抹茶粉令到抹茶味更加出🤪重點係唔會好甜 利申 最唔鍾意食啲超級甜嘅蛋糕🤣抹茶愛好者必試💕💕 特別鍾意試啲小店😆-📍Kazuki Bakeryhttps://www.kazukibakery.com/ (Online order)

之前網上搵抹茶蛋糕資料，有網民推介呢間，雖然貴但想試。一個抹茶蛋糕要540起，真心唔平，另加80蚊運費，一年一次，都接受。當日送貨遲到，其實我覺得你收左運費，地鐵站交收都算，但要有責任準時包裝盒密封式，睇唔清楚入面，但都見到少少溶。用十分鐘行到返去，立即放入雪櫃，直至晚餐完之後，拎出黎慶祝，一打開 嚇到我心都離埋，溶得太誇張，完全失望。字體仲要勁核突，同小學生字無分別，一個收人$540 既蛋糕竟然比d 甘既質素人，收左人運費仲要遲到既蛋糕店，真係可一不可再。到味道，溶成甘都已經切唔到，我覺得同食啲流質嘔吐🤮物無分別。好難形容個種口感，用咩日本食材都無用。再睇返食評，原來2018年已經有人投訴過，2年時間無進步過。今次當我中伏，我唔會再想見到呢個牌子既蛋糕，朋友圈都唔希望見到，真心不值，不會推薦，甚至差評。唔知消費者委員會會唔會受理呢個投訴，真心呢個蛋糕令生日既人完全傷心失望

Kazuki可謂第一代以青嵐抹茶甜品打響名堂嘅小店，之前試過佢嘅千層蛋糕覺得幾出色，今年喺云云茶味月餅中揀左佢地嘅出品。我臨近中秋先拎貨，趕唔切出post，有興趣嘅下年可以留意下，通常會有早鳥優惠。 🥮三茶月餅喺雪櫃令出黎就食得好方便，外皮口感同豆蓉冰皮相近，室溫放一陣内餡會似生朱古力，無咁黏口。一盒有抹茶、焙茶同伯爵茶每款各二，望落三款嘅色澤都好深。青嵐抹茶一如以往地濃，啱啱入口時微苦，伴隨餘韻悠長嘅回甘。焙茶味亦以苦味偏低宇治茶粉製成，但唔代表濃度唔夠，濃茶控食完非常滿足。而伯爵茶則用上法國品牌Mariage Frères嘅岀品，餅皮會見到茶葉碎，店家話會食到佛手柑嘅味道，我覺得仲帶啲花香味，三款中佢嘅甜度最高，我覺得抹茶表現最出色。

一年容易又中秋🥮每年到呢個時候都會見到好多bakery出好多唔同款式嘅月餅，近年月餅嘅種類同埋味道都越來越多，搞到我都唔知點揀好🤣今日朋友就介紹咗我嚟呢間度買月餅，一見到個包裝我就已經比佢深深吸引咗，估唔到一間小店都可以有咁靚咁高級嘅設計，用嚟送禮真係一流😍一盒月餅入邊仲有齊晒綠茶、焙茶同埋伯爵茶三隻味每樣兩件。三款口味都係低糖，雖然用咗低糖但係亦都唔會有茶嘅苦澀味，反而係好濃郁嘅茶味🍵真係覺得好驚喜🤣

黎緊臨近中秋節，好多餅店都有出唔同口味嘅月餅，但傳統月餅同埋冰皮月餅，真係聽倒個名都想像倒係咩味。但為咗應付屋企人，都要買番一兩盒擺起屋企，所以想搵啲特別口味嘅月餅。咁岩就醒起，之前都訂過呢間鋪嘅千層蛋糕食，好足料好好味！原來佢地今年都有出月餅，仲要係三款唔同嘅茶味，平時飲tea latte就好正，但整月餅就真係少見。個包裝有驚喜，用咗張好好摸嘅和紙封住盒嘢，好日系，好好摸從左到右分別係焙茶味、伯爵茶味同埋綠茶味。佢地嘅顏色都好深色，老闆話佢係試過好多唔同嘅茶葉同茶粉，先揀岩隻味，叫我撘真啲。我諗，佢係真係落咗好重料，先會有咁深色我首先食咗我最愛嘅伯爵茶月餅，我真係第一次食，佢食落就似係一杯濃縮咗嘅earl grey latte, 放左四分一粒入口慢慢挴，都挴咗好耐，啲茶味先開始退，究竟落咗幾多料，好勁！呢個再深色啲嘅就係焙茶味，老闆揀嘅茶真係好靚，一食落去，陣炭焙味係非常之出，但唔會覺得澀，我老母都好鍾意食。最後呢個就係抺茶味，佢同出面食倒嘅抺茶甜品比，相對上冇咁甜，唔會覺得漏。老闆話因為而家嘅人愈來愈怕甜，所以都特登減咗少少糖。我覺得呢個甜度係剛剛好，平衡倒茶嘅苦味，但又唔會覺得太

由於好多連鎖餅店都唔幫襯，發掘左好多良心小店，呢間小店早排免費派口罩畀有需要嘅人士，回饋社會，最重要係佢嘅茶味蛋糕好出色，係我心目中三甲，雖然價錢稍貴，但一分錢一分貨，食得出係用靚料。.丸久小山園抹茶x濃厚日本黑芝麻千層蛋糕:呢款王牌蛋糕近日重出江湖，標榜用日本產芝麻製作，芝麻味果然非常濃郁，每啖都好似食緊芝麻糊咁，蛋糕上嘅抹茶忌廉輕盈軟滑，抹味點到即止，但唔會被芝麻味掩蓋，中間則夾左特濃丸久小山園抹茶朱古力，呈流心狀態，比抹茶忌廉濃苦，回甘相當明顯，進一步將茶味帶出。睇相可見班戟有超過20層，忌廉塗抹得好平均，班戟皮比ladyM厚少少及偏軟熟，口感嘅野各有所好，但味道就一定呢款更勝一籌。Kazuki嘅厲害之處係唔會出現某種材料一面倒嘅情況，芝麻同抹茶相得益彰，相當難得。抹茶貝殼蛋糕:訂蛋糕可以用優惠價加購，常溫抹茶甜點好多都係有色無味，但呢款一入口抹茶味即時湧現，帶少少回甘，質地亦夠濕潤，烘熱左應該會更好食。