Kazuki Bakery (已結業)

其實我真係好驚食鳳梨酥，特別係每次有朋友去完台灣番黎，我最怕收倒嘅手信，就係好公廁嘅鳳梨酥，唔知點解個個都要送呢樣野。我唔知係手信鋪搵笨定係鳳梨酥呢樣食物本身係難食，每次啲公廁鳳梨酥都係好難食，又硬又超甜，好似一舊粉團包住舊糖膠咁，所以我其實係有少少驚咗鳳梨酥。但今次起呢間Bakery見倒竟然出鳳梨酥。我自從發現呢間野嘅千層蛋糕好好食之後，都有試過佢其實出品，都係幾高質，但今次佢竟然玩命出鳳梨酥。係鳳梨酥！我心諗，好似好伏，但又心諗，呢間野不嬲嘅野都好食，我都信個老闆嘅味蕾係正常嘅，應該唔會整啲伏野出黎。咁岩其實我老母係鍾意食鳳梨酥，佢又生日，就買俾佢食吓啦，難食都可以俾晒佢食。包裝係一貫嘅日系風，老母見倒覺得好開心，覺得係啲好高級嘅嘢～入面每包都係獨立包裝，有防潮劑，老闆話唔洗雪都得。老闆真係好多野講，佢又話佢啲鳳梨餡係起台灣唔知邊個農場度買番黎，係新鮮野黎嘅。個皮係培茶味，成舊野個顏色睇落幾吸引，都聞倒培茶香。咬左啖，係真係同台灣嘅公廁鳳梨酥有好大分別，首先個皮係鬆化嘅，唔會成口粉。然後個鳳梨味香味就攻入個口度，重點係唔會太甜，再食真啲就會滲倒培茶味出黎，同個鳳梨味道係balanc

偶然在網上看見連結，看到抹茶及焙茶便忍不住點進去，禮盒裝曲奇專為新年送禮，親愛茶者如我毫不猶疑購買一盒。選擇自行至觀塘工作室取貨，包裝簡潔大體，三盒膠圓桶裝曲奇一目了然，每塊曲奇都很厚，太喜歡了！ 三款茶味都算突出，雖厚實，但吃時不難咬。焙茶曲奇不過甜，抹茶有點甘，初時較愛焙茶味，吃着更喜愛抹茶，吃下茶香味在口中徘徊，真是啖啖茶味。伯爵茶雖香，且看到曲奇有點點茶葉，但吃下有點香料味，似乎大多伯爵茶味糕點都給我這樣的感覺。這篇食評拖了大半年才寫，期待節日再遇Kazuki Bakery的茶味禮盒！

喜愛食日式旦糕及甜品的我平時紫薯的食物食得多今次第一次食「安納芋」即係日本的紅薯隨便訂了一個試食抱著實驗的心態，一打開個盒 ... 但點解唔係紅色 ... 哈哈上網即刻查下佢來歷原來熱量和脂肪相對低膳食纖維含量更高可以促進腸道蠕動、減肥、降血糖講到咁新奇、健康未食已經食慾大增一刀切落去有少少黐住把刀可能交通太耐的原故好彩無損個旦糕味道其實個味道同粟子有少少相似兩者混埋一齊食估唔到同芝麻咁夾芝麻夠香特別係個流心甜度剛剛好整體感覺好舒服

第一次試呢間蛋糕，一直好欣賞呢啲工廈細細間嘅bakery, 覺得會比較有心同埋真材實料。見倒呢間野有好多好評，個網站啲相仲要影得好pro好靚，唔知啲蛋糕真身係咪都真係咁靚呢？交收嘅時間真係嚇親，老闆起電話把聲好溫柔，但見倒真人，真係嚇咗一跳...好surprise！ Anyways, 好期待個蛋糕！今次試嘅係日本香印提子開心果千層蛋糕，同張相一樣hahahahahahaha個千層蛋糕非常好切，一刀切落去唔會鬆散，所以可以切得好靚。啲cream好濃好firm, 好rich嘅開心果味，食咗幾啖有啲漿漿地，就食粒香印提子，即刻將成個口都refresh晒，所以食左一大舊cake都唔會滯。個個frd都話好好食，支持小店果然好值得！

前排慶祝節日 終於試到Kazuki既千層蛋糕啦╮(╯∀╰)╭一直聽聞佢地既千層好食 食落果然冇令小編們失望🥰_{丸久小山園抹茶x濃厚日本黑芝麻千層蛋糕 $430 🍰🍵🖤}每一層crepe皆厚度適中 且口感綿密軟熟忌廉塗得均勻 口感輕盈毫無滯膩感一攞蛋糕出黎 忌廉馥郁既芝麻香已先聲奪人 入口味道則香醇濃厚 甜度適中 令人不能自拔！面頭擠上抹茶忌廉 味道雖算不上特別濃烈 但抹茶味絕對夠明顯 並帶陣陣甘苦香 中間仲隱藏流心特濃抹茶朱古力 將抹茶味進一步帶出黎 同時為蛋糕增添啲啲甜度 令蛋糕更立體有層次！整個蛋糕以芝麻味為主 抹茶味為副 兩者味道能各自表現出來 但不失和諧 完全係一次過滿足兩個願望啊‼️ 果然係高質🤤_同場加影伯爵茶瑪德蓮 隱藏於右下角 大家見唔見到😆瑪德琳同樣出色！質感濕潤但唔會過於油膩 軟熟但唔鬆散 重點係伯爵茶味真係超級超級濃郁！佛手柑味特別突出！大愛💓_Kazuki出品定價雖然唔平 但的確係物有所值！佢地仲有好多其他口味既出品 有機會一定會再試😚

🍵伯爵茶芒果千層蛋糕🍰🥭想食呢間蛋糕好耐好耐 bookmark咗好耐🥺主打自家製日式千層蛋糕🍰仲有啲季節限定味道😍榴連、巨峰、白桃今次食佢常規味道 伯爵茶芒果$480/15cm今次多人食加$70加大咗 原價$410/12cm我嘅評價係比想像中更好味👍🏻伯爵茶味真係好濃味好香 cream又滑又唔會過甜 芒果涵又超甜🥺下次真係想試吓其他味😂不過如果要拎蛋糕會有啲唔方便要去佢哋觀塘嘅樓上鋪或者約交收時間除咗價錢偏貴之外 我覺得味道真係很不錯

試過呢間嘅出品幾次，每一次都好滿意。今次就試左我至愛: 開心果千層，打開蛋糕盒已經聞到香心果既香氣。食落開心果味濃郁，食得出沒有加入其他堅果類，口味正中下懷! 千層皮薄，層層分明，不會太乾或太濕，口感剛好｡by the way, 唔知點解d人咁刁蠻，自己冇理據乜都要去complain 一大餐｡ 店主知道我不見到觀塘站交收，索性將蛋糕送到我公司門口，服務完全冇問題，支持!

今次生日本身想支持一下小店，但結果換來一肚氣。原本預先約左時間在觀塘地鐵站等領取蛋糕，送貨員打過來說會遲15分鐘，但當時我已經正在前往觀塘中，好，唔緊要（咁都要等架喇，唔通唔攞咩）。結果店員仲要再遲到，前後足足等左接近半個鐘！事後致電店舖打算好心提出建議(完全無要求退款），純粹希望佢地下次有所改善，盡量唔好再要客人白等，結果反過來被店員嚴厲指責，話你當時同意等待，蛋糕又唔係有問題，做咩要投訴，態度極度差劣又無禮貌，仲講左句”we are the evil!” 聽到我愕左然😡😡從來未見過呢種惡人先告狀既店舖，請大家諗清楚先光顧！

試咗Kazuki 新出品開心果千層蛋糕。好香，一開盒即有陣陣開心果香氣，食落滑而不甜， 食得出用上靚材料，層次感強， 千層皮更是層層分明。從雪櫃拿出來要即食， 如果蛋糕在室溫不易溶化就完美了。

抹茶一直是不敗商品 由中村藤吉、via tokiyo、茶之環的抹茶出品都十分接近日本當地水準。Kazuki 一直是網上蛋糕的表表者， 亦都非常有創意， 如榴連千層都係一出售就搶購一空。成名以久， 今日趁家人生日終於有機會一嘗固中滋味。 宇治抹茶千層蛋糕 $390索價不便宜，媲美五星酒店餅房的蛋糕當日在地鐘交收的人遲到了十分鐘，但十分有禮貌包裝亦附有冰袋， 回到家需時一小時蛋糕也完好無缺，不用擔心味道方面，的確選用了高層原材料，抹茶味道香濃回甘， 奶味較重千層皮薄，cream 均勻分布, 確實不錯, 可以一試

上年已經好想試依個榴槤x宇治焙茶千層蛋糕，可惜係其間限定所以錯過左。今年終於夾岩時間可以訂黎同媽媽慶祝生日。個蛋糕係由十層榴槤千層，中間再夾住金枕頭果蓉，然後再加十層焙茶千層。未食之前都驚個蛋糕會好甜好多cream好膩，但食落又唔會喎。榴槤既香甜同焙茶既茶味好夾，岩岩好中和返味道唔會太濃。不過千層略微硬左少少。整體黎講個蛋糕都ok，係要係地鐵交收麻煩左少少。仲有成個蛋糕最敗筆既地方係 ...個生日牌d字寫得好肉酸🤦‍♀️

又有朋友生日 梗係揀自己想食的蛋糕啦！食過KazukiBakery幾次都係千層蛋糕第一次訂撻 都相當有質素有驚喜！抹茶Tiramisu流心朱古力撻 15cm約1.1lbs依舊用上有質素保證的#丸久小山園 青嵐抹茶粉配合意大利芝士品牌#Galbani 抹茶味剛好 濃而不膩 口感軟滑中間層次分明 抹茶啫喱味道唔突出 但令口感更豐富朱古力層半流心狀態 濃郁可可味 好滑好Creamy下次有機會再試下新的焙茶千層蛋糕都看似好正🤤

我從來都唔想COMPLAIN或者寫衰人地,因為我覺得人地開餐廳都唔容易,要支持但今次朋友生日我特登訂個green tea tart 俾佢,收到真係好失望朋友去拎貨,kazuki bakery 開一半既TART俾朋友睇,朋友話OK, (但一開,另一邊條邊係BROKEN)我以為係運送途中有問題,但盒入面冇餅碎,即一早已經係咁我有問間公司,同佢講個問題,但睇到回覆就更加唔開心「Hello 小姐，關於條邊唔完整的問題實屬正常。因為撻皮在極高温下烘焙有機會收縮， 而這個現像是無法避免的。多謝妳的意見。」一句唔好意思都冇, 如果你整唔到完整餅邊,咁係技術問題。 我唔想其他人都有呢個唔開心經歷!

平時都唔會寫食評，但有不愉快經歷所以都想分享。之前見評語唔差老婆又鐘意綠茶，就訂左個綠茶千層蛋糕幫老婆慶祝生日。攞蛋糕時蛋糕盒入面附有冰包，職員表示可以頂一個鐘，本來好放心。點知一個鐘內返到屋企個蛋糕已經變左形，老婆見到當然失望。食完覺得好大原因係個蛋糕d cream 大稀，好快已經溶，本身蛋糕又冇透明膠帶固定，佢地冇理由唔知。講返味道，綠茶味係好同夠濃，但奶味都好重，以$390一磅既價錢，會有更好選擇。

今日是朋友的生日，我們當中幾個朋友打算給她一個 surprise，而慶生當然少不了蛋糕~有感連鎖餅店的蛋糕款式太大路普通，於是於ig搜尋，見這間的評價好像不錯，就決定一試。Kazuki Bakery 的蛋糕比較日系風格，有不同味道的芝士撻和千層蛋糕。雖然大家都推介紫薯或抹茶口味，但慶生影相希望蛋糕比較 colourful 沒那麼單調，而且芝士撻千層蛋糕也是常見的款式，於是最後選了期間限定的草莓大福芝士撻。（後來發現這個跟日本 Pablo 近期出的一月限定款不無相似之處啊，可能店方也有從不同地方的甜品中取經吧 ）於網上預訂後就於約定日子取貨。職員也算友善，在我向他索取多幾支蠟燭時他都願意提供。不過店方沒有提供叉匙，外賣的人要注意了~草莓大福芝士撻。先遮遮牌上的名字哈哈。草莓大福芝士撻賣相不錯，店方為蛋糕放上兩小花朵都幾好看的~大福餅餅皮有少少閃亮效果。本來重覺得大福配芝士撻聽上去有點奇怪，不過原來兩者加埋都可以幾好味~士多啤梨和大福餡清甜，大福皮夠軟熟，芝士餅香但不會膩，很容易就 KO 到一塊又一塊~芝士撻 size 不是很大，勉強切到六人份吧。價錢不算便宜，不過味道不差，吃得出店方沒有