影片
電話號碼
24912678
營業時間
今日營業
12:00 - 15:30
18:00 - 23:00
星期一至日
12:00 - 15:30
18:00 - 23:00
以上資料只供參考, 請與餐廳確認詳情
招牌菜
🎉 餐廳邁向 22 周年，午市有優惠，今日就去試食吓🍽️🥣 前菜：羅宋湯配任食蜜糖包番茄味濃郁嘅羅宋湯酸酸甜甜，暖笠笠好開胃～配埋外脆內軟嘅蜜糖包，最正係可以任食麵包！🍅🍞🥩 主菜：黑椒汁紐西蘭一級超西冷扒配薯菜牛扒選用紐西蘭一級超西冷，黑椒汁香濃惹味！薯仔香口夠飽肚～如選鐵板上菜，聲勢十足，聽到渣渣聲都流晒口水🔥🍹 飲品：水蜜桃紅茶茶香清新，加入水蜜桃果味，飲落微甜唔膩，解膩一流！🍑🧊🍨 甜品：雲呢拿雪糕一球正常嘅雲呢拿味雪糕，畫上完美句號！🍦❄️📢 優惠詳情：• 1人午餐享九折• 2人午餐享八五折• 3人午餐享八折• 4人或以上午餐享七五折
繼續閱讀
今日入深井吃個午餐，好喜歡Kcal 的食品和暖心的服務，今天又有主人帶同大狗狗去午餐，他們通常都會坐近門口的位置，盡量唔騷擾其他客人。好欣賞Kcal 的餐湯，今天是「周打蜆忌廉湯」厚身香滑，大量的甜甜洋蔥，肥美的蜆肉，又有自家製好味餐包，可以添食啊。「黑椒汁紐西蘭西冷扒配高纖米」 選五成熟，肉味香濃，黑椒汁惹味，西蘭花熟度剛剛好爽脆。「卡邦尼意大利粉」 忌廉濃厚，煙肉帶出香濃味道。還有很多餐飲可選擇，今日甜品係士多啤梨蛋糕，完美的一餐。
繼續閱讀
難得放假，卻遇上颱風「尼格」，趁著仲未打八號，先去搵食，順便去嘉頓廠買麵包。是日想吃西餐，所以就揀左呢間 Kcal，由於去到餐廳都兩點幾，唔知係打風關係，定係冇旅客既關係，計埋我入室呢枱，全場都係得2枱客，以疫情黎講係幾好，唔會太多人，又唔會太嘈，我仲見到第二枱客仲帶埋狗仔睇住主人食，好岩有養竉物既人士黎食飯，環境方面都算唔錯，座位舒適又有冷氣，不過今日佢無開都已經好涼爽。今次點左一個午餐 - 黑椒汁紐西蘭一級超西冷扒配高纖米 (包左餐湯、餐包同餐飲)，再點左個意粉-意大利黑松露菌大蝦帶子炒天使麵 +$38輚餐 ( 包左沙律、餐湯、餐包同餐飲)。女店員好有禮貌同耐性，可能人數唔多，都好有耐性等我地慢慢揀野食，點好餐之後好快就送個餐湯同餐包，個湯一黎到就已經好香忌廉味，而個餐包就咁望個樣都已經流晒口水😋😋😋真係唔係講笑，個湯好Creamy，本人特別鐘意，而個包熱辣辣又脆口，真係想再食多幾個。當我仲問緊我朋友，個包咁好食，唔知可唔可以叫佢加，點知個女店員打算收走碗時就問：「仲要唔要加啲包呀?」 嘩！真係知我心意，我即刻話要 個包真係好好食，本來想叫再多次加，但比我朋友阻止左，你黎食包定食飯架？ 跟住女店員就上埋個沙律個沙律都OK，佢係用沙律醋，岩岩飲左個咁Creamy既湯，配返個少少甜少少酸既汁就最岩，而且個生果都好新鮮。個牛扒肉質都OK既，唔會有渣，只係有少少鹹，如果配菜再多少少就更好，而個飯對於一個女仔黎講係岩岩好。個天使麵其實都OK既，主要係無黑松露味，但個蝦同帶子都幾新鮮，如果個蝦廚師煮之前剝埋殻就更好。最後，整餐體驗黎講，我最鐘意係個餐湯同餐包，而服務上女店員真心好好，但後期可能女店員放工，換左個男店員，我唔知佢係老闆定員工，因為佢無著制服，見到我地杯水都飲晒都唔會加水，唔加水都唔緊要，最大問題係舉晒手想點餐飲，佢望到都唔理我地，掛住傾電話 最後我地自己過去同佢講要飲咩?! 去到要埋單，佢都仲傾緊個電話，可能個電話好重要，或者老闆唔休做，又或者埋單都係要行出去埋掛。
繼續閱讀
食物質素不錯，店舖人員nice🙂服務好好，而且重點是寵物可一齊在室內嘆冷氣 😌 Order 了 lunch set x 2 : 牛脷意粉以及牛扒意粉牛扒叫medium ，上菜切開已經8成以上不過質地幾好，仍然好食😋
繼續閱讀
叫外賣等左1小時10分鐘，只叫左1個餐，道歉態度其差，是但講句唔好意思仲要唔係望住講，收錢就快，收錢時巳等8個字，收完話出緊黎，再等半個鐘堂食食客叫就即應。如全無下次
繼續閱讀
您可能會有興趣的...