影片
營業時間
今日營業
11:00 - 09:30
星期一至日
11:00 - 09:30
公眾假期
11:00 - 09:30
公眾假期前夕
11:00 - 09:30
以上資料只供參考, 請與餐廳確認詳情
-
網上訂座即將推出
尋日行圍方發現呢間蛋糕店，覺得都幾靚，打算順便同男朋友食件蛋糕慶祝下生日。去到門口，成間cafe冇人，入到去見枱面qr code係隔離重慶麵食，見打通左就問問隔離做緊接待嘅男人，佢叫我哋等等，但當時係平日下午5點，跟本冇乜人同唔係忙到咁。我男朋友就諗住坐低kew+cafe度等，然後個接待男人先走埋黎，但問做乜！😨我哋答佢諗住係度食。個男人話蛋糕冇堂食！🤯我明明係openrice度見到可以坐低食..蛋糕店入面又咁大幅花牆掛住kew+cafe既招牌..個蛋糕又唔係平8cm $168..諗住坐低食件cake, 簡單慶祝下生日，個結果竟然咁無奈😂即係如果佢答下午5點後係冇堂食，我會服氣，依家呢刻我都係一頭霧水。雖然我最後係冇消費，我真係比唔落， 但一肚火，嬲到第1次係openeice寫劣評😡
繼續閱讀
之前去過海港城的餐廳, 食物質素, 環境和服務也很好. 今天是情人節, 去了圍方食飯, 飯後在這裏食甜品和飲品. 店面不是很大, 不適合4人以上聚會. 我們一行四人, 晚餐吃得早, 到埗時大約6點幾, 不過已經沒有2人枱, 只剩單人枱. (其實有2人各自霸了1張2人枱上網, 甜品店變成coffee shop 格局) 隔隣姊妹餐廳重慶麵店, 食客可以在這裏用餐, 甜品店立刻又變成了麵店, 真是一店三用！ 甜品是ok的, 不過不吃也不會覺得錯失什麼. 我們order了乳酪lemon tea, 朋友在海港城試過所以推薦. 不過我們的lemon tea 沒有乳酪味, 向職員詢問, 結果廚房回覆因為沒有乳酪！？咁點解沒有知會我們！？莫非廚房希望蒙混過去！？ 人客未必食得出沒有乳酪味!? 食物一般, 服務差, 環境惡劣, 強烈不推薦！（我懷疑這間是franchise, 只是用名星作招牌, 海港城的和這間質素差很遠）
繼續閱讀
大圍店管理極度有問題，本身我係1月27號訂咗一個蛋糕係2月4號自取，店員就咁畀張表我要我自己填，都唔緊要，最嬲係我2月4日當日冇蛋糕攞！！佢哋話漏咗冇訂，當吓已經好憤怒，但係因為想試個蛋糕所以我已經打算唔追究，諗住再信多佢哋一次，推遲2日再攞，臨走前佢哋亦拍哂心口保證今次唔會再漏單，點知2月6號又冇蛋糕攞！又話漏單！然後落單嗰位員工又扮晒無知，唔知咩事咁，真心痴線！唔會再去佢度幫襯！第一次已經係咁差嘅體驗
繼續閱讀
昨日到圍方睇完戲，想找間cafe和朋友下午茶傾吓計，見到商場廣告有新cafe Kew + cake 便想試試。 但到了L5 找了一回，只見［流口水］麵店，再回頭找找才看到cafe 入口在往洗手間的入口旁邊，位置真的唔明顯。因為是閒日大概5點，人不多。 Cafe 裝修都好fancy, 好多打卡位。 店員服務態度好欣勤，還提我哋order 蛋糕，飲品可以半價。 我們點了［人氣］芝士cake 和咖啡卷，兩杯Latte。 蛋糕真係有驚喜，尤其咖啡卷，咖啡味好夠，cream 好綿好滑，唔會太甜。最好就係唔會好似其他cafe有限時。 不過睇返相片，我們就覺得咖啡紙杯，用了花花圖案，有點似涼茶杯，跟classic 餐碟唔太配襯。 咖啡味道可以，蛋糕就更勝一籌。 因為住得近，下次都會再來試其他款式嘅蛋糕。
繼續閱讀
OpenRice Rice$即將到期, 見這店可用Rice$付款, 本打算點一杯飲品加一件蛋糕, 享受午後時光, 怎知卻換來災難式體驗。店舖門口並不顯眼, 若非事前搜尋圍方的食肆, 也不易發現這間蛋糕店。店內環境雅緻, 有一幅特色的花花牆, 每張枱面均放有毗鄰麵館的QR code讓客人自行下單, 原來這蛋糕店與毗鄰的麵館是打通的, 客人可在蛋糕店點選麵食, 怪不得座位會有湯汁的痕跡。細看之下, QR code的菜單竟只有毗鄰麵館的食品, 沒有蛋糕, 唯有直接跟店員下單。與店員確認, 飲品只是用磨砂膠杯盛著, 不利打咭, 性價比不高之下, 最後只點了一件蛋糕。1) 草莓甜心忌廉蛋糕 $582) 全單以 OpenRice Rice$ 支付草莓甜心忌廉蛋糕走精緻路線, 蛋糕底至面頭的士多啤梨大約是一包紙巾的高度。蛋糕四周有薄薄的切片士多啤梨圍著, 面頭放著一夥開半的士多啤梨, 士多啤梨味道甜中帶酸, 蛋糕之間有忌廉和切片的士多啤梨層層相隔, 士多啤梨明顯比旁邊圍著蛋糕的要厚身, 忌廉順滑, 蛋糕軟綿, 質素是可以的, 唯份量過於精緻, 且享用過程受擾, 感覺並不享受。店員放下蛋糕後, 過了一會便要求付款, 我經OpenRice App以Rice$付款後, 店員過了一會折返說用錯毗鄰餐廳名出單, 需安排退款及重新付款, 心想不是吧, 有夠離譜的, 結果處理付款退款的時間還多過享用蛋糕的時間, 在擔憂重覆扣Rice$下, 根本不能單純享受那件蛋糕, 真的災難。個人認為店舖定位和運作不清不楚, 麵館可讓客人點毗鄰店的蛋糕作飯後甜品, 尚可當是增值服務, 但在蛋糕店吃中式麵食, 感覺直接把蛋糕店的格調下降, 如這蛋糕店本身是西餐廳, 那倒是另當別論。付款安排更是不能接受, 竟然如此混亂。即使有名人效應, 但這樣的安排, 究竟是否有加乘作用? 寧願只有一個kiosk, 只售蛋糕, 不設堂食, 也沒那麼尷尬。
繼續閱讀