Kim's Spoon (已結業)

星期五晚上七點正到達，店內人客不多兩個人點了兩個主食，不想燒烤 menu款式選擇並不多點了豆腐海鮮湯 （本以為有飯跟！結果真係得個湯）個湯係辛辣麵個味噌湯包 其實好普通 但要$98 入面有一隻都叫爽口既蝦 同唔係好睇到嘅青口，尤魚之類既海鮮 韓式石頭鍋飯 bibimbap $88 飯都算多，細食兩個女仔都夠share! 熱騰騰有飯焦 仲叫做有最基本誠意最欣賞嘅係每張枱都有一盒kimchi放係枱到無限添食！ Overall, 貴囉！味道普通，並不值得這個價錢，試過都唔會再去！ 因為呢個價錢有大把餐廳選擇

弘大至熱選 $288혼대 인기메뉴 모듬 / Hot Picks @ Hongdae·🍎間唔中都有幫襯Kim's Spoon，發覺Kim's Spoon 間唔中都會搞搞新花招，今次Kim's Spoon 就推出咗個弘大至熱選 $288，而右面個公仔圖案似唔似Ryan 呀？有玩開KakaoTalk 嘅朋友一定知我講緊咩❗️·等🍎由左至右介紹下先～🇺🇸美國肩胛翼板牛肉🐮，中上嘅忌廉辣炒年糕，中下嘅甜辣炸雞，右面嘅卡通造型嘅芝士牛肉漢堡配泡菜炒飯❗️旁邊仲有麵包🍞薯條🍟沙律🥗❗️·❣️🇺🇸美國肩胛翼板牛肉🐮：採取自助式燒烤，自行選取牛油嘅份量，自己決定牛肩肉嘅熟度，咩都係自己話事❗️🍎就無食到依個美國入口嘅肩胛翼板牛肉，但同行朋友就話：雖然係套餐，但依啲唔係平價牛肉，食落就知😏（拿，朋友講嫁，🍎唔負責🐒）❣️忌廉辣炒年糕🌶：一睇依碗野，🍎以為係甜品😍，但原來唔係😂！由上至下係忌廉▶️香辣炒年糕▶️卡邦尼炒年糕！忌廉炒年糕，🍎未食過，仲要係辣嘅⋯頭住頭皮試下，第一匙「畢」落去全部都係忌廉🤔所以就大家「畢」深少少，因為啲年糕係晒底！口感creamy就真係唔駛講，雖然話係辣年糕，但可能已經同忌廉同卡邦尼醬汁mix

早幾日係Facebook 見到有人宣傳呢間野，眼見又幾正咁咁就去試下睇下咩料啦😁個賣相的確唔錯！（其實二人食都足夠）由於本人落order 果陣嗌多左個鐵板飯。（怕唔夠食）呢個就係雞肉牛肉鐵板飯！味道真係好，唔會太濃味，有d蔬菜係底冇咁dry...值得一試👍其實本人去之前冇估到份量咁多，仲知唔嗌咁多😂開餐前既前菜！泡菜係任加😍開餐喇！ 有個爐仔比你自己燒下野食，都幾好玩下！呢個係個炸雞黎，但佢加上酸酸甜甜既汁，有小小似生炒骨咁既味😂由於份量都幾多下，本人同女朋友食左一個鐘多小小先食得晒....飽死！

有一段時間冇食韓國菜，淘大三期呢間韓國餐廳開左一段時間都未試過，今晚決定整返餐。門口有大大個餐牌，見到有個二人燒烤餐好似唔錯，決定試試！安排左二人卡位 都算幾舒服每張台都會有一盆泡菜任食，味道都可以餐飲可以揀特飲 青蘋果柚子蘇打 味道清清地唔會太甜前菜三小碟 苦瓜 芽菜 豆乾大蝦海蜇沙律+芥末醬 味道有少少怪燒烤餐可以揀燒海鮮或者燒肉，我地揀左燒肉，有牛，雞同豬，賣相都唔錯，望落都幾吸引。牛既肉質比想像中淋，豬同雞正常，冇咩特別燒肉餐配既生菜，生菜幾新鮮香辣撈冷麵，面質唔會太淋，有少少彈牙，但醬汁味道一般最後呢個係甜品

晚上出外晚飯，發現淘大開左間新嘅韓國餐廳，決定入去試一試。店內嘅男職員好像都係韓國人。正所謂唔食得都睇得😝不覺發現呢到嘅泡菜並不太合我嘅口味。。。味道有點像是變壞的味道。。。所以食了一片後，就無再食了。炸雞沙律份量不算多。炸雞算皮脆肉嫩，而且切得細細粒，一啖一粒！沙律菜也新鮮。個沙律汁酸酸甜甜的味道不錯。又開胃。炒粉絲覺得有點油。但味道算尚ok。反而我要讚下炒粉絲入面嘅肉。大大嚿的。唔會碎濕濕泡菜豆腐豬肉鍋雖然我並不能食得過辣。但每次見到有泡菜湯都忍不住叫黎飲。酸酸地好酸胃。不過d湯都真係幾辣下。。。辣到我出晒汗。但如果就咁食d餸就唔會覺得太辣。豆腐有豆香味。泡菜煮過後已減去了辣味，食落甜甜酸酸的。不錯。

上星期五，和男友逛Megabox 看到這間新開張的餐廳，本著嚐新的心態，入來進餐。由於是以韓燒為主，但它提供的套餐並不特別吸引散叫了一碟韓牛肩頸肉薄如片,一放落穫就散晒；得7篇竟要$208，牛舌同樣勁多雪又得數片，又有一陣臭尿味都成$98；個炸薯條又淡又腥，垃圾都不如。最難頂是服務員的態度，十問九唔應，買單等左成20分鐘張卡都未返，問佢仲要黑口黑面，同勁粗魯掟番張卡比我地，離譜。以後都唔會再光顧尼間餐廳，不知所謂，買單竟要$565

聖誕去食大餐，朋友見到網上有人推介尼間餐廳既Special Meun ，有50cm同75cm既鐵板料理選擇，又可以食又可以去影相，岩晒女仔啦😆一行4位女士，沒有預約，沒有時間限制，因為怕要等位所以就早啲去食。6點半左右入座，餐廳還有很多位置，到我地食完大既8點左右，餐廳是滿座且有少量人排隊的，餐廳寬敞舒適，卡位就需要燒烤才能坐。我地叫了不少食物，不得不說大家都是大胃大，除左點左75cm鐵板、還點了炸物拼盤、傳統韓式石頭鍋飯、乳酪柚子橙汁、士多啤梨沙冰，看見隔離桌都是4人但只是叫50cm鐵板😂😂😂75cm鐵板：鐵板下面會有4個蠟燭，保持溫度，可惜的是食物本身不熱，食到後期食物先真係熱同有熱煙出。鐵板包括有沙拉，配黑醋汁開胃但味道一般；袖子蒜香豬腩肉，袖子味清爽能蓋過蒜蓉油膩既感覺，2者比想像中夾，尼個好食😋；炸蝦，炸粉不厚，食落新鮮且脆卜卜；薯條，不太熱，普普通通；豉油汁雞肉&韓式辣雞肉，2者味道不錯，但冇咩特別，雞肉可以自己沾上芝士汁，芝士味道不濃。炸物拼盤：一樣有炸蝦薯條，仲有炸餃子同炸雞，炸餃子不錯，炸雞就麻麻，雞肉好dry，炸得唔夠脆。石頭鍋飯：配料豐富，熱辣辣，味道正常，因為好

捉緊XMAS最後的尾巴，今日就行左入去Mega Box度行下街，行到2點幾肚餓，見到呢間韓國餐廳有個50CM大鐵板，好似好壯觀咁，一於去試一試！一於挑戰500MM的鐵板雞肉！聖誕節的氣氛~令人入門口時己經覺得特別開心，有節日的氣氛泡菜一向係我對韓食的至愛之一，而呢度的泡菜有兩大特點！第一. 任食~~~~~~~~~~~~~~~第二.佢的泡菜口感好脆好爽，食落口就覺得係新鮮的泡菜，呢一點非常難得，証明店家對食物質素的信心同埋堅持。鐵板下面有蠟燭座熱，辣炒雞肉、半溶芝士、韓式豉油炒雞肉同埋薯條。兩款炒雞用去骨雞髀肉，分別用上自家製甜辣醬和韓式豉油醬汁炒，吃時可蘸上半溶的Mozzarella芝士，芝士混和了牛奶和忌廉，奶香濃郁。沙律用上了黑醋同柚子調味，酸酸甜甜，幾開胃。沙律當中的柚子爆哂汁超好味，好吸引勁開胃！薯條就要沾旁邊的半溶芝士，香香甜甜，而且奶油味好香好Cream，正！韓式豉油醬汁炒雞肉，味道夠哂香，而且雞肉的肉質好嫩滑。醬油的味道唔會太咸，入哂雞肉內，相當惹味！相對於韓式豉油醬汁炒雞肉，我比較喜歡另一邊的自家製甜辣醬炒雞肉，甜甜辣辣的醬汁配上雞肉，味道更加花惹味。而且辣味唔算太濃，

睇飲食男女見到張相好吸引所以去試，非常期待，上台時個樣都非常靚仔，遂樣講啦：沙律，不過不失；滷五花腩，就咁食五花腩味道正正常常，配埋佢個淋左係面既柚子醬就悲劇啦，嘔吐物一樣😓；唔辣雞，雞肉過老，似隔夜翻熱，味精好勁；辣雞：一樣好鞋，似隔夜翻煮，小小辣又唔好味，多味精；中間兜芝士唔知撈左咩粉，完全無芝士味；炸雞，粉厚味難食，今時今日炸得出咁既雞都有難度；炸薯條，全晚最出色食物，可惜都比茶記差......呢間野堅難食到喊，好心賣得廣告做招牌就唔好攪到咁，麥記都比你出色萬倍，離晒譜既一間餐廳。

星期日中午, 媽咪多數唔多煮, 所以同媽咪黎食 Kim's Spoon同行街街, 因為無乜客人, 好快有位, 坐低後待應就奉上兩碟前菜比我, 好奇怪 ! 點解無泡菜既 !原來....枱上有一大碗比你任添 ! 泡菜迷一定好鍾意呀!! 水就比晒成樽你慢慢飲 (注 : 係檸檬水)食落真心覺得好新鮮, 雖然自已平時都會係超市買黎食, 但係餐廳食泡菜,感覺好新鮮, 好爽, 亦好多醋 ! 所以食左好多 !!睇下餐牌, 有唔少選擇 :我同媽咪選了 ~1) 泡菜豬肉粉絲2) 泡菜豬肉石頭鍋飯落單時, 發現餐廳內有兩位韓國人的職員, 好驚訝竟然在有2位職員, 我用我有限的韓語夾英語, 知道佢地黎香港約兩星期, 佢地好友善, 英語能力亦好好 !好快就黎左啦 !! 雖然只係LUNCH, 但擺設得好整齊...泡菜豬肉粉絲 :豬肉炒得香口, 有埋泡菜好惹味, 粉絲亦唔會變得一舊舊, 炒得好香, 成碟食晒呀 !!媽咪要了 "泡菜豬肉石頭鍋飯"佢好中意食飯焦, 完全好合媽咪口味 ! 泡菜豬肉的份量差不多蓋過成碗飯,而且好好送飯, 飯的份量都好多, 我又好飽, 所以都食唔晒 ~套餐仲送飲品, 媽咪要了熱蘆薈水, 我則

相約好朋友屋企附近燒燒下，Kim'spoon開左一段日子都無幫襯過，門口有張傳單主菜單滿二百送一jar飲品，但係我地叫左個二人燒肉餐加韓式撈面再加炸韓式粉絲卷，先講肉併盤量有點少每款六件左右哈哈可能我大食，不過連菜上，菜就好夠😁，燒到熱熱地食個撈面非常好，炸韓式粉絲卷好香口唔錯，不過價錢有點少貴

嗱嗱嗱！我哋兩個出哂名鐘意打邊爐架啦，無論麻辣鍋、雞煲、日式和牛鍋……我哋一個星期至少都要打一次嘅！之但係，韓國嘅部隊鍋就真係好少食，因為M佬話嚟嚟去去都係得啲腸仔、火腿、餐肉、公仔麵，諗嚟諗去都係早餐一份，但就收我百幾二百蚊，所以每次經過，我都只可以喺門外面，偷偷昅吓啲大大隻嘅Oppa…吖，唔係，係偷偷聞吓啲部隊鍋！不過，有一日去開九龍灣拍拖行街街，路過呢間韓國餐廳 Kim’s Spoon，門口已經聞到好香，見到佢嗰豬腩肉配海鮮鍋又好似幾吸引喎，明明話唔鐘意Oppa嘅M佬就捉咗我入去試喇！一入到去，真係驚喜大發現！平時大家去開韓國餐廳，點都會有幾塊泡菜俾你做前菜，雖然部份餐廳可以畀你添加，但同我一樣咁鐘意食泡菜嘅你哋，一定會發覺，加得多都會唔好意思。點知呢度每一台都有成缸泡菜擺係度，味道又啱啱好，一定可以滿足各位泡菜！而今晚嘅主菜終於上台啦……嘩！真係好豐富呀！呢個鍋有平時部隊鍋嘅香味同湯底，真係可以用滿到瀉嚟形容，好多料。喺開始打邊爐之前，唔知大家會唔會試吓個湯底呢？我哋一定會喺開始前試吓，因為有好多餐廳會用水溝淡個湯底，借助你越打越濃，根本就唔會試出個原味。唔通打邊爐最緊要係個爐

星期五lunch 一行人黎呢到食原來而家仲有叫四個餐免費一個即係四個人比三人個的錢呢到平均$50-$70個餐除返開都算抵食中午到左十二點半就爆爆地場跟住見到學生餐仲平$35所以都有好多學生黎食選擇方便都有二十款左右如果燒肉就$90一個set 都算抵食物都算唔錯個湯好濃味 雖然知味精多， 但就係濃味先好食下次會試埋夜晚

朋友生日飯, 由壽星女決定食乜. 最後揀左依間韓國菜KIM’S SPOON, 未聽過, 睇下食評, 喂得兩個喊喊口, 心諗: 唔係掛. 但街坊壽星女話食過OK, 我就吞左我既疑問出發去九龍灣.原址係淘大果間和民. 去到8:30PM, 大概坐滿唔夠一半. 基本上都係散叫或韓燒套餐, 我地5大人2小童. 壽星女話套餐好大份, 叫一個4人餐+ 另叫多杯飲品就夠. 四人套餐包括左:沙律( 大概 4選1) – 點了醬油炸雞沙律, 炸雞比5元硬幣大DD, 有8粒左右, 食落唔錯, 幾香口, 唔算厚粉 小食(5選2) – 點了牛肉炒年糕及泡菜薄餅, 前者份量頗多, 又夠汁, 味道都OK. 至於薄餅, 強烈建議要點佢附上既醬一齊食, 味道會更豐富. 粉面飯(5選2) – 點了石頭窩飯 及水冷面. 前者 份量雖大, 但飯面上的煎蛋好明顯係凍冰冰煎好左N世. 個人不太建議點. 反而水冷面有驚艷之處, 冰冰涼涼帶點微酸, 夏天吃真的好開胃. 燒烤肉 (大概10選5), 點了雞肉, 豬頸肉, 牛肉, 豚肉, 豬肩肉. 新鮮, 份量多, 前三個味道不錯, 燒完還有點肉汁. 豚肉就似雪藏的, 燒

本來是打算來吃和民，誰不知原來已經倒閉了，但同一位置變成3間食店，於是進了這一間。由於和家人也不想太熱氣，故選擇了不燒烤。打開餐牌後，有點失望因為大部分是forBBQ，飯類和麺類選擇不多（大約七、八款）也沒有紫菜包飯最後叫了「石頭鍋飯」，但是沒有驚喜，因為與街外其他價格平一點的餐廳的沒大分別，味道算是過得去，只是淡了一點，但是鍋的熱力不錯，能夠做到飯焦效果。附上的海帶湯略為不夠熱，好像稍微攤凍了。最後，一個石頭鍋飯盛惠一百元（已包加一），不至於難吃，但如果下次不是去BBQ，應該不會再去了