影片
港鐵大埔墟站 A1 出口, 步行約7分鐘
繼續閱讀
電話號碼
26633550
營業時間
今日營業
12:00 - 00:00
星期一至日
12:00 - 00:00
以上資料只供參考, 請與餐廳確認詳情
難得放假，想食個西餐飲杯酒chill 吓，restaurant bar 係我今日嘅心水，行過kings belly 就入去試吓午餐來講，都係西餐價，我叫咗佢哋嘅set lunch，同其他西餐酒吧有特別嘅地方係，佢除咗西式嘅選擇，仲有印度菜選擇，今次我點咗西式頭盤係蕃茄湯，仲有餐包加沙律，主菜叫咗塊豬鞍比較令我有驚喜嘅，蕃茄湯真係好濃郁，仲有啲蕃茄蓉，原來廚師係用新鮮蕃茄打出嚟個餐包都唔錯，外皮熱脆，內裏柔軟，加啲牛油好好味而主菜豬扒，個人覺得幾好食，鎖到肉汁，同埋好香口食完飽飽地，想飲啲Fresh啲嘅嘢，經理調製咗杯gin fizz ，少少酸酸甜甜，我覺得好啱飯後飲
繼續閱讀
過來大埔找朋友，帶我去咗一間英式酒吧小酌一番，佢話係佢喺大埔常光顧嘅酒吧餐廳一入到去氣氛唔錯，同有好香嘢食味，不過今次就無喺度食嘢喺選擇困難唔知飲乜嘅情況下，嗰度職員問我想飲邊類口味嘅cocktail, 我就同佢講想飲啲唔係度度有，但又易入口嘅cocktail佢就即刻推薦咗我一款，仲解釋咗杯cocktail 嘅成份同口感，我對酒唔算太熟，唔算聽得好明白，但覺得佢地都幾nice同專業之後即場見住佢沖cocktail，出到黎個賣相幾吸引都令我有種小驚喜，打破咗我以為英式只賣啤酒同classic cocktail 嘅想法而飲落就有種菊花同荔枝味，質感有厚身，但口味又幾清爽幾好飲，同我眼見以為嘅味道都幾唔同，似飲緊分子料理 >V<原來佢地 gin 係菊花底，仲要係自家整，都算幾有誠意同朋友同bartender 傾吓計就過咗個偷快嘅夜晚，有機會一定再嚟
繼續閱讀
其實好耐之前一直有去開，最近一段時間冇去打算舊地重遊，結果一肚氣。 其實食物質素還算可以，啤酒種類多而且有IPA，但都激氣係服務態度好差，而且冇冷氣，當然晚上去都有成28/29度，問佢冷氣可唔可以開大少少職員話開到盡了，結果夜少少多客人入之後佢先開大冷氣，擺到明之前覺得我地人少唔想浪費冷氣！成餐飯頭半段好似焗桑拿咁。
繼續閱讀
男侍應態度差。剛開門，我係第一個客想坐梳化因為有bb，佢話所有梳化位都 reserved 。我問 reserve 咗幾點，佢話一個半小時後。我話我食唔到一個半小時，我會準時還枱，佢先比我坐。之後我order Holiday roast， 佢話個肉未 ready ，要等半個鐘頭，又話我還唔到枱，但之後又話個肉唔使等。食物唔得👎🏻👎🏻Fish and chips $198 貴而且唔好食，炸物通常包無死， 雖然佢好新鮮炸起，但太多炸粉，個皮好厚，魚又乾身。tartar sacuce 勁無誠意。Holiday roast $288Prime rib 350 belly cut 正常，但係個gravy 真心難受，又稀又咸。 跟餐個湯又係又稀又咸，完全唔知想點。 餐包飲品，我選擇咗菠蘿汁。佢冇加一服務費，貼士就見仁見智啦。
繼續閱讀
其實去酒吧真係好少order野食，因為一般都係無咩野食😁。不過今次同朋友黎呢度傾計，見到餐牌都幾多選擇😋，即刻order試下先。pizza 分量唔大，細細件用嚟送啤酒都唔錯，不過唔知係咪放左一段時間，唔太熱，餅皮淋左D，無左脆脆既口感😅。芝士味唔太濃，有少少失望。雞翼就正正常常，無咩特別。安格斯牛扒就真係唔得😑，雖然份量都唔少，幾大份，不過煎得太乾，好鞋太韌啦😅，咬唔開。其實酒吧餐廳，都係適合飲酒多D，D野食質素比較一般😅。
繼續閱讀
您可能會有興趣的...