影片
開飯介紹
所有冰乳酪以北海道3.6牛乳homemade形式製成，不加水不加冰，不加砂糖，不加奶油，每日新鮮即製，另設十款飲品以供選擇。
繼續閱讀
營業時間
星期一至日
13:00 - 23:00
以上資料只供參考, 請與餐廳確認詳情
招牌菜
慕名而來，果然乳酪又香又滑，重乳酸味，陣陣奶香，好多乳酪店都聲稱選用 3.6牛乳，我唔知 kiss n' joy 係咪真係用，但真係奶味濃郁，好好味好好味!!我係試佢配好o既 Yoghurt Fever，太多醬同水果，雖然賣相吸引，但反而食唔出原本o既味道，比分係比佢比我試食果杯仔的。欣賞佢免費比人試，好有誠意，下次一定會食淨乳酪加小小 topping的不過位置格 sip，而且鋪頭賣埋好貴下o既冷麵，影響食客感覺。如果加設自助形式就 fit喇暫時係我試過最好味o既乳酪。
繼續閱讀
又係試yogurt的時間啦!!食飽晚餐..朋友推介lee 間yogurt 就黎會一會佢啦!!其實舖仔細細~朋友話好多人都話好味..平時好多人wor..同埋間野升得好快~~所以我滿有expectations~~但試完真係覺得好一般咋~~我食左一個原味加玄米粒同埋荔枝的yogurt...仲以為d yogurt會好香好滑...我只覺得一般貨仔咋~~咁既街邊檔賣咁貴..真係以為水準好高...但我好失望囉!!大杯都算ok大既~~玄米粒就口感幾好~幾有咬口..不過覺得有少少硬~同埋"火羅"味~咁荔枝就冇咩好講啦!!朋友叫左strawberry favor...不過我都唔係好大陣strawberry 味~我都係鐘意原味多d~~而人手好明顯唔夠人..得一條友..雖然話0個時唔多人幫襯..不過serve 得我地來..佢地已經理唔到新客了~咁俾人感覺唔係太好囉~~我諗..我一次夠了!!!
繼續閱讀
綠茶味既產品總有興趣試試，這裡一值都mark低想試。是日飯後仲食得落野，就一於試試這裡的綠茶乳酪。店入面有好多pre-set item，懶鬼上身，就唔自選，要店方既配搭。等左差唔多5分鐘先整好，好的係慢工出細貨，壞的係人多真係唔知佢點算。講返味道，綠茶味既乳酪，綠茶味淡身，淡到唔睇色水真係唔知係綠茶味，濃身一點應該會岩我多一點。叫得做乳酪，卻沒有丁點兒乳酸味道，對我黎講，係有點怪怪的，不過叫做軟滑，其實本身的yogurt係做得不錯的。配料都唔少，最好的係個mochi，大大粒，又夠軟身，中間果套餅同碎就真係飽肚之選，食完就好飽。配料不錯，綠茶味薄薄，唔岩我口味。賣$42蚊，不過配料同乳酪都係滿滿，都算係咁。
繼續閱讀
來到加連威老道時若想吃乳酪都會選擇Roll或Crumbs，但在厚福街內也有家乳酪小店Kiss n joy，這次特意前去試試。店內提供原味及草莓味乳酪，及日本抹茶黑朱古力味雪糕，標榜著用的是北海道3.6牛奶，而且不加糖、奶油、雞蛋、水及冰，好像健康點。店員亦給我先行試食，抹茶雪糕帶甘醇的茶香，回甘而不苦澀，可是質感不夠挺身濃稠，寒冬下雪糕仍很快溶掉。原味的乳酪帶濃郁奶香，混有乳酪的酸味，酸度適中，不會很甜。而草莓鮮粒乳酪說是用上新鮮草莓打造而成，吃下去比原味的更為酸，但味道不會造作，挺自然。質感上，口感滑溜，輕軟柔綿。乳酪雪糕除了可自由配搭外，還可選多款已定好的款式，我就選N’Joy Delight，$42，是原味加草莓乳酪。配料在底部有小紫蘇，雪了成冰狀的，入口涼快，口感不錯，還有多款生果水蜜桃、火龍果、哈蜜瓜，中間亦有朱古力威化餅、乳酪提子粒及自家製麻糬，麻糬口感不夠軟綿煙韌，亦沒有甚麼味道，還是Yo mama的最好吃。面層有草莓及藍莓粒，但明顯浸過了糖水，味道很甜。自問進食速度不太慢，但乳酪吃到剩下半杯時已溶掉，這點要改善。跟附近兩間乳酪店相比，這裡的抹茶味雪糕，味道上是不錯的，但質感上，無論是乳酪或雪糕都非我所愛，還是口感挺身且帶點冰感的Yo mama乳酪才合我心意，始終這也是個人口味，最重要找到自己愛吃的
繼續閱讀
看過各食友推介，說這裡的綠茶雪糕茶味香濃，綠茶迷一定大愛所以這小店早已在我的試食waiting list之內！想試很久，但每次到來尖沙咀但會遺忘了在燒魂一晚餐過後，飽得很呢，但既然來了就一試啦。雖然天氣極度寒冷，但也不減我的yogurt和雪糕的意欲，哈哈果然係為食店的位置較隱蔽，在厚福街的小巷之中，而且也沒有什麼大型宣傳廣告牌，大概不是看過食評也應該該難發現這店的存在，相信kiss n' joy的大部份好評都是openrice之效吧雖然衝著綠茶雪糕一來，但還是怕自己對綠茶味食物要求太高所以還是先試食，試了抹茶雪糕和原味乳酪兩者也不錯，yogurt酸味適中，質感挺滑，不會有冰感（如果可以更酸就好：P）由於太飽，哈哈不能一人點雪糕一人選乳酪最後還是點了一客uji Matcha。雪糕的質感挺滑，淡淡雪糕也充滿著綠茶味道，甜度適中在云云toppings中，玄米粒和綠茶雪糕是最match的，自家製的綠茶mochi沒太大特別。吃到中層，會吃到一些朱古力威化餅和一大堆的朱古力粒，那些威化餅的體積還不算小，而且很甜，重點是跟雪糕不太配合去到底層，蜜紅豆和一些生果，紅豆略嫌甜了一點整杯雪糕的份量適中，略嫌層次太過豐富，建議中層的威化餅和朱古力粒可以刪掉，罼竟也不太相配整體來說是滿意的，雖然索價40大元，但也值得一試的可以說在haaen-dazs和citysuper外的另一個綠茶雪糕的好選擇：]不過在味道上還是citysuper的更勝一籌，下次來要食這店的原味yogurt先
繼續閱讀