影片
營業時間
今日營業
11:00 - 19:00
星期一至五
11:00 - 19:00
星期六至日
10:30 - 20:30
公眾假期
10:30 - 20:30
以上資料只供參考, 請與餐廳確認詳情
相關文章
位於南豐紗廠的 KobaNe by Minimal 是一間充滿日式簡約風格的小店，用餐環境舒適又放鬆。洛神花柚子梳打($46)清爽解渴，洛神花的微酸配上柚子的清香，汽水泡泡帶來輕快的口感，是炎炎夏日的好選擇。冰美式($42)咖啡香濃而不苦澀，冰鎮後更加順口，是咖啡愛好者的不二之選。🍹☕️醬油漬吞拿魚茶泡飯($120)口感豐富，吞拿魚醃製入味，茶湯清香而不搶味，配上米飯非常滋味，吃起來溫暖又滿足。這道菜既有日本家庭料理的溫馨感，又不失精緻。🍵雜菌三文魚定食($115)則以新鮮的三文魚和香煎雜菌為主，三文魚柔嫩鮮美，菌菇香濃可口，整體份量剛好，是一頓健康而美味的選擇。每道菜都散發著簡單而不平凡的美味，非常適合閒暇時光來細細品味。🍣
繼續閱讀
星期日晏晝呢到唔算好多人，即刻就可以入去，主食嘅選擇唔算好多，我哋叫咗雜菌燒三文魚定食同埋壽喜燒牛肉燴飯。雜菌燒三文魚定食（$115）定食配搭好豐富，有茶碗蒸、蔬菜餅、醃茄子同埋蜜瓜。三文魚🐟煎得好香，外脆內軟，醬汁配埋白飯非常好食。蔬菜餅🥕香脆唔油膩，幾有驚喜。茶碗蒸🥚都好滑有蛋香👍🏻而醃茄子🍆相對就普通咗啲，冇咩特別。🍈跟餐嘅蜜瓜比想像中有誠意，係清甜又多汁😋 成個定食嘅配搭好滿足👍🏻壽喜燒牛肉燴飯（$125）呢個即叫整等候時間比較耐，食完個定食都仲未嚟到。本來對佢期望幾高，但係有啲失望😔忌廉汁煮嘅燴飯食多幾啖會有少少膩，配搭埋壽喜燒汁牛肉同埋溫泉蛋都好食嘅，但就係想像到嘅味道冇咩特別。比較推薦呢度嘅定食，整體嚟講都幾好味，見到佢哋呢度嘅甜品賣相都好靚，下次會想嚟試吓。
繼續閱讀
Kobane by Minimal 位於荃灣南豐紗廠,係深水埗迷你無的分店。走新派日式路線,與迷你無的風格有所不同。餐廳環境清新優雅,打卡位置多,特別是窗邊可以飽覽外景。午餐選擇不多,不過仍有幾款精緻的日式料理可供選擇。我哋三個人叫咗三個set lunch：照燒汁牛扒定食、壽喜燒牛肉燴飯和醬油漬吞拿魚茶泡飯，三款都好睇又好食。其實所謂set係唔包飲品，飲品要加錢，所以唔明白點解叫做set，不過啲咖啡都係好飲嘅，特別係rose latte非常唔錯。
繼續閱讀
好耐冇去南豐紗廠，見到呢間日式cafe好吸引！即刻去下，但味道就…🍴醬油漬吞拿魚茶泡飯 $120有吞拿魚，三文魚籽，油甘魚，有青檸同烏龍茶，整體嚟講唔係好夾，烏龍茶太重味，蓋過咗魚同飯，好似倒瀉咗杯茶咁勁怪，加埋青檸嘅酸，難以入口，魚生正常但浪費左。🍴壽喜燒牛肉燴飯 $120冇諗過唔好食，牛肉係最平嗰隻肥牛，識落比較嚡口，係有壽喜燒汁嘅甜味，比較偏硬，食唔到落咗忌廉，唔好食。🍴自家製海鹽焦糖咖啡 $45咖啡係OK嘅，焦糖香唔會好甜。推薦指數: 3/10小店好似好有心機整，但味道就真係唔得，咖啡係OK嘅😂
繼續閱讀
星期六嘅2:30嚟到，等咗成35分鐘先至出到餐。仲要係甜品先上，其實我哋都幾肚餓，冇諗過係要食甜品先。然後過多20分鐘，主食先至嚟到，以出餐順序同等嘅時間計真係唔合格。豆乳蜂蜜紅茶蕨餅配玄米茶雪糕🍧賣相好精緻，吸睛嘅，打卡一流。不過就食唔到豆乳味，蕨餅都幾好味嘅，而玄米茶雪糕佢唔講我以為係雲呢拿雪糕。😂😂😂日本花魚一夜干定食🐟一上枱已經覺得條魚唔夠乾身，照計一夜乾唔應該面頭仲咁濕潤。條魚好多好多好多好多骨，食落去好唔方便，要不斷嘍骨，而且啲肉比較散，真係好一般般。😬其他配菜都麻麻哋，唔係精細用心嘅出品。🫣呢間係深水埗迷你毛嘅分支，以為質素會有保證，誰知係相反，侍應唔熟手，經常有砰砰棒棒嘅聲，而且唔會主動執枱。😑以今次嘅質素計就真係好唔OK，希望店家見到佢留意吓。😶
繼續閱讀