KOI Thé (已搬遷) 新店位置

放學同朋友行過旺角，想飲珍珠奶茶，係登打士街個邊有好多間選擇，但想食有咬口既黃金珍珠，於是介紹朋友嚟呢到！黃金珍奶$18(小、少珍珠)、芋圓奶茶$20(小)--要咗杯細既黃金珍奶，大既太大杯會飲唔哂。半糖、少冰、少珍珠，如果唔少珍珠會比左一半珍珠，但d奶茶飲哂得返珍珠會太dry，所以都係少料。奶茶偏重奶味都ok，珍珠同平時見到既唔同，係偏橙黃色，煙韌啲，好好食。朋友要咗杯芋圓奶茶，明顯佢既芋圓係多啲。芋圓係比平時食糖水既細粒，又係煙煙韌韌好好食，下次會叫呢杯試下。但當日人手唔夠，得一個人又落order又要整所以等好耐。

📢再嚟一次🤤➖➖➖➖➖➖➖➖➖➖➖➖➖➖➖➖➖➖呢間台式飲品店係台灣五十嵐嘅新line😗同朋友行過，忍唔住同佢一齊share飲番杯先得😍#抹茶拿鐵 ($26 中杯)😋好味指數：(7/10)+$2有黃金珍珠本來係冇珍珠嘅，但覺得呢度嘅橙黃色珍珠好得意好好食，甜甜地煙煙韌韌咁，所以就加咗😆 雖然只係加兩蚊不過珍珠嘅分量都幾多😱😂同樣地今次都係叫做半糖🤔如果想飲好濃抹茶味嘅朋友仔應該會有啲失望，因為呢抹茶latte係淡淡嘅抹茶味🍵小小甘甘甜甜嘅味道😚都幾好飲😚.⭐溫馨小提示📌 怕甜嘅朋友仔千祈唔好叫全糖🤔小編覺得半糖嘅甜味都好夠🤔

極愛珍珠奶茶的我，都試左好多間珍珠奶茶。但珍珠黎講，本人至愛的莫過於Koi。平時買奶茶主要都係想食珍珠，Koi的珍珠真係令我一試難忘。登打士街呢間一向都好多人，有時仲會多人到要等珍珠。今次就好好彩，唔洗等都有珍珠！走糖的好處除左健康，仲可以試真啲奶茶味。Koi的珍珠都有甜味，如果冇叫少甜，我相信杯野都會幾甜😅我至愛Koi 的珍珠就係因爲佢夠煙靭，而且陣甜味都令人難以抵擋。相反奶茶就普普通通，冇咩茶味。Koi的份量偏細，就算嗌中杯都比其他店的普通杯細，但價錢就更貴，抵唔抵飲就大家自己諗啦🤣黃金珍奶真的十分推薦，如果Koi 要我等一個鐘先有珍珠，我諗我都會等！🤣

吃過味精感重的一頓晚飯後，忙不迭找飯後飲品「解毒」。自從八月在台喝過手工珍珠奶茶，便重新開始愛上台茶。近來港式台茶店愈來愈多，未有誇張得要刻意訪尋，但當想喝點甚麼時，便不期然想到「它」了。台茶新店數之不盡，怠懶的我只想搜尋離我最近的就好，於是就選了才數分鐘步程的KOI。KOI不算是家新店，幾次路過都是過門而不入，但反正就是未試過這家吧。店風走年輕化路線，門前的巨型黄金型奶十分吸睛，但那珍珠看起有點像三文魚子。雖說主打是一杯黄金珍奶，但總嫌奶茶奶感太重，加上想喝清新一點，就選了杯益力多綠(中杯$20)，難得是加黃金珍珠竟是不加錢的。中杯的份量不會太多，說少冰是做到了，少甜卻還是頗甜。其實點益力多走甜本身就是矛盾的，益力多那有不甜的？之前喝過青玉好茶的版本，益力多味道稍微淡薄了點，但茶味能嚐得出來感覺還不錯。而KOI的益力多綠在益力多味上不相上下，而綠茶的部分卻是太寡淡，茶底水準確是被比下去了。不過，那黃金珍珠口感相當不賴，小顆珍珠佔了近半杯的份量，再如何努力也會吃不完的。珍珠是現熬的，彈牙自然不太甜，不過甜味較單一，勝在囗感，比一般平庸表現的珍珠好上一點。除了黃金珍珠外，對芋圓同樣感到新

是日路過登打士街，眼見門口一人龍，湊近一看，原來是台式飲品店～恰好有點口渴，於是我們也決定排隊買一杯來試飲。選擇也不少，和一般的台式飲品店大同小異。是日沒有什麼心水之選，看到牆上張貼著「芋圓奶茶」的poster，於是就決定一試。Cashier位置會有一個牌仔引導大家落單，分別是揀選冷/熱，size，甜度，冰量等等。付款後取得單據，則可在旁等候。等候過程中請留意店舖上方一角所顯示的輪候號碼。等了差不多20分鐘，終於取得！味道基本符合所選擇的中杯，7成甜，少冰；但味道偏淡，不論茶味還是奶味。芋圓反而有驚喜！份量頗多，接近三分一杯。size夠細，每一粒都可以正常吸食到。口感煙韌，而且好似食到有眞正芋頭的口感，amazing～雖然茶味奶味都一般，但芋圓帶給我的驚喜令我為它額外評分為4🌟。

打去問一杯送吾送外賣．又話吾送．甘吾好話可以送外賣啦．又冇講幾多杯先可以送之前買一杯都送．而家又話吾送．同埋聽電話個女仔態度極差囉．以後吾會再幫襯囉．好飲都冇用．態度問題

嚟到旺角掃街，真係好多飲品舖揀，完全係花多眼亂呢間主打黃金珍珠嘅舖頭都幾吸引到我嘅視線，不過我又好飽唔想飲茶同食珍珠，所以揀揀下就叫咗益力多系列：水蜜桃多多頭頂嘅menu淨係寫咗有兩個size，所以諗住叫大啲嘅$24，點知叫嘅時候先見到檯面嘅menu原來有3個size，仲有個再大啲嘅，不過算啦轉唔切(另記：男店員係幾好服務態度嘅等咗幾分鐘就有，一開始有啲沉澱物質，店員已經幫我哋搖咗，但係都唔太勻一飲發現真係好甜！！！原來係底部較深色個啲係水蜜桃漿，上面較淺色嘅係多多搞到我哋不禁係咁搖，想佢勻啲不過水蜜桃味係好香嘅，多多都好濃味，冇溝水但係下次叫都係叫返少甜好啲啦

之前已經路過佢地分店好多次 不過今次真係第一次入4點幾黎到已經排曬長龍門面賣相真係好吸引有三種size選擇抹茶latte➕黃金珍珠🍵（微甜少冰）買完先發現有芋丸 即刻有種後悔ge感覺不過原來呢度珍珠食落同其他連鎖珍珠奶茶店完全不同😍珍珠好細粒但係份量真係好多好多好多咬落好有嚼勁 無一種“好粉”ge感覺可惜的是抹茶味不濃😔不過還是不過不失吧😗下次黎一定要試埋佢d芋丸仲有嘅係益力多綠加黃金珍珠雖然自己無飲到隔離個嘴刁怪都話好好味

芋圓奶茶 $24芋圓份量好多 半杯都係佢😂茶味比較淡 奶味較突出 而且芋圓半身用糖水沉著 比較甜 建議要半糖雖然我揀走甜但都唔會好淡 芋圓size比較細 但都好有口感 中杯都好飽肚🙈🤤檸檬愛玉都好出色架😋❤️評分: 8/10🌟

以前在咖啡店工作, 偶爾客人會點 Macchiato ( 多數都係 expresso macchiato, 即係expresso 加少少奶 ) . 十個有九個都以為 Macchiato 係台式 大大杯嘅瑪奇朵 😂😂😂 結果 就話自己唔啱飲彈返轉頭 😅 講返呢杯 KOI 嘅綠茶瑪奇朵 $23 (中)， 店員會剔開杯邊， 沿著杯邊飲，先飲到奶蓋嘅奶香，之後就係綠茶。KOI 的奶蓋比較輕身， 口感有一點點膩， 微甜。 綠茶有甘香， 整體都算合拍， 是夏天消暑嘅選擇😄😄飢point : 6/10#hungermarch #非飢詩 #飢詩

尋晚去左旺角行街街行過登打士街見到呢間飲品店之前有朋友大力推介呢間既芋圓奶茶話好好飲咁就一試佢既威力啦我以為中杯係平時飲開啲珍珠奶茶既size所以叫左中杯諗住兩個人share飲點知中杯原來得咁細杯仲要差唔多半杯都係芋圓奶茶飲兩啖就無哂至於味道呢其實佢奶茶奶味較重都幾合心水不過就甜左啲啲糖水味蓋過奶茶味芋圓都算煙韌食到淡淡既芋頭味同芋頭粒但實在太多飲到最後仲有好多芋圓要食但已經無哂奶茶而且$24蚊都算幾貴下但都不妨一試

之前一直聽朋友講旺角有間珍珠奶茶好正，今日終於有機會試到😍去到見到佢都幾多款揀，又有芋圓珍珠咁好吸引，但係我最後都係揀番經典嘅黃金珍珠奶茶。佢中size唔太大杯都要$22蚊個人覺得略貴，但係就勝在多珍珠🖒差唔多半杯都係。啲珍珠係黃色半透明咁好靚好吸引，飲落比一般珍珠甜🖒個人幾鍾意，但係我覺得呢間嘅奶茶飲落奶味較重，下次要記得叫番少甜先得。

近排廣華醫院附近有間大熱的台式飲品店👹，唔知大家飲過未，但次次隊長B經過都會見到人流如注無停過🕴🏻～加上有FD子介紹，就去試一試味先🙆🏻～------------------排隊時候發現原來呢間店係50嵐嘅分店黎🤔，喺台灣相信大家都會知道，因為係開到成行成市既～叫左兩杯，一杯紅茶瑪其朵，一杯紅茶珍珠🌑～其實呢度最特別嘅係佢哋嘅珍珠，因為唔係平時見到嘅黑色珠珠🙈，而係好似三文魚子大粒版嘅橙色黃金珍珠🐟～除左顏色唔同，口感都相對煙靭，不過未到就冇分別，而且如果再大粒啲就更加好😍～另外茶味足夠，瑪其朵奶味淡淡但好滑，所以都好飲的👍🏻～而紅茶就普通啲但配埋珍珠係唔錯嘅😉！好味指數😋：6.5/10 翻啅指數🙆🏻：6.5/10

KOI啱奶蓋一向都深得我心，所以每次都係飲奶蓋，好少點其他飲品。早前見有人分享，原來香港店都可以加料喇，有芋圓、蒟蒻、黃金珍珠呢。除左比較多人點嘅芋圓奶茶，仲有抹茶系列，不過見評語一般，就無謂挑戰喇。平時經過確係冇乜人，唔知關唔關芋圓事，門外居然有唔少人。唔知係咪佢地芋圓系列比較受歡迎啦，店員都做到木口木面了。本來當然係想點瑪奇朵加芋圓試試，但店員話瑪奇朵系列冇得加料…噢…唔知係咪因為佢地嘅瑪奇朵飲料只會鎅開杯蓋而冇飲管呢 (?)芋圓烏龍茶 $24/L/少糖芋圓份量大方，好似唔洗錢咁加左1/3有多。平時都只係飲開少糖，但如果加料芋圓，最好都係點半糖，因為芋圓都係以糖水浸，難免會提升甜度，最好輕輕搖一搖令甜水均勻啲。烏龍茶清香，唔會淡茂茂又唔會濃過頭芋圓芋味係有，但要比較細緻去咀嚼先會嚐到。芋圓size比較細粒，飲管口大小，形狀偏平，估唔到細細粒都做到幾有咬口，啜一淡已經有巨量芋圓入口，咬都咬到牙骹軟餐牌：

夏日炎炎☀️行行下街想飲D冰涼嘅野🌬我有好介紹👍🏻其實不算是什麼新店或者新飲品不過就係我近期至愛💗::: KOI The :::台式飲品外賣店可惜分店唔多香港只有旺角丶油麻地丶天后三個地方先有瑪琪朵差不多係我每次必叫基本可選配紅茶丶綠茶有一層cream奶浮喺茶嘅表面開口在杯頂不會用飲管飲所以飲嘅時候茶會沖過奶層滲入口佢嘅cream奶味真係唔錯唔會過甜過鹹或者冇味大家經過嘅話 不妨試試👍🏻佢嘅黃金珍奶我都試過珍珠比一般細粒D同軟身少少口感幾好 不過D珍珠應該用左糖水浸住所以個人覺得甜左D