Krispy Kreme (已結業)

一口氣食左3個,男朋友食左1個.原味最好味,是試食的,仲要是熱,好軟綿綿.蘋果玉桂味,面果層糖霜好好味,個冬甩有小小蘋果味,幾好.焦糖朱古力味,好甜好甜,咬一啖,入面有好多焦糖湧出黎.好味.

近這個月, 已經吃了四次...因為d 鬼佬同事鐘意...個包本身好香, 質感軟硬適中,但好多款個包底都黏著糖粒(包括原味), 所以好甜.個人認為萍果味最好, 佢無糖粒...所以唔係好甜~早餐食一個, 加一杯熱coffee...好正~!

今次又試食左一個原味冬甩:又係好甜.買了一杯大凍古力咖啡,好差咯!第一啖好糖水,第二啖好好多,但係都好勁糖水呢!第三啖有朱古力味但都無咖啡味,唉!之後飲到咁上下, 發覺好甜,問佢地加d水,點知個職員向住我地指住個水龍頭話,加呢d得唔得?佢真係無腦喎!呢杯野成三十幾元,你問我加水喉水得唔得? 真係極度荒謬!!梗係唔得啦!於是教埋佢用熱水加冰,點會咁無sense架? 看來這裡只宜賣冬甩,或者罐裝汽水! 從未見過咁無智慧的問題(對客人)?

Doughnut係咪咁好食，真係見人見智。果晚同男友出街，見到呢間店，便入去試下。佈置很美式。試了caramel cream, lemon cream and chocolate.好甜。好甜。好甜。加埋飲品，成八十蚊。服未?其實，細個時食果d沙翁，真係好味得多。

買左個彩針朱古力脆皮冬甩圈再加一杯illy coffee.冬甩依然係好鬆軟, 但由於係工場製作, 所以始終唔及店內新鮮即製o既原味冬甩.咖啡稀得可憐, 學友人話齋, 好似飲"洗碗水"咁, 可能係american brew? 令我諗返起o係美國開會時conference內無限添飲o既咖啡. 好難飲! 不過念在咖啡唔係好專長, 而且亦唔係用美國krispy kreme咖啡, 所以唔扣佢分啦.

買左Original同埋twisted 兩款﹐未食已有心理準備佢係同加拿大食過o既一樣甜到震﹐始終外國人口味唔同丫嘛﹐之但係預左兼且冇食飯去﹐都無辦法食晒一個donut﹐甜到實在頭暈﹐當見到D厚厚糖霜o係面﹐已經飽o左大半。最後係每個食左三份一就扯白旗放棄。然後再回頭望多次張單......唉﹐呢兩團麵粉真係太貴.....

等左今日勁耐，期待已久呀！！！一入去就會送一件original既俾你，勁好味呀！！！雖然只係微暖，但外面都仲脆脆地，裡面就好鬆軟，好好食呀~~又唔係好甜。很開心呢~~如果新鮮出爐一定好正。買左件new york cheese，可能我無食lunch啦，所以連食兩件donut都無問題，如果本身唔肚餓食new york cheese就會好膩。我都怕太甜架，但唔覺係大家所講既咁甜，acceptable ar~~會再去的！想試玉桂apple~

一家人最喜歡的始終是Original Glazed~ 最不甜的選擇. 外皮微脆, 咬落好軟綿綿..入口几秒後會在口裡溶化!! 根本不需要吞下~ 如果不是即食, 回家後食前可叮8秒..微暖..就像剛出爐一樣!其次是Twisted Glazed~ 如果較喜歡有口感的可試這個. 皆因他的麵糰成了扭紋,包身比較實正,糖面焗過,所以帶脆身. 他不會比Original Glazed甜.老實說,其他flavors實在太甜,太heavy了.本人實在吃不下呢!(題外話)在vancouver時已會和家人開45分鐘車到另外一個city買take out. 每次買好多個"一打"..因為都會幫朋友買. 總覺得外國夠抵食...$10hkd一個細細的Original Glazed..太貴喇!

星期天早上於銅鑼灣, 見到這裏冷清清, 一於去試個先~~~$12一個小小的donut真的不便宜, 叫了四款, 夾心檸檬, 朱古力脆皮吉士, 原味及玉桂夾心檸檬在面層的糖漿果然甜得過份, 檸檬饀料太杰太甜, 杰得有點奶皇的質地. 吃了很久才吃到饀料, 差點以為是没有的呢~~ 朱古力脆皮吉士的朱古力苦苦的, 反而有點中和的作用, 吉士的份量不錯, 而且都很滑, 加在donut上, 這個配搭不錯原味只是一個超級甜的糖漿面………玉桂本來應該是淡味一點的, 但都是的要命…….Donut的飽比平日食的donut有很大的分別, 十分鬆軟又濕濕的, 吃落有點好像未熟的飽, 但這個太甜的感覺真的令人吃不消………飲品叫了一杯lemon lime, 單飲一定勁酸, 但因為donut太甜, 配起來中和一點, 但都不便宜, $26一杯, 這樣一個早餐, 2個donut加一杯飲品,飯堂格局, 每人$50

近期大熱﹐但我不是那麼喜歡湊熱鬧的人﹐所以根本就沒有想過要去買來試試。不過早幾晚朋友們在我家聚會﹐其中有人買了一盒上來﹐那又沒有不吃的道理。我們5 個人分吃了5 個不同味道的donut﹐得出的結論只有一個字: “甜”! 我自己平時都只會吃原味的donut﹐不太喜歡有糖霜的﹐因為覺得通常那些味道都很假﹐而且通常都太甜(雖然我很喜歡﹐也很能吃甜)。不過這次的donut 上的糖霜味道不錯﹐不會太假﹐尤其是那個咖啡味的﹐未吃已經聞到陣陣香味﹐真的不錯。如果不是那麼甜﹐我一定會吃個不停了!p.s. 因為是外賣關係﹐除了味道和抵食之外﹐其他分數都是default 的!

I've always liked the Original Glazed and have never really tried any other flavours coz frankly, I like my doughnut fresh and i can't eat that many at once. But since my departure fr UK i've been starving fr da sugar buzz and when it landed in HK...i went kraaaaaaazi. I ended up buying 2 dozens =0="my fav is still the original glazed, then it'll be the sugar dusted one and cinnamon apple filling (taste a bit like McD's apple pie). I love the dough being so fluffy-like and the sugar dust just me

不錯，這兒的冬甩係甜，但想到它的香脆可口，沒有外面麵包鋪的一口麵粉，偶然食一兩次，吃上去，也是大快朵頤吧。

100% same as original USA taste. I love it when I found this 6 years ago, it just right behind my company. But I think is extremely sweet for me and for most HK people. This is not for chinese taste. According to previous message:cpk, todai, kk 先後登陸，唔知幾時到cheesecake factory?I would say:cpk, todai, kk 先後登陸，唔知幾時到In and Out?

之前去中央圖書館做功課,睇過食評話唔錯所以同男朋友去完食晚飯就去搵呢間冬甩店。一入到去就係好快餐店感覺，右手邊有透明廚窗可以見到冬甩ge製作過程..行過counter o個邊有個sales派左個原味ge冬甩比我同男朋友..我地都覺得幾好味所以就去買其他試下...我買左一個紐紋冬甩咩...一咬落去..嘩！超甜！真係唔知發生咩事..對於一個o岩o岩食完晚飯ge人黎講都幾滯..男朋友要左個楓糖冬甩...佢都覺得好甜.......男朋友後尾都有買2個冬甩返去比佢媽咪同哥哥食...但聽講佢地都唔太好....本身我自己都幾鍾意食甜野但呢間野d冬甩真係好滯...一個就夠！我諗第日唔係行開都唔會特別去食....

始終賣doughnut賣到可以上市，總係有d"把炮"的。美國doughnut的口味，當然係比番美國人食先會受。係香港呢個地方，口感rich 的食物多數都不太"受"的。新鮮感過後，仲會唔會有人排隊呢？要比自己難忘的doughnut經驗，請當佢門口的紅燈著個陣，入去買個熱的original，咬落去個陣你真係會好想食多個......cpk, todai, kk 先後登陸，唔知幾時到cheesecake factory?