Kuru Kuru自家製手作意粉 (已結業)

Kuru Kuru<幾好食既自家意粉>😆荃灣新開既大廈 8 咪半 開左好多食肆 其中呢間行簡約風既 kuru kuru食既係自家製意粉 😍 經過聞到佢幾香甘就入黎試下😂1.🍴香辣茄醬意粉 57 蚊🍝🌶 (2 辛 等於中辣)醬汁同肉醬意粉差唔多 但就落左唔少辣椒碎 如果鍾意食辣既朋友會覺得2 辛係辣辣地幾惹味 😈 自家製既意粉比較粗身 口感彈牙 同帶有麵粉香 都幾有口感🍝 配料有好多幼身德國腸 煙靭火腿 🐷同爽口洋葱 都夠入味 十分唔錯🙂薄荷梳打 15 蚊🌿薄荷味香 梳打夠凍 食意粉幾 match 🌿Score 平均分 <7.6/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻~~~~~~~~~~~~~#Kurukuru自家製手作意粉 荃灣 青山公路荃灣段382 至392 8咪半 1樓120 號鋪~~~~~~~~~~~~

今日遲左起身，見到附近有呢間，未食過，所以同屋企人一齊去試試啦。叫左幾個pasta 同埋小食，入面個裝備好特別呀，環境唔錯。但可能岩岩開鋪，出嘢食既時候比較慢，我地落完order都等左幾個字先出第一碟pasta,之後人數越黎越多，出嘢食既速度又再慢左。最後仲有一碟pasta 係落漏左架😩😩野食味道一般，野飲個菠蘿🍍真係太凍，凍到好似食緊粒冰咁🙈最後我地都係食淨左啲嘢食，真係好唔好意思🙇🏻‍♀️🙇🏻‍♀️🙇🏻‍♀️

在荃灣有新商場落成，內裏有很多食肆，而這一間，是由日本人負責管理的店鋪，他將手作意粉帶到來荃灣，有幸能品嘗這煙韌意粉，店鋪推介在夏日必定要試的，蟹棒蕃茄忌廉意粉這意粉有很大的蟹殼放在意粉上，發現那蟹殼原來是裝飾物，意粉與蕃茄忌廉的味道十分配合，不會太酸或太甜，蟹柳撕成絲狀，口感特別豐富，也增加了食物的吸引度。之後還點了一碟曰式炸雞炸雞外皮炸到很脆口，內裏的肉質又滑又多汁，小吃也很不錯。牆身的設計也有教學，十分有趣。

去咗荃灣食純試吓嗰間意粉餐廳，係朋友推介，叫做Kuru Kuru自家製手作意粉! Order 左番茄蟹扒意粉再加錢要咗一個飲品凍檸茶總共係hk$72！都幾抵食!熱度十足香氣撲鼻分量唔算好多但係新鮮即製，配料可以有很多選擇！今日唔想食太多肉，清清地叫咗個蟹肉蜆肉意粉，醬汁都有好多可以選擇，番茄醬睇落去比較清淡試吓啦！如果呢個價錢包埋starter, dessert, 會想同去！ 總的來說，不過不失，下次可以試下其他

今日走咗入荃灣工廠區嗰邊做咗阿茂，即喺學人整餅，但唔喺普通嘅餅，喺應節嘅迷你奶皇月餅，雖然仲有成兩個月先到中秋，學定都差唔到啦。整完餅，走咗過去「8咪半」商場搵食，皆因上次晌「叁茶陸飯」食嘢時，留意到對面有家以自家製手作意粉為賣點嘅「Kuru Kuru」，故此順道走過去一試。從鋪面已知道餐廳環境，因為餐廳採用開放式設計，配合整個商場，並以簡約嘅設計，卻加上唔少植物、牆上有關意大利麵嘅製作及烹煮嘅手繪，都令到整體嘅感覺有活力，再者，光線明亮，樓底高聳，變得更清爽開揚。由於餐廳都喺由日本人主理，所以，好似唔少日本餐廳咁，餐牌頭一、兩頁，都有啲自我介紹，製作認真。雖然麵條佢哋只賣一款，但就強調選用來自意大利生產嘅粗粒小麥粉、意大利嘅100% 橄欖油，做出更具煙靭度、口感更順滑嘅麵條，每日新鮮製造，極具誠意。翻開餐牌，設計精簡，圖文並茂，中英日菜名對照，一共有13款選擇，賣$45~$69，定價相當親民。更有幾款配料可額外追加，如煙肉、日本本菇。此外，仲有一款應喺季節限定，夏祭乜乜乜，賣$63嘅御好燒意粉。最正喺加多少少錢就可以變成套餐，加$18就可以配沙律 / 餐湯再加餐飲，而加$22就3樣嘢

有次食飽野經過呢間，睇一睇個餐牌好似啲意粉都唔錯，個價位四十幾至六十幾，就決定搵日黎試下。今晚終於都黎左，7點半左右，多人但未滿，唔駛等，即入座。仔細睇住個餐牌先發現原來唔係好揀得落手，都係啲普普通通既意粉，配料都係腸呀番茄呀西蘭花咁，仲要加一，即係都成五十蚊一個冇特別既意粉。加18蚊有埋沙律菜同飲品，不過我地冇加。總括黎講得3個字: 真係唔抵食。份量少，結果我地要去附近某傢俬店再食熱狗，仲見返頭先另一個女食客都黎左傢俬店食… 環境方面就係好似某連鎖漢堡包店咁，但仲要加一，又冇服務。連印花卡都冇拎走，即係唔會再黎，下次直接去傢俬店食算。

Kuru Kuru 自家制手作意粉餐廳開在荃灣IKEA同一商場1樓... 意粉由擁有 30 年經驗的日本職人每日新鮮製造~~ 來意粉餐廳，不可不吃的當然是意粉，有很多不同選擇... 單點意粉，另加配 $22可配套餐，有沙律、湯及飲品... 栗米湯濃稠細膩，香滑清甜~~ 沙律 凍朱古力 我選擇了--煙肉西蘭花蒜蓉番茄意粉 $45名字很長，光看名字就能知道裡面的材料，煙肉、西蘭花、蒜蓉、番茄混在一起淋於意粉之上，用叉子挑意粉時你會發現這裡的意粉很粘稠，嘗一嘗味道不錯， 爽滑的意粉吸足了醬汁，酸酸甜甜，很是開胃。 “世界上再也沒有比意粉更好吃的食物了。”----可愛而又懶惰的加菲貓如是說。 喜歡意粉的你們可以來試試~~

有次在荃灣見完客後, 就在附近食晚飯。 見到這間有好多款意粉選擇,結果決定來這間Kuru Kuru 食。*地方裝潢不錯,以白色為主,好有日式COFFEE SHOP 感覺。* **ORDER意粉餐另加配 $22 + 特飲另加配 $3分別有沙律, 湯 及飲品* 好新鮮沙律菜,有清脆嫩口感。* 湯就係栗米湯, 入口又濃又清甜。* 菠蘿果茶入口清甜解渴好飲。*主角來夏日必試的意粉新思!【蟹棒蕃茄忌廉自家意粉】 $66自家製意大利麵口感硬身,但十分彈牙,麵條掛滿蕃茄忌廉的汁,帶酸酸甜甜十分開胃, 配上蟹棒,味道更豐富好味了！

一人遊的時候，最輕鬆開心莫過於行到邊食到邊，今日行到八咪半商場，即以前的中染，一個很熟悉很多回憶的地方，但已改頭換面，亦開了很多食肆。經過KURU KURU 是手作意粉，而價格也很實惠就決定呢間。菠菜三文魚忌廉$69加$22配粟米湯，沙律和飲品(+$3)菠蘿果茶很清甜，解渴解暑一流沙律很不錯，夠新鮮粟米湯正常口味意粉賣相沒有一般的creamy, 但味道很好，原來意粉低下還有忌廉汁，所以撈下d汁就比較rich, 另意粉的口感特別彈牙，跟以往食的有分別，且份量對我來說都夠，很滿足滿意的一餐

難得中染有啲特別野食下，又講到明手製意粉，於是決定去試下！舖面好整潔舒服，真係會開胃啲！意粉方面都算多選擇，一揀就揀左蟹棒蕃茄忌廉意粉！我本身對蟹棒有種情意結，但有啲蟹棒會中伏，呢間既蟹棒好好食呀！😍醬汁有小小酸酸去，好creamy，好難形容個味道，但真係好好食！食完成碟都覺得唔夠喉😜最重點係個意粉，好好好彈牙！食落都有蛋味，好正呀！加多$18有沙律同飲品，但沙律落左好多橄欖油，食落就麻麻地啦🙁

早前都知呢知商場多好野食。今日真係突登行天橋過黎搵呢間食。因為朋友係呢頭做開野成間食話平靚正間鋪咁開揚都幾難搵唔到咁似奧運五環既？btw好多花草的裝飾，睇到都覺得休閒同精神呀！價錢大眾化，Set都仲有細分選擇小食都好吸引檻藍油 沙律，比起沙拉醬真係健康好多呀，入面有火箭菜同生菜大大杯 凍奶茶佢有Daily既湯。今日是磨菇湯，香到不得了，必飲呀。炸雞 薯角，仲有粒粒粟米全部都係唔洗’’nur骨’’既野呀菠菜三文魚d汁好好食。第別要講既係d粉好好食，再睇返menu原本老闆好有研究林走時我再影左張食野既背景相我覺得好cute下次食埋另外果d面。呢間真係平靚正不得了。

今日又到 8 咪半搵食, 接近 lunch 時間, 人流未開始好多, 呢間主打食意粉嘅餐廳, 由於佢話係自家製手作意粉, 所以就吸引左我入去 Try Try  餐牌上有 13 款意粉, 可以單叫, 或加錢轉套餐｡ 煙肉本菇忌廉意粉以女仕黎講, 呢碟意粉嘅份量已經啱啱好｡ 單講意粉嘅口感的確唔錯, 唔會好淋身, 完全做到 Al Dente 嘅條件, 但連埋其他配料同醬汁煮完之後嘅味道只屬一般, 驚喜唔大｡ 建議煙肉 & 菇可以再炒得香口少少先再放意粉 & 醬汁一齊煮｡炸茄子配自家製肉醬個茄子炸完唔會好乾身, 連埋 D 肉醬一齊食都幾開胃｡ 但薯角已經放到凍晒, 而且一 D 都唔脆身｡ 

作為意粉粉絲嘅我，見到呢度以意粉做賣點。點都要試試。蘑菇忌廉湯好淡口。極少量蘑菇。唔合格。煙肉本菇忌廉意粉 $63意粉用Linguine, 做到 Al Dente, 幾好。但煙肉嘅味道無煮出來。忌廉汁淡淡的。炸茄子配自家製肉醬 $29茄子點肉醬食幾好味。如果份量大一點會更好。父親節讚好專頁送炸薯角供應商製成品。不作評論。

早前，我走到荃灣愉景新城附近的八咪半 (荃灣宜家傢俬商場) 的西餐廳 Backyard 食晚飯，才得知這裏有很多類型的餐廳！恰巧！當晚媽咪約了朋友食飯，家中無飯開，我便走到這個荃灣九咪半商場找餐廳食飯嘞！ 找到一間幾十蚊已有交易的日式意粉店 <Kuru Kuru自家製手作意粉>！這裏鋪位呈三角形，劃分三個部份，分別是中間的三角形枱、 靠近商場走廊的二人桌子、還有靠牆的梳化位置。我在平日晚上7:00 前來到，當時很少食客，我一個人被安排到二人桌子！供應：自家製手作意粉 $45~$69 不等、還有小食、湯及飲品...等！ 價錢大眾化！店員們也很年輕，看起來大約是廿多歲的後生仔女，他們也很有禮貌，值得一讚！除此之外，上菜也很有效率，落單後大約五分鐘後便送齊！蟹棒蕃茄忌廉意粉 $66當女店員送上意粉時，即時傳來陣陣酸香香氣，令我開胃起來！ 惹人垂涎欲滴！店方選用自家製手作意粉，意粉均勻地沾上醬汁， 入口煙韌彈牙，蕃茄忌廉汁一點也不濃膩，口味相對清新，而且混合了蟹棒，真材實料，食得滋味無窮，最後清碟！熱檸檬茶 (跟意粉+$8) 單點 $25水溫是適合入口的溫度，有兩片檸檬，茶味

今日一心諗住去商場樓上嘅Ikea添置屋企嘅家品，於是就去左商場樓下嘅食肆食。我地得兩個人又唔係特別肚餓，於是去左食意粉。叫左一個餐，餐有沙律、餐湯仲有飲。沙律無咩特別，但係個餐湯感覺上就太稀了。咁岩有2個意粉做緊特價，於是叫左其中蕃茄蟹棒忌廉意粉。我相信個蟹蓋同個蟹棒意粉係無咩關係嘅，個蟹蓋異常地乾淨，而且個蓋入面咩都無嘅。意粉嘅質地唔會太淋，有d咬口。最初我以為佢手作=人手造，睇完佢個menu發現佢又唔係完全係。不過唔緊要，意粉嘅口感係唔錯嘅，醬汁嘅味道亦都岩岩好，好有和洋式餐廳嘅感覺。至於本菇明太子意粉，賣相無蕃茄蟹棒意粉咁吸睛，不過味道都唔錯。本菇都算係幾多，成個意粉嘅味道主要係來自明太子，少少辣幾惹味。呢個都唔錯。 另外見兩個意粉都無咩菜加左個配料西蘭花，上枱得一個碗仔咁細...下一次都係唔好再加。